سلام و نعمة

لو سمحتو انا محتاجة ارشاد او رأى او حتى شوية اهتمام . هاحكيلكو على كل حاجة :

انا بنت . عمرى 17 سنة . كنت متفوقة فى الدراسة بس دلوقتى لأ ، علاقتى بربنا ساعات بتبقى كويسة جدا و ساعات نص نص
علاقتى ببابا مقطوعة من سنين و علاقتى بماما سطحية جدا لدرجة انى ساعات كتير بحس انها بتكرهنى او انها بتتمنى انى مكنتش اتولدت و هى نفسها قالتهالى كذا مرة

اتعرضت لحاجات كتير و انا صغيرة و .. و انا كبيرة كمان . دايما ماما و بابا كانوا بيتخانقوا و الاتنين كانوا بيقولوا انى انا السبب . الاتنين كانوا بيرمونى كتير عشان كل واحد يثبت للتانى انى مش نقطة ضعف بالنسباله
مبقاش عندى ثقة فى اى حد . مش بكره الناس بس مش بحبهم . حتى لما بلاقى حد بيتعامل معايا كويس بكون حاسة انه بيعمل كده عشان سبب فى دماغه مهما كان سبب كويس او لأ بس ببقى حاسة انه بيتعامل معايا او بيحبنى عشان اى حاجة مش عشانى انا

ده خلانى ابقى وحيدة جدا و معنديش اصحاب غير انى معنديش اخوات ولا قرايب فبقضى تقريبا ساعتين يوميا عياط

حاولت مرة انى اعمل صداقات من النت بس لقيت ان الناس بتكره الشخصية الكئيبة اللى كلها حزن [ مع انى عمرى ما حكيت لحد عن حياتى الشخصية بس كنت بتكلم بأسلوب كئيب شوية ] . قلت اتغير عشان الاقى اصحاب و السلام . فعلا بقيت دمى خفيف جدا فى الكلام معاهم و مهما كانوا زعلانين بحاول اضحكهم و اوريهم انى شخصية متفائلة و كويسة جدا . بس بعد فترة تعبت . كنت بعيط كتير و انا عمالة اكتبلهم كلام مضحك . كنت ببقى مخنوقة و مفحومة جدا و نفسى اتكلم معاهم بس كنت بخاف ان حد يستغلنى او يحس انى ضعيفة و انا اكتر حاجة بكرهها فى حياتى انه حد يفتكرنى ضعيفة

نفسى حد يقوللى انى مش وحشة . مش قصدى انه حد يحبنى بس نفسى احس انى مقبولة او انى محبوبة و لو شوية صغيرين . نفسى الاقى حد اشكيله و ابقى مطمنة انه هايحفظ سرى . هتقولولى ربنا ممكن يكون الشخص ده .. انا معاكو بس نفسى يبقى فى انسان يعمل ده .. حد زى كل الناس . ما كل الناس عندها ربنا و حد تانى بيثقوا فيه و بيحبهم

لو حد منكو كان مكانى .. كان هيعمل ايه ؟
و انا السبب فى كل اللى بيحصل حواليا ؟


متأسفة صدعتكو بس كنت محتاجة اتكلم
و شكرا

المصدر: †† ارثوذكس †† - من قسم: حوار من الاعماق

[ريم الخوري]

مهو يا قمر على شان تلقي الصديق اللى يحبك زي ما انتيعاوزة ويكون لكي زي اخ قريب او تاتمنية بجد ومايكون مرائي او كداب او يجرفك لطريق غير طريق الخلاص لازم يكون صديق ربنا بعتة لكي او تحسي بداء باختيارت ربنا بحياتك يبقي ربنا اساس في كل حياتك
شوفي يا قمر انت لسا باول حياتك وتاكدي ان ربنا معك وميش سايبك بيقول ان نسيت الام رضعاها انا لا انساك يعني انت بنتة على شبة ومثالة وهو صادق قال ها انا معكم كل الايام يعني هو بكل حياتنا وين ما كنا وكيف ما كنا وهو بيحافظ عليك من كل شر وبيدبر ليك الصالح حتي لو بدي ليك انة قاسي تاكدي ان كل شيء بحياتك يعمل للخير ليكي بس انت ثقي واماني بمطلق حكمة ربنا وحبة ليكي
فمتخفيش لو حاسة ان اللى هما اقرب الناس ليكي بتصرفوا بطريقة ميش حلوة او ميش عارفة تصادقي حد او خايفة من اي حد بيقرب ليكي تاكدي ان ربنا معك وميش سايبك وبيعوضك بطريقة الحنينية صدقيني وهو حيعرفك تصادقي مين وكيف وامتي ويعرف احتياجاتك ولكن بيدبر ليك حسب الصالح لنفسك بحسب حكمتة هو اللى تفوق الوصف

