تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة


  †† ارثوذكس †† > أتكلم من قلبك † مفتوح للزوار † > حوار من الاعماق

حوار من الاعماق

منتدى مفتوح للحوار مع الزوار والاعضاء فى كل شيء دون تسجيل بالموقع حتى لا يكون به اى احراج لاى شخص ودون التعرف على شخصيته اتكلم من القلب وخرج كل ما بداخلك † من غير ما تقول انت مين هاكون معاك امين †


انا مسلم .. وانت مسيحي .. بس احنا الاتنين اخوات

السلام عليكم انا مسلم .. وانت مسيحي .. بس احنا الاتنين اخوات انا اختارت ده يكون عنوان لموضوعي طول عمرنا في مصر عايشين مسلمين ومسيحيين مع بعض

اعلانات

موضوع مغلق

 
أدوات الموضوع تقييم الموضوع انواع عرض الموضوع

رقم المشاركة : ( 1 )
الصورة الرمزية سيف الاسلام
سيف الاسلام
ارثوذكسي شغال
سيف الاسلام غير متواجد حالياً
 
رقم العضوية : 83383
تاريخ التسجيل : Nov 2009
مكان الإقامة :
عدد المشاركات : 86
عدد النقاط : 10
قوة التقييم : سيف الاسلام is on a distinguished road
افتراضي انا مسلم .. وانت مسيحي .. بس احنا الاتنين اخوات

كُتب : [ 01-01-2011 - 09:27 PM ]


السلام عليكم

انا مسلم .. وانت مسيحي .. بس احنا الاتنين اخوات

انا اختارت ده يكون عنوان لموضوعي

طول عمرنا في مصر عايشين مسلمين ومسيحيين مع بعض
من قرون فاتت .. ولا كان في اي تفجيرات ولا قتل او خناقات او حتي مشاحنات

في مسلمين .. وفي مسيحيين .. بس بتجمعهم البلد
جايز في اختلاف في الدين او العقيدة .. بس في اتفاق في حاجات كتيرة اوي
بداية من الوطن .. والجيرة " يعني المسلمين والمسيحيين جيران " .. والتعامل في كل المجالات .. ونهاية بالصداقة

مين فينا ملهوش صحاب مسلمين او مسيحيين
كل المسلمين عندهم صحاب مسيحيين واكتر من اخواتهم
ونفس الموضوع عند المسيحيين

يعني صعب اوي تلاقي النظرة الدمية والمتعصبة بين الطرفين

اعيادنا واحده .. وشغلنا واحد .. وحتي جيشنا واحد

طول عمرنا كده .. واكيد ده مش هيتغير
بس لو فضلنا كده .. ومتبعناش الطرق اللي هتودينا في داهية

اوكي ده حادث مروع استهدف اخواتنا المسيحيين " وفي مسلمين قتلوا في الحادث " .. بس مش هما القصد

القصد ضرب الوحده ..
عايزين فتنة طائفية تحصل في مصر ..

حد هيسأل طب ايه الهدف لما يعملوا فتنة ؟

الهدف واضح .. وهو تدمير اكبر دولة عربية ..وتقريبا اقوي دولة في الشرق الاوسط

ويبقي العرب ملهومش كلمة تاني ..

وبدل ما نفضي ونركز لقضايا الاراضي المحتلة .. والعراق .. ولبنان .. وجنوب السودان .. واليمن .. والصومال .. ومياه النيل ...

لا نقعد نحل في الخلافات والفتنه الطائفية اللي مش هتتحل اصلا

.....

انا مش بجيب جديد ولا بقول اللي مش معروف
لا الكل عارف كده كويس ..

بس الهدف من كلامي .. هو التعقل .. والتروي والتفكير في اللي حصل
والخروج منه بحمكة ..

اكيد الناس مخنوقة ومش مستحملة .. وده حقهم .. بس ميصحش بردو يدمروا البلد

وخصوصا من الشباب المتحمس ... اللي مستعد يعمل اي حاجه .. ويبرد ناره ... حتي لو هيخرب مصر .. ويدخل السجن او المعتقل " زي ما قال حد موجود هنا " وتفضلت الادارة وقامت بحذف الرد ..


