[كراكيب]

المشاركة الأصلية كتبت بواسطة zaza2006 ميرسى ليك لطرحك للموضوع المهم ده ومش معنى كده انك مش ارثوذكس بالعكس انت عندك غيرة على كنيستك ربنا يعوض تعب محبتك ويبارك فخدمتك

• شكرا ياظاظا لكلماتك الجميلة والرد الرائع ويمكن الردود دي هي اللي بتخليني اتراجع عن فكرة ترك المنتدي
• بشكرك فعلا وياريت تتابعيني في موضوع مسابقة القصص

[جانيت سمير]

اولا موضوع جميل جدااااااااااااااااااااااا ااااا
وهادف واكيد طبعا انت اورثوذوكسى ومش متعصب
انا لو شفت حاجة غلط واقدر اعمل حاجة ولو بكلمة يبقى لازم اعملها
اما عن فكرة انك تسيب المنتدى كدة يبقى انت بتسيت انك مش هاتقدر على اى حروب
اما حل مشكلة الكنايس الى فيها اماكن تجمعات المفروض بيبقى كاهن او مرشد فى المكان ممكن يقعد مع الطرفين ويتكلم بصراحة ويرشدهم هو دة الحل لان مستحيل الكنيسة هاتمشيهم
سامحنى على الاطالة وربنا يحميك ويزيد من غيرتك على كنيستك ويقويك

[emmmy]

الموضوع فعلا مهم وبيحصل للاسف بس صدقنى كل كلامك دة يا ميلاد مش هيغير حاجة
لان دة من اختصاص الاباء لو فى وضع معين فى الكنيسة تفتكر مين يقدر يوبخ غير ابونا وهما اصحاب الوضع دة هيقبلوا من مين اى كلام غير ابونا لو بتتناقش معانا وانت عارف انك مش هتغير حاجة ودة مجرد
نقاش وغيرة على بيت اللة ولفت الانظار للاوضاع يبقى انا معاك لكن كنت بقى عشمان تغير شئ يبقى انا مش معاك لانك متملكشى السلطان دة انا وانت كخدام لينا حدود فى السلطان على مخدومينا نعلمهم ونوبخهم لكن الغرباء لا مينفعشى احنا عايزين حلول منطقية نقدر نعملها فى الموضوع دة مش مجرد اعتراض
بس اية هو يا ترى ؟
شكرا يا ميلاد على موضوعك وغيرتك على بيت اللة الرب يبارك حياتك

[كراكيب]

المشاركة الأصلية كتبت بواسطة جانيت سمير اولا موضوع جميل جدااااااااااااااااااااااا ااااا وهادف واكيد طبعا انت اورثوذوكسى ومش متعصب انا لو شفت حاجة غلط واقدر اعمل حاجة ولو بكلمة يبقى لازم اعملها اما عن فكرة انك تسيب المنتدى كدة يبقى انت بتسيت انك مش هاتقدر على اى حروب اما حل مشكلة الكنايس الى فيها اماكن تجمعات المفروض بيبقى كاهن او مرشد فى المكان ممكن يقعد مع الطرفين ويتكلم بصراحة ويرشدهم هو دة الحل لان مستحيل الكنيسة هاتمشيهم سامحنى على الاطالة وربنا يحميك ويزيد من غيرتك على كنيستك ويقويك

متشكر جدا لكلماتك الجميلة ولتشجيعك ليا جانيت وياريت الكلامد ده اتقال ع الموضوع ده بس لكن اتقال علي مواضيع تانية بس طول ماانتوا موجودين انا عمري ماهسيب المنتدي طبعا
شكرا للاطالة بتاعتك

[كراكيب]

[QUOTE=emmmy;596661]الموضوع فعلا مهم وبيحصل للاسف بس صدقنى كل كلامك دة يا ميلاد مش هيغير حاجة
لان دة من اختصاص الاباء

