[توميان الغلبان]

الموضوع مش هزار، انا فعلاً هاسيب كنيستي. مش هاكدب عليكم. أنا فعلاً في عندي سوء تفاهم مع بعض عناصر الإداره، لكن مش ده السبب. السبب الحقيقي هو:-
إخواتي البنات، أيوه هما السبب، لبسهم غريب جداً و تصرفاتهم، و ضحكاتهم و صحوبيتهم غريبه، مش عارف أتعايش معاها.
أصل أنا محافظ اوي و بخاف على إخواتي البنات جداً لأني بحبهم جداً. بس مش قادر أتحمل مظهرهم في اللبس و الوقفه و الهزار و ......
صلوا لي و إنصحوني

المصدر: †† ارثوذكس †† - من قسم: حوار من الاعماق

[مرموره]

أسمع اخر واعظه للبابا شنوده
أذا كان من وجهة نظرك بنات كنيستك لبسهم وحش فأنت تبص ليه أصلا
الادانه يا أستاذ توميان
ديه تعتبر أدانه
حضرتك مش بتروح الكنيسه عشان الناس الى فيها و تتعايش معاهم
حضرتك هدف الكنيسه هو التعايش مع ربنا و بيت المسيح
هل الاب الكاهن مش شايف الى بيحصل ؟؟؟ هل الاساتذه مش شيفين ؟؟؟
كلم الاب الكاهن
و لكن لو فى بيتك اختك مش عجباك تصرفتها هتسيب بيتك و تغيره ؟!!!!!!!!!!!
الكنيسه هى بيت الله و هناك بنشوف أبونا الى هو ربنا و اخواتنا
لا تأخذ جانب سلبى فى بيتك و تاخد حجة الادانه بعد عن الكنيسه الى هى بيتك و تغيره

أسفه للأطاله يا أستاذ توميان
و لاكن هذا رأي المتواضع

[القطة كيتي]

+++++نو كمنت++++

[newnasry]

اخويا توميان الغلبان
اولاً : تصرفات الاشخاص مش دليل على صحة العقيدة او عدمه
ثانياً : لكل واحد ليه الحق انه يعتقد زي ماهو هو عايز بس يكون السبب منطقي
ثالثاً : بالنسبة للبنات انا كنت بقول زيك كدا (طبعاً فيه بنات مزوداها حبتين) بس كان نفسي اقولك لكل عصر وليه تطور مسألة ان البنت بتلبس لبس على الموضة دي مسألة حرية شخصية أما كونك بتشوفهم معثرين او هما في خطر بشكلهم دا
هقولك على حاجة بسيطة
العين بتشوف اللى هي عاوزة تشوفه بس
انا في بلد من البلاد اللى هي بتضع الخمار والنقاب على وجهها وعلى جسدها كله ومع ذلك في ناس بتعثر من المرأة رغم كل هذا العيب مش في المرأة ولا في اللبس العيب في الشخص نفسه هو عاوز يشوف كدا
اقولك على مثال آخر يوضح المعني واعذرني على التطويل

في مرة ابونا قالي حكاية عن راجل طلع الساعة 4 الفجر فيه تلاته شافوه
الاول كان حرامي : قال " اه الراجل دا طالع يسرق على وش الصبح والناس نايمة "
الثاني كان (آسف) زاني : قال اه الراجل دا لرايح لفلانة وعشان الناس متشفهوش نزل الفجر
الثالث كان راجل بيعرف ربنا وعينه بسيطه : قال شوف بيهرب من المجد الباطل واريح يصلي بعيد عن عيون الناس

يعني كل واحد بيشوف اللى هو عايزة بس
وقصدك لو لبست البنات المسيحيات نقاب ولا حجاب ولا حتى خيمة هيسبونا في حالنا
انا هقولك على موضوع تاني
هو ان في تاريخ الكنيسة القبطية فرض على المسيحيات الحجاب وكان لونه مميز
وكانت اكتر فترة فيها خطف واغتصاب المسيحيات
الفكرة مش في اللبس الفكرة في الدافع