وتاكدي ان ربنا سمح بالتجربة دي ليكي على شان يقربك لية اكتر وتحسي بابوة الحقيقة اللى هي اهم واعظم بكتير من ابوة الجسد بس انت صلي واطلبي مساعدة ربنا خاصة ونحنا بفترة مقدسة من الصوم اطلب ربنا يخلق فيكي انسان جديد قادر يبص للحياة باعين روحية ياعين مدركة لمحبة ربنا وتدبيرة بحياته
ثانيا حاولي تلقي اب اعتراف لو ملكيش يعني اطلبي ربنا يساعدك باختيارة ولو ليك حولي تقوليلة كل اللي بقلبك وهوا اكيد رح يرشدك لصالح نفسك وكمان بدل ما تدخلي تعيطي يا قمر ...لالالالا .. اطلبي شفاعتة امنا العدراء وصدقيني حتلقي ايدها الحنونة بتعوضك عن كل اللى مرتي بية وبتساعدك تتخطي كل وجعك وحتكون ليكي احن حتي من امك وابوكي اما الاصدقاء بجد لو مكنوش يقبلوكي زي ما انت بلا منهم لانهم ميش اصدقاء دول متحوليش تكون غير ما انت علية خاصة لو التغير كان سلبي على شان تقربي من حد بس كرمال يقبلك وتكوني صديقة غيربالمحبة يعني راي الصديق الحلو هو اللى يقربني من ربنا ويعرفني طريقة ويحببني فية ميش يحببني بالى هو يريحية مني فرفوشة وهيصة والكلام دا
انا في مرة صديقة قالتي كلمة اثرت كتير في بجد وقالت حاولي تقربي من السمائين فكرت كتير ولقيت فعلا انهم اكتر حد بيكون معك واسرع حد يستجيب لطلباتك واكتر حد بيكون صادق وميش مراائي زي كتير من الاصدقاء اللى بنعرفهم بالحياتة اللى بيربطو الصداقة بمصالح ورغبات وصدقني القديسين وصداقتهم بيقبلوكي صديقة زي ما انتي بقلبك الابيض وبسيرة حياتك زي ما هي بكل عثراتها وبيساعدوكي تبيقي اكتر نور واشراق بالرب يسوع المسيح وعن طريقهم يوصلكي للفرح السماوي للخلاص وميش بيسبوكي خالصصصصص بس انت حبيهم واعرف كيف تقربي ليهم بالصلة وطلب الشفاعة وكيف تكون متلهم بسيرة المحبة والتقرب لله
التقرب للقديسن والتامل بحياتهم صدقني بيبعت تعزية وقوه بالنفس ملهاش نظير وهما بقي حسيعدوكي وحيحطوا قدامك وبطريقك احلى صدقات بشريةاصدقاء بجد يحبوكي ويسمعو لكي ويساعدوكي تطلعي من الحزن اللى انت فية ويبقوا ليك اخوات ميش اصدقاء
اصدقاء ميش يحسسوكي بس انهم بيحبوكي لا يعيشوا معك حياة محبه بكل معانيها ميش بس كلام
ربنا معك ويحافظ عليك ويدبر ليك كل خير ويساعدك

[sawsaw]

