[عماد حسنى]

المشاركة الأصلية كتبت بواسطة mramer بجد موضوع رائع جدا جدا

المشاركة الأصلية كتبت بواسطة mramer واللي مخليه رائع الطقم اللي ماسك الموضوع وكمان المتهم الغلبان دا اللي بهدلتوه بس أنا واثقة أنها أحلي بهدلة بالنسباله ممكن تسمحلي أسألك شوية أسئلة بسيطة شكرا جدا جدا يا مرموره على دخولك وحضورك وطبعا الطقم اللى ماسك الموضوع رائع ولولا غلاوه الطقم ده عندى ماكنتش اتبهدلت فى ساحات المحاكم بالطريقه دى .. وطبعا اتفضلى اسئلى انا معاكى اهو ؟؟؟ 1- لو مثلا أنت حبيت حب حقيقي بس ربنا مرضيش أنه يكمل ودخلت في قصة حب تانية وكان نتيجتها الزواج هل ممكن تفكر في الحبيب الأول ولا لأ؟ هافكر طبعا انا مش ملاك ومش هاكدب عليكى واقولك كلام مش بيحصل فى الحقيقه اكيد هافكر ؟؟ بس هافكر ليه وايه هايخلينى اروح بتفكيرى للحبيب الاول وانا معايا التانى اكيد فى اسباب ؟؟؟ 2- ولو فكرت في الحبيب الأول هو ممكن يكون خيانة لحبيبك الثاني ولا إيه؟ عشان نطلق كلمه خيانه على مجرد التفكير ؟؟ يبقى عايز اعرف حاجه ؟؟ لو زوج اكل اكله حلوه بره البيت وساب مراته تاكل فول فى البت لوحدها يبقى دا اسمه ايه !! لو زوج كان بيهزر ويضحك مع كل اللى يقابلوا بره البيت واول ما يدخل البيت يفهم مراته انه تعبان ومرهق وميت من الشغل ده يبقى اسمه ايه ؟؟؟ كلمه خيانه لو اطلقناها على التفكير لمجرد التفكير يبقى هانتعب اوى عشان هنلاقيها مكرر كتير !!! وارجع لسؤالك واجاوبك لو فكرت فى حبيبى الاولانى وانا متزوج تبقى دى خيانه ايوه تبقى خيانه لكنها خيانه مجبره خيانه مع ايقاف التنفيذ ؟ وسؤالى ايه اللى يخلينى افكر فى حب راح مين السبب؟؟ ايه اللى يخلينى افضل عايش على ذكريات وانا معايا حاضر !! متهيالى الطرف التانى مسؤال مسؤليه مناصفه مع الطرف الاول فى اللى بيحصل !!! ياريت اللى يتحط فى الموقف ده يحاول بكل الطرق يبعد عنه لانه بغض النظر عن انه خيانه هو احساس متعب ومش هايرجع اى حاجه ولا هايغير مافيش غير ربنا والصلاه فى الحالات دى ومع ربنا والصلاه الطرف التانى ؟؟ 3-إيه أول شئ ممكن يكون جذبك في حبيبك ؟ الصدق ... اول شىء يجذبنى الصدق ولما بحس باللى قدامى انه صادق بديله كل حاجه !! مع ان احيانا احساسنا بيطلع غلط ؟؟؟ 4-لو كنت قبلت بنت يعني (لو مؤاخذة) شكلها مش قوي بس صفاتها جميله و مؤدبة هتفكر في الأرتباط بيها ولا الشكل عندك مهم علشان الناس متقولش عليك حاجة؟ انا اللى هارتبط مش الناس ومش اول حاجه الشكل ممكن يكون الشكل تانى حاجه او حتى تالت حاجه .. وبعدين انتى عارفه 90 فى الميه من البنات من غير مكياج يخضوا ( بهزر طبعا ) مش كل الولاد ولا الشباب بتفكر فى الشكل صدقينى يمكن بتكون مرحله سنيه معينه بيكون الشكل رقم واحد لكن مع النضج النظره بتختلف علي العموم كفاية كدة النهاردة وأسيب لأخواتي فرصة علشان يسألوك وأنا عارفة أن أسألتي تقيله يبقي كفاية كدة وربنا يقدرك علي الموضوع دا اسألتك كانت تقيله فعلا يا مرموره يجى 50 كيلو كده ولا يهمك يا فندم وادينى جاوبتك انا تحت امرك

