واسوني وانصحوني

MeRooBe@r · كُتب : [ 03-13-2008 - 03:02 PM ]

انا عندي سر ... سر رهيب
وحاسة باحساس ... احساس غريب
بس إنتو إخواتي ... مش حد غريب
دي قدرة ربنا ... وهو ده النصيب

أعز صديقاتي .. أخت من إخواتي
حلوة وأمورة .. عشت معاها حياتي
عمري ما خبيت عنها سر في حياتي
أنا وهي واحد يعلم ربنا يا أعز إخواتي

دخلت عليها لقيتها بتبكي!!
"مالك يا حبيبتي قولي واحكي"
أخويا عمل حادثة وانا زاد شكي
وعايزة أسمع صوتو..مش ده حقي؟

وعدا اليوم و لقيت مارينا جيالي مخنووووووقة
سألتها مالك يا بنتي قلقتيني!؟ وانا محرووووقة
جاوبتني: "أخوها مات بس أوعي تقوللها
الإمتحانات على الأبواب و بلاش نئلمها"

أعمل إيه يا إخواتي .. أنا محتارة و مصدومة
واسوني وانصحوني .. أنا خايفة و مكسورة
جرحي ليها بيزيد .. ده أخوها عنها بعيد
حاسة بألم شديد .. لكنه عند الرب المجيد

صلولها يا إخواتي وانا اسفه اني طولت عليكو

المصدر: †† ارثوذكس †† - من قسم: القسم الادبي

ظريف · كُتب : [ 03-13-2008 - 03:31 PM ]

أعمل إيه يا إخواتي .. أنا محتارة و مصدومة

بصراحه يا MeRooBe@r هو موقف محير جدا
بس الحل موجود عند أب أعترافك لأنه عنده الخبره
والحكمه والروح القدس بيرشده 0 أحكيله الموقف
وحتلاقى الحل عنده أكيد

MeRooBe@r · كُتب : [ 03-13-2008 - 04:32 PM ]

شكرا جدا ليك يا أستاذ ظريف انا ماعرفش أشكرك ازاي
ربنا يفرح قلبك

@M@R!N · كُتب : [ 03-13-2008 - 04:41 PM ]

حلووو اووي يا ميروو
ميرسي ليكي

وربنا يقوينا كلنا
بجد الخبر كان صدمه جامده
وربنا يكووون في عونهااا هي واهلهااا

ربنا يبارك حياتك

M@@@NOOOO · كُتب : [ 03-13-2008 - 04:42 PM ]

اممممممممممم
اناا فى الاول احب اقولك ان كلامك جميل جدا
ثانيا هو فعلا موقف صعب جدا
وانا من رايى انك متقوليش ليها حاجه ومسيرها هتعرف
بس فى الوقت المناسب
وربنا معااكو كلكوا يارب

Malak sokar · كُتب : [ 03-13-2008 - 04:46 PM ]

لالالالالالالالالالا
انا مش معاك يامنو انا من رايي انها تقلها مهما
مان الخبر مؤلم الصراحة مافيش احسن منها
وربنا يعزيهم-

Malak sokar · كُتب : [ 03-13-2008 - 04:49 PM ]

انا عارفة ان الخبر مولم اوووي
بس مهما كان الخبر مؤلم اووي
الصراحة احسن ياماما
ماينفعش الكدب مامنهوش اي لازمة
وربنا يصبرهم ويعزيهم

M@@@NOOOO · كُتب : [ 03-13-2008 - 05:16 PM ]

ياجماااااااااااعه انا مجبتش سيره الكدب دى نهاااااااااائى
انا بقول عشاان هى فى فتره امتحانات واهلها هنا فى مصر
فلازم يصبروا شويه لحد ما ربنا هو اللى يدبر الطريقه المناااسبه مش اكتر
وربنا معاها ويعمل اللى فيه الخير

MeRooBe@r · كُتب : [ 03-13-2008 - 05:25 PM ]

في ايه يا جماعه بالراحة
انا مليش دعوه مش هاقول حاجة عشان لو قلتلها هاتنهار ده مهما كان اخوها ولو هاتعرف الحقيقة لازم مامتها تكون جمبها وهي الي تقولها عشان انا مش هاستحمل اني اشوفها بالمنظر ده لما تعرف مننا فاهماني يا ملاك سكر
انا باشكرك على مرورك لموضوعي
وباشكرك انت كمان يا مانو وانا معاك مش هاينفع اقولها حاجة عشان انا لما سمعت الخبر قلبي وجعني اوي وكتمت دموعي عشان كانت قدامي مابالك هي:sad:
مارينا شكرا لمرورك يا حببتي لموضوعي ربنا يخليكي ليا

ربنا يصبرها يا رب انا بجد خايفة اوي يا اخواتي

MeRooBe@r · كُتب : [ 03-13-2008 - 05:29 PM ]

يا جماعة المصيبة انو الولد الوحيد بين أربع بنات
الام خسرت ولدها الوحيد ..... ربنا يستر

		†† ارثوذكس †† > كل منتدايات الموقع > ادب وعلم وثقافة > القسم الادبي
واسوني وانصحوني

	تذكرنــي

واسوني وانصحوني

انا عندي سر ... سر رهيب وحاسة باحساس ... احساس غريب بس إنتو إخواتي ... مش حد غريب دي قدرة ربنا ... وهو ده النصيب أعز صديقاتي .. أخت