المشاركة الأصلية كتبت بواسطة غير مسجل سلام و نعمة لو سمحتو انا محتاجة ارشاد او رأى او حتى شوية اهتمام . هاحكيلكو على كل حاجة : انا بنت . عمرى 17 سنة . كنت متفوقة فى الدراسة بس دلوقتى لأ ، علاقتى بربنا ساعات بتبقى كويسة جدا و ساعات نص نص علاقتى ببابا مقطوعة من سنين و علاقتى بماما سطحية جدا لدرجة انى ساعات كتير بحس انها بتكرهنى او انها بتتمنى انى مكنتش اتولدت و هى نفسها قالتهالى كذا مرة اتعرضت لحاجات كتير و انا صغيرة و .. و انا كبيرة كمان . دايما ماما و بابا كانوا بيتخانقوا و الاتنين كانوا بيقولوا انى انا السبب . الاتنين كانوا بيرمونى كتير عشان كل واحد يثبت للتانى انى مش نقطة ضعف بالنسباله مبقاش عندى ثقة فى اى حد . مش بكره الناس بس مش بحبهم . حتى لما بلاقى حد بيتعامل معايا كويس بكون حاسة انه بيعمل كده عشان سبب فى دماغه مهما كان سبب كويس او لأ بس ببقى حاسة انه بيتعامل معايا او بيحبنى عشان اى حاجة مش عشانى انا ده خلانى ابقى وحيدة جدا و معنديش اصحاب غير انى معنديش اخوات ولا قرايب فبقضى تقريبا ساعتين يوميا عياط حاولت مرة انى اعمل صداقات من النت بس لقيت ان الناس بتكره الشخصية الكئيبة اللى كلها حزن [ مع انى عمرى ما حكيت لحد عن حياتى الشخصية بس كنت بتكلم بأسلوب كئيب شوية ] . قلت اتغير عشان الاقى اصحاب و السلام . فعلا بقيت دمى خفيف جدا فى الكلام معاهم و مهما كانوا زعلانين بحاول اضحكهم و اوريهم انى شخصية متفائلة و كويسة جدا . بس بعد فترة تعبت . كنت بعيط كتير و انا عمالة اكتبلهم كلام مضحك . كنت ببقى مخنوقة و مفحومة جدا و نفسى اتكلم معاهم بس كنت بخاف ان حد يستغلنى او يحس انى ضعيفة و انا اكتر حاجة بكرهها فى حياتى انه حد يفتكرنى ضعيفة نفسى حد يقوللى انى مش وحشة . مش قصدى انه حد يحبنى بس نفسى احس انى مقبولة او انى محبوبة و لو شوية صغيرين . نفسى الاقى حد اشكيله و ابقى مطمنة انه هايحفظ سرى . هتقولولى ربنا ممكن يكون الشخص ده .. انا معاكو بس نفسى يبقى فى انسان يعمل ده .. حد زى كل الناس . ما كل الناس عندها ربنا و حد تانى بيثقوا فيه و بيحبهم لو حد منكو كان مكانى .. كان هيعمل ايه ؟ و انا السبب فى كل اللى بيحصل حواليا ؟ متأسفة صدعتكو بس كنت محتاجة اتكلم و شكرا

نعمه وسلام ليكى اختى الغاليه المباركه فى الرب يسوع له كل المجد
انا شايفه حياتك مليئه بالجروح والاوجاع بس احب اقولك حاجه متدوريش على الحب وعلى القبول من البشر لان الفراغ الى جواكى الان محدش هيملاه غير رب المجد شعورك بالرفض وعدم القبول ده غير حقيقى انتى انسانه رائعه فى المسيح ممكن يكون الكلام ده سمعتيه كتير بس ده الحقيقه انتى فعلا انسانه رائعه فى المسيح ومقبوله وتمنك غالى اوى عندو وعلى فكره هو متالم لالامك وعلى فكره جه عشان يداوى جروحك ويشفى انكسار قلبك والكلام ده مش من عندى ده الكلام الى اتنباء عنو اشعياء النبى وهو قراه لما دخل الهيكل وطردوه رو حُ السَّيِّدِ الرَّبِّ عَلَيَّ لأَنَّ الرَّبَّ مَسَحَنِي لأُبَشِّرَ الْمَسَاكِينَ أَرْسَلَنِي لأَعْصِبَ مُنْكَسِرِي الْقَلْبِ لأُنَادِيَ لِلْمَسْبِيِّينَ بِالْعِتْقِ وَلِلْمَأْسُورِينَ بِالإِطْلاَقِ» (إشعياء 61

وهديكى سلسله بعنوان شفاء النفس للدكتور سامح موريس حمليها على جهازك اسمعيها هى 38 حلقه بتتكلم فى مشاكلك وجروحك دى وهيوريكى ازاى تعالجيها وازاى الرب يمد ايدو ليشفى الجروح ويعزيكى صدقينى الوعظات دى هتساعدك كتير وهتطلع حجات كتير من جواكى انتى امشى معاه خطوه بخطوه وصلى لرب المجد قولى محتجالك تشفى جروحى وصدقينى هتبقى كويسه والرب هيلمسك ويعزيكى ويوريكى قد ايه انتى غاليه عندو
http://www.schoolofchrist.tv/school-...g/index.1.html

