[emmmy]

المشاركة الأصلية كتبت بواسطة aymonded محبوبة الله لاحظي اني مش قلت ازاي الإنسان يسمع الدعوة وبأنهي طريقة، ولكن شرط أنها تكون في قلبه معلنه بالروح، يعني بتظهر على شكل الغيرة المتقدة، القلب الملتهب، الإيمان القوي، محبة النفوس، قوة البذل والعطاء ... وهكذا، أما طريقة السماع فممكن عن طريق أي شيء مش شرط كاهن ممكن بأي طريقة، ثم لازم يكون هناك تمييز ويقين أن هذا صوت الله وبتظهر لما القلب يتحرك ويغلي بقوة الله ويشعر بدافع داخلي قوي نحو الخدمة محبة في المسيح الرب... ثم أنا عمري ما كتبت سمعت دعوتي ازاي للخدمة ولا قلتها لحد أصلاً، والدعوة للخدمة غير موضوع معرفة الله اللي حكيت عنه وازاي بدأت حياتي مع الله، ولكن مش قلت خالص ازاي جت دعوتي للخدمة ، فقط حبيت اوضح لأنك فهمتي كلامي غلط، النعمة معك

مالك يا استاذ ايمن ؟؟؟؟ هو فى اية ؟؟؟
انت فى كل كلامك ركزت على ان صوت ربنا الاحسن يكون نابع من داخل القلب بشكل مباشر زى ما حصل مع لاوى العشار مثلا ودة اللى انا فهمتة ومعارضاك فية - بلاش الخاطئ الذى احبة يسوع علشان متزعلش - مع انة مثال رائع وجميل جدا جدا ودرس لينا كلنا - هى دعوة الخدمة مش بتيجى من معرفة اللة بردوا ؟؟
مش شرط خدمة كنيسية ومخدومين ولكن خدمة ربنا بشكل عام لان الخدمة طاقة حب نابعة من معرفة اللة تلقائية من غير اى تدخل خارجى

يعنى لاوى بقى متى الخادم لما عرف ربنا
بشكل تلقائى وعادى كأنة رد فعل طبيعى نتيجة المعرفة بشخص الرب يسوع ونتيجة الحب اللى جواة

انا اسفة يا استاذ ايمن على مضايقتك اللى انا مش عارفة سببها

[emmmy]

المشاركة الأصلية كتبت بواسطة aymonded علشان بس الكلام يبقى واضح يا محبوبة الله ماذا تقصدي باننا مش محتاجين تعليم !!! (أكيد ليكي قصد آخر من الكلام مش الكلمة المباشرة) أحنا طبعاً محتاجين نواظزب على التعليم كما قال بولس الرسول (لاحظ نفسك والتعليم)، وطبعاً المقصود بالتعليم هو التعليم بحسب التقوى في سر المحبة والاستجابة بالإيمان، لأن التعليم هو معرفة الكتب وقوة الله جنباً إلى جنب، فقوة الله حينما تحل بالتعليم أن فتح الإنسان قلبه لها فالروح القدس يدربه في منهج القداسة، والتعليم يأتي بمن لهم موهبة التعليم بالروح القدس، لأن ليس كل تعليم يخرج من خادم هو تعليم بالروح... النعمة معك

عزيزى واستاذى ايمن انت اخدت نصف الكلام وتوقفت
احنا مش محتاجين تعليم تدريبات للخدمة حركة ونشاط ظاهرى
لكن محتاجين تعليم يدخلنا للعمق عمق الروحيات ومعرفة شخص الرب يسوع
دة قصدى يمكن علشان كان فى فاصل فى الكلام انت مأخدتش بالك بس معلش بعتزر

[aymonded]

هو انا اتضايقت من حاجة أصلاً !!! انا مش متضايق اصلاً خالص ولا من اي حاجة خالص
ومن امتى باتضايق، انا بس حبيت أوضح أني مش قصدي لازم يكون صوت مباشر أو زي حد أو أنك تفتكري أني باقول لازم كل واحد يسمع زيي

