تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة



المرشد الروحى (كلمة الله التى تؤثر فيك) به يكتب مواضيع فيها ارشد روحى للأعضاء وذلك بيكون من خبراتهم مع الاب الكاهن فى الاعترافات

الغباوة

تعريف الغباوة كانت "سير مندس" هي المسئولة عن وضع كل امتحانات العلوم والرياضيات لكل فصول إعدادي وثانوي وكانت دايماً بتحُط امتحانات صعبة جداً في يوم كان عندنا امتحان الشهر

اعلانات

اضافة رد

 
أدوات الموضوع انواع عرض الموضوع

رقم المشاركة : ( 1 )
++ الطير الحزين ++
ارثوذكسي جديد
++ الطير الحزين ++ غير متواجد حالياً
 
رقم العضوية : 252
تاريخ التسجيل : May 2007
مكان الإقامة :
عدد المشاركات : 5
عدد النقاط : 10
قوة التقييم : ++ الطير الحزين ++ is on a distinguished road
افتراضي الغباوة

كُتب : [ 07-29-2007 - 05:40 PM ]


تعريف الغباوة

كانت "سير مندس" هي المسئولة عن وضع كل امتحانات العلوم
والرياضيات لكل فصول إعدادي وثانوي
وكانت دايماً بتحُط امتحانات صعبة جداً
في يوم كان عندنا امتحان الشهر بتاع الكيميا
وأول حصة في اليوم ده كان فيها قداس للمسيحيات
فمن كتر خوفنا من امتحان الكيميا
أنا وكذا بنت قررنا مانحضرش القداس ونقعد في الحوش عشان نذاكر
"سير مندس" أخدت بالها إن فيه 11 بنت ماحضروش القداس
جمعتنا (ال 11 بنت) في مكتبها

وسألتنا بكل هدوء: كنتو فين وقت القداس ؟
قلنا لها: كنا في الحوش
سألتنا: كنتو بتعملوا إيه في الحوش ؟
قلنا لها:كنا بنراجع عشان امتحان الكيميا
بكل حزم وبهدوء يِفرس .. قالت لنا: طلعتو أغبيا
ولا واحدة فيكم هاتدخل امتحان الكيميا النهاردة
وكلكم هتاخدوا "صفر" في الشهادة الشهر ده
عشان تتعلموا إن في كل مرة هاتفضَّلوا حاجة على ربنا .. هاتخسروا الكل

حاولنا طبعاً نبوس القدم .. ونُبدي الندم .. على غلطتنا
لكن خلاص .. مافيش فايدة
البنات عيَّطوا واعتذروا واتوَسِّلوا لكن أنا الوحيدة اللي مانطقتش
مش عشان مش عايزة أعتذر .. لأ .. لكن من كتر ما الصدمة كانت كبيرة بالنسبة لي
مُخِّي ماقدرش يستوعبها ! .. كنت حاسَّة إني في كابوس
لكن كلها شوية وهاصحى من النوم وأروح الامتحان
ماكنتش متخيلة أبداً إن عدم حضورنا القداس
ممكن تكون عقوبته هي حرماننا من دخول امتحان الشهر
ماكنتش قادرة أفهم هي "سير مندس" محبِّكاها كده ليه ؟
يعني هي الكنيسة هاتطير ؟! .. ما إحنا عندنا قداس كل يوم أربع
إيه المشكلة يعني إن إحنا ماحضرناش النهاردة عشان امتحان الكيميا ؟
ما هي عارفة بتجيب لنا امتحانات شكلها إيه ! .. وبعدين هي الصلاة بالعافية يا ناس ؟
دخول كنيسة إيه اللي بالغصب ده ؟! .. لأ وزاد وغطَّى
إنها عايزة تحط لنا صفر في الشهادة ! .. يا فضيحتي
البنات خرجوا كلهم من مكتبها .. وإستنيت أنا

