مسرح عرائس للاطفال عن القيامة - †† ارثوذكس ††


قسم المسرح الكنسي يناقش كل ما يخص المسرح من تمثيل ورويات وتاليف وموسيقى وديكور ومؤثرات صوتية

مسرح عرائس للاطفال عن القيامة

مسرحية عيد القيامة للأطفال الشخصيات: الشوكة – الحربة – الصليب - المسامير الفكرة: الشوكة تحكى للأولاد حكايتها ساعة صلب يسوع المسرحية - ازيكم يا اولاد، عاملين ايه؟؟ الأول أحب

اعلانات

إضافة رد
  #1  
قديم 11-04-2009, 02:11 AM
الصورة الرمزية كراكيب
كراكيب كراكيب غير متواجد حالياً
ارثوذكسي بارع
 
تاريخ التسجيل: Jan 2008
الدولة: في بيتنا
العمر: 27
المشاركات: 1,663
التقييم: 12
كراكيب is on a distinguished road
RG6 مسرح عرائس للاطفال عن القيامة

أنا : كراكيب




مسرحية عيد القيامة للأطفال

الشخصيات: الشوكة – الحربة – الصليب - المسامير

الفكرة: الشوكة تحكى للأولاد حكايتها ساعة صلب يسوع
المسرحية

- ازيكم يا اولاد، عاملين ايه؟؟ الأول أحب أعرفكم بنفسى، بس قبل ما احكى لكم بقوللكم عشان خاطرى ما تزعلوش منى كل اللى حصل دا كان غصب عنى الناس الأشرار هما اللى خلونى أعمل كدا. أنا الشوكة اللى اتحطيت فى راس بابا يسوع ..... (صوتها بتبكى) اسمعوا يا أولاد انا ح احكيلكم حكايتى من أولها واسمعونى كويس
أنا طول عمرى مزروعة فى الصحرا، فى الصيف بقف فى عز الحر وفى الشتا بقف بردو فى عز البرد لكن طول عمرى جامدة وقوية واللى يقرب لى لازم اشكه واعوره لحد اما ينزل دم و كنت بفرح قوى لما اشوف ولاد صغيرين ولا حتى ناس كبار بيتشكوا منى وابقى مبسوطة قوى واقول يا سلام يا بت يا شكشوكة برافو عليكى خليكى كدا طول عمرك جامدة وقوية ما حدش يقدر يقرب لك
وفى يوم من الأيام لاقيت ناس كتير شكلهم جنود كدا لابسين حديد وشكلهم اقوياء قوى ولاقيتهم جم خدونى من الأرض بتاعتى اللى كنت مزروعة فيها وخدوا اصحابى الشوك ولموا مننا كتيييييييير قوى.
فسألت اصحابى قلت لهم يا ترى واخدننا على فين دا احنا شوك جامد وناشف قوى قالوا لى انهم زييى ما يعرفوش حاجة.
عارفين يا اولاد احنا شاكينا الحراس جامد قوى فى ايديهم وكل مكان فى ايديهم كان بينزل دم لكن برده ما كانوش بيحرموا ولمونا كلنا.
المهم لاقيهتم بيعملونا زى ضفيرة كدا على شكل تاج يتحط على الراس قلت لاصحابى يا نهار ابيض دول اكيد ح يحطوه على راس حد هما متضايقين منه قوى يا ترى مين دا وعمل ايه؟؟؟؟
بعد ما عملونى ضفيرة كبيرة على شكل تاج حطونى جنب حربة وخشب على شكل صليب ومسامير كبيرة قوى ولما سابونى جنبهم اتصاحبت عليهم:
- ازيكم يا مسامير ازيكم يا خشب ازيك يا حربة، انتوا بتعملوا ايه هنا وهما لمونا كدا ليه؟؟؟؟؟؟؟؟ وايه الناس دى كلها؟؟؟ ومين اللى واقف متعور هناك دا وعمالين يعذبوه؟؟؟؟
المسمار: انتى لسة جاية جديد يا شوكة ما تعرفيش ايه الحكاية، أنا ح اقوللك يا ستى:
اللى انتى شايفاه هناك دا بابا يسوع طبعاً تعرفيه
- آه طبعاً
- اهه بابا يسوع بيقول للناس دى ان هو المسيح ابن الله والناس مش مصدقينه عشان كدا قالوا ح يصلبوه على الصليب
- يااااااه يا عينى طيب والحربة والخشب دول ح يعملوا ايه؟؟؟؟
- الخشب: انا اللى ح يتعلق علىً بابا يسوع
- الحربة: وانا كانوا عمالين يضربوه بىً
- يااااااه وهو كان بيعمل ايه اكيد كان عمال يزعق لهم جامد قوى
- لا بالعكس خالص دا هادى خالص ومستحمل ومش بيزعق ولا حاجة دا حتى وشه جميل قوى ومريح
- طيب واحنا مش ممكن نقوللهم سيبونا احنا مش عايزين نشكه ولا نعوره؟؟؟؟ ونقوللهم ما تعملوش فيه كدا؟؟؟
- لا طبعاً احنا مانقدرش لأن الحراس دول أقوية جدااااً وح ياخدونا بالعافية
- الشوكة: طيب وانا ح يعموا بىً ايه؟؟؟ انا صحيح بفرح لما بشوك الناس بس انا المرة دى خايفة قوى مش عارفة ليه وصعبان علىً قوى بابا يسوع
- المسمار: انتى ح يحطوكى على راسه
- طيب وليه العذابات دى كلها
- ما انا قلت لك عشان هو بيقول انه ملك اليهود وهما بيقولوا له انت انسان عادى ما ينفعش تقول الكلام دا
- طيب ومافيش حد يدافع عنه؟؟؟؟
- لأ – مامته اهه هناك اسمها ماما العدراء عمالة تعيط يا عينى ومش قادرة تعمل له حاجة

