[emmmy]

انا طبعا شاكرة محبتكم كلكم جدا
فى اراء عجبتنى وفى اراء انا مختلفة معاها مع احترامى ليها
يعنى مثلا راى مينا وفيلو انى اعمل اميل تانى لا دة مش حل ومش حلوة هى هى معملناش حاجة
وراى سامو انى ادخل باسم ولد دى كمان ملهاش لازمة لية انا ادخل باسم ولد هو انا بشتغل فى المخبارات العامة المصرية
اما بالنسبة لراى نانا الفيس بوك فعلا بيهنج احيانا بمعنى انة الشبكة بتقطع واحيانا الكلام مش بيوصل كلة ومش معنى ان دة مش بيحصل معاكى يبقى تشكى فى كلامى
وكمان مش كل الناس عندها اصحاب من الكنيسة والجامعة والاقارب والاخوات مش شرط يا نانا
ومش سبب لان ممكن يكون فى وممكن يكون مفيش وبردوا تعملى صدقات جديدة مختلفة لكن لو انتى بقى خوافة دا موضوع تانى
كلمة تانية يا نانا انا لما طلبت اعرف ازاى يكون الرد الرقيق والذوق كان قصدى اختيار التعبيرات والكلام يكون اية يعنى مش بتمثل ولا حاجة المبدا موجود نشكر ربنا بس الشطارة فى الرد هى اللى مطلوبة بس
وهديلة الميل لية وهنتكلم فى اية ؟
دة سؤال جميل اوى وانا باحترمك فية لو الكلام فى امور مفيدة وموضوعية واستفادة روحية وعلمية وثقافية والخ يبقى مفيش مشكلة بس دة بعد ما اتاكد من الشخص اللى انا بتكلم معاة سواء بنت او ولد

[samo1984]

وراى سامو انى ادخل باسم ولد دى كمان ملهاش لازمة لية انا ادخل باسم ولد هو انا بشتغل فى المخبارات العامة المصرية
ملهاش لازمة
انتى رديتى على نفسك

[hard_age]

بص بقى علشان انا لى رائى فى الموضوع دا بس متخدهوش بحساسية
من كتر مبيحذرو البنات على الشات وعلى النت عمل لديهم هاجس وولع النت دا شى معلوم لاشخاص مجهولة يعنى لو انك حسيتى ممكن تستفادى من صداقة هذا الشخص (مقلتش ولد) فما المانع ولكن فى حدود ادبك وتربيتك
واية المانع يكون عندى 100 اميل للمقربين واحد والجداد واحد عارفة زى خط التيليفون لو صدعك غيرية لية كل هذا الهوس
زمان كان ناسنا يخوفونا من الى يدينا حاجة فى الشارع حتى لو نعرفة بس كنا صغيرين عملت جوانا هوس لو الواحد ادانا حاجة احنا وكبار بنفكر لية بيعمل كدا ونعمل مشكلة الحياة ابسط من كدا
انا مدخلتش منتدى الا ولقيت الموضوع دا اكتر من 100 مرة لماذا الهوس
عارفة الموضوع دا بيفكرنى بالوحشة قوى ولما واحد يقلها كلمة من باب المجاملة تتقمص وتعمل انة بيعاكسها (انا اسف للتشبية) لانة مفيش حد وحش بس الى عايز اقولة شكرا لمجاملتة
وانت الى تقدرى تميزى بين الى هيلعب وبين الى جاد فى اسلوبة ولما تتاكدى تضفية فى اميل تانى للموثوق فيهم شوية وهكذا
كفانا هوااااااااااااااااااااااا جس
الخلاصة انت واثقة من نفسك خلاص
اسف للتطويل

[emmmy]

يعنى اية يا سامو انا رديت على نفسى لا انا رديت عليكى انتى سمحينى فى اختلافى معاكى
انتى ربما تكونى واخدة الامر ببساطة
طيب انا هقولك حاجة تانى انا لو اديت اميلى لحد وطلع مش كويس يقدر يضرنى او يضر الجهاز بتاعى بانة يبعت فيرس مثلا يدمر الجهاز بتاعى او يستغل الصور الشخصية المتحملة على الجهاز ويعمل بيها حاجات مش كويسة وبعدين يهددنى orsozox
هل دة ممكن ؟
لو الاجابة اة يبقى دة معناة ان مش المفروض انى ادى اميلى لحد ابدا مدام معرفوش معرفة شخصية مهما كانت ثقتى فية وممها كنت عارفاة من خلال المنتدى ومن خلال موضوعاتة
اية رايك ؟
يا ريت الكل يشاركنا فى الرد ارجوكم