قلت لها: ممكن أقول لك حاجة ؟
قالت لي: قولي
قلت لها: لو إتحط لي صفر في الشهادة .. مش هاقدر أدخل بيتنا
ابتسمت وقالت لي: أنا عارفة
بس إنتي بالذات أنا عايزة أعرف ماحضرتيش القداس ليه ؟
سيبتي ربنا عشان درجة زيادة ؟
جمِّدت قلبي وقلت لها: حضرتك مامسكتيناش وإحنا بنحاول ننط من على سور المدرسة
إحنا ماكناش بنعمل حاجة غلط ! .. إحنا كنا بنذاكر عشان امتحان الكيميا
قالت لي: أنا ماعاقبتكوش عشان كنتو بتعملوا حاجة غلط
لكن أنا عاقبتكم عشان ماعملتوش الحاجة الصح
النهاردة إنتو ماحضرتوش القداس عشان امتحان الكيميا
والأسبوع اللي جاي مش هاتحضروا القداس عشان امتحان العربي
واللي بعده عشان امتحان كذا .. واللي بعده واللي بعده ! .. ماينفعش
إبليس بيحاول بكل الطرق يخلق الأسباب المقنعة جداً واللي مش غلط عشان
يبعدنا عن ربنا .. فمش لازم نديله فرصة ! .. وقت ربنا لازم يكون مقدَّس وغالي علينا
من غير ربنا إحنا مانقدرش نعيش إنتو الخسرانين

لأن طول ما الشخص بيحط ربنا في آخر "قائمة أعماله"
طول ما ربنا بيحطه في آخر "قائمة استجاباته"

"نعلَم أن الله لا يسمع للخطاة، ولكن إن كان أحد يتقي الله
ويفعل مشيئته، فلهذا يسمع" يوحنا31:9

قلت لها: طب مرة أخيرة .. عن نفسي وبالنيابة عن زميلاتي
بنقول لك: إحنا آسفين ومش هانعمل كده تاني
قالت لي: وأنا قبلت اعتذاركم
ماصدقتش وداني ! .. فقلت لها: يعني أقول للبنات إننا هاندخل الامتحان ؟
قالت لي بكل برودة القطب الشمالي والقطب الجنوبي مجتمعين: لأ
أنا قبلت اعتذاركم لكن مش هاتدخلوا الامتحان
إنتو غلطتوا ولازم تتعلموا إن الغلط مُكلِّف
اللي بيغلط لازم يدفع تمن غلطته
فاض بيَّ فانفجرت وقلت لها: هو حضرتك فاكرة إنك بالطريقة دي هاتخلِّينا نحب ربنا ؟
ممكن تقوليلي لما أرجع البيت النهاردة وماما تسألني عملت إيه في الامتحان .. أقول لها إيه ؟
إنتي مش قادرة تستوعبي حجم المصيبة اللي أنا فيها
الست بكل حكمة قدَّرت إني خرجت عن شعوري غصب عني
وإن الموقف كان صعب جداً عليَّ
فغيَّرت نبرة كلامها قالت لي: حبيبتي ماتخافيش من حاجة
قولي لوالدتك تيجي تقابلني بكرة وأنا أوعدك إن محدش هايكلمك بكلمة
إوعي تفتكري إن أنا أخدت قرار منعكم من الامتحان عشان أضايقكم ولاَّ عشان مش باحبكم
لكن مقدرش أتساهل وإنتو مش فاهمين درس في منتهى الأهمية:

إن ربنا لازم يكون نمرة واحد

إنتي مثلاً مع إن مافيش ناس كتير في شطارتك دراسياً
لكن ماتمناش لحد إنه يكون في غباوتك روحيا
لأن مافيش حاجة في حياتك غير المذاكرة والدرجات
أنا مش باقول لك: (ماتذاكريش !) .. لأن ولاد ربنا مش خايبين
أنا باقول لك: إتعلمي ترتِّبي أولوياتك صح ! .. وإلا .. هاتبقي عاملة زي "العروسة اللعبة"
شكلها حلو .. ولبسها جميل .. وندوس على زرار تتكلم لغات
لكنها في الحقيقة ميتة ! .. مافيهاش حياة !
وده هايبقى حالك طول ما ربنا مالوش مكان في حياتك
طول ما الرب يسوع مش مالك على قلبك
أنا عارفة إن كلامي صعب عليكي .. لكن جايز بعد سنين ييجي يوم
وتفتكري إن كان عندك راهبة في المدرسة اسمها "سير مندس" .. قالت لك

إن تعريف الغباوة هو: " البحث عن السعادة بعيد عن الله "