قصة تانية
كان فيه اسد عاوز بيحب يضرب القرد عمال على بطال
وكان لما بيشوفه يقوله يا قرد يجري القرد على جلالة الملك (الاسد) ويقوله ماشي حافي يا قرد يابن القرد ويضربه
لحد مازهق القرد من التعسف والاضهاد دا
راح قال للتعلب على اثاث ان احكم واحد
قله التعلب متقلقش انا هتصرف
وفعلا راح التعلب للملك وقله ياجلالة الملك ميصحش تضرب القرد عشان هو حافي
قالة انا بحب اضربه اعمل ايه يعني
قاله التعلب انده عليه وقوله هات برتقاله مثلا
لوجباهلك صفرة قوله انا عاوزة خضرة واضربه ولوجبهالك خضرة قوله انا عاوزة صفرة كدا يعني
الاسد اعجب بالفكرة ونده على القرد فقاله يا قرد رد القرد نعم يا جلالة الملك أأمر قاله هات برتقاله
رد القرد بذكاء عاوزة خضرة ولا صفرة
راح قام ضربة الاسد وقله ماشي حافيه ليه يا قرد يا ابن القرد

هههههههههههه

يعني كدا ضاربك كدا ضاربك




أنا طبعاً آسف على التعبير لو كان خاني بس انا عارف انك خايف على اخواتك البنات ومن خوفك بتقول كدا والامثلة دي مش علشانك طبعا اكيد انت انسان كويس الامثلة دي عشان الناس اللى بتجرح فينا




شكرا على الموضوع وتقبل خالص اعتذاري

[sharsharl]

ياستاذ ياجميل اعمل نفسك مش واخد بالك ليه اقول لك البنت عند سن الكلية اهتماماتها معظمهم مش هااتخرج اشتغل ايه ذى الاولاد بل هاتجوز امتى خلال الكلية ام بعدها ودى حاجة خارجة عن ارادتهم لانها معتقد راسخ عند البنات الحاجة الثانية انهم بيغييروا من بعض ولوا واحدة اتخطبت من الكنيسة كلها ايام كليتها تلاقى البنات بتغيير منها وعايزة تتمنظر ذيها على الاخريات قليل هم الذين ينظرون الى الموضوع كما قال الانجيل زينة الروح الوديع الهادىء الذى عند الله كثير الثمن الاولاد البنات شداهم لذلك يلاحظون مايلبسون والبنات الدنيا شداهم تلاحظن المستوى الاجتماعى وعربيات موديل ايه وامكانيتها ايه وساكننين فين وغيرها الحل لاتترك الكنيسة بل دع الافكار تتركك وطنش شوف الى تشوفوا ولو ماعجبكش ادرظهرك اليه وتجاهلوا تدخل لو فيه مشكلة غير ذلك لاترى شيئا اختر المسيحيين الذين يرفعوك للملكوت وليس الذين يلقون العثرات

[admin2020]

اخويا توميان اسمحلى اقولك رأيى فى موضوعك :

* انا لو مكانك مش هاسيب الكنيسة علشان الاسباب الى قلت عليها لان كل كنيسة فيها على الاقل حاجة من المشاكل الى قلت عليها

المهم انك تركز فى ربنا طول ما انت فى الكنيسة وما تركزش فى اى حاجة تانية ولو

فى حاجة اعثرتك جوا الكنيسة وحسيت انها تعباك صلى ان الرب يسوع يعالجها وكون

متشفع وليس مشتكى لان المشتكى يقف فى صف ابليس الذى يشتكى من البدء

على اولاد الله وبناتة خليك واقف دايما فى صف يسوع الشفيع الاعظم الجالس عن

يمين الاب يشفع فينا ويرثى لضعفاتنا فى كل حين

وخليك واثق فية واعلم ان الصلاة بثقة وحرارة والحاح بدون ملل تصنع المستحيل فى

الوقت المناسب وحسب مشيئة الله.

استريح انت وصلى ودع الله يعمل فى كنيستة وفى اعضاء كنيستة المرضى روحيا.

