[emmmy]

ممكن اشاركم الحوار الجميل دة والموضوع اللى فى غاية الاهمية دة
الحقيقة عدم اهتمام الشباب بحضور الاجتماعات لة اسباب كتيرة اوى بس بتختلف من شخص لاخر يعنى انا كنت بروح اجتماع الشباب على طول وقعدت شوية مواظبة علية بس لقيتة مجرد فرصة للشباب انهم يتقابلوا ويقضوا مع بعض وقت ظريف ويشربوا حاجة ساعقة يعنى لو فى واحد مالوش اصحاب تبقى مشكلة صدقونى مش هيروح الاجتماع
ولاحظت ان اللى بيحضر الاجتماع ناس معينة من فئات معينة
وكمان السى دى فى واغابى والقنوات المسيحية والنت غنت ناس كتير عن الوعظ والتعليم فى الكنيسة انا شخصيا بحب اسمع كلمة ربنا فى التليفزيون اكتر من الكنيسة بحس انى مركزة اكتر ومستفادة اكتر بس احنا مش عايزين نفقد احساسنا بالانتماء لكنيستنا واننا اعضاء فى جسدالمسيح
وكمان مفيش خدام على المستوى المطلوب يشدوا ويثبتوا الشباب والمخدومين فى محبة ربنا
انا اسفة حقيقى سمحونى بس دة اللى انا شايفاة وحاسة بية

[الجوهرة الثمينة]

اولا شكرا بجد لأستاذ ايمن لانه بجد بيشاركنا بمواضيع حلوة اوي
ثانيا انا كنت عايزة اشارك برايي المتواضع علي الموضوع الحلو دة
اولا في كنايس كل اللي يقول فيها انا عايز اخدم بيخدم مهما كان
وبيبقي معهوش اعداد خدام ولا عارف اي حاجة في اي حاجة
ثانيا في اعداد الخدام بيهتموا اوي بدراسة الطقس والعقيدة واللاهوت
والالحان...........الخ
دون الاهتمام بكيفية الاقتراب من المخدومين واعدادهم للاقتراب من الرب يسوع ،فالمواد الدراسية التي يدرسونها مهمة للغاية ولكن الاهم ان الخادم يكون محبوب عند المخدومين لكي يقدر ان يوصل المعلومة بسرعة
وبجراة والمخدومين يناقشونه
وفي نقطة مهمة اووووي ان الخادم كتير مبتحسش ان الروح القدس معاه ودة لعدم طلبه لروح اللة
وعدم وجود التشجيع فمثلا عن اختبار شخصي
اجتماعي اللي انا بحضره بيبقي فيه بالكتير اوي اوي اوي عشر بنات
وبنيجي كمان ومبنستفدشي،فالخدام سالوا اية اقتراحاتكم فعملت نفسي البطلة اكني عم هتلر وقمت قلتلها البنات مبتجيش الاجتماع عشان حاسة انه ناقصه حاجة
انا نفسي أجي اجتماع استفاد فيه
نفسي احس ان استفدت واحس ان ربنا كلمني وبعتلي رسالة
وكانت المفاجأة!
ان الميس قالت لي ياحبيبتي انت مبتستفاديش يبقي متجيش
ايه اللي بيجيبك
انا صراحة مش لاقية كلام بعد اللي الميس قالته
لا اجد تعليق
ارجو ان اري تعليقاتكم
واسفة علي التطويل

[ريم الخوري]