شكرا جدا ليكى ولحضورك واسألتك
ربنا معاكى ويفرح قلبك وحياتك

[عماد حسنى]

المشاركة الأصلية كتبت بواسطة كيرو رافت يتم حبس المتهم اربعه ايام على زمه التحقيق ويراعى التجديد فى الميعاد لحين الانتهاء من الاستماع الى الشهود حبيبى يا عمده لازم اظبطك انت حبيبى

حبس اربع ايام يا رافت
ايه الحب ده
انت طلعت قاضى مستبد (حبس بحبس بقى )
ماقدرش اقولك غير اوامرك يا فندم
حاضر يا رافت
حاااضر يا حبيبى

[MRAMER]

مرسي خالص يا عماد علي إهتمامك بأسئلتي
أنا أستفدت كتيييييييير جدا

[عماد حسنى]

المشاركة الأصلية كتبت بواسطة mramer مرسي خالص يا عماد علي إهتمامك بأسئلتي أنا أستفدت كتيييييييير جدا

انا اللى متشكر يا مرموره على حضورك واهتمامك انتى
ويارب اكون عرفت افيدك
انا بقول رأى شخصى يعبر عن وجهه نظرى الخاصه فقط ؟؟

ربنا معاكى ويرشدك لكل خير
ودايما منوره المنتدى

[عماد حسنى]

شكرا جدا جدا نهى لاسألتك وحضورك وهادخل ارد على اسألتك
بصراحه انا مش عارف جبتيها منين الاسئله دى
وطبعا مش ناسى مينوفيتش
مينا اول واحد سألنى
معلش يا مينا
انت عارف بقى المتهمين اللى زيىّ
واول حاجه صابتنى من الموضوع ده
الزهايمر
هارد على اسألتك طبعا

فين القاضى وصاحبه الموضوع
انا عايز اشرب شاى وبعدين اجاوب ممكن ولا ايه

[حنين سنين]

إذا كان عليك اتخاذ قرار في موضوع يهمك هل؟
تتخذ القرار بجدّية وسرعة.
تؤجل اتخاذ القرار لفترة قصيرة لدراسة الموضوع جديّاً.
تهمل الأمر ولا تبالي بتاتاً.

- إذا تعرضت لموقف محرج من حبيبك
تتألم وتغلق الغرفة عليك وكأن الدنيا قد انتهت.
تتأثر جداً ولكنك تحاول تهوين الموقف عليك.
ولا بتقدر تفصل مابين حياتك وحبك


لو قولنا عايزين نتعرف على عماد الانسان العادى اللى كل الناس بيتمنوا يبقوا اخوات ليه
هتقول ايه فى كلمه واحده




شايف انك اتظلمت فى حياتك كام مره




كام مره ظلمت وندمت على ظلمك وتراجعت فيه


كفايه يا عماد عليك كدا لحد ما نشوف الحكم هيبقى ايه
عشان اجيبلك عيش وحلوه
هههههههههههه

[حنين سنين]

اتفضل يا عمده
بس ترجع بسرعه وعيونا وراك
اوعى تهرب الكاميرات فى كل مكان

[عماد حسنى]