ده اللينك الرب يباركك ويشفى جروحك بس خليكى فاكره متدوريش على القبول والحب من الاخرين لان مهما قالو مش هبقدروا يملو الفراغ الى جواكى غير ان حبهم ليكى هيكون حب مشروط حب غير كامل لا يوجد احد فى البشر يقدر يحب الحب الغير مشروط ويضحى عشانك غير رب المجد امين

[emmmy]

بصى يا قمر عاوزة اقولك حاجة
اولا : لازم تعرفى انك جميلة وحلوة جدا بالمسيح اللى فيكى
وانك مش كئيبة بدليل انك بتقولى انا بكلم ناس وبقى دمى خفيف
اللى يعرف يبقى دمة خفيف ميبقاش كئيب بطبعة فى فرق بين اننا احيانا بتعدى علينا لحظات مؤلمة وبنحس فيها بزعل وانطواء وبين انسان كئيب بطبعة دة بيكون مريض فعلا وفية جواة مشاكل اكبر منة
انتى لسة فى ربيع العمر واحلى سنين عمرك
ثانيا : حبيبتى بالنسبة لظروفك اللى انا معرفهاش انتى حاولى تكونى اقوى منها متخلهاش تعمل منك انسانة كئيبة ابدا اتغلبى عليها بشطارة وقوة
طبعا هتقوليلى ازاى ؟؟
ركزى فى حاجة حلوة واسعى لتحقيها ركزى فى هدف سامى وحاولى بكل جهدك تنفذية ومتبصيش وراكى ومتخليش حاجة تعطلك لحد ما توصلى
عارفة هقولك قصة ظريفة اوى
كان فى كلب شاف فريسة فجرى وراها وهو بيهوهو ولما باقى الكلاب سمعتة جريت معاة وهى بتهوهو بس لما تعبوا بطلوا جرى ورجعوا لانهم مكنوش شايفين الهدف الفريسة لكن الكلب اللى شايف الهدف فضل بجرى ومش يأس ابدا لانة شايف الهدف ومصمم يوصلة ودة الفرق بينة وبين الباقى من الكلاب اللى جريت معاة
دة طبعا مع الفارق العظيم دى مجرد قصة رمزية يا قمر مش اكثر
انتى ركزى فى هدف حلو بستحق انتباهك واهتمامك هتلاقى نفسك مش حاسة بالظروف الصعبة اللى بتتكلمى عنها ومش هتاثر فيكى كتيرررر
واختلاف بابا وماما احنا كل اللى نقدر نعملة اننا نصلى فعلا علشان ربنا يتمجد ويحنن قلوبهم على بعض وصدقينى مفيش بيت خالى من المشاكل والمتاعب انتى ابعدى عن الاختلافات دى ومتخلهاش تاثر عليكى تاثير سلبى وتدمرك بالعكس اتعلمى واستفيدى من التجارب اللى بتشوفيها وفى نفس الوقت دوسى عليها بارادة قوبة وعزيمة
ومتقوليش ماما بتكرهنى دى خالص مفيش ام بتكرة بنتها ابدا والكلام بيتقال فى ساعة غضب معلش ربما تكون مضغوطة من الاختلافات مع بابا اعذريها جربى تقربى منها انتى وتكونى حنينة عليها وتعوضيها طبطبى عليها وعرفيها انك حاسة بيها هتلاقيها تحضنك وتتغير تماما
وياريت ياااريت بلاش صدقات النت فى سنك دة ارجوكى متدخليش فى حوار مع حد اوى وتقى الثقة العمياء وتحكى تفاصيل حياتك وتشكى لاى حد متاعبك انتى متعرفهوش
حاولى تقربى من ربنا بجدبة وامانة وارتمى فى احضانة واتكلمى معاة علشان تلاقى فية الشبع والراحة
وانتبهى لدراستك اوعى تضيعى مستقبلك تحت اى ظروف مش هتسامحى نفسك ابدا لما تكبرى شهادتك ودراستك وعلمك هيخففوا عنك كتير
ربنا معاكى يارب ويفرحك يا قمر


اسفة على التطويل

[ابن يسوع الفادى]