• انا معاكي ان الاباء الكهنة عليهم الدور الاكبر بس لو هما مبيعملوش حاجة يبقي اقل حاجة بعملها اني برفع الموضوع وبتناقش فيه يمكن يككون في حد من الاعضاء بيعمل كدة والروح القدس يحركه

شكرا يا ميلاد على موضوعك وغيرتك على بيت اللة الرب يبارك حياتك

[amirsedky]

على فكرة يا جماعة غيرة بالتاءالمربوطة مش المفتوحة دا اولا ثانيا كل الناس الكتاب العظماء اللى ردو عليا و بيتهمونى انى ماقريتش الموضوع كويس يروحو لاى اب كاهن عشان يفسرلهم اية سراج العين هو الجسد و على فكرة كان ردى مجرد اقتباس من محاضرات البابا فى رده على اسئلة الناس و مش هاكتر عن كدة

[كراكيب]

• بباامير التفسير قد يكون صحيح ولكن ليس له علاقة بالموضوع انا لو رايح الكنيسة عشان اتفرج ع البنات يبقي اكيد انا غلط لكن انا بقول عن رصد لظاهرة واضحة دون تعمد لرؤيتها
  وشكرا للمتابعة والرد
  

[SNoW]

دة موضوع بجد جامد جدا

انا شايفة انه الواحد لا يروح بخطيبتة و لا صاحبتة و لا الكلام دة خالص ... الكنيسة تتراح عشان الصلاة و بس ... او لو مجموعة مثلا ولاد و بنات بيتكلموا فى حاجة مهمة لكن كون كابلز يروحوا يحبوا فى بعض فى الكنيسة دة بالتأكيد مش صح .. الكنيسة للصلاة و للأنشطة الكنسية

انا كنيستى عملت حاجة جديدة بس كان ليها سلبيات خطيرة جدا : كنيستى منعت التجمعات فى الحوش .. قسمت الحوش ل 3 اقسام .. قسم ولاد .. قسم بنات .. و قسم قدام باب الكنيسة يفضل فاضى


ايجابيات الموضوع : ان حوش الكنيسة فضى و بقى رايق و بقى اللى عايز يدخل يدخل فى سلام كدة من غير دوشة

سلبيات الموضوع : انه كدة بقى فية فصل بين الولاد و البنات .. دية تربية غير صحية .. يعنى منع الاختلاط خالص هيخلى الولاد و البنات مش حاسيين انهم زى الاخوات و الممنوع مرغوب دة بيسبب انه بيبقى فيه تلهف من الولاد انهم يعرفوا بنات فى الكلية مثلا و من جانب البنات انهم يعرفوا ولاد و يبقى الموضوع اعجاب و صحوبية دة طبعا غير لما يكونوا متربيين مع بعض جوة الكنيسة و يبقى الولد خايف على البنت و معتبرها زى اختة و البنت معتبراة زى اخوها و يخدموا ربنا سوا و يشتركوا فى الانشطة و كدة

تانى سلبية انه فى العيد مثلا حطوا حاجز خشب بين بابا الولاد و البنات على مدخل الكنيسة نفسة فا مثلا الزوجة او البنت و خلوا الدور اللى فوق سيدات بس .. فا انا مثلا كنت رايحة مع بابا و اخويا الراجل الحارس قالى لا متخوشيش من البوابة الرئيسية دى هنا رجالة بس و ماما كانت حاضرة العيد فى كنيسة تانية يبقى انا معرفش اقف مع بابا و اخويا يعنى؟ و فية ناس كتير فى العيد بيبقوا مع زوجاتهم و اولادهم جوة الكنيسة بيسمعوا صلاة العيد مع بعض... الهدف من كدة كان منع الكابلز و الناس عموما من الوقفة فى الحوش فى العيد و كمان منع الناس اللى بتفرقع بومب و صواريخ و فاير ووركس و منع الزحمة