شكراً ليكي على مرورك الجميل وصرحتك الحلوة يا اخت
انتي بكلامك بتوصفي الاجتماعات وانها فرصة لالتقاء الاصحاب يعني يشربوا شي بارد ويدردشو داء ميش غلط لو كان جزء من الاجتماع وليس هدفه فقط بل يكون بجانبة امور روحية واهتمامات رعوية بالكنيسة .... اللى ملوش اصحاب ميش حيروح ...... اي الغلط لو كونيتي انتي صداقات داخل الاجتماع بطريقة صحيحة ومن قلب الكنيسة وبروح اخوية احسن من انك تتعرفي على اي اصحاب من برة الكنيسة ميش بيروحوا الاجتماع وملهمش اهتمامات روحية ... .... دايما انا برجو من الشباب والصبايا والخدام وانا اولكم ....يسالوا نفسهم هل سؤال انا بروح الاجتماعا ت ليش...اي اللى بيجذبني طوعاً وميش غصب عني ليها باراتي هل ربنا وغيرتي على كنيستي والا حاجة تانية .... وعلى حسب الاجابة حنعرف لية....... اين الجانب الروحي دا من هذة الاجتماعات

وبعدين اللى اعرفة ان الاجتماعات للشباب والصبايا بتبقي منوعة في مرحلة الشبيبة يعني طلاب وجامعين وشبيبة عاملة.... ووصفك يدل على شللية واكيد اللى بيجمعهم ميش بس الامور الفرفشة بل فكر مشترك واعتقد الاجابة على السؤال حتفسر الاجابة .... خلي بالك ميش دايما داء بيدل على فراغ روحي ... وانما هم بذلك بينقلوا كل ما في المجتمع من تعاليم غلط وبعفوية وبيدخلوها للكنيسة بدون علم بانها قد تسبب عثرة لاخرين ..... زي لما شاب او فتاة بدل ما تلبس الصليب تلبس برجها مثلآ .... داء يدل على اية .... يبتدي التقليد الاعمي بين الشباب... او تعليق صور ممثلين وممثلات بدل الايقونات

اما حكاية السي دي والقنوات حلوة .. بس ميش هدف بحد زاتة يعني ولا يمكن تسد او تاخد شكل اقرب من الانسان للصلاة بالروح والجسد في كنيسة المسيح اللى هي جماعة المؤمنين والا كيف تتشاركي في البروتي وسر الافخارستيا
اما حكاية الخدام فليكي يد فيها حتي ولو الخادم ميش بالمستوي المطلوب لية ما تحاولي ترفعية انتي لهذا المستوي وكلنا بنعرف ان الخدمة هي تعليم وتعلم زي ما تحبي بنشاطك واحساسك تجاة نفسك(روحيا) وتجاة الخدمة وتجاة الله قبل كل شيء.... حتفضلي تحاولى وتقدمي افكار وتساعدي الخادم بالنهوض بروح الاجتماع ميش تاخدية سبب وتتركي وتبعدي شوفي لو كل واحد عمل هيك ما حيضل لا اجتماع ولا خدام ......

اسفة الرد طويل بس لو سمحتي لي .... دايماً في المواضيع بنقول على المشاكل ولكن ابداً ما حد حاول يضع حلول فيا ريت تتقولي ازاي نقدر نرفع من روح الخدمة سواء بمدارس الاحد او في اجتماعات الشبيبة ... ما الاشياء التي تتوقعي وتحبي تلقيها بالاجتماع وعدم وجودها بيوثر على الاجتماع سلباً ؟؟؟؟؟؟؟؟
احترامي ليكي وربنا يبارك في حياتك

[ريم الخوري]

اختي الجوهرة الثمينة
سلام المسيح معاكي
لفت نظري بكلامك انو لزم الخادم يبقي معاعة اعداد خدام ومين ما كان بيخدم اي اللي يمنع لو كان عندة نبع نقي ومليان من النعمة وقريب من الكنيسة