بسم الاب والابن والروح القدس انا مش هاتكلم كتير هالخصلك الرد اولا لازم ولابد انك تفتحى قلبك لربنا لانه هو الى خلقك وهو الى بيرعاكى وهو اللى قادر غير كل حياتك ثانيا لابد انك تتكلمى مع اى حد علشان تفضفضى ومتبقيش مكتئبه ثالثا دى دروس فى الحياه ولازم تتعلمى منها والاهم علاقتك بربنا لازم تكون قويه ومتواصله

طبعا انا متشكرة ليكم كلكم على اهتمامكم بس فى حاجات حبيت انكم تعرفوها او انكم تجاوبونى عليها

الاخت: ريم الخورى
شكرا على كل كلامك . قلتى: "حاولي تلقي اب اعتراف لو ملكيش يعني اطلبي ربنا يساعدك باختيارة ولو ليك حولي تقوليلة كل اللي بقلبك وهوا اكيد رح يرشدك لصالح نفسك"
ليا اب اعتراف بس هو مبيقولش اى حاجة غير "صلى يا بنتى" فقررت انى اريحه منها . و بقيت عارفة خلاص .. رد اى مشكلة : صلى يا بنتى
و: "اما الاصدقاء بجد لو مكنوش يقبلوكي زي ما انت بلا منهم لانهم ميش اصدقاء دول متحوليش تكون غير ما انت علية خاصة لو التغير كان سلبي على شان تقربي من حد بس كرمال يقبلك وتكوني صديقة"
هما مكانوش عايزينى ابقى فريش دايما او يمكن حتى مكانوش رافضينى بس دايما كانوا عايزين يعرفوا ليه انا زعلانة و انا طبعا مش بكلم حد عشان كده كنت بحاول ابقى .. مضحكة شوية او حتى مش ببين انى زعلانة عشان محدش يسأل
و: "الصديق الحلو هو اللى يقربني من ربنا ويعرفني طريقة ويحببني فية ميش يحببني بالى هو يريحية مني فرفوشة وهيصة والكلام دا"
صدقينى بسببهم اتعرفت اكتر على ربنا و قربت منه بس كانت كل المشكلة بالنسبالى انهم عايزين يعرفونى اكتر بالذات لما كانوا بيحسوا انى متضايقة
و: "القديسين بيقبلوكي صديقة زي ما انتي"
بشكرك جدا على النصيحة دى و فعلا انا ليا اصحاب من القديسين و دايما بحس انهم قريبين منى
و: "الاصدقاء ميش يحسسوكي بس انهم بيحبوكي لا يعيشوا معك حياة محبه بكل معانيها ميش بس كلام"
و لو لقيت اصحاب بالشكل ده فعلا .. هايبقى عادى انى اتعرف عليهم و اعتبرهم اخواتى بجد ولا بلاش تكون عندى ثقة خالص ؟

و الاخت: sawsaw
شكرا ليكى بجد . قلتى: "امشى معاه ( ربنا ) خطوه بخطوه وصلى لرب المجد قولى محتجالك تشفى جروحى"
حاضر و متشكرة جدا . و شكرا على اللينك