[hard_age]

المشاركة الأصلية كتبت بواسطة emmmy يعنى اية يا سامو انا رديت على نفسى لا انا رديت عليكى انتى سمحينى فى اختلافى معاكى انتى ربما تكونى واخدة الامر ببساطة طيب انا هقولك حاجة تانى انا لو اديت اميلى لحد وطلع مش كويس يقدر يضرنى او يضر الجهاز بتاعى بانة يبعت فيرس مثلا يدمر الجهاز بتاعى او يستغل الصور الشخصية المتحملة على الجهاز ويعمل بيها حاجات مش كويسة وبعدين يهددنى orsozox هل دة ممكن ؟ لو الاجابة اة يبقى دة معناة ان مش المفروض انى ادى اميلى لحد ابدا مدام معرفوش معرفة شخصية مهما كانت ثقتى فية وممها كنت عارفاة من خلال المنتدى ومن خلال موضوعاتة اية رايك ؟ يا ريت الكل يشاركنا فى الرد ارجوكم

من المستحيل ان يدخل الى جهازك لوكان الايميل ياهو الا ان استقبلتى منة صور او برنامج احنا بنقول على التحاور فقط ودى معلومة وجربيها

[emmmy]

اخى المحبوب فى المسيح صدقنى انا كنت واخدة الامر ببساطة زى ما انت بتطلب دلوقتى بس المرضوع فعلا مش بالبساطة الى انت بتوصفها دى
وزى المسيح ماقال كونوا بسطاء كالحمام قال بردوا كونوا حكماء كالحيات
ومش كفاية انى اكون واثقة من نفسى لانى بتعامل مع مجهول
وعموما الامر بالنسبة لى انا شخصيا لسة موصلشى للهوس والامر بالنسبة لك علشان انت ولد الضرر ليك مش كبير والمخاوف مش كبيرة
شكرا على مشاركتك

[hard_age]

المشاركة الأصلية كتبت بواسطة emmmy اخى المحبوب فى المسيح صدقنى انا كنت واخدة الامر ببساطة زى ما انت بتطلب دلوقتى بس المرضوع فعلا مش بالبساطة الى انت بتوصفها دى وزى المسيح ماقال كونوا بسطاء كالحمام قال بردوا كونوا حكماء كالحيات ومش كفاية انى اكون واثقة من نفسى لانى بتعامل مع مجهول وعموما الامر بالنسبة لى انا شخصيا لسة موصلشى للهوس والامر بالنسبة لك علشان انت ولد الضرر ليك مش كبير والمخاوف مش كبيرة شكرا على مشاركتك

على فكرة انا لى اخت وبتقعد على الفيس بوك وعلى النت وبتبت اميلها لشركات كتير وهكذا بس قبل ما قعدت اتعلمت ازاى تدافع عن نفسها واية الحجات الخطر فى المراسلة ولكن الى انت بتقولى علية ان الايميل خطر دا لااساس لة من الصحة
وعلى فكرة اختى اشتغلت فى وظيفة متحلمش بيها من النت وبعت اميلها لطوب الارض
وسامحينى اذا كان ردى فية نوع من عدم الموافقة بس حبيت اوضح فين الخطر انتو سايبين الخطر الاساسى وهو المراسلات للاسخاص الى منعرفهمش ومسكين فى موضوع الايميل ادية والا عيب
دعى الايام تثبتلك ما اقولة
وشكرا تحملك ردى

[emmmy]

