[بباوى حبيب عياد]

تقولى انا اسفة مبديش الايميل لاى حد
وتكونى صريحة

[emmmy]

[QUOTE=Ge-Ro;706181]انا يمكن ردي متأخر كتير

بس اللي انا شايفه ان الفيس بوك اصعب بكتير جدا من الايميل
لأن الفيس بوك فيه صور خاصة بيكي او برحلاتك دا غير ان الليست بتاعة اصدقائك مكشوفة للجميع علي الملئ وحتي لو انتي مش حاطة صور شخصية ليكي لو حد من اصحابك حد صور عنده وعمل اشاره لصورتك هتظهر كمان

لو الموضوع موضوع ثقة يبقي بلاش اصلا الفيس بوك للي انتي مش عارفاه كويس او واثقة فيه

يعني لو عملنا مقارنة بين الفيس بوك و الياهو مثلا
هنلاقي ان الياهو خصوصيته اكتر من الفيس بوك
والليست بتاعتك في امان اكتر علي الياهو
وصورك في امان اكتر علي الياهو

لأنه منطقي جدا اني في حساب الفيس بوك بتاعي مش هحط صور اطفال وورد بس
اكيد هيجي يوم واحط صورة ليا وانا صغير او صورة من رحلة او صورة خطوبة او زواج

دا بخلاف ان الفيس بوك ممكن من خلال التطبيقات اللي بستخدمها ممكن اي حد يتعرف بسهولة جدا علي ميولي واتجهاتي

لو الموضوع موضوع ثقة او قلق من ناس معرفهاش يبقي اضافة الفيس بوك من البداية ملهاش اي داعي

ولك حرية الرأي

اسف للاطاله

اذكروني في صلواتكم



اولا مفيش داعى للاسف ولا حاجة انت مش طولت خالص
بس احب اطمنك انا مش بضيف عندى على الفيس بوك حد الا وعارفاة او موضوع ثقة
بس على فكرة
خطورة الاميل اكتر من خطورة الفيس بوك بكتير اوى الفيس بوك متاهة وكلة مشترك فية عادى وبعدين مش شرط تكلم كل اللى انت ضايفهم
لكن الاميل معنى انك تضيف حد يبقى هيكون فى كلام وحوار ودة الخطر لانة بيولد مشاعر بين الطرفين المختلفين فى الجنس يعنى بين ولد وبنت
يبقى الاحسن تجنب الحوارات لو الانسان حس انة ممكن ينجرف وراء مشاعر وهمية مبنية على الرمل
وطبعا دى مجرد نقطة من امثلة كتير لو اتكلمنا عن خطورة الاميل مش هنخلص
عموما مرسى لمشاركتك الجميلة وكلامك
ربنا معاك

[maryv]

انا من وجهة نظرى ان لو حد طلب منك ايميك اوعى تدهولة واعتزلى بلياقة وقوليلة انا اسفة مقدرشى اديك ايميلى علشان انا معرفشى حضرتك ولد او بنت احيانا بنلاقى ناس عملا نفسها كويسة جدا وهى فى الحقيقة زئاب على هيئة حملان خلى بالك على نفسك ومتقوليش ربنا هيحافظ علىّ المسيح بيقول لاتجرب الرب الهك وانتى اكيد عندك اصحاب كتير عرفاهم مش محتاجة اصحاب تانى لما تكونى عاوزة تتكلمى مع حد اتكلمى مع اصحابك اوابونا
المسيح يحافظ عليكى