[meraie]

صلولى كتير انا بجد تعبانه انا فى دنيا المشاكل مشاكل فى الكنيسه وفى الخدمه ومشاكل جوايا وتعب وضيقه ويأس واكتئاب نفسى فى طلبه خاصه بيا ربنا يستجيب ليا بقوله انا محتاجه الأمر ده الأمر ده هيفرحنى كتير هيحل جوايا مشاكل كتير البابا بيقول ان اكتر حاجه بتقربنا لربنا هيا الصلاه وفيها ربنا بيستجيب لكل طلبه بقول لربنا انا طلبتك كتير فى الموضوع ده بس انت كأنك مش سامعنى وبعد ما اصلى اقول انا عارفه انك مش هتسمعلى انا عارفه انى بزعل ربنا بس قولولى اعمل ايه بجد صلولى وادعولى ان ربنا يستجيب ليا بصلاتكم ويوم ماطلبتى تتحقق هاعرفكم

المصدر: †† ارثوذكس †† - من قسم: الصلوات وطلبات الصلاة

[Team Work®]

ربنا معاكى ويفرح قلبك واحب اقولك ان ربنا سامعك ولكن كل شيء تحت السماء بوقت

[eng_fofa]

بلاش اليأس ده وخلى ايمانك بربنا اكبر من كده اطلبى منه انه يدبر امور حياتك زى ما هو شايفها مش انتى اللى تقوليله يعمل ايه لان صدقينى المر اللى بيختاره لينا ربنا افضل بكتير جدا من الحلو اللى بنختاره لنفسنا لان زى ما بيقول الكتاب هناك طرق تبدو للانسان مستقيمه ولكن عاقبتها الموت انتى اعرضى عليه رغباتك وقوليله لتكن مشيئتك
وانشاء الله مش هايسيبك
وكل حاجه هاتتحل
ربنا معاكى ياحبيبتى
وصلوات العدرا والقديسين يحفظوكى من كل شر

[hany1982]

ربنا معاكى ويفرحك ويحققلك كل ما تتمنيه بشفاعة ام النور

[وردة حزينة]

ربنا يبعتلك سلام داخلى ويفرحك
وشفاعه كل القديسن تكون معاكى ويقدمولك الصالح والخير

[meraie]

انا مبسوطه جدا بردكم وصلواتكم وعايزه اقولكم انى بشكر ربنا على وقوفه معايا وانا دلوقتى مابيفرقشى معايا اى حد ولا كلام حد لأنى واثقه فى ربنا انه هيعوضنى لأن ربنا عارف قد ايه انا اتجرحت من ناس غاليه عندى وبقول لربنا انا ما بطلبشى انتقام لكنى بأطلب منك انك تردلى كرامتى

[nermos1982]

عمر ما ربنا مسمعناش ولا لحظة حتى. ربنا عارف كل اللى فى قلوبنا من غير حتى مانقوله بس لكل شئ تحت السموات وقت . يمكن طلبك لو ربنا حققه دلوقتى مش هايكون للخير ليكى لكن يمكن فى وقت تانى
ربنا معاكى ويسندك بشفاعة ام النور والبابا كيرلس ومارجرجس سريع الندهة

[maria 53]

ربنا معاكي يا meraie وماما العدرا معاكى واتاكدى ان ربنا سامعنا وهو بيستجيب لينا في الوقت المناسب
ربنا يحافظ عليكي ويحللك كل مشاكلك ويحققلك كل اللي بتتمنية يارب

[menalouka]

أنا مع فوفا ونانا فى كلامهم يا ميرى
إعملى زى البنت اللى كانت تصلى وتطلب طلب من ربنا وتقوله يارب المر اللى انتى تختارهولى أحسن من الحلو اللى انا اختاره لنفسى
بس أنا يارب عايزة كذا وكذا وكذا هههههههههههههههههههههه
بصى يا ميرى بجد مفيش أحلى من إنك تسلمى إرادتك لربنا وسيبيه هو اللى يتصرف فى أمورك
صدقينى الكلام دا بقولهولك عن تجارب كتير مش تجربة
وصلى إنتى كتير وإتشفعى بالقديسين
وأسف إذا كنت طولت عليكم
وربنا موجود

[mena621]

ربنا معاكي و هو اكيد معاكي وكمان القديسين وقفين جانبك يساعدوك علي محنك كلها
و احنا بنصليلك كلنا بجد وربنا يفرح قلبك