[نبيل نصيف جرجس]

يا ربى والهى كلمتك كسهم اخترق جسدى واصاب قلبى مباشرة .
يا رب اعلم ان الحياة معك ستكون كلها فرح وسلام حتى ازا كان يصاحبها
الم وضيق او مرض يا رب اقبلة منك بكل شكر بصدر رحب يا يسوع برحب
بوجودك معى فى حياتى .يا رب صدقنى ازا كان الم الحياة معك يؤلمنى
اشعر بيدك تطيب تلك الالام عندما انظر اليك مصلوب على عود الصليب
التى حولتها بعد ما كانت اداة للعار والعزاب والخزى حولتها الى رمز للنصرة
والخلاص وسر حياتنا على تلك الارض والحياة السامية مع ربنا يسوع ..
يا رب دائما اصيب بسهم حبك فى قلبى كل لحظة ......يا رب ارضى واوافق
بألم السهم ولكن اريد ان اشعر ما بعد السهم ....بيديك تطيب وتقوينى
يا رب حبك هو سبيل كيانى وحياتى فى هزة الدنيا الفانية .......
اعطنى يا الله لسان شكر اشكرك بة ...
اعطنى يا رب قلب مصاب بسهم حبككى اتواضع دائما واكون مثل المرأة الخاطية
التى غسلت ارجلك المقدسة بدموع عينيها وشعر رأسها ..
احبك يا رب مهما حدث لى فى وسط المى اصرخ ليك فتعطينى قوة وغلبة .
مازا ازا لم اتالم................؟
مازا اتوقع نفسى ......؟
انسان متكبر ينكر نعمة الله فى حياتة يا رب انت تعمل كل شىء للخير للزين يحبون
الله حيث تقول :"كل الاشياء تعمل معا للخير للزين يحبون الله"
نعم يا رب انى احبك وارضى يا رب بما تفعلة لى لانك تحبنى وتراعينى وتجعلنى اخضع لحبك
واتواضع قدام قوتك وعظمتك يا ربى والهى

المصدر: †† ارثوذكس †† - من قسم: المرشد الروحى (كلمة الله التى تؤثر فيك)

[marmarsh]

تأمل بجد رائع يا نبيل ربنا يباركك ويحافظ عليك

(اختك مارى)

[نبيل نصيف جرجس]

مرسى اوى لمرورك الجميل نورتى الموضوع

[كيرو رافت]

الله يا نبيل على كلماتك التى تنساب من شفتيك باشاره ن قلبك مباشره
فعلا بجد حاسس بكل كلمه منك حاسس انها خارجه من قلب محب
قلب مملوء بالرضا ومقتنع بكل ما يعطيه الرب من تجارب
ربنا يكون معاك ويثبت محبته فيك دايما
ولا تقوى التجارب عليك
ربنا يدبر كل امورك

[نبيل نصيف جرجس]

من انا لكى اكون انا يا كيرو انسان ضعيف وخاطى محتاج صلاتك بجد مرسى على مرورك الجميل وتعليقك الاحلى

[الناى الحزين]

الله على كلامك اللى خارج من قلبك يا بلبل

عارف يا بلبل فيه حاجه صغيره دايما بفتكرها بتقول ايه

ان التلميذ الشاطر لما بيكون فى امتحان شفوى دايما المدرس يسئله سؤال صعب
والمدرس بيكون واثق ان التلميذ الشاطر ده هيجاوب عليه

لكن لو كان تلميذ خيبان المدرس هيسئله سؤال سهل علشان يحاول يجاوب عليه وبرضوا مش هيعرف

انت بقى يا بلبل تلميذ شاطر


علشان كدا المدرس بتاعك اللى هو الهك بيمتحنك امتحان صعب
علشان ربنا واثق انك شاطر وهتقدر تجاوب وتجعل من الصعب سهل

يا بختك يا بلبل يا شاطر صدقنى يا بختك

تقدر تقولى ان ربنا ليه مش بيمتحن واحد زيى انا بامتحان زى كدا؟
اجاوبك انا
لانه عارف انى مش شاطر وتلميذ خيبان ومهما ساعدنى مش هعرف ارد على اى سؤال من اسئلته
عرفت ليه بقولك يا بختك



ربنا يفرح قلبك يا احلى بلبل يغرد دايما فى سماء قلبى

ربنا معاك وامه ترعاك

[نبيل نصيف جرجس]

اية دا كلة يا ناى انت واخد مقلب كبير اوى في انا ضعيف اوى بجد ربنا يخليك يا اطيب ناى