صوت الحراس: - ياللا بينا هوب – هوب تعالى يا شوكه تعالوا يا مسامير تعالى يا خشبة احنا ح نصلب الراجل دا عشان هو بيقول انه المسيح ابن الله

صوت الراوى:ويوم الجمعة الصبح:

- انا بيلاطس البنطى قول لى يا يسوع انت بتقول ان انت ملك اليهود الكلام دا حقيقى؟؟؟
- ايوه حقيقى زى ما انت قلت بالضبط
- طيب الناس كلها عايزيننى اصلبك

صوت الراوى: وفعلاً يا أولاد صلبوا بابا يسوع يوم الجمعة اللى احنا بنسميها الجمعة العظيمة وجه يوسف الرامى اللى كان من تلاميذ بابا يسوع عشان ياخد جسد بابا يسوع ويدفنه فى القبر وفعلاً خده وبيلاطس بعت معاه حراس كتير عشان يختموا الحجر ويوقفوا حراس عليه عشان ما يجيش تلاميذ بابا يسوع ياخدوه بالليل.
وفعلاً حطوا الأختام ووقفوا الحراس، لكن يوم الحد الفجر حصلت حاجة غريبة خالص
جت المريمات عشان يحطوا الحنوط والعطور على جسد بابا يسوع لقوا حاجة غريبة جدااا عارفين لقوا ايه؟؟؟؟؟ لقوا الحجر متدحرج وجسد بابا يسوع مش موجود فخافوا جداً وقالوا ايه دا ازاى دا حصل يا ترى حد سرق جسد بابا يسوع؟؟؟ بس الأكفان فى مكانها ومترتبة كويس قوى والحراس ما سابوش مكانهم ابداً.
ومريم المجدلية اللى كانت أول واحدة تروح للقبر لاقيت واحد بيكلمها افتكرته البستانى وسألته عن بابا يسوع وأول ما قاللها يا مريم عرفت انه هو بابا يسوع وعرفها انه قام من الأموات وانتصر عالموت.