النتيجة العكسية : كل الكابلز وقفوا فى الشارع قدام بوابة الكنيسة و العائلات و الاصحاب .. انا شوفت المنظر قلت باسم الصليب هو كل المسيحيين بقوا بيعيدوا فى كنيستى ولا ايه ... قلت بقى دانا مش هلاقى خرم ابرة اقف فية جوة الكنيسة نفسها ... قومت دخلت جوة لقيت الكنيسة فيها اماكن فاضية و مفيش زحمة خالص !! اتارى الناس وقفت برة و سابت الصلاة

المهم موضوع الفصل دة اتلغى فى الاخر لانة معالجش حاجة

العلاج: هو التوعية داخل الكنيسة بقدسية المكان ... و تعيين كشافة او ناس مسؤلة على انهم لو شافوا كابلز يقولولهم ممنوع الوقفة دى

فكرة الحبيبة دى بتبدى من ان الكنايس بقى فيها ملاعب كورة .. فا الناس قالت بقى الكنيسة حاجة و الحوش حاجة .. الحوش دة نادى نتقابل فية و نشترى اكل من كانتين الكنيسة و نقف ناكل و نهرج و كدة .. فا من هنا قدسية المكان ضاعت .. زى مثلا ما فى الهيكل المسيح لقى ناس بتبيع و تشترى .. فا قدسية المكان بتضيع لما المفاهيم بتتغير .. من كنيسة مكان للصلاة الى كنيسة ناس بتلعب فى حوشها كورة .. بالتدريج الناس بدل ما بتروح عشان تصلى بتروح عشان تقابل و تاكل فى الحوش و تلعب كورة

مقدرش الوم الاباء الكهنة لانهم عندهم وجهة نظر قوية جدا فى انهم يسمحوا بعمل نادى فى الحوش... فى جو اضطهاد و خطف زى اللى عايشين فيه دة .. خطر كبير جدا ان مثلا يسمحوا للاولاد انهم يكونوا صداقات مع الناس التانية .. فا بيفضلوا ان تكون الصداقات داخل الكنيسة بمعنى انهم عايزين الصداقات تكون ما بين المسيحيين و بعضهم او المسيحيين يتعرفوا على بعض عشان فى المدارس و الجامعات بتكون الاغلبية العظمى مش مسيحيين و دة بيشكل خطر علينا لما نعمل صداقات مع غير مسيحيين و احنا كلنا عارفيين كدة كويس .. فا الكنيسة شافت ان احسن حاجة انهم يعملوا وسائل جذب جوة الكنيسة بدل ما ولاد و بنات ربنا يضيعوا

انا شايفة انه الحل يجى من جوانا احنا كشباب ان اننا نكون ضابط على نفسنا ... اللى عايز يخرج يروح برا الكنيسة ... برضة حتى المخطوبين مش لازم يروحوا ديسكو لكن برضة ميتقابلوش فى الكنيسة و الا كل ما يجى الاباء يقولوا لكابلز حاجة هيقولولة مخطوبين .. ممكن يتقابلوا فى كافيتريا فى كافية انشالة فى النادى لكن مش فى الكنيسة

ميرسى جدا على الموضوع

[أميرة عبده]

وحتى لو اتنين معتقدين انهم حبيبه دا على رايك يا كراكيب تفتكر هنقولهم اطلعو اتقابلو بره على الكورنيش ولا امشو فى الشوارع بدل ما تتقابلو فى الكنيسه ؟؟؟

انا مع فيلو فى رائية

[كراكيب]

المشاركة الأصلية كتبت بواسطة أميرة عبده وحتى لو اتنين معتقدين انهم حبيبه دا على رايك يا كراكيب تفتكر هنقولهم اطلعو اتقابلو بره على الكورنيش ولا امشو فى الشوارع بدل ما تتقابلو فى الكنيسه ؟؟؟ انا مع فيلو فى رائية

• مايروحوا مكان مايروحوا الله هو الكنيسة دي مش ليها احترامها انا بقول لو مخطوبين يتقابلوا عادي او لو بيحبوا بعض بجد لكن قلة الادب اللي احنا بنشوفها دي يعملوها في اي حتة تانية
• شكرا للمتابعة