[emad_shokry]

شكراً جوسى على ردك لكن عندى إضافة على الكلام اللى كتبتة قبل كدة
الحقيقة إن مفيش علاقة بين طيبة القلب و ضعف الشخصية لإن من الممكن اننا نلاقى شخص قوى الشخصية لكنة فى نفس الوقت متسامح و مش بيحب يأذى حد و دى من علامات قوة الإنسان و سيطرتة على إنفعالاتة.
حاجة كمان, ممكن نتعلم من حياة السيد المسيح إنة قد إية كان قوى الشخصية فى مواجهتة لليهود من الكتبة و الفريسيين و قد إية كان طيب القلب جداً فى التعامل مع الناس.
و شكرا مرة تانية

[جوسى]

ميرس ليك عل الاضافه اللى فوق رائعه دى
فعلا معاك حق بس الناس بتفتكر ان الانسان عشان هو طيب يبقى هو انسان ضعيف مبيعرفش يتصرف
او مش فاهم حاجه بس هو انسان قوى بطيبته و حبه
ميرسى ليك مرة تانيه و يكون معاك ما يكون عليك

[مينا فاروق]

طيبة القلب ليسة ضعف بس الانسان الطيب القلب هوالذى يجعل نفسه ضعيف

انا من الشخصيات طيبة القلب بس معا المقربين ليا طبعا ومش اى حد

وحلو اوى اسم ( مونى) شكرا

[جوسى]

ميرسى يا مونى على مشاركتك و طالما عجبك الاسم يبقى هقولك مونى
يكون معاك ما يكون عليك و عايزين نشوف مواضيعك الحلوة يا بطل

[مادوناممدوح]

انا بقول ان حلوووو ان الانسان يكون طيب القلب وعندو شفافية كل دا كويس بس مش فى كل الحالات ينفع لازم يكون لية راية الخاص ولما حد يغلط فية لازم يديلة فوق دماغة علشان يعرف ان الطيبة دى مش فى كل الحالات وربنا بيقول (كونوا بسطاء كحمام وحكماء كالحيات)وشكرااااا موضوع جميل

[mora]

ميرسى بجد يا جوسى كل مواضيعك جميله
انا مش عارفه اقول ايه تانى كل اللى انا عايزه اقوله اتقال خلاص
بس الانسان اللى قلبه طيب ده لازم يشكر ربنا على كده و يستغل الوزنه ديه صح فى خدمته يخلى كل الناس تحب بعض و يخلق بينهم جو حلو وفى علاقته بربنا كمان يطلب من ربنا انه يدخل و يظهر قوه شخصيته مع طيبه قلبه

[جوسى]

ميرسى مادونا على مشاركتك
و ميرسى يا ميرو على كلامك الجميل
ربنا معاكو و يفرح قلبكوا

[jannis]

علي فكرة انا كمان كنت زيك طيبه قوي وكل ما احد يقولي كلمه اصدقه وعمري ما كذبت احد او اتعاملت معاه بلقم بس كانت اخرتي وحشه تعبت منهم ومن رياءهم ونفاقهم وخبثهم وبعدت عنهم
خدي بالك سهل انك تتعلمي الشئ الوحش لكن صعب تتعلمي فضيله اوعي تبقي زيهم واوعي تفقدي الفضيله دي لان اللي فقدها ندمان عليها وعمرها ما رجع له خدي بالك

[جوسى]

ميرسى ليكو
بس واضح ان الطيبه دلوقتى بتتفهم غلط
فى انتظار المزيد

[B A V L Y 99]

موضوع رائع يا جوسى

احب اقول ان طيبة القلب تعتبر من افضل الصفات فى الانسان لانها مصاحبة للمحبة

بس للاسف ان فى بعض الناس بتقوم باستغلال طيابة قلب انسان ما فى مصالحهم او حسب رغبتهم

وهى دى المشكلة لان الشخص الطيب القلب لما يعرف كده اعتقد ان ده بيسبب له الم وجرح كبير

فالعيب مش فيه هو العيب فى الاشخاص اللى بيتعامل معاهم

بس ده لا يمنع ان طيبة القلب يجب ان تكون لها حدود

يعنى المفروض قبل لما الشخص يعمل حاجة او يتعامل مع حد يحاول يفكر اكتر من مرة

وشكرا اختى جوسى على الموضوع

وبجد ان بحترم اللى عندهم طيبة قلب جدا وكمان بكون مبسوط بيهم ومعاهم