*و كون شفيع وليس مشتكى والرب يكون معاك ويعلمك كيف تصلى من اجل كنيستة

واعضائها ويملاك بنعمتة والرب يعمل فى بناتة وينور عقلهم وقلبهم ويغيرهم ليمجدوا

اسمة القدوس فى كل اعمالهم وتصرفاتهم ولبسهم وكلامهم

وما يسمحش انهم يكونوا سبب عثرة وسقوط لاولادة داخل كنيستة وخارجها ,

لانة مكتوب لابد ان تاتى العثرات ولكن ويل للذى تاتى منة العثرة ,

و مكتوب ليروا اعمالكم الصالحة فيمجدوا اباكم الذى فى السموات

آمين.

[توميان الغلبان]

إخواتي الأحباء
مــيــرســـي كــتـــير جداً جداً على مشاركاتكم اللي أسعدتني كتير.
بجد نفسي أشكركم كتير جداً على مشاركتكم مع ذلك في شكر خاص لبعض الناس.
أختي مــرمــوره:
أولاً: الموضوع بالنسبه لي مش موضوع بص زي ما إنتي قولتي، الموضوع إني حزين عليهم، لأ،ي بجد بحبهم.
ثانياً: أنا فعلاً إتكلمت مع أبونا، و كان الرد فيما معناه، مش عارف يعمل ايه؟
ثالثاً: في موقف إتكرر مرتين، ماكنتش عارف أبص فين و انا بكلم خادمه، بتتلخبط و تبدأ تحاول تعدل ملابسها كل ما أنظر في أي إتجاه.
رابعاً: أنا مش هاسيب الكنيسه على غير هدى، انا هاروح كنيسه تانيه.

ميرسيي على إهتمامك و مشاركتك
صلي لأجلي

أخي نصري
ميرسي كتير

أختي شرشر
ميرسي كتير. بجد إستفدت كتير برأيك.

أخي Admin
ميرسي جداً. بجد إستفدت برأيك جداً.

بس للأسف مش قادر أغير رأيي. صلوا لأجلي

[bassem8800370]

فعلا انا مش هتقدر تغير نفسك عارف ليه لانك مش مخلى ربنا هو اللى يغيرك
سيب يد ربنا هى اللى ترسم حياتك ومتقولش لا يارب انا عايز ده ومش عايز ده

صلى من قلبك قولوه يارب غيرنى

[bassem8800370]

بس للأسف مش قادر أغير رأيي. صلوا لأجلي
انت فعلامش هتعرف تغير رايك عارف ليه؟؟؟؟!!
لنك مش سايب ايد ربنا هى اللى تغير سيب ايدى ربنا هى اللى تغير الافكار اللى جواك ومتقولش يارب انا عايز ده ومش عايز ده
اوعى تفكر انت لما تسيب كنيستك هتستريح لا بالعكس انت ممكن تتعب اكتر

[dodo2012]

تسلمحلي اقولك حاجة انك تسيب الكنيسة دة مش حل ولما تسبها البنات دي مش هتغير تصرففاتها او لبسها او غيرة ولو ذي مبتقول خايف عليهم يبقي لازم تاخد خطوة ايجابية مش سلبية يعني تتكلم مع اب كاهن تابع للكنيسة يعمل ندوة عن الموضوع دة يحط شروط يعني احنا عندنا مفيش بنت بتتناول لو لابسة اقل من الكم وطالما دخلنا الكنيسة وفي صلاة وتسبيح يبقي في ايشارب والكلام الهزار دة بقي فهو ممكن ابونا يحد من وقفة الحوش شويه او ناس منخدام او بلاش اعداد خدام يا سيدي بالنسبة انهم نفس السن يقفو في الجماعات دي ويحولو مسار الحديث من هزار غير لائق لكلام في اي موضوع او نشاط في الكنيسة المسيح ادانا حكمة وعقل نتصرف بيه ليه احنا نلغية حاول تتصرف بايجابية واكيد ربنا هيساعدك لانك خايف علي اخواتك وعلي ما اظن لو اختك بجد هتحاول مش مرة لالالالالالالالالالالا الف مرة مش تسبهم وتمشي ومعلش طولت عليك