[mego2]

سلام ونعمه
في الاول ياريت نتكلم بصراحه ومحدش يزعل والاهم من كل ده بلاش حد يفتكر انه بعيد عن اللي هنقوله وانه موضوع مختلف
الموضوع اللي هناقشه مع بعض في منتهي الاهميه لانه يهم بناتنا ومستقبلهم وهو التنازلات اللي بتحصل من البنت ل خطيبها او لشخص بتحبه !!!
والحقيقه اني عاوز اقولكم اننا هنا في مصر دايما الادانه بتكون للبنت وبس دايما اللي بيتكلم الكلام بيبقي موجهه للبنت يعني عاوز اقول لكل بنت للاسف الخساره بتكون عندك اكتر واكبر بكتير !
طيب لما نيجي نناقش الموضوع بوضوح : هنقول ان الموضوع بيبدء بطريقه الولد في الكلام وانه يحاول يقنع البنت بحبه وانه ده طبيعي طالما بنحب بعض وطبعا لازم نتكلم بصراحه اننا نقول اننا في 3 انواع من البنات بنت بتكون طيبه جدا وبتحبه وبتبقي فعلا خايفه انه يزعل وده طبعا البنوع اللي شخصيته ضعيفه جداا من البنات والنوع التاني اللي هي بتكون اسف في تعبيري هي اساسا منساقا لده علشان عاوزه كده ! والنوع الثالث اللي مش ممكن يتنازل مهما حصل ومهما كانت الظروف ومهما كان تأثير الولد .
طيب تعالو نشوف كل نوع من التلاته ايه اللي هيحصل معاه :
طبعا النوع الاول والتاني بيخسر كتير و90 % من البنات دي بتدمر حياتها و10 % بيتجوزا ب معجزه من الشخص نفسه لكن طبعا بتفضل الحياه لاخر العمر فيها شك وعدم احترام وعدم تقدير علي كل المستويات .
يعني هتلاقي الولد يتغير تماما بعد ما ياخد الحاجه اللي عاوزها وتلاقيها هي اللي بتحاول تكلمه وهي اللي بتحاول تصالحه وهي اللي بتعمل كل حاجه وهو طبعا بيكون في حاله قرف شديده وحاله شك فظيعه لو راحت مكان واتأخرت ااااه ماهووو عادي وممكن يحصللللل !!!! لو تليفونها مشغوووول بتكلمي مييييييين كل الوقت ده مع انها ممكن تاكون بينت طيبه جدا ومش وحشه لكن استهانت بنفسها وتنازلت تنازل خلالها صغيره اوي . المهم ان معظم الارتباطات دي مش بتم وبتنتهي بطريقه صعبه جدا وتفضل بعدها البنت تعاني من حاجات كتير اول طبعا انعدام الثقه بنفسها وازاي ممكن ترتبط تاني !!! وحاجات كتير . اما الحالات اللي بترتبط بيحصل شك في كل حاجه بعد الجواز وعدم احترام وتفضل طول عمرها تعاني من تنازل صغير قبل الجواز وطبعا لازم تعرفوا ان ده مش بيختلف عند الراجل حسب درجه الثقافه بالعكس مهما كانت درجه ثقافه الراجل الشرقي هو تفكيره كده .
اما النوع الثالث من البنات واللي هي عمرها ما تتنازل مهما كانت الظروف والاحداث ومهمها كان تأثيره ده النوع اللي بيكمل حياته بكل احترام وبتفضل طول عمرها كبيره اوي في نظر الانسان اللي ارتبطت بيه .

اسف علي الاطاله ربنا معاكم ومستني ردودكم وتعليقاتكم

المصدر: †† ارثوذكس †† - من قسم: كلام فى الممنوع

[rmio]

الف شكر على الموضوع
وانا شاب ومعاك فى كل الى قلته
ولو الانسانه الى انا بحبها كانة شخصيته قوية
اكيد هحبها واحترمها اكتر
وتزيد ثقتى بيها

[finyara]

اما النوع الثالث من البنات واللي هي عمرها ما تتنازل مهما كانت الظروف والاحداث ومهمها كان تأثيره ده النوع اللي بيكمل حياته بكل احترام وبتفضل طول عمرها كبيره اوي في نظر الانسان اللي ارتبطت بيه .
كلامك فعلا صحيح جدا وانا شخصيا مريت بالمرحلة ديه فى خطوبتى والحمد لله انى كنت من النوع التالت ده وجوزى دلوقتى زاد احترامه ليا بعد ما اتجوزنا وقالى انى لو جبت بنت اكيد هكون امينة فى تربيتها زى ما كنت امينة على نفسى وانا باقول كده لكل بنت مقبلة على ارتباط اوعى تفقدى احترامك لنفسك حتى قدام نفسك مش بس قدام خطيبك وربنا يبارك فى حياتكوا

[nona queen]

ماهو صدقنى لو كل ولد يبص للبنت اللى بيحبها بنظره محترمه وكمان حبه ليها يجبره انه يحترمها ومش يستغلها كانت الدنيا تبقى بخير
بس انا معاك ان البنت مش لازم تنساق ورا اى كلام معسول ولازم تحرص اوى على نفسها ولازم تعرف ان قوه شخصيتها فى احترامها لذاتها واحترام خطيبها ليها وعلى فكره لو تنازلت البنت عن بعض الامور عشان خطيبها حتى بعد الجواز مش هاتبقى مبسوطه ومش ممكن هاينسى تنازلاتها معاه ومش هايقول دا عشان كانت بتحبنى
الاحترام مطلوب ولابد منه فى فتره الخطوبه وكمان الجواز وهو اللى بيبنى الاسره وهو اللى بيدوم
ميرسى لموضوعك الجميل

[mego2]

مرسي جدا لردودكم وتعليقاتكم الجميله وهي دي النقطه اللي قولتيها يا نونا هي اهم ما في الموضوع واللي هي احترامك لنفسك هو ده اعم من اي حاجه ازاي توصلي لمرحله انك تبقي محتاجه انك تكوني محترمه بينك وبين نفسك مش علشان تثبتي ده لخطيبك او جوزك او اسرتك لا لنفسك قبل كل حاجه ! ربنا يبارؤك حياتكم كلكم ويحميكم ويكون معانا كل الايام

[بنت الراهب الصامت]

موضوعك حلو اوى بجد
وكل الردود اللى اتقالت جميلة جدا
انا مش لاقيه كلام ممكن ارد بيه عليك
لانهم قالوا كل الكلام اللى عايزة اقوله
ميرسى اوى ليك بجد
ربنا يباركك

[mego2]

مرسي ليكي بنت الراهب الصامت ربنا يباركك

[أميرة عبده]

موضوع فى منتهى الجمال انا بشكرك عليه لانه مهم اوى ولازم فعلا يكون البنت عندها قوة شخصية فى الموضوعات ديت مهما كان رد فعل اللى قدمها لانه باحترامها لنفسها قبل اى شيء هتجبر اللى قدمها انه يحترمها مش فى فتره معينه زى الخطوبه بس لكن فى حاجه بتعملها
ميرسى مره تانية

[mego2]

مرسي ليكي اميره علي ردك ورأيك الجميل ربنا معاكي