ههههههههههههه
يعنى انا ادى اميلى لطوب الارض ومخافشى على ضمانتك
بص ايها الاخ المشكلة مش فى المراسلة ولا فى الحوار ابدا ولا انى بتكلم فى اية ونوع الموضوعات اية لا
كل دة انا اعرف كويس احددة المشكلة الحقيقية هى الخطورة من اضرار الاميل نفسة يعنى الغريب دة يقدر يضرنى ولا لا وعلى فكرة انا اميلى ياهو
ممكن تكون عندك حق فى نقطة قلتها جايز اكون انا لسة معرفشى كل حاجة فية ومعرفشى ازارى احمى نفسى من اضرار الميل جايز
يعنى ممكن اضغط على حاجة وانا معرفشى انها غلط وانها خطر مبعوت من غريب
شكرا على محبتك واهتمامك

[hard_age]

جايز اكون انا لسة معرفشى كل حاجة فية ومعرفشى ازارى احمى نفسى من اضرار الميل جايز يعنى ممكن اضغط على حاجة وانا معرفشى انها غلط وانها خطر مبعوت من غريب شكرا على محبتك واهتمامك

ارجو ان تستحملينى مما اسار حفيظتى فى هذا الموضوع انى دارس لاسلوب الهكر فعندما اقراء موضوع مثل ذلك قد يضحكنى وقد يثيرنى
تخيلى بتقولى هو الحروف فى الانجليزية كام حرف لاستاذ انجليزى
اميلك لايضرك الذ يضرك ولا الشخص المجهول يقدر يضرك الى يضرك استخدام الشيى باسلوب خطاء ولو هتستخدمى الايميل فى اشات فقط فلا تخافى بس الياهو فقط لان الهوتميل بينضرب ودع الامر بايد ربنا يحافظ عليكى وعلى كل بناتة استفيدى من كل شى فى الخير ولا تدعى الشكوك تعرقلك
انا اسف انا عارف انك اتصدعتى منى وكرهتينى بس صدقين انا قرات الموضوع دا كتير وكنت اضحك وعمرى مرديت فية بس اية الى خلانى ارد الملرة دى معرفش فبكرر اسفى وسامحينى

[Nana_English]

انا طبعا شاكرة محبتكم كلكم جدا
فى اراء عجبتنى وفى اراء انا مختلفة معاها مع احترامى ليها
ايه الأراء اللى عجبتك؟
انتى فندتى جميع الأراء واختلفتى معاها

اما بالنسبة لراى نانا الفيس بوك فعلا بيهنج احيانا بمعنى انة الشبكة بتقطع واحيانا الكلام مش بيوصل كلة ومش معنى ان دة مش بيحصل معاكى يبقى تشكى فى كلامى
انا مش بشك فى كلامك لأنك مش انتى اللى بتطلبى الميل منهم
بس انا اشعر ان ده مش سبب مقنع
انهم يقولوا الفيس بيهج
طيب مالياهو نفسه ممكن يهنج ويقطع

وكمان مش كل الناس عندها اصحاب من الكنيسة والجامعة والاقارب والاخوات مش شرط يا نانا
اوك سورى, فى دى انا معاكى
بس لو انتى شخصية اجتماعية وبتحب تتعرف ع الناس يبقى ( من رأيى ) وجهآ لوجه أفضل كتيييير

ومش سبب لان ممكن يكون فى وممكن يكون مفيش وبردوا تعملى صدقات جديدة مختلفة لكن لو انتى بقى خوافة دا موضوع تانى
انا مش خوافة انا عقلى هو شخصيتى والمسير الرئيسى لحياتى
وعقلى بيرفض ده

كلمة تانية يا نانا انا لما طلبت اعرف ازاى يكون الرد الرقيق والذوق كان قصدى اختيار التعبيرات والكلام يكون اية يعنى مش بتمثل ولا حاجة المبدا موجود نشكر ربنا بس الشطارة فى الرد هى اللى مطلوبة بس
مبدأ ايه؟

وهديلة الميل لية وهنتكلم فى اية ؟
دة سؤال جميل اوى وانا باحترمك فية لو الكلام فى امور مفيدة وموضوعية واستفادة روحية وعلمية وثقافية والخ يبقى مفيش مشكلة بس دة بعد ما اتاكد من الشخص اللى انا بتكلم معاة سواء بنت او ولد
طبعآ معاكى حق مية فى الميه
بس تتأكدى ازاى؟؟