عمر الخدمة الروحية واقصد هنا خدمة مدارس الاحد بالتحديد (في الموضوع)ما كانت فقط جانب نظري يعني ممكن يكون حد من الخدام معهوش اعدا خدام ولا دراسة لاهوتية اكاديمية ولكن روحانياتة عالية ... بيصلي .. يصوم .. يعرف الطقس الكنسي ... يعني اغلب حياة في الكنيسة وروح الله عاملة في حياتة ... برايك داء معندوش شيء يقدمة لنة ليس لدية دراسة اعدا خدام او دراسة لاهوتية .... واحنا في خدم في مدارس الاحد كمثال ... اغلب الخدام شهادات جامعية بعيدة عن الدين ... بس بنعمل ليهم دايماً دورات تدربية بين الفترة والتانية من الاباء ذوي الخبرات الروحية العميقة .ولقاءت بين مرشدين من مراكز تانية ودول اخري .. وداء بيساعد كتير في تحسين مستوي الخدام في الامور الكنسية والروحية والخدمة بشكل عام ...
بعدين ياما في ناس دارسة ومعندهاش شيء تقدمة بعيد عن الجانب النظري ايناء شكلة حلو وفارغ حيفيد اية ..... مفيش روحانية بالتعليم بتاعهم والفرق بين الخادم اللى بيكون على هذة الصورة وبين الشخص اللي تكلمت عنة في الاول بعيداً عن الجانب الاكاديمي والنظري فرق كبير اوي ...وهو عمل الله فية وفي خدمتة
شكراً حبيت اوضح النقطة هادي بس
شكراً لتعب محبتك والرب يبارك















ز

[emmmy]

اختى المحبوبة فى المسيح ريم
شكرا على محبتك وردك الجميل بس انتى واخدة الامور ببساطة اوى وتلقائية اوى يا بختك على برائتك دى
انتى بتقولى يا ريت نحاول نرفع من روح الخدمة هو دة ممكن بس فى خدمة مدارس الاحد بس دا بالنسبة لى انا اما اجتماعات الشباب صعب بردوا دابالنسبة لى انا
اشكرك مرة تانية اقبلى منى كل احترام ومحبة

[ريم الخوري]

بس انتى واخدة الامور ببساطة اوى وتلقائية اوى يا بختك على برائتك دى

اختي العزيزة شكراً ليكي على ردك الكتير حلو

صدقيني انا فاهمة كويس اي تقصدي . ومشاكل الشبيبات كلها تقريباً متشابهة مع طبعاً اختلاف بسيط ... حقولك على شغلة الزمن داء فية معثرات للنفس كتيرة اوي ... وعلى شان حفظ السلام الداخلى لينا لازم نبص باعين مليانة براة لية لان السيد المسيح قال "ان لم ترجعو وتصيرو كالاطفال فلن تدخلو ملكوت السموات مت


18 2 :7) كمان وفي نفس الموضوع بيقول القديس يوحنا السلمي في المقالة الرابعة والعشرون من كتاب السلم للسماء الوداعة حالة الفكر الراسخة الوداعة هي الصلاة الصادقة من اجل القريب وعدم الشعور بالاضظرابات التي يسببها

الوداعة وبيشبها بالضخرة الراسخة فوق مياة بحر الغضب تحطم كل الامواج التي تلطمها دون ان تتزحزح
الوداعة سند للصبر باب للمحبة او بالاحري ام لها اساس التميز "لان الرب يعلم الوديعين طرقة" مز 24 وهي مسببة الغفران ودالة في الصلاة ومقر الروح القدس"للاني

الى من انظر يقول سوي الى المتواضع والهادي؟؟؟اش66 الوداعة مساهمة للطاعة هادية الاخوة لجام الثائرين قطع الغضب واهبة الفرح اقتداء بالمسيح صفة الملائكة عقال الشياطين ودرع حصين ضد التمرمر
لذلك الانسان المسيحي لازم يكون وديع ... على شان يقدر يدخل الملكوت
ودي ميزة المسيحي وانا يا اختي بطيعي ما ببصش للجز الفارغ من الكباية .....
بحاول افسر كل شي بطريقة ايجابيةواشوف صورة الله فيها مهما كانت على شان ما اتعثر ولا اعثر غير .... اعتقد ان هي دي البراءة الرب يمنحا ايها في القلب والروح لنكون صورة الله ومثالة في ان نكون هيكلاً مقدساً لحلول الروح