طبعاً كلامك الأخير في هذا التعليق صحيح 100% وهو ده المطلوب مش أكثر ولا اقل
أرجو أنك انتِ مش تكوني فهمتي أني متضايق من حاجة اصلاً
وانت عارفة اني عمري ما تضايقت منك في حاجة خالص مالص
أقبلي مني كل تقدير لشخصك الحلو في كنيسة الله
النعمة معك

[aymonded]

المشاركة الأصلية كتبت بواسطة emmmy عزيزى واستاذى ايمن انت اخدت نصف الكلام وتوقفت احنا مش محتاجين تعليم تدريبات للخدمة حركة ونشاط ظاهرى لكن محتاجين تعليم يدخلنا للعمق عمق الروحيات ومعرفة شخص الرب يسوع دة قصدى يمكن علشان كان فى فاصل فى الكلام انت مأخدتش بالك بس معلش بعتزر

لا تعتذري علشان كده كنت باسأل على قصدك ايه علشان بس مش يكون الكلام مش واضح أو فيه خلط
واعذريني لأني دائماً بأدقق في الألفاظ علشان أفهم القصد ويكون الكلام واضح لي وللجميع
وأشكرك كتير على التوضيح، أقبلي مني كل تقدير لشخصك الحلو؛ النعمة معك

[emmmy]

طيب يا ريت بقى يا استاذ ايمن انت وماريو
تجاوبنى على السؤال اللى سألتة لميلاد واللى هو محور الموضوع اساسا بس المناقشة دخلتنا ى فرعيات تانية بس مش مشكلة كلة للمنفعة للى عاوز يتنفع
تقولنا اية رايك فى الخادم المعثر بسقوطة فى خطية معينة زى السجاير او الكبرياء
علشان احنا قلنا فى فرق بين السقوك وبين لحظات الضعف
لو وقف على منبر فى اجتماع معين واتكلم هتسمعوا منة يا خدااام
وبو سمعتوا منة كلامة هيبقى من غير ادانة ولا هتسيبوا الاجتماع
هتعملوا اية وتفكيركم تجاهوا هيبقى ازاى ؟؟

[aymonded]

طبعاً زي ما قلتي يا محبوبة الله الحلوة أحنا مش هانتكلم خالص عن اللي سقط تحت ضعف ولكن حياته أساساً مع الله وأخذ منه عطية وموهبة، ولكن بسبب ضعف ما سقط ولكنه يعود سريعاً ويتوب طالباً قوة الله، وهذا لا خوف عليه ولا منه لأنه صاحب قلب تائب متقد بنعمة الله التي تسنده وتعيده بقوة أعظم مما كان حينما يتوب، ولكننا سنتكلم عن العينة الثانية التي لم تعرف الله من الأساس حتى لو لم يكن له خطية ظاهرة ...