و الاخت: emmmy
شكرا على كلامك و تشجيعك بس عايزة اسألك شوية . قلتى: "وانتى مش كئيبة بدليل انك بتقولى انا بكلم ناس وبقى دمى خفيف"
صدقينى مش متأكدة . ساعات بيكون دمى خفيف و ساعات ببقى جد و ساعات متدينة شوية او قريبة من ربنا . بيتهيألى حسب الانسان اللى بتعامل معاه . تفتكرى دى ازدواجية ؟؟؟
و: " ركزى فى حاجة حلوة واسعى لتحقيها ركزى فى هدف سامى وحاولى بكل جهدك تنفذية"
مفيش . حاولت كتير ادور على الهدف ده بس مش لاقية . كل اللى قالوا كلمتك دى و سمعوا ردى قالولى عيشى عشان الهدف اللى ربنا خلقك ليه .. بس انا اساسا مش عارفاه . فى حد بيعيش عشان هدف هو مش عارفه ؟
و: " انتى ركزى فى هدف حلو بستحق انتباهك واهتمامك هتلاقى نفسك مش حاسة بالظروف الصعبة اللى بتتكلمى عنها ومش هتاثر فيكى كتير"
صدقينى مفيش . حاولت اخلى الهدف ده فى الدراسة بس اكتشفت ان الانشغال بيها فعلا حاجة تافهة جدا لانها اساسا ملهاش اى مستقبل . حتى لو ليها انا مش مهتمة بالمستقبل مهما كان شكله
و : "واختلاف بابا وماما احنا كل اللى نقدر نعملة اننا نصلى فعلا علشان ربنا يتمجد ويحنن قلوبهم على بعض"
مستحيل . كفاية 17 سنة صلاة من غير حاجة . و سواء ربنا حنن قلوبهم او لأ دى حاجة ليهم مش ليا انا
و: "ومتقوليش ماما بتكرهنى دى خالص مفيش ام بتكرة بنتها ابدا والكلام بيتقال فى ساعة غضب معلش"
اسمحيلى . فى امهات كتار بجد بيكرهوا اولادهم .. مش هاقول زى فلانة و فلانة بس انا مجربة و عارفة .. مستحيل تكون بتحبنى بالشكل اللى انتى متخيلاه
و: "ربما تكون مضغوطة من الاختلافات مع بابا اعذريها جربى تقربى منها انتى وتكونى حنينة عليها وتعوضيها طبطبى عليها وعرفيها انك حاسة بيها"
تقريبا انا من اصحاب ماما بس هى مش صاحبتى . هى بتشكيلى عن همومها و مشاكلها فى الشغل و مصاريف البيت و كل الحاجات دى . و بجد بتحبنى جدا لما بتكون تعبانة و انا بكون قاعدة معاها . بس اول ما بتخف مش بشوف منها اى حاجة من حنية المرض
و: " وياريت ياااريت بلاش صداقات النت فى سنك دة ارجوكى متدخليش فى حوار مع حد اوى وتثقى الثقة العمياء وتحكى تفاصيل حياتك وتشكى لاى حد متاعبك انتى متعرفهوش"
محصلش اساسا انى وثقت فى اى حد . تقريبا ببقى خايفة من الاستغلال .. مع ان كل اللى حواليا بيستغلونى بس ببقى مش عايزة حد تانى يستغلنى
و: "حاولى تقربى من ربنا بجدية وامانة وارتمى فى احضانة واتكلمى معاة علشان تلاقى فية الشبع والراحة"
صدقينى انا بعتبره بابايا و صاحبى بس لما بلاقى كل اللى حواليا بيلجأولى انا عشان اخفف عنهم و انا مش لاقية حد يخفف عنى ده بيتعبنى قوى
و: "و انتبهى لدراستك اوعى تضيعى مستقبلك تحت اى ظروف مش هتسامحى نفسك ابدا لما تكبرى شهادتك ودراستك وعلمك هيخففوا عنك كتير"
تفتكرى ؟ انا مش حاسة انه فى مستقبل اصلا عشان يضيع
و: "اسفة على التطويل"
يا حبيبتى و انا لاقية حد يكلمنى اساسا ؟

و شكرا ليكم كلكم تانى
ربنا يعوضكم

[emmmy]

و الاخت: emmmy
شكرا على كلامك و تشجيعك بس عايزة اسألك شوية . قلتى: "وانتى مش كئيبة بدليل انك بتقولى انا بكلم ناس وبقى دمى خفيف"
صدقينى مش متأكدة . ساعات بيكون دمى خفيف و ساعات ببقى جد و ساعات متدينة شوية او قريبة من ربنا . بيتهيألى حسب الانسان اللى بتعامل معاه . تفتكرى دى ازدواجية ؟؟؟

