[remon_samir8]

مؤتَمَر الفِيران

فِـ مَرَه إجتَمَع الفِيران
عَلَشان يِشوفولهُم خِطَه
يِعيشوا بِيها فِـ إطمئنان
وَيَنجُوا مِنْ شَر القِطَه


إستَعِرَضوا كُل الأفكار
وَلا حِيلَه نِفِعِت بِالمَرَه
وِفِـ الخِتام قام أصغَر فار
وِقال خَلاص أنا جَتني الفِكرَه


هاتوا بِسُرعَه جَرَس رَنان
نِعَلَقُه فِـ رَقَبيتها
لَمَّا تيجيلِِنا الحِس يِبان
كُل الفِيران تِجرِي لِبيتها


الكُل سَقَفلُه بِالتَهليل
وِقالوا إنتَ مَفيش فار زَيَّك
آدِي جَرَس رَنان وِجَميل
يالا كِدَه نَفِذ رَأيَّك


سِكِت وِطال بِيه التَفكير
وِقال صَحيح مِين هَينَّفِذ
مَفيش لِزوم نِفَّكَر فِـ تَدبير
مَدام عَنْ التَنفيذ نِعِجَز

كَلِمات
ريمون سمير

المصدر: †† ارثوذكس †† - من قسم: القسم الادبي

[aymonded]

جميلة حقيقي يا أحلى ريمون
فعلاً جميلة عن صدق
النعمة معك يا أحلى غالي

[nrmo]

ميرسى جداااا على الكلام الجميل ده

[do7a_mzk]

جميله جدا جدا ياريمون
معناها جميل
ربنا يكون معاك

[MICKEY]

بجد كلمات فووووق الروعه
انا بجد كنت مستمتع جدا جدا وانا بقراها

ربنا يبارك حياتك ومنتظرين منك المزيد

[bolalover]

جميلـــــــــــــة جداااا بجد شكرا كتير يا غالي

[Team Work®]

جميلة قوى يا ريمون اشكرك جدا وربنا يفرح قلبك امين

[عماد حسنى]

جميله جدا يا ريمون
ربنا يباركك
ونشوف المزيد