[ابانوب وجدى]

انا هاحكيلكم على موضوع غريب جدا جدا جدا حاصل لواحد صاحبى وانا عايز اعرف رايكم ايه وايه الحل

انا صاحبى ساكن فى عمارة فى وسط البلد يعنى المنطقة مش متطرفة ولا حاجة بالعكس منطقة ماهولة ومنطقة مدارس كمان

المهم صاحبى الشقة اللى جنب شقتهم اصحابها مسافرين من حوالى شهرين و مش هيرجعو الا فى الصيف

من اسبوع كده سمع هو واخواته حركة غريبة فى الشقة دى وصوت ناس بتتكلم وخبط وناس ماشية هو محطش فى دماغه وفكر ان الصوت جاى من فوق او من تحت لان الساعة كانت متاخرة اوى والدنيا هدوء

الصبح بقى اكتشفوا ان شقة فى الدور اللى تحتهم اتسرقت والشقة دى اصحابها مش موجودين قافلينها علطول يعنى تقريبا مفيهاش حاجات كتير وعدى الموضوع

تانى يوم اتسرقت شقة تانية فى دور تانى والشقة دى بتتوضب علشان صاحبها هيتجوز فيها وبرضه سرقوا حاجات بسيطة

مع العلم باستمرار الاصوات فى الشقة اللى جانبه واللى بتبدا حوالى الساعة 12 ونصف او واحدة لحد الساعة 3 او 4 الفجر

طبعا هو مش متاكد ان دول حرامية علشان يبلغ البوليس يمكن يطلع الموضوع مش صح ولا عارف يمكن يكونو عفاريت هو سامع صوت وحركة مستمرة وخبط ورزع فى الشقة كل يوم تقريبا فى مدة الاسبوع اللى فات

مع العلم ان العمارة مقفولة من تحت كل يوم بليل

طب دول بيدخلو منين وبيخرجوا منين والباب بتاع الشقة مش مكسور ولا حاجة

هو حكالى الحكاية دى ومش عارف يعمل ايه ولا ايه التفسير

لغاية اول امبارح الموضوع كان متطور جدا جدا سمع الناس دول انا مش عارف اوصفهم بايه بصراحة حرامية ولا عفاريت فاتحين راديو وبيتكلموا واللى يجنن بجد انه هو واخواته ومامته سمعوهم بيشيلو حاجة تقيلة وبيتكلمو وبعد شوية سمعوهم بيفكوا السرير وصوت المسمار بتاع السرير بيزىء هههههههه اه صدقونى لا وكمان جنب السرير بعد ما فكوه وقع منهم

وعمل انقلاب ده غير صوت الكراسى والكنب اللى بيتشال وبيترزع فى الارض وبيضحكوا وبيتكلموا

وفيه صوت زن غريب وحدد الاصوات واحد صوته طخين وواحد صوته شاب وهما تقريبا اتنين وكمان واحد منهم لابس جزمة بكعب رجالى وبيدق فى الارض وهو ماشى

بصراحة انا مش عارف ايه ده

وسمعهم كمان بيقطعو حاجات بسكينة تقريبا شنط سفر وسمع صوت السوسته بتاعة الشنط دى كمانبتتفتح المهم هو بيحكيلى وبيقولى الصوت قريب جدا جدا مننا فى الاوضة كانهم جايين عند الحيطة وبيتحركوا لا وبيندهو على بعض وصوتهم عالى واللى يجنن الراديو اللى مفتوح على اخره

انا عارف الموضوع محتاج كرومبو بس صدقونى ده اللى حصل والشقة كل يوم الاصوات دى فيها فى خلال الاسبوع اللى فات بس وانا سالته يمكن فيها عفاريت قالى يمكن بس الاصوات دى جديدة الاسبوع ده بس واول مرة سمعها كان اول مرة حاجة تتسرق من العمارة ومكنش حد يعرف ان فيه شقة اتسرقت لسه


بس انا قلت يمكن حد يقدر يفكر معانا ايه اللى بيحصل فى الشقة وايه الحل متقولش بوليس لان محدش عارف هو مين اللى جوه ده

موضوع غريب جدا ومريب جدا جدا جدا

وانا منتظر ردودكم على احر من الجمر

المصدر: †† ارثوذكس †† - من قسم: صندوق مناقشات الاعضاء

[kottah_sh]

انا من رأيى لازم تقولوا لصاحب الشقه
علشان يرجع يشوف ايه ده
ولازم ابونا يصلى صلاه تبريك منازل
ويعمل فيها قنديل

انا مصدقه كلامك كله
لان حصل نفس الكلام ده
مع ناس قرايبى فى المصيف بس كانوا بيشوفوا حاجات
ولقيوا لبس جديد محروق
ويشوفوا ناس بتمشى قدامهم فى الشقه

ربنا يدبر الامور

[ابانوب وجدى]

شكرا كوتا لردك واهتمامك

على فكرة الشقة دى بتاعة ناس مش مسيحيين وبعدين دا كان اول مرة يسمع الحاجات دى وانا سالته وقالى كده

تصدقى يا كوتا هو ده تقريبا التفسير الوحيد

لانهم بيجو امتى وينزلو امتى ومحدش بيشوف حد يعنى وفين المسروقات مش عارف بصراحة

عموما انا احتمال الاقى صاحبى ده فى يوم ماشى يكلم نفسه ههههههه

[M!SS N@NO]

هو فيه 3 حلول للمشكله دى:

الحل الاول : انه يبلغ أصحاب الشقه لو يقدر يتصل بيهم وهما مسافرين يجو يشوفو ايه ايللى بيطلع فى شقتهم بليل ده

الحل التانى : يبلغ صاحب العمارة وهو ايللى يتصرف بقا ، يبلغ البوليس او ينسف الشقه ملكه وهو حر بقا

الحل التالت : يعمل نفسه نايم

وشكرا

هههههههههههه
يا مامى
ربنا يستر

[bolalover]

يا عم يعزل و يريح دماغه
بلا وجع دماغ
ال عفريت ال

[ابانوب وجدى]

بسم الله الرحمن الرحيم الاجابة انشاءالله التالتة يعمل نفسه نايم هههههههههه


اجمل حل يا حنون يعمل نفسه نايم هههههههه

اوعى تسكنى جنب شقة اصحابها مسافرين يا حنون لا يطلعولك زى ماطلعو للغلبان ده

[ابانوب وجدى]

يعزل فين يا بولا اوعى يسمعك لا يعزل عندنا هو والعفريت ههههههه

اللى هيجننى كانو بيفكو السرير ليه

[بنت الفادى الحبيب]

ايه القصه المرعبه دى انااااااااااااااااااا خايفه
ههههههههههههههه
ميتهيأليش عفريت بأسم الصليب يعنى ليه عفريت مودرن هيشغلوا راديو ويشيلوا ويحطوا
هو ممكن يس4أل الجران التانيين بيسمعوا صوت برضه ولالآ لو هما كمان بيسمعوا اصوات يبلغ صاحب الشقه وهو يتصرف
عفااااااريت اخر زمن

[bolalover]

الله اما انت امرك غريب يا راجل
دول عفاريت يعني اكيد مش بناموا علي السرير زي ما احنا بنام
اكيد ليهم وضع تاني و حد فيهم حب يئيل شوية
فظبطوا السرير علي حسب نومتهم

[M!SS N@NO]

لا متقلقش يا بيبو
اساسا اصحاب الشقه ايللى انا فيها مسافرين
وانا ايللى بطلع للعمارة كلها بليل
وبشغل الست لما
واعلى الصوت