[مايكل عبد الشهيد]

السلام لكم اخواتي واحبائي
..............................

النهارده موعدكم مع الحلقه الاولي من مسلسل

(((فاطيما وحليمه فى اعده النميمه)))

عشان ماطولش عليكو

انا سامع حد قال طول

...............................................

المسلسل ده بيدور

حوالين اختين يعشقو النميمه

الاخت الاولي...فاطيما

الست فطيما دي غلويه ومش طايقه نفسها

تحب تجيب سيره الاعضاء زي عنيها

اما الاخت حليمه...

فاهي ست عاقله وغلبانه ودايما تحب تهدي النفوس

الاختين بقي ماورهومش غير انهم يدخلو موضوع من غرفه صندوق مناقشات الاعضاء ويفضلو بقي يحكو ويتكلمو ويتناقشو فيه

طبعا هما بيختارو موضوع كل 3 ايام ويتكلمو فيه بس بطريقه كوميدي شويه

ارجو ان الحلقات تعجبكو

المسلسل فكره وبطوله واخراج

واحد كده اسمه مايكل عبد الشهيد

.................................................. .................................................. .................................................. .................................................. .................................................

الحلقه الاولي

همشي واسيب المنتدي

الست فطيما كانت بتجيب العيش والفطار

وراجعه عنيها بتطق شرار

حليمه....ايه يا فاطيما مالك فيه ايه

فاطيما...اسكتي يا فاطيما ياختي الواد الفيلسوف مانتي عارفاه

حليمه....ماله يا فاطيمه ينيله ده واد جدع ودمه خفيف

فاطيما...ايوه ياختي بس ولله وقف قلبي وخضني

حليمه....ليه بس ياختي سلامه قلبك

فاطيما ....وانا جيه يا اختي لاقيته واقف وعمال يزعق ويقول...انا هامشي وهاسيب المنتدي

حليمه .....ليه طيب ده حتي واد زي العسل

فاطيما ....اه يا ستي انا بقي قولت ده حد مزعله وجري روحت جيبت شومه من عند الواد مايكل الصبي فى قهوه الصراحه راحه ورايحه اجري عليه وباقول الى الجهاااااااااااااد

حليمه ....وبعدين عملتي ايه ينيلك

فاطيمه ...... لا يا ستي انا لاقيته عمال يزعق ويقول......

انا بجد مش قادر انا وجودي هنا سبب عثره ليا
بجد انا مكنتش اتصور فعلا انى ممكن اعمل كده
او اطلب الطلب ده او اكتب الموضوع ده بس
انا
هحكيلكوا الحكايه بأختصار عشان تعزرونى
انا كنت مره بكلم عماد حسنى ع الميل وبعدين حصل وهزرت معاه هزار تقيل شويه وبجد صدقونى ماكان قصدي فهو زعل واضايق اوي
المهم فى الاخر اتصالحنا وكل واحد اعتزر للتانى وبقينا زي الفل
تانى يوم بكلمه وهو كان اون لين لقيته مش بيرد عليا خالص
وهو كان موجود
انا مش عارف هو بيكرهنى ليه انا معملتلهوش حاجه تستاهل يعنى بجد انا مبقتش مستحمله خالص
ده بيتعمد يكسفنى ويضايقنى ويرزل عليا ديما

وفى موضوعاتك وردوده بيلمح عليا
ده بجد شخصيه مش حلوه ابدا
ده انا حتى رديت فى موضوع عيد ميلاده ورد ع كل الاعضاء وشكرهم الا انا
هو بيكرهنى اصلا
وانا مش عاوز اشوف وشه ولا اي رد ليه ولا موضوع
انا لما اللمحه بتعصب - دش دب دب دش " كسرت الشاشه "-
اوووووووووووووف
انا هسيب المنتدي كله عشان خاطره

حليمه .... طيب وانتي عملتي ايه يا فاطيما ياختي

فاطيمه ..... اسكووووووووووتي مش طلع كل الكلام ده هزار

حليمه .....هزار ازاي يا فاطيمه ياختي

فاطيما.....اه ياختي ده الواد كان هايجبلي نقطه..انا طلعت اجري على عماد حسني وهانوله بالشومه

لاقيت المعلم فيلسوف بيجري ويقولي استني يا خالتي فاطيمه هافهمك

حليمه ....وفهمك ولا لا انا عايزه افهم

فاطيما....اه هو قبل مايروح المستشفي فهمني على كل حاجه

حليمه ...... مستشفي ايه كفانا الشر

فاطيما ...مانا لما فهمني اديته هو بالشومه على دماغه اومال هاجري واجيبها على الفاضي