سلام المسيح معاكي والرب يباركك اسفة الرد طويل

[emmmy]

الاخت المحبوبة جدا ريم
انا اد اية حاسة انى صغيرة جنبك انتى فعلا رائعة وكلامك رائع زيك
انتى عارفة انا بحاول فى خدمتى اغمض عينى عن امور معثرة من الخدام بس اللى بيزعلنى حقيقى انة المخدومين هما الضحايا لانهم مش لاقيين القدوة الحقيقية
دلوقتى اى حد بيمسك خدمة مش مهم روحياتة مش مهم معلوماتة مش مهم ثقافتة وكانها عرض ما هو دة صعب يا ريم

[ريم الخوري]

[QUOTE=emmmy;554043] انا بحاول فى خدمتى اغمض عينى عن امور معثرة من الخدام بس اللى بيزعلنى حقيقى انة المخدومين هما الضحايا لانهم مش لاقيين القدوة الحقيقية

اختي ايمي بشكرك على لطفك ومجملتك الرقيقة ... حقيقي اديتني حجم اكبر من حجمي وانا اللى لازم اتعلم من غيرتك على امور الخدمة والكنيسة والمخدومين
لاحظت في ردك انت بتقولى تتغاضي ... انا بروح اخوية بقولك كدة الخدام رح يتمادو اكتر في الغلظ لازم تكنوني زي ما قال الرب .
يسوع المسيح " كونوا حكماء كالحيّات وبسطاء كالحمام " (مت10 :16) .....

استمري في الخدمة رغم كل الظروف ورغم انك حاسة ان الاخرين ليس باهل ولا هم قدوة حسنة وليكن ايمانك ثابت بان الرب سيفرز الزوان في الحقل ....

وعلى شان تساعدي نفسك اكتر في الخدمة بالنسبة للخدام ... لازم تفعلى سر الاعتراف على شان تقدري تصلحي بطريقة ما تازي الاخرين عن طريق الكاهن اتكلمي معه وهوا اللي رح ينبة ويوجة الخدام بطريقتة الابوية بامور الخدمة ويتابعهم لو هم حيتغيرو والا لا ......
كدا افضل للكل على شان ما تتحسسوا من بعض ويعاندو اكتر ....

وممكن تتقربي من الخدام الاخرين انتي او تتبادلو بعض الكتب الروحية وتطلبي رايك في موضوع ما روحي او ديني ..... وكدة شوية شوية يتغيرو ... اعملي حلقات حوار معهم... نسقي بين مجموعتك ومجموعة هولاء الخدام واعملو مثلاُ نشاط مشترك open day.....


اما بالنسبة للاطفال انا معاكي انهم ضحايا خدام غير اهلين (ميش الكل ) وهنا ياتي دور تفعيل دور الاهل وراعي الكنيسة بيساعد عن طريق الرعاية والوعظ الاسري على شان ترسخ الكلمة في حياتهم ....
شجعي اخواتك الخدام لو عملو حاجة صح ... امدحيهم..اقديملهم افكار تساعدهم لو ممكن شوية
بس ما تتغير عن ثوابتك الايمانية وامور الخدمة ولكن حاولي على اقد ما تقدري انك تكوني قدوة وتغيري .....عارف داء صعب بس لازم تحولي لربما....
انا اسفة بس حبيت انقل ليكي جزء من افكار في الخدمة للموضوع دا
النعمة معاكي كل حين

[emmmy]

مرسى يا ريم على محبتك
ربنا يعنا ويسامحنا كلنا
اذكرى ضعفى فى صلاتك

[ريم الخوري]

شكراً اختي ايمي ....حقيقي ومن قلبي
رح صليلك وللكل الرب
يساعدك بالخدمة ويعينك ويعينا كلنا ....
شفاعة الام العذراء وجميع القدسين تكون معاكي