[كراكيب]

1.ياانبا موسي يا حبيبنا يا قديس وغالي

يا للي دايما في ضيقتنا بتصلي لنا طوالي

حياتك تشبه شجرة مورقة وخضرة

كل ماناخد منها ثمرة بيذداد إيماننا

2.حياتك كانت زمان في عبادة الأوثان

وكنت حيران نفسك تعرف الديان

لحد ماربنا أرشدك لبرية شهيت

وأبو مقار عرفك ع الإله الوحيد

3.حياتك معادلة صعبة رموزها كتيرة

في الخطية عشت فترة من غير ما تتأثر بيها

دموعك بتفكرنا بخطايانا وأوجعنا

وإيمانك بيفكرنا بهنانا ومجدنا

4.صرت أب لكل البرية باعملك النقية

عظاتك كلمات حية قلبك كله حنية

مارديتنش تحكم علي الراهب اللي اشتكوا عليه

ضهرك ساعتها انحني من الرمل اللي كان عليه

5.في شهر بؤونة المبارك

سيبت الأرض برضاك واتضاعك خلاك

تبقي في السما ملاك

عمرنا ماحسينا بفرقك دايما حسين إننا جنبك

بمحبتك وإيمانك قدرت تخلينا أولادك

6.اذكرنا ياابونا موسي الأسود أمام عرش الرب الأوحد

علشان يوم الموعد كلنا نبقي جنبك

اذكر سيدنا وكمان مطراننا وكل كهنتنا وخدامنا وشعبنا

ملحوظة: من الممكن ان تقال علي لحن (مش فاكر امتي ياربي)

المصدر: †† ارثوذكس †† - من قسم: القسم الادبي

[عماد حسنى]

جميله اوى اوى اوى يا
ميدو
بركه وشفاعه وصلوات
الانبا موسى تكون معاك ومعانا

[MeRooBe@r]

جميلة اوي يا كراكيب تسلم اديك وبركة وشفاعة الأنبا موسى تكون مع الجميع

[kamel]

بركة وشفاعة القديس تكون مع الجميع
هايل ياأستاذ ميلاد
الرب يبارك حياتك

[Team Work®]

من اجمل الاشعار هو شعر القديسين والكلمات الحلوة اللى بتتكتب على القديسين

اشكرك جدا يا احلى غالى

[جاسيكا]

بركة صلاتة تحافظ علينا جميعاً يارب
جميلة يا لاميدو بجد ومنتظرين منك تانى
ورينا كتاباتك الجميلة
ربنا معاك

[كراكيب]

انا متفائل لان الناس بدات ترضي عليا ميرسي يا هيما

[كراكيب]

شكرا جدا ليكي ياجاسيكا وشكرا لمتابعتك شفتي ازاي كنتوا ضلمني

[كراكيب]

ميرسي ياميرو علي متابعتك

[كراكيب]

ربنا يخليك يااستاذ كامل