[التسبيح]

خنقة وشروط وقيود. ياناس خلاص هنطق هنموت. نيجي نروح الكنيسة يقولك لأ.... إبليس محترم. إتحشم يعني بلاش قصير ولا وسط ساقط ولا مكياچ ولا روشنة.. ده بيت ربنا. فاكر نفسك خارج مع أصحابك تتفسح؟؟؟!!! يااااادي الهنا.
بلاش سجاير جوه الكنيسة اطلع دخنها بره الباب، وأنت في الكنيسة يكون تفكيرك مقدس بس في مخدعك فكّر براحتك وإحلم زي ما إنت عايز، إسرق في شغلك ما هو السوق كده. بس ادفع العشور عشان الغلبانين وعشان لازم تكون أمين
يعني بإختصار في الكنيسة تعبد الله وبره تعبد المال وتنقد المؤمنين، إعرف بنات وإغلط بس المهم تعترف وتتوب. وإنتي إعرفي شباب عيشي يومينك المهم محدش يعرف وصلّي قبل ما تنامي وأقري الإنجيل.
وسط أصحابك سب وإلعن. بس عارف تغفر ولا تخضع لربنا؟؟، مش مهم أحضر إجتماع طالما فيه سبوبة أكسب منها قرشين، أيه يعني لما أستغل الخدمة عشان أتشهر أو آكل عيش. ويقولولك كده كلام كبير قال أيه بيتاجر ف هيكل ربنا!!!!
ولما أعامل أهلي بأسوأ معاملة لأنهم يستهلوا. يقولوا عليا بكسر كلام ربنا. ياااااه..... الواحد إتفك شوية لما إتكلم وفضفض..... ولا إنت أيه رأيك..؟!
آه..آه.. مظبـوط هي فعـلاَ خنقـة بس بزمتـك مش حـاسس إنـك بقـيت مقسـوم إتنيـن؟!!
وبتفكر ف إتجاهين؟!! ومتشتت وضايع مش عارف جاي منين ولا رايح علي فين؟!!، أنا معاك إنها حاجة تحّير. بس عارف ليه؟؟؟ لأنك عايش بوشين. وش مع ربنا.. بس ياتري التاني مع ميـن؟؟
طبعاً لازم تكون تايه ومهزوز ومش ثابت، خليني أقولك نصيحة.. إختار طريق من الأتنين وإثبت فيه يا الشر والروشنة. والسيجارة والكلام مع البنات والنميمة والكُره والعادات، وتكون عارف طريقك ومقررة لا تحتار ولا تغيره. بس أوعي تقول ف يوم أنا رايح السما.... صحيح ماحدش شايف تصرفاتك مننا.
يا إما بقي تختار طريق السما ولو قررت تكمل معاه ها تضطر تستغني عن حاجات من وجهة نظرك هي أغلي حاجات ف حياتك عشان ترضيه. ولو إبليس أقنعك إنه صعب تعدل حياتك و أزاي هّا تغير عاداتك و أزاي بعد الشر ده كله هيغفرلك سيئاتك.. ما تبصش عليه ولا تفكر ترجع ليه. أمسك باللي حبك رغم عن كل الخطايا اللي فيك واللي وعده ليك اليوم إنك هاتكون معاه رغم كل العيوب اللي فيك.. عايز نصحتي ليك؟؟ أحتمي فيه وصدق إنه قادر يقودك ويغير حياتك. وقرر من دلوقتي تعيش يا إما لقلبك.. أو يا إما لربك.. وإلغي من دماغك المثل اللي بيقول "ساعة لقلبك وساعة ربك" و نصيحة الكتاب ليك "إن القلب نجيس وشرير بطبيعة ويؤدي في داهية ودايماً آخرته ضلمه"
أه.. نسيت أعرفك بنفسي؟؟؟
أنا بس مجرد كلمة بسيطة من ربنا ليك وكل ما تحب تسمعني هاتلاقيني بتكلم ليك

المصدر: †† ارثوذكس †† - من قسم: المرشد الروحى (كلمة الله التى تؤثر فيك)

[نبيل نصيف جرجس]

الله كلامك حلو اوى ربنا يفرح قلبك ويزيدك نعمة فوق نعمة يا رب

[التسبيح]

1. المشاركة الأصلية كتبت بواسطة نبيل نصيف جرجس الله كلامك حلو اوى ربنا يفرح قلبك ويزيدك نعمة فوق نعمة يا رب

   ميرسى على مرورك الرب يبارك حياتك

[سمر ماهر]

كلام جميل جدا وفعلا الشيطان بيحب يجملك الشر و يحسسك انه جميل و احنا من عدم ايماننا بنعمل اللي هو عايزة و مع الاسف الحياة دلوقت الشيطان مزروع جوة كل حاجة حتى بيدخل فكرك و انت في الكنيسة ربنا يقويك ويعوضك علي الموضوع الرائع دة

[التسبيح]

المشاركة الأصلية كتبت بواسطة سمر ماهر كلام جميل جدا وفعلا الشيطان بيحب يجملك الشر و يحسسك انه جميل و احنا من عدم ايماننا بنعمل اللي هو عايزة و مع الاسف الحياة دلوقت الشيطان مزروع جوة كل حاجة حتى بيدخل فكرك و انت في الكنيسة ربنا يقويك ويعوضك علي الموضوع الرائع دة

ميرسى على مرورك الجميل وربنا يبعد عن اولادة الشيطان وافكارة الشريرة الرب يبارك حياتك

[التسبيح]

سلام الرب يسوع المسيح
موقع جميل يستحق الزيارة والانضمام فيه هو موقع الرب يسوع حى ويحبك وهذا رابط الموقع
http://jesus-district.ahlamontada.com/forum.htm