[nermos1982]

كان يا ما كان
كان فيه قلبين
بيحبوا بعض
ما ليهم غير بعض
عايشين لبعض
دنيتهم واحدة
حياتهم واحدة
قلبهم واحد
عاشوا يحلموا بيوم لقاهم
بيوم يجمعهم بيت واحد
وفى عز ماهما بيحلموا
صحيوا على كابوس فظيع
بيقولهم كفاية
كفاية كده احلام
كفاية كده اوهام
اصحوا فوقوا
ده مفيش حاجة اسمها حب
انتم كنتم مخدوعين
وقرر القلبين يسيبوا بعض
وكل قلب بينزف من جراحه
مش قادر يسيب حبيبه
بس مش بايده حاجة
وخلصت كده الحكاية
واتعلمنا منها
اتعلمنا ان محدش يآمن للحب
مع انه اجمل احساس
اروع كلمات
بس يا خسارة مبقاش فيه امان
مبقاش فيه احلام

المصدر: †† ارثوذكس †† - من قسم: القسم الادبي

[عماد حسنى]

شكرا على الموضوع يا
نرمو
وربنا يوفقك فى حياتك ويفرح قلبك وقلوب كل اولاده

[كيرو رافت]

ليه كداااااااااااا يا نيرمو
ليه الحاله دى دة دا الانسان لا يملك فى حياته الا ان يحيا بالامل
وارجو ان تكون بحياتك نسمه امل لان الحياه بدون امل حياه ميته
وانتى مملؤة بالامل فى كتاباتك كلها
ارجو منك بلش نظرة الياس دى

[love is the key]

شكرا نرمو على الكلام الموثر دا

بس انا عاوز اسال هو لية كل الاشعار بتنتهي بالمئسويات نفسي اشوف شعر كله فرح

ربنا معاكم

[nermos1982]

المشاركة الأصلية كتبت بواسطة عماد حسنى شكرا على الموضوع يا نرمو وربنا يوفقك فى حياتك ويفرح قلبك وقلوب كل اولاده

ميرسى عماد على ردك الجميل ده.ربنا يباركك ويفرح قلبك

[سمسم 24]

الله عليكى بجد رائعة انتى رجعتى للحزن تانى
بس بجد جميلة اوى اوى اوى بجد بشكرك على الكلام
الرائع وربنا يبعد عنك اى احزان

[nermos1982]

المشاركة الأصلية كتبت بواسطة كيرو رافت ليه كداااااااااااا يا نيرمو ليه الحاله دى دة دا الانسان لا يملك فى حياته الا ان يحيا بالامل وارجو ان تكون بحياتك نسمه امل لان الحياه بدون امل حياه ميته وانتى مملؤة بالامل فى كتاباتك كلها ارجو منك بلش نظرة الياس دى

ميرسى كيرو على ردك الجميل ده .ومفيش ياس ولا حاجة ده حتى مصطفى كامل قال لا ياس مع الحياة
ده انا قلت انزل موضوع نكد كده تفاريح بس ربنا يسهل ومارجعش للنكد تانى

[nermos1982]

المشاركة الأصلية كتبت بواسطة love is the key شكرا نرمو على الكلام الموثر دا بس انا عاوز اسال هو لية كل الاشعار بتنتهي بالمئسويات نفسي اشوف شعر كله فرح ربنا معاكم

ميرسى على ردك الجميل ده بس الموضوع اللى كان قبل ده كان فرح بس ده جه كده معلش نكدت عليكم
ربنا يباركك ويفرح قلبك

[nermos1982]

المشاركة الأصلية كتبت بواسطة سمسم 24 الله عليكى بجد رائعة انتى رجعتى للحزن تانى بس بجد جميلة اوى اوى اوى بجد بشكرك على الكلام الرائع وربنا يبعد عنك اى احزان

ميرسى سمسم على ردك الجميل ده .ماتقلقش دى غلطة وصلولى انها متتكررش تانى انى اكتب نكد.انا قلت لازم انكد عليكم شوية
ميرسى يا سمسم ربنا يحافظ عليك

[@M@R!N]

يا خراشي عليكي يا nermos1982
ههههههههههه
تجننـــــــــــــــــــــ ــــــــــــــــي انتي واشعارك
كلامك جمييل اوووي بجد انا بستنى مواضيعك دايمااا
مستنيه تانيي هه
ربنا يباركك يا عثل