حليمه ....الله ينور عليكي ياختي بس المهم هو فهمك ايه

فاطيما....الفيلسوف قالى

طبعا الكلام ده محصلش خالص بس كان لازم اعمل قصه زي كده عشان اوريكوا حاجه بتحصل مع كتير مننا
يعنى القصه دي هتلاقيها حصلت معك اكيد بس بشكل تانى

مين فينا مش حاسس ان فى عضو معين فى المنتدي مش بيحبه او شايل منه او العاكس
مين فينا ملهوش اعضاء معينين لما بيشفهم بيشمئز كده اكيد فى...تنكر ؟؟!!

لكن لحظوا معايا
ان ليه محولتش فى وقت تانى أسأله هو مردش عليا ليه ؟

لكن عشان الموقف الى حصل ابليه انا اتسرعت وتخيلت حاجات كتير ملهاش وجود

انا ليه مفركتش ان عماد ممكن يكون مش موجود ع الجهاز
او او النت بطئ او كان مشغول جدا وفى مشكله كبيره او فى مشكله فى الميل عشان كده الكلام مظهرش

حليمه.... ياعني كل الكلام ده كان عشان يخلي الاعضاء مايخدوش موقف من بعض ؟؟؟؟؟

فاطيمه ....اه ياختي وانا اللى زعلانه عليه ورايحه امسك فى رقبت عماد واتاريه طلع غلبان

حليمه...طيب معلش يا فاطيما روحي حطي الفطار واهدي كده شويه واكيد هانلاقي انا وانتي مواضيع تانيا نتكلم ونرغي وننم فيها

فاطيما ....على رأيك يا اختي هانشوف المره الجايه هايحصل ايه

ماهو يامه فيك يا منتدانا من مواضيع روعه

ويامه فيك يا منتدانا شخصيات اروع

بس اللى يدخل ويقري بس الاول قبل مايرد عشان يزود مشاركته

.................................................. ...........

وهنا تنتهي الحلقه الاولي من مسلسل فاطيما وحليمه فى جلسه النميمه

كان معكم

مايكل عبد الشهيد

المصدر: †† ارثوذكس †† - من قسم: البرامج والخروجات الخاصة بالاعضاء

[Malak sokar]

طيب اقول راي ولا كفاية اسمي
ملاك سكر
ههههههههههههههه

[samornotika]

ههههههههههههههههههههههههه هههه
بجد يا مايكل موضوع هايل حلو اوى و عجبنى جدا
ميرسى ليك خالص و ميرسى لكل مواضيعك اللى بجد تحفة
ربنا معاك و يفرح قلبك

[M!SS N@NO]

ههههههههههههههههههه
موضوع جميل خالص
ميرسى ليك يامايكل
وفى انتظار الحلقة الجاية

بس انا عايزة اتطمن ع الواد جوجايه
لسه عايش وفيه النفس؟
ولا ربنا تولاه وريحنا .... قصدى ريحو ؟

[وردة حزينة]

ميرسى خالص ياطنط حليمه انتى وفطيمه
ربنا يزود النيمه بتاعتكم كمان وكمان
فكره وحوار عسول خالص يامايكل
ومستنين النيميه الجايه

[cat girl]

ههههههههههههه لا بجد موضوع حلو جداااااا يا مايكل هو ده الكلام

[المجنونه]

يااااااااااااااااه كل ده حصل فى الحلقه الاوله
لالالالالالالالالالالالال ا ماكنتش اعرف
انهم لذاذ اوى كدا
ياعم ايه ده كله كان حوار رائع اوى ياطنط حليمه انتى وفاطيمه
بجد حوار حلو

موضوع حلووووو جداا
وميرسى جداااااااااااااااااااااا
ومشكووووووووووووووووووووو ووووووررررررررررررررررررر رررررررررررررررررررر

[الرومانسى الشقى]

بجد يا ميكو موضوع جميل اوى اوى


وى فعلا موضوعك بيناقش ظاهرة هنا فى المنتدى

مرسى ليك يا ميكو

[مايكل عبد الشهيد]

شكرا ليكو كلكم ونشكر ربنا ان الموضوع عجبكم وانتظرو الحلقات القادمه والضيف القادم هايكون ميكي باشا

[peter333]

عشرة على عشرة
عليك يا معلم مايكل بجد فكرة حلوة جدا و مجنونة جدا
ربنا معاك و يحافظ عليك يا معلمى