لا يا حبيبتى مش ازدواجية ولا حاجة الموضوع ابسط من كدة بكتير
بس هو بصراحة سن المراهقة دة بيبقى سن مزاجى جدا ومتقلب جدا فى احوالة المزاجية احيانا بيكون فرحان ومبسوط وفجاءة وبدون سبب مقنع بيكون زعلان
اقل حاجة بتفرحة واقل وحاجة بردوا بتزعلة ودة امر طبيعى وعادى فى سنك الرقيق دة يا قمر
و: " ركزى فى حاجة حلوة واسعى لتحقيها ركزى فى هدف سامى وحاولى بكل جهدك تنفذية"
مفيش . حاولت كتير ادور على الهدف ده بس مش لاقية . كل اللى قالوا كلمتك دى و سمعوا ردى قالولى عيشى عشان الهدف اللى ربنا خلقك ليه .. بس انا اساسا مش عارفاه . فى حد بيعيش عشان هدف هو مش عارفه ؟
لا طبعا محدش يعيش علشان هدف مش عارفة
لكن مفيش مشكلة انك متعرفيش هدفك دلوقتى لكن دورى علية جواكى دورى علية فى احلامك وطموحاتك دورى علية فى لحظات الهدوء والصفاء دورى علية فى ارشادات الاكبر منك واكيد هتلاقية انت اكثر واحد تعرفى انتى عاوزة اية بالظبط
و: " انتى ركزى فى هدف حلو بستحق انتباهك واهتمامك هتلاقى نفسك مش حاسة بالظروف الصعبة اللى بتتكلمى عنها ومش هتاثر فيكى كتير"
صدقينى مفيش . حاولت اخلى الهدف ده فى الدراسة بس اكتشفت ان الانشغال بيها فعلا حاجة تافهة جدا لانها اساسا ملهاش اى مستقبل . حتى لو ليها انا مش مهتمة بالمستقبل مهما كان شكله
اد اية انتى مسكينة واد اية انا زعلت علشانك حقيقى بامانة
الدراسة اللى انتى شايفاها ملهاش اى مستقبل دى هى اللى هتعمل منك انسانة ناجحة فى حياتك العملية واللى انتى شايفاها فعلا حاجة تافهة دى غيرك بيتمناها ومش طايلها وغيرك كان نفسة فى الدراسة اللى انتى مش حاسة بقيمتها دى ومش طالها
من فضلك عزتى تصدقينى انتى ربنا مديكى نعمة حلوة متضيعهاش من ايدك الدراسة هتنفعك فى حياتك حلها وفى خبرات تاخديها وفى اختيار شريك حياتك وفى تربية اولادك صح بلاش تظلمى نفسك بنفسك ارجوكى
و : "واختلاف بابا وماما احنا كل اللى نقدر نعملة اننا نصلى فعلا علشان ربنا يتمجد ويحنن قلوبهم على بعض"
مستحيل . كفاية 17 سنة صلاة من غير حاجة . و سواء ربنا حنن قلوبهم او لأ دى حاجة ليهم مش ليا انا
اولا متياسيش من الصلاة ابدا وتاكدى ان ربنا سامع كل صلاتك والنتيجة هتشوفيها بس طولى بالك
ومتقوليش ان دى حاجة ترجعلهم هما لا وترجعلك انتى كمان انتى كل متاعبك بسبب خلافاتهم وعدم الاستقرار
و: "ومتقوليش ماما بتكرهنى دى خالص مفيش ام بتكرة بنتها ابدا والكلام بيتقال فى ساعة غضب معلش"
اسمحيلى . فى امهات كتار بجد بيكرهوا اولادهم .. مش هاقول زى فلانة و فلانة بس انا مجربة و عارفة .. مستحيل تكون بتحبنى بالشكل اللى انتى متخيلاه
ولو ان مش مقتنعة بان فى امهات تكرة اولادها بس حتى لو فرضنا على اسوا فرض ان دة صحيح انتى قدمى الحب وصدقينى هتحصدى بردوا الحب ولو منهم من غيرهم ربنا هيعوضك ويرجعلك ثمر عملك صدقينى حتى لو بعد سنين
و: "ربما تكون مضغوطة من الاختلافات مع بابا اعذريها جربى تقربى منها انتى وتكونى حنينة عليها وتعوضيها طبطبى عليها وعرفيها انك حاسة بيها"
تقريبا انا من اصحاب ماما بس هى مش صاحبتى . هى بتشكيلى عن همومها و مشاكلها فى الشغل و مصاريف البيت و كل الحاجات دى . و بجد بتحبنى جدا لما بتكون تعبانة و انا بكون قاعدة معاها . بس اول ما بتخف مش بشوف منها اى حاجة من حنية المرض
طيب يا قمر كويس خالص حلو اوى يعنى انتى مش ماشية فى طريق مسدود ولا حاجة ماما صحبتك وفى بينكم كلام وبتشتكليك وتحكى لك ودة فى حد ذاتة مكسب حلو وبداية حلوة نميها انتى بقى بشطارتك ومحبتك وحنانك ورقتك ونعمة ربنا اللى فيكى تاجرى فى القليل هتربحى منة كتير بس اتعبى شوية وتعالى على نفسك شوية
و: " وياريت ياااريت بلاش صداقات النت فى سنك دة ارجوكى متدخليش فى حوار مع حد اوى وتثقى الثقة العمياء وتحكى تفاصيل حياتك وتشكى لاى حد متاعبك انتى متعرفهوش"
محصلش اساسا انى وثقت فى اى حد . تقريبا ببقى خايفة من الاستغلال .. مع ان كل اللى حواليا بيستغلونى بس ببقى مش عايزة حد تانى يستغلنى
كويس اوى برافوا عليكى انا مبسوطة انى بسمع منك الكلام ددة حقيقى خليكى على مبداءك دة وفى مثل بيقول لو انتى مقدرتيش تشيلى سرك غيرك مش هيشهولك
و: "حاولى تقربى من ربنا بجدية وامانة وارتمى فى احضانة واتكلمى معاة علشان تلاقى فية الشبع والراحة"
صدقينى انا بعتبره بابايا و صاحبى بس لما بلاقى كل اللى حواليا بيلجأولى انا عشان اخفف عنهم و انا مش لاقية حد يخفف عنى ده بيتعبنى قوى
اعتقد انى دى مبالغة منك شوية ودة لانك رقيقة وحساسة زيادة شوية
عزيزتى اللى بيدى بياخد اللى بيزع بيحصد اكييييد بس انتى اللى من التعب والضباب مش شايفة كويس معلش دى فترة وتعدى
و: "و انتبهى لدراستك اوعى تضيعى مستقبلك تحت اى ظروف مش هتسامحى نفسك ابدا لما تكبرى شهادتك ودراستك وعلمك هيخففوا عنك كتير"
تفتكرى ؟ انا مش حاسة انه فى مستقبل اصلا عشان يضيع
انتى مش حاسة علشان مدية فرصة للزعل والمشاكل الاسرية تاخد اكثر من حقها فى حياتك حاولى تصفى وانتى هتشوفى الصورة صح وبصورة اوضح
و: "اسفة على التطويل"