أولاً : انا مش باروح أي اجتماع علشان اسمع أي حد مهما كان، لازم يكون اجتماع يبنيني روحياً ويحرك قلبي نحو الله ويساعدني أن استمر في حياة التوبة الدائمة، فانا أحب أن أذهب لاجتماع فيه أب روحي بيتكلم فيه، أو خادم واخد موهبة من الله وأنا على يقين من ذلك ...
ثانياً : لو حضرت اجتماع بالصدفة وحاسس أنه تضيع وقت ولا يوجد فيه كلمة للبناء سأنصرف بهدوء وأصلي في بيتنا أو اقرأ كتاب روحي أفضل...
ثالثاً: أن دُعيت في اجتماع ولقيت واحد بيتكلم وهو إنسان مش تحت ضعف بل في حالة من الخطية وبلا توبة (ده طبعاً لو أعرفه شخصياً وأعرف أحواله، مش استنتاج يعني) مش هاقدر اسيب المكان لأني مدعو فيه وانتظر للنهاية ولكن بالطبع مش هاستفيد حاجة حتى لو كان بيتكلم صح، لأني هانشغل عنه واصلي مع نفسي وملياش دعوة بيه، ولكن أن كان ليا معرفة بأمين الخدمة أو بالكاهن المسئول سأتجه إليه على انفراد وأعاتبه بينه وبيني عتاب المحبة طالباً أن نصنع صوم وصلاة لأجل هذا الشخص وأطالبه أن يوجه قلبه للتوبة وأن لا يجعله يتكلم إلا بعد توبة حقيقية، لأن هذا هلاك للمتكلم قبل السامع، لأن من يخدم ويحيا في حياة الشر والفساد كمنهج حياته (وليس مجرد ضعف عابر - مهما ما كانت الخطية ونوعها) هذا خطر عليه هو لأنه لن يتوب لأنه يشعر أنه يُرضي الله بخدمته ولو تُرك ستستحيل توبته والمسئول عن هلاكة من عينه وأقامة على الخدمة وسمح له أن يتكلم وهو يعلم تمام العلم بأنه لم يتب بعد وليس له علاقة حية مع الله !!! فالكاهن او أمين الخدمة لا ينبغي أن ياخذ بالوجوه أو يسير حسب المحسوبية بل ينبغي أن يغير غيرة الرب ويحفظ الخدمة نقية، لأنه مسئول أمام الله عنها لا لكي يُرضي الناس بل يرضي الرب سيده لأن الخدمة ليست خدمته لكي يرضي فيها من يشاء مهما ما كان هذا الإنسان، بل ليرضي الله وحده حتى لو سيتسبب ذلك في مشكلة له كبيرة وربما يُضطهد او يرفض من الناس، فالأفضل ان يُرفض من الناس على أن يُدان من الله...

عموما أنا عن نفسي أرى من يخدم على هذا الشكل هو مسكين لم يجد من يوجهه، وخسارة ان الكنيسة لا تعي هذا الموقف الذي حذر منه الإنجيل والآباء على مر تاريخ الكنيسة كله، ومع ذلك لم ينتبه أحد وكل واحد وضع حجة جديدة لكي يجعل هذا الموضوع شرعي، والحجج واهية وكثيرة وفي النهاية لا أحد سيقدر أن يبرر نفسه وينجح حجته أمام الله الذي عيناه كلهيب نار تفحصان أستار الظلام، وسيسال كل واحد مذا فعل في كرمه ومن عينه له !!! ... النعمة معك

[emmmy]

كويس اوى شكرا استاذ ايمن اشكرك حقيقى على ردك
فاضل ماريو بقى وميلاد كمان وكل واحد شارك وبيشاركك معانا
رجاء الرد بكل صدق وامانة عاوزة اعرف رد فعلكم من الموقف لو دخلتوا اجتماع ولقيتوا الخادم اللى بيتكلم شخص انتوا مش مقتنعيين بية خالص كخادم من اساسة هتعملوا اية يا خداااااام

[ريم الخوري]

لا ميش من حقنا نرفض الخادم المعثر ايمي سوا بيدخن او متكبر
على فكرة انا برد مختصر على شان اتفرست
كل ما اكتب الرد واعمل ارسال يضيع الرد وارجع لنقطة البداية لذلك بقولك لا ميش من حقنا نرفض والباقي عندك هههههههههه

[emmmy]

ههههههههههههههههه
خسارة كان نفسى الباقى يسمعك ويسمع وجهة نظرك
الباقى عندى بس مش غيرى يا ريم عموما احترم رايك طبعا يا قمر
وشكرا على حضورك ومتابعتك واذا امكن فى وقت تانى عيدى كتابة المشاركة
معلش يا جميل هو فعلا النت النهاردة غريب جدا وتقيل بشكل مستفز - ربنااا معاااكى

[ريم الخوري]

اوكي ولا يهمك يا قمر ناخده دادي دادي زي الصغيرين ههههههه نعمل ايه هههههههه
نبتدي سؤال ايمي تفتكري ان الخادم اللى بيدخن دا اثرة على المخدومين وعلى نفسة بنفس المقدار للخادم المتكبر والا في فرق بينهم وليه