[minabobos]

أنا عايز أكلمكم النهاردة على فن لازم يبقى عند معظم الشباب
( إزاي تثبت بنت )
في مؤتمر في سويسرا لبحث كيفية تثبيت البنات تقدمت ببحث في تأثير حركة العين الشمال عند الولد على عملية التثبيت و توصلنا في البحث إن البنت أول حاجة بتلاحظها في الولد حركة النني و عدد شعرات الرمش لذلك لابد أن تحرص على تدريب عضلة النني من أربع إلى خمس ساعات يومياً مع إتباع نظام غذائي محدد علشان تعرف تثبت ..
البنـــــــــــات
(مش عايز أتوهكم و أدخل في مسائل علمية لإني عارفكم 00000 ولذلك هشرحلكم بالبلدي)
يعني أول ما تشوف البت تروح يا معلم مشغل العضلة الشمال للنني و تغمز غمزة 2 قدم و نص بزاوية ألفا 27 درجة و تروح قايلّها (لوسمحتي ممكن دقيقتين من وقتك؟) أول ما تسألها السؤال ده
-:اللي هيحصل كالأتي
الإحتمال الأول انها تقول ( نعم ) و ده بنسبة 65% و هيترتب عليه اللي هنقوله بعدين ....
الإحتمال الثاني انها طبعا تقول ( لا ) و ده بنسبة 80 % و محدش يسألنتي إزاي و هيترتب عليه اللي هنقوله بعدين برضه... و في طبعاً آخر إحتمال بنسبة 100% إن هي هتبصلك بقرف و مدام بصتلك بقرف يبقى انت مفهمتش موضوع العضلة...
-:ونرجع للإحتمال الأول
انها تقول ( نعم ) ترد انت تقول (نعم الله عليكي) هتقولك (خير) قولها (خير ان شاء الله) و تشغل العضلة بس اتوصى و إتّك عليها شوية هتقولك (مال عينك ؟) قولها (خناقة) و بكده تصعب عليها تروح هيا مكلماك و تظبط يا معلم وهتعيش بس ابقى عرفني على بنت خالتها ......
الإحتمال الثاني انها تقول ( لا ) في الحالة دي بقى عايزة تتكلم بس هي بتتقل و مدام تقلت يبقى خرشمت و موضوع العضلة صعب في الحالة دي ، إذن مفيش غير موضوع أنا كنت عرضته في مؤتمر تاني في السنغال الشرقية لأن الطريقة دي أثبتت فعالية في تثبيت البنات السود و اللي بيتقلوا اللي هي (طريقة 325 جنايات) تقولها بستهزاء و انت بتبتسم إبتسامة ساخرة ( ايه التقل ده انتي حاطة في جيوبك ظلط ؟ ) طبعاً هي ممكن يغما عليها من دمك الخفيف يا خفيف ، فا هتروح انت مدي ميزد كول للإسعاف بالموبيل بتاعك ، هما طبعاً مش هيفهموا حاجة من الميزد ده لكن هي هتفوق و تروح مرمية في حضنك بمجرد انها شافت الموبيل معاك ويسلام لو بكاميرا
و بكده انت بدأت تحط رجلك على طريق التثبيت بس اغسلها الأول وبلاش تحط رجلك و هي معفنة و خطي برجلك اليمين وابقى قابلني لو إتعرفت على أي بنت.
عموماً ، أنا بكتب في مواضيع كتير عن التثبيت لأنها دي در اسة الدكتوراة بتاعتي و في مقالات هتنزل في المستقبل القريب منها (التثبيت بالعربية) و (ثبت نفسك بنفسك) و (ثبت صنم) و (شكل توكت الحزام و تأثيره على البنت)....ترقبوا قريباً كل جديد في عالم التكنولوجيا خلي بالكم في باب رائع بعنوان (التثبيت بالموبيل) حالياً بالاسواق على سي دي وكاسيت

مينا

المصدر: †† ارثوذكس †† - من قسم: الضحك والفرفشة

[Cheeeva]

انا مش فاهم حاجة

[Team Work®]

لا تعليق بجد

[اللة يرعانى]

كل دة انتا بتتعب اوى محدش يعمل كدة ينضرب على طول

[minabobos]

هههههههههههههههههههههههه

مع منتدى ارثوزكس تتعارف تثبت البنت



هههههههههههههههههههههه

ميرسى لمرورك الجميل دى

[ghada2000]

rabna kber

[kamer14]

هههههههه ايه يامينا عايز تخلى العيال تنحرف ماشى ماشى

[bolalover]

ههههههههههه يا جامد يا جامد
ايه يا مينا الفن ده
لا علي فكرة المفروض المعلومات دي تدرس في المدارس
بجد يا مينا موضوع جميل ربنا يبارك حياتك يا جميل

[mask of zoro]

ههههههههههههههههههههه
حلوة مينا ربنا يعوض تعب محبتك

[b o b b a]

ممممممممممممممممم مش هفكر اجرب