[جوسى]

احنا ليه معندناش نقطه تمسك ببعض

يعنى ليه مثلا لو ولد و بنت بيحبوا بعض اتخانقوا خناقه صغيرة يقولها مش عايزك

ليه ميقولش دى الانسانه اللى بحبها و هى بتحبنى و حنونه عليا ليه محافظش عليها حتى لو غلطت ليه مديهش فرصه تدافع عن نفسها و هكذا مع الولد طبعا

ليه احنا كده

يا ترى ده عشان تسليه مفيش نقطه تمسك ولا زمن الحب الحقيقى مات
ولا مفيش غلاوة ولا الانسان ده ميفرقش
ولا ايه ولا ايه

نفسى حد يجاوبنى

المصدر: †† ارثوذكس †† - من قسم: الموضوعات الشبابية

[aymonded]

هناك فرق كبيييييييييييييييييييير ، بين الحب الحقيقي من نفسية سوية عاقلة ، حدث لها نضوج فكري وعاطفي ، وبين حب أهوج ، نابع من نفسية مضطربة ، أو شخصية لم تنضج بعد ، أو نتاج تربية لم تقم على الحب السليم المسلم من الأب والأم كحياة عملية واضحة في العلاقات الأسرية ، وبالتالي يصبح مفهوم الحب والتصرفات لا تنبع من حب سليم أو صحيح ، وطبعاً مش شرط السن ، لأن كثيرين رغم من أنهم كبروا في السن ولكن لازالوا أطفالاً لم ينضجوا بعد !!!

وطبعاً المشكلة القائمة في موضوع الحب بين الطرفين هو مشكلة أن كل واحد منفصل كيانياً عن الآخر ، وكل شخص يهمه ذاته وكرامته وكبرياء ذاته وله شخصية مستقله عن الآخر ولا يريد أن يتفق في روح واحد بوعي وإدراك أنهم سيصيروا واحد في ربنا يسوع !!!
بل للأسف يريد إقامة علاقة كشخصية منفردة مستقله عن الآخر مما يخل العلاقة وتصبح في حالة أنانية لمصلحته الشخصية بدون إقامة مع الآخر والمحافظة على حريته وترك مساحة أن يعبر عن نفسه ، وأن يكون هناك وحدة حقيقية بين الأثنين على أساس راس وجسد منسجم ، واحد غير منقسم !!!

فالبنت – مثلاً – تختلف معه وتغضب وتزعل ، وتنتظر الصلح وكأن من أمامها سيستنتج أنها تريد الصلح مع أنها قد تصرح أنها لن تقبل متمنعة أن تعترف بغضبها الصريح وتحتاج إليه أن يساعدها أن تتخطى هذا الوضع !!!

وأيضاً الولد نفس الشيء لا يريد لأن يتنازل عن كرامته وكبرياءه ويعتذر أن كان مخطأ ، أو يحاول أن يصنع سلاماً حقيقياً غير مندفع وراء العواطف والاستسلام للوضع الخاطئ !!!

والموضوع - حقيقي - يحتاج لحكمة وتوعية حقيقية ، ولابد من أن الطرفين يقوموا بمساعدة بعضهما البعض ، ومعرفة إن على الطرفين نفس ذات المسئولية ، فلا يتملص أحد بحجة أن المفروض الآخر هو اللي صاحب المبادرة وحده !!!

العيب الحقيقي مش في الحب ولا الزمان ولا الإخلاص ، العيب في شخصيتنا التي تنأى عن أن تعترف بخطأها وتكون على استعداد لمبادرة الصلح والتنازل عن الكبرياء ، لأن الحب الحقيقي لا يوجد فيه كبرياء ، ولا يوجد فيه انا وأنت ، بل هو يكشف الخطأ بهدوء ويعلنه ويوضح حقيقة المشكلة أمام نفسه وأمام الآخر ، ويقدم اعتذاراً واضحاً ، وعلى الآخر أن يغفر ويساعد من أخطأ في حقه على تخطيه ، وأي خروج عن هذا المنهج كفيل أن يخلق حب مريض لا يمت بصلة للحب الحقيقي الصادق ، والذي سيؤدي إلى الانفصال الكياني بين الطرفين ، وأن أقاموا بيت زوجية سيكون مفكك وكله مشاكل لا تنتهي !!!

[جوسى]

شكرا مستر ايمن على كلامك الرائع
و ربنا معاك
فى انتظار المزيد من الاراء

[SAMOOOOO]

كل اللى اقدر اقوله ان لو فيه حب جامد بينهم صعب يسيبوا بعض او ينسوا بعض بسهوله

ربنا معاكى يا جوسى

[جوسى]

حتى لو فى و هو متاكد ان البنت دى بتحبه بس ساعات بحس انه زل
مفيش تمسك

[بنت الراعي]

صدقيني لو كان اختيارهم لبعض من البدايه صح مبني علي الحب والعقل معا مش ممكن يحصل ده ابدا لانهم كل واحد فيهم ينظر للطرف التاني علي اساس انه مكمل له ولا يمكن ان يجد مثله ابدا
وميرسي ليكي واتمني لك حظ موفق وسعيد

[جوسى]

انا مش بتكلم عن نفسى انا بتكلم على موقف حصل قدام عينى

[اللة يرعانى]

زمن الحب الحقيقى موجود بس نادرر وجود هذا الحب لو فى حب مبنى من الاول صح لو اى مشكلة حصلت هتتحل من غير اى مشكلة اما بقى لو كان بايع البنت ومش بيحبها اى مشكلة هيقول مش عيزة اهم شى الحب

[كراكيب]

مين قال لحضرتك ان ده بيحصل هو ده مبيحصلش اساسا او يمكن بيحصل بس قليل وبين اللي مبيحبوش بعض ومتوهمين انهم بيحبوا بعض او بيحصل لفترة قصيرة جدا ك

قرصة ودان

[aymonded]

السلام لنفسك يا احلى أخ حلو ( كراكيب )
ياريت بس قليل من الشرح علشان مش فهمت المقصود
غنى النعمة ووافر السلام لشخصك الحلو