[mmg]

جه الصيام وكل سنة وانتوا طيبين

ومفيش غير الفول الوجبة الرئيسية فى كل بيت

وهتاكله بالذوق او بالعافية هتاكله ...لأنه ملوش منافس

فلو فى مرة كنت جعان ولقيت معدتك بتصرخ من الجوع. ايه الحل ؟؟؟

اكيد مفيش غير الفول السحرى وجنبه شوية باذنجان اسود مخلل

زى اللى اكلته امبارح وهتاكله بكرة وبعده

ويا سلام لو معاهم كام قرص طعمية وشوية مخلل

وتروح تشتريهم من اى مكان طبعا سيبك من نوع الزيت اللى فى الفول

اوع تتجنن وتسال الراجل ده زيت ايه مش مهم

كل وانت ساكت ومش مهم الباذنجان محشي بخلطة ايه

لان ممكن الخلطة دى لا يعلم بخطورتها انسان
المهم سخن جنبهم شوية عيش من اللى انت شايلهم فى التلاجة للزمن

•

وكل لحد لما بطنك تتنفخ. واصبر بعدها نصف ساعة علشان تعرف تمارس جزء

من حياتك الطبيعية وزى ما سمعت ان الفول بياخد 12 ساعة علشان يتهضم

اما قشرة الفول فهى لا تهضم على الاطلاق

@المهم حين تختلط كل تلك الاصناف فى بطنك سوف تلاحظ هذه الفوائد فورا:

منها انك سوف ينتابك شعور ان الناس فى وادى وانت فى وادى اخر

عقلك قد تحجر وتوقف عن العمل ونبضات قلبك تعمل بسرعه ررررهيبه

سوف تنعزل عن المكان والزمان لا تفقه اى شئ مما يدور حولك

وكأنك فى غيبوبه ساعتها عليك ان تسارع بتناول كوب من الشاى المغلى

حتى ينقطع نفسك ويصبح كالحبر يمكن الكتابه به وبعد تناول الشاى

سوف تجد نفسك مبتسما لا لشئ إلا انك مبتسما

وبعد مرور اربعه ساعات سوف تنتابك روح عدائية غريبه

تكاد بسببها تفتك بمن يلقاك لكنتلك الحاله لا تستمر كثيرا

حيث تنتابك حاله من السكون والرعب من لاشئ .

عندها تناول كوب شاى اخر وسوف ترى ما لم تراه عين من قبل

وتأتيك افكار غريبه تتصارع فى رأسك وخيالات تمر امام عينيك

طبعا علشان المفروض كنت تاكل جرجير

مع بقية الاكل

ولو كنت بتتعشى فول متنساش الجرجير علشان يرطب على معدتك

لانك بعدها هتروح فى غيبوبة قصدى هتروح فى النوم

وبالهنا والشفا

المصدر: †† ارثوذكس †† - من قسم: الضحك والفرفشة

[بنت الفادى الحبيب]

ههههههههههههههههههههههههه ههههههههههههههههههههههههه هههههههههههههه
حلوة اوى ميرسى ليك وكل فول وانت طيب

[elphilasouf]

اشطه التقليب ماشي ماشي
ميرسي مينا ع الموضوع يا قمر

[mmg]

المشاركة الأصلية كتبت بواسطة بنت الفادى الحبيب ههههههههههههههههههههههههه ههههههههههههههههههههههههه هههههههههههههه حلوة اوى ميرسى ليك وكل فول وانت طيب

ميرسى على المشاركة ، وكل فول وانتم طيبين

[mmg]

المشاركة الأصلية كتبت بواسطة elphilasouf اشطه التقليب ماشي ماشي ميرسي مينا ع الموضوع يا قمر

يارجل ده اتعمل عليها تعديلات كتتتتتتتير
و بعد دانا لسه عامل فيك معروف الصبح
انقذتك مرتين من تدبيسة عثل على ترنيمة .............

[MICKEY]

موضوع جامد بكل المقاييس
انت يامينا غبت علينا اه
لكن رجعت بموضوع جامد جدا
كفاية شوية الصور اللي فيه
اسألني انا علي تجميع الصور بتبقي صعبة اد ايه
ربنا يباركك
ومش تغيب عننا تاني

[وردة حزينة]

منها انك سوف ينتابك شعور ان الناس فى وادى وانت فى وادى اخر
عقلك قد تحجر وتوقف عن العمل ونبضات قلبك تعمل بسرعه ررررهيبه
سوف تنعزل عن المكان والزمان لا تفقه اى شئ مما يدور حولك
وكأنك فى غيبوبه ساعتها

ههههههههههههههههههههههه
لا ميش ممكن كنت فاكره ان الاعراض ده بتجيلى انا لوحدى بعد كل وجبه وكنت هاروح اكشف
اشكرك يارب طلعت كل الناس زى
ههههههههههههههههه
موضوعك زى العسل يامينا
كل طعميه وانت بخير

[ELMAGEK]

ان خلص الفول انا مش مسئول
وان خلصت الطعمية انا وراك علطول
ههههههههههههههههههههههههه ههههههههههههه
وبالهنا والشفا وكل سنة وانتو طيبين
ومرسى على الموضوع

[mmg]

المشاركة الأصلية كتبت بواسطة mickey موضوع جامد بكل المقاييس انت يامينا غبت علينا اه لكن رجعت بموضوع جامد جدا كفاية شوية الصور اللي فيه اسألني انا علي تجميع الصور بتبقي صعبة اد ايه ربنا يباركك ومش تغيب عننا تاني

ميرسى لمرورك وياااااارب مغبش تانى عن المنتدى

[kottah_sh]

موضوع حلو اوى
طيب دانا بفطر واتغدى واتعشى فووووووووووووول
يالهوتى كده حالتى بقت صعبه خالص
ياترى يادكتور هعيش لحد اخر الصيام على الحال ده
هههههههههههههههههه

بجد يامينا تحفه اووووووووووووووووى