نرجع تانى للشوكة اللى بتحكى الأحداث:
- شفتوا بقى يا أولاد انا ما كنتش عايزة اشك بابا يسوع صدقونى خالص بس هما الحراس اللى غرزونى فى راسه سامحنى يا بابا يسوع ارجوك انت عارف انه غصب عنى.
وعايزة اقوللكم حاجة كمان يا أولاد احنا بنحتفل بعيد القيامة كل سنة بيكون يوم حد عشان بابا يسوع اتصلب يوم الجمعة وقام من الأموات فجر يوم الحد عشان كدا العيد لازم يكون يوم حد.
وبكدا أبقى انا حكيت لكم حكاية الصلب والقيامة يا رب تكون عجبتكم

النهاية
منقووووول



lsvp uvhzs ggh'thg uk hgrdhlm

 ضع تعليق باستخدام حساب الفيس بوك  

رد مع اقتباس
قديم 11-04-2009, 02:13 AM   #2
كراكيب
ارثوذكسي بارع

الصورة الرمزية كراكيب


تاريخ التسجيل: Jan 2008
الدولة: في بيتنا
العمر: 27
المشاركات: 1,663
معدل تقييم المستوى: 8
كراكيب is on a distinguished road
افتراضي رد: مسرح عرائس للاطفال عن القيامة

أنا : كراكيب




  • انتوا لغيتوا المراقبة انا رفعت المسرحية واترفعت علي طول لو في مشكلة ياريت تعالجوها
كراكيب غير متواجد حالياً   رد مع اقتباس
قديم 02-03-2010, 07:20 PM   #3
ميشيل عماد
ارثوذكسي جديد



تاريخ التسجيل: Feb 2010
العمر: 23
المشاركات: 1
معدل تقييم المستوى: 0
ميشيل عماد is on a distinguished road
افتراضي رد: مسرح عرائس للاطفال عن القيامة

أنا : ميشيل عماد




شكراااااااااااااااااااااا ا
ميشيل عماد غير متواجد حالياً   رد مع اقتباس
قديم 03-20-2010, 05:16 PM   #4
وليد العاصفة
ارثوذكسي جديد



تاريخ التسجيل: Mar 2010
العمر: 22
المشاركات: 1
معدل تقييم المستوى: 0
وليد العاصفة is on a distinguished road
افتراضي رد: مسرح عرائس للاطفال عن القيامة

أنا : وليد العاصفة




مشكور جدا ع المجهود الجامد ده وربنا يعوض تعب محبتك
وليد العاصفة غير متواجد حالياً   رد مع اقتباس
قديم 09-08-2010, 03:25 PM   #5
كراكيب
ارثوذكسي بارع

الصورة الرمزية كراكيب


تاريخ التسجيل: Jan 2008
الدولة: في بيتنا
العمر: 27
المشاركات: 1,663
معدل تقييم المستوى: 8
كراكيب is on a distinguished road
افتراضي رد: مسرح عرائس للاطفال عن القيامة

أنا : كراكيب




  1. شكرا لمروركم
كراكيب غير متواجد حالياً   رد مع اقتباس
قديم 04-26-2011, 12:10 PM   #6
whf
ارثوذكسي جديد



تاريخ التسجيل: Apr 2011
المشاركات: 1
معدل تقييم المستوى: 0
whf is on a distinguished road
افتراضي رد: مسرح عرائس للاطفال عن القيامة

أنا : whf




بجد شكرا خالص على الموضوع ربنا يعوضك
whf غير متواجد حالياً   رد مع اقتباس
إضافة رد

مواقع النشر (المفضلة)

اعلانات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مسرح عرائس لأحد الكنوز Mmk_media قصص صوتية للاطفال عن سير القديسين 12 03-02-2011 02:43 PM
قصة مسرح عرائس جوانتى للأطفال Mmk_media قصص صوتية للاطفال عن سير القديسين 33 08-27-2010 11:52 PM
ألحان تسبحة عشية ورفع بخور باكر عيد القيامة - Vespers & Matins Resurrection Hymns Team Work® قسم الحان الاعياد السيدية 2 04-27-2008 10:16 PM


الساعة الآن 06:24 AM.

سياسة الخصوصية - privacy policy


الساعة الآن 06:24 AM.


Powered by vBulletin
Copyright ©2000, Jelsoft Enterprises Ltd.