المشاركة الأصلية كتبت بواسطة zaza2006 ميرسى يا هنا على الفكرة الجميلة وعرفتم فعلا تختارو عماد شخصية جميلة اسئلتى بقى ليك هى الاجمل صدقينى انتى يا نهى انتى من اجمل اخواتنا هنا فى المنتدى وبكون سعيد بمشاركتك فى اى موضوع واسألتك زى الفل !!!! 1- ايه درجة مسامحتك للانسانة اللى بتحبها لو غلطت فحقك؟ بصى يا نهى درجه مسامحتى هاتكون نتيجه لدرجه حبها ؟؟ بمعنى هاحط حبها فى كفه والاساءه اللى عملتها فى كفه تانيه واشوف الميزان والكفه اللى تطب هامشى بيها !! وممكن حاجه بسيطه اوى كمان اتفرج على شريط حياتنا سوا واشوف كل حاجه فاتت منها من تضحيات وخوف وتعب وألم وبرضه اشوف الاساءه والاهانه وكل حاجه كانت متعبه بسببها ومدى الاحتمال والصبر والمسامحه وساعتها هاعرف احكم اسامح ولا مش اسامح !!! مع اننا بنضعف وكتير بنسامح شوفى اللى هاتسمحيه يستاهل ولا مش يستاهل ؟؟؟ 2- ايه السبب اللى ممكن تسيب حبيبتك عشانه؟ الخيانه لما اديها الامان وتخونى ؟؟ وطبعا مش شرط الخيانه بمفهومها الصريح !! لأ طبعاً فى خيانه الضمير . خيانه العهد . تخيلى ان فى خيانه فى الألم يعنى تكونى منتهى منتهى الألم والطرف التانى فى منتهى السعاده وعايش حياته وقدامك بيموت؟؟ دى بقى خيانه مختلفه !!! خيانه حتى فى اقل حاجه ممكنه بمعنى اى حاجه اتفقنا عليها وماتعملتش تبقى خيانه ولما تكتر الخيانه وعدم الاخلاص والكدب يبقى اسيبها من غير تردد 3- ايه اقوى ظرف ممكن يفرق بينك وبين اللى بتحبها؟ ممكن ظرفين وعن تجربه 1 - ظلم الاهل وتحكمهم وضعف البنت وقله حيلتها فى ظل ضغوط وظروف صعبه ومتعبه 2- او طمع البنت فى الماده وحب امتلاكها لكل حاجه فى وقت واحد 4- لو حبيت انسانة وتمنيت تكون هى شريكة حياتك بس اهلك اعترضوا على اختيارك هتعمل ايه؟ اول حاجه اعملها انى اكون ضامن البنت دى جدا جدا جدا !!! بمعنى ان متأكد من حبها ليا واخلاصها وقبل منها اكون ضامن حبى ليها واخلاصى وساعتها هاقنع اهلى بكل الطرق واول الطرق الصلاه والاباء كهنه الكنيسه والمقربين وكل ما يمكن عمله وقتها هاعمله .. وان ماعرفتش اقنعهم ؟؟؟ يبقى ساعتها هاختار اضحى بحاجه من الاتنين؟؟؟ بس اضحى بمين دى اللى صعبه لانى ماأتحطتش فى الموقف ده والاصعب ان الواحد بعد ما اهله يربوا ويتعبوا علشانه يضحى بيهم برغم استبدادهم فى بعض الاحيان الغير مبرر كفاية عليك كده هههههه طيبه انتى يا نهى ما اخدتش بالى من طيبتك دى غير دلوقتى تصدقى ال كفايه كده انتى بتجيبى الاسئله دى منين بس

شكرا جدا جدا يا نهى بجد لحضورك وأسألتك اللى شدتنى جدا وكان نفسى اجاوب اكتر من كده !!!
لكن وقت ما بنتعب ومش بنلاقى اجابات ارضيه اكيد بتكون فى اجابات سماويه (البابا شنوده)
ربنا معاكى ويفرح قلبك وحياتك

[جاسيكا]

موضوع جميل وفكرة اجمل
والمتهم برىء حتى تثبت ادانتة ياسيادة القاضى
هههههههههههههههه

[عماد حسنى]

المشاركة الأصلية كتبت بواسطة menovich من فضلكم الهدوء على المتهم الاول الأجابة على جميع الأسئلة التالية : 1- هل شعرت بالغربة وانت بجوار اعز الناس اليك ؟ لا بالعكس وانا جمبهم كنت بحس انى اسعد انسان فى الدنيا كلها عمرى ما حسيت بغربه وانا جمب اقرب الناس ليا لكن الاحساس بيكون مر والغربه بتكون امر ببعدهم !!! 2- ما تفعل عند مغاردة حبيبك للمكان الذى انت موجود فيه ؟ بحاول ما اتوجدتش فيه لوحدى تانى لان الاحساس وقتها بيكون متعب لاقصى درجه بتفضل تدور على حاجه ومش هاتلاقيها تانى ؟؟؟ على المتهم الآجابة وألا تتم معاقبتة على اصعب درجة ادينى جوبتك يا مينا الطيب احسن انت تأمر يا مينا

متشكر جدا يا مينا لحضورك واسألتك .. ياريت الاسئله كلها زى اسألتك كده
وسامحنى فى التاخير بالرد.. اصلك سألتنى وماكنتش عرفت انى هاكون انا اللى فى الوضوع ده ربنا يسامح اللى منه السبب
وبعدين انت سألت بدرى اوى كنت انا وقتها مستنى المتهم زيكم وماكنتش وصلت لهنا خالص