لو حاولتي تدوَّري على السعادة في أشياء أو أشخاص غير الله
مش هاتجني غير كل تعاسة
أنا باصلي دايماً من أجلك ! .. إنتي فيكي حاجات حلوة كتير
لكن خسارة تضيَّعي وقت في الغباوة
أنا متأكدة إن يوم ما الطاقات دي هاتتوجه لخدمة ربنا .. هاتبقى شيء رائع
إرجعي فصلك دلوقتي .. واللي مادخلتيلوش الكنيسة النهاردة عشان تشكريه
هو اللي هايحل لك المشكلة

أنا باعترف إن لولا أمانة "سير مندس" في تربيتنا وتصميمها على عقابنا
كان الموقف ده إتنسى زي ما بننسى حاجات كتير
لكن هي بحكمتها كانت فاهمة إن ده درس العمر كله

"لا تمنع التأديب عن الولد لأنك إن ضربته بعصا لا يموت
تضربه أنت بعصا فتنقذ نفسه من الهاوية" أمثال13:23



hgyfh,m > ]vs fhg'vdrm pfdfd ph[hj ph[m pg,m pdhm pdhj; hgaow hgvf hguv,sm hgulv hgsuh]m hgjH]df hgwghm hgr]hs hggufm hggi hgk,l hg;kdsm hgd,l oghw vfkh [ldg Hadhx H]og uahk skdk juvdt j;,k size lhg; l;hk rfgj gh.l ggfkhj gd; ktsi ,hp]m ,vfkh ,Ypkh ,rhgj ,g;k tvwm tugh ds,u d,pkh d;,k tdih


رد مع إقتباس
Sponsored Links
بياناتي
 رقم المشاركة : ( 2 )
Team Work®
ارثوذكسي ذهبي
رقم العضوية : 2
تاريخ التسجيل : Oct 2008
مكان الإقامة :
عدد المشاركات : 14,683
عدد النقاط : 34

Team Work® غير متواجد حالياً

افتراضي

كُتب : [ 07-29-2007 - 08:50 PM ]


فعلا درس جميل قوى قوى قوى

شكرا ليك حبيبي وربنا يباركك

رد مع إقتباس
بياناتي
 رقم المشاركة : ( 3 )
كاترين
ارثوذكسي بارع
رقم العضوية : 826
تاريخ التسجيل : Jun 2007
مكان الإقامة :
عدد المشاركات : 1,960
عدد النقاط : 10

كاترين غير متواجد حالياً

افتراضي

كُتب : [ 07-29-2007 - 10:12 PM ]


حلو قوووووووووووووووووووووووو وووووووووووى
ربنا يعوووووووووووووووضك


رد مع إقتباس
بياناتي
 رقم المشاركة : ( 4 )
ensan
ارثوذكسي شغال
رقم العضوية : 1143
تاريخ التسجيل : Jul 2007
مكان الإقامة :
عدد المشاركات : 98
عدد النقاط : 10

ensan غير متواجد حالياً

Tongue

كُتب : [ 08-02-2007 - 10:15 PM ]


فعلا درس حلو ومفيد وواقعى
نبهنى لحاجات الواحد بيعملها فى الواقع يأجل ربنا ويخلية اخر حاجة بحجة معنديش وقت اصلى ورايا شغل اصلى معايا امتحانات

شكرا على الدرس انااستفدت منه بحقيقى

ربنا يبارك حياتك سلام ونعمه


رد مع إقتباس

اضافة رد

مواقع النشر (المفضلة)

الكلمات الدلالية (Tags)
., درس, بالطريقة, حبيبي, حاجات, حاجة, حلوة, حياة, حياتك, الشخص, الرب, العروسة, العمر, السعادة, التأديب, الصلاة, القداس, اللعبة, الله, النوم, الكنيسة, اليوم, خلاص, ربنا, جميل, أشياء, أدخل, عشان, سنين, تعريف, تكون, size, مالك, مكان, قبلت, لازم, للبنات, ليك, نفسه, واحدة, وربنا, وإحنا, وقالت, ولكن, فرصة, فعلا, يسوع, يوحنا, يكون, فيها

اعلانات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تعـــــــــــريف الغبــــــــــــــاء nancy الضحك والفرفشة 7 03-13-2012 08:53 PM


الساعة الآن 03:52 PM.