يا حبيبتى و انا لاقية حد يكلمنى اساسا ؟

و شكرا ليكم كلكم تانى
ربنا يعوضكم[/QUOTE]

ربنا معاكى واحنا كلنا هنا اخواتك وبنحبك وتحت امرك فى اى وقت
ربنا يفرحك يا قمر يارب

[samerco75]

حبيبة قلب يسوع الغالية لك كل التقدير والاحترام
مجرد مناقشة مشكلتك وسط اخواتك فى الرب المباركيين كدة يبقى قطعتى نصف الطريق
تمسكى فى المسيح كما انتى وثقى كل الثقة انه معك فى كل وقت وكل مكاان
تمسكى فى مستقبلك قولى له يا رب سلمتلك حياتى انا هاذاكر واعمل اللى عليا وانت عليك تكمل
انا هعامل ماما كويس من غير ما استنى معاملتها ليا شكلها ايه
انا يارب انت اللى تهمنى فى الكون كله
فى الكون كله انت وحدك تدرك تماما ادق تفاصيل حياتى واهتماماتى والامى
لما انظر الى صليبك يا ربى ادرك تماما ماهى قيمة حياتى عندك
ثبتنى فيك فرح قلبى بيك اشغلنى واملئنى بنعمة روحك القدوس
بشفاعة ام النور وبركة القديسين حبيايبك
امين

متشكرة جدا ليكم كلكم يا جماعة و ربنا يعوضكم عن تعبكم
و بإذن ربنا هحاول اعمل كل اللى قلتو عليه
محتاجة صلواتكم كتير

و شكرا تانى

[طلعت يوسف عياد]

الاخت العزيزه على قلب السيد المسيح وعلى قلوبنا لايوجد انسان على وجه الارض لايوجد عنده مشاكل وصدقينى الطفل عندما يولد فى هذة الدنيا اول شى يعملة بغير ارادت هى البكاءفكل مشكلة فى الدنيا كما قال البابا شنوده لها حل عند الله والله الذى سمح بهذه المشكله قادر على حلها اقول هذا الكلام لنفسى قبل ان اقوله لكوارجوكى لاتعطى سرك او تبوحى بمشاكلك لاى شخص لان الذئاب كثيرةوربنا قادر ان يحول حياتك الى فرح وبماسبة اب الاعتراف تقدرى ان تذهبى الى اب اخر