بس تفتكر ده صح ؟
تفتكر لما تعمل كدة .. هتبقي عملت الصح ؟

تفتكر اصلا ان الصح نقابل ده بتدمير وقتل .. ولا بهدوء وتعقل ووحدة وطنية اكتر .. تخلي اللي بيتعمد يفتت البلد .. يعرف اننا ايد واحده ؟

اكيد عرفت الاجابة

بدل ما نقول هنضرب ونقتل .. وندخل المعتقل ..
نقول هنقف ايد واحده ضد العالم المعفنة دي

وفعلا هما نجحوا في الوصول لقصدهم وغايتهم ...
انهم ولو علي الاقل خلوا شاب واحد يقول كلام زي ده .. يبقي نجحوا


انا متأكد ان الكلام وقت عصبية ..
والكل بتحركه مشاعره في الوقت ده

بس بلاش نتصرف غلط ... ونرجع نندم

العقل هو اللي يتحكم فينا
ووحدة البلد هيا اللي تحركنا
ورغبتنا في قهر الارهاب ده هو دافعنا

................

انا مش عارف عملت التوبيك ده ليه
ومش قاصد منه اي حاجه
غير اننا نهدي .. سواء مسلمين او مسيحيين .. ونفكر شوية بس

وياريت يكون كلامي مضايقش اي حد

.....

والادارة تقدر تتصرف في الموضوع لو شايفاه مخالف ..
بس انا متأكد هتوافق عليه

مع كامل احترامي للجميع

وشكر خاص للادارة



hkh lsgl >> ,hkj lsdpd fs hpkh hghjkdk ho,hj


Sponsored Links
بياناتي
 رقم المشاركة : ( 2 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,871
عدد النقاط : 58

aymonded غير متواجد حالياً

افتراضي رد: انا مسلم .. وانت مسيحي .. بس احنا الاتنين اخوات

كُتب : [ 01-01-2011 - 09:39 PM ]


أشكرك يا أروع أخ حلو على كلماتك الجميلة لأن كلنا بالفعل إخوات - ومش شعارات وهمية ولا كاذبة - لأن من أول المتصلين بي والزائرين مسلمين لهم علاقة قوية جداً معي ، وسنظل كلنا نحب بعضنا البعض ولا نأخذ الجميع بذنب ناس لا يعرفون للحق طريق لأن ظلمة الحقد اعمت أعينهم لأنهم يطمعون في هدم سلام الأوطان وزعزعة السلام ....

أقبل مني كل حب وتقدير واحترام لشخصك المحبوب جداً ، فليفرح الله قلبك ويعطي الحكمة للجميع ....

بياناتي
 رقم المشاركة : ( 3 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: انا مسلم .. وانت مسيحي .. بس احنا الاتنين اخوات

كُتب : [ 01-01-2011 - 09:58 PM ]


احنا مش بنكرهكم يا سيف ومش هنكركهم
لان دة مش طبعنا وانتوا عارفين دة كويس
الهنا الة حب ومحبة
اللة محبة

وزى ما قتلك هنعرف كل حاجة وهنعرف الحقيقة كلها
وبالعدل الالهى

بياناتي
 رقم المشاركة : ( 4 )
سيف الاسلام
ارثوذكسي شغال
رقم العضوية : 83383
تاريخ التسجيل : Nov 2009
مكان الإقامة :
عدد المشاركات : 86
عدد النقاط : 10

سيف الاسلام غير متواجد حالياً

افتراضي رد: انا مسلم .. وانت مسيحي .. بس احنا الاتنين اخوات

كُتب : [ 01-01-2011 - 10:06 PM ]


اقتباس
المشاركة الأصلية كتبت بواسطة aymonded مشاهدة المشاركة
أشكرك يا أروع أخ حلو على كلماتك الجميلة لأن كلنا بالفعل إخوات - ومش شعارات وهمية ولا كاذبة - لأن من أول المتصلين بي والزائرين مسلمين لهم علاقة قوية جداً معي ، وسنظل كلنا نحب بعضنا البعض ولا نأخذ الجميع بذنب ناس لا يعرفون للحق طريق لأن ظلمة الحقد اعمت أعينهم لأنهم يطمعون في هدم سلام الأوطان وزعزعة السلام ....

أقبل مني كل حب وتقدير واحترام لشخصك المحبوب جداً ، فليفرح الله قلبك ويعطي الحكمة للجميع ....
عندك حق في كل كلامك
ولازم نكون جنب بعضنا في وقت زي ده
وصعب اوي نتخلي عن بعض

اولا ميرسي اوي علي كلامك الجميل
وبجد كلك ذوق
وثانيا شكرا اوي علي تنزيل التوبيك

تحياتي ليك

بياناتي
 رقم المشاركة : ( 5 )
سيف الاسلام
ارثوