[new.marina]

احم احم

يارب ياساتر

بصوا بقى من الاخر كده انا مش عارفه انا صح ولا لاء

وعلشان انا عندى احلى اخوات فى الدنيا كلها

قولت اشوفهم هيقولولى ايه فى الموضوع الغريب ده

انا كنت بلعب وبسمع اغانى ع الكمبيوتر وبعد كده قولت ما ادخل ع النت شويه

لاقيت نفسى من غير تفكير برد ع نفسى وبقول

يابت هترجعى للادماااااااااااااان ده تانى ليييييييه

ادمان ايه
لاء مش ادمان ده كان مجرد تعود

لاء بلاش كدب انتى دخلتى فى مرحله ادمان

وبعد كده سكت شويه وبعد كده لاقيتنى بقول
ادمان... اه فعلا انا دخلت فى ادمان

وكمان انا ماصدقت بعدت وخلاص مش بقى فى ادمان تانى ليه عايزه ارجع

بس برضو انا عايزه ادخل

يعنى ساعه بس

يعنى انتى مش عارفه نفسك

الساعه دى هتبقى 6 و7 ساعات

وبعد كده قولت مش هدخل
لاء هدخل
مش هدخل
وفى الاخر دخلت
وقولت اشوفكم هتقولولى ايه فى الموضوع ده

المصدر: †† ارثوذكس †† - من قسم: صندوق مناقشات الاعضاء

[Team Work®]

هاقول توظيف الوقت مهم جدا

يعني خلى الكمبيوتر ليه وقت معين بس

[Malak sokar]

كل واحد معرض لادمان النت وبجد مش كلام ومش محتاجة اقلك ان دة مش كويس لاننا عارفين دة كويس اوي
بس في حاجة عاوزة افكرك بيها انت شكلك صغنونة لية تضيعي وقتك في نت
استفادي من كل لحظة بتعدي عليكي في تحسين نفسك لغتك او قدراتك لو تقدري تاخدي كورسات كمبيوتر من دلوقتي خدي واحصلي علي الايس سي دي ال بدري اوي لو تقدري تاخدي كورسات انجلش روحي في اي مركز واختبري مستواكي واشتري كتب وزاكري لوحدك عشان تحسني مستواكي
اتعلمي حاجة جديدة عزف رسم برنامج جديد زي الفوتوشوب او ال3 دي صدقيني كل الحاجت دي هتنفعك وهتفيدك اوي لان الدنيا دلوقتي مبقتش زي زمان لازم نبقي عارفين كل حاجة في كل حاجة مش نكتفي بس بشهادتنا لان سوق العمل مش بيردي باي حد
صدقيني هتندمي علي كل لحظة ضيعتيهل في شات في تعرف علي ناس غريبة في ان انت تحكي مع حدغريب هتلقي نفسك بعدتي عن بابا وماما واخواتك
عيشي معاهم قبل ماتنشغلي غصب عنك اسفة ياقمر لو طولت عليكي ربنا معك

[hana montana 2010]

كلام ملاك سكر تماااااااااااام جدا

[sarah2009]

ادخلى عادى ساعة او ساعتين بس وحاولى متقعديش اكتر من كده ولازم لما تقعدى على النت تستحدميه صح يعنى تدخلى مواقع مسيحية وحاولى تستغلى النت بطريقة تقربك من ربنا ...وصليلى انا كمان عشان شكلى داخلة على الادمان

[maryv]

يارب + سلام

اولا : سماع الاغانى دى فى حد زاتها خطية (الاغانى بتخاطب الجسد) الانبا موسى قال كده لكن الاغانى الوطنيه عادى
ثانيا ليه تسمعى اغانى من اصلوا خلى عندك قوة ارادة وقولى انا مش هسمع اغانى تانى
انتى عاوزة ترضى نفسك وترضى رغبتك فى انك تسمعى اغانى ومش عاوزة ترضى ابوكى المسيح خلى لحياتك هدف ومتخليش اى حاجة تسيطر عليكى خالص خليكى عندك قوة ارادة قويه تقدرى تغلبى بيها محاربات الشيطان افتكرى انك لو عملتيها وسمعتى الاغانى المسيح هيبكى اسالك سؤال وجاوبى عليه جوه نفسك انتى هتستفادى ايه لو سمعتى الاغانى ؟ وايه اللى بتحسى بيه لما تسمعى الاغانى ؟
متنسيش ان الاغانى بتخاطب الجسد

رجاء محبة صلى من اجلى انا الخاطية

[new.marina]

بجد انا مش كنت عارفه انا صح ولا غلط بس بعد ما شوفت الردود بتاعتكم
عرفت الصح من الغلط
وبجد ميرسى ليكم يا احلى اخوات فى الدنيا كلها
وربنا معاك

[ELMAGEK]

ههههههههههههههههههه
انتى لسة 15 سنة يعنى المرحلة دى طبيعى وعادى جدا
متمنعيش نفسك عن النت انتى هيجيلك فترة كدة ادمان وبعد كدة هتزهقى
منو جدى

[مريم بنت الملك]

عادى قعاد على النت بس اجيب مواضيع جميلة استفاد منها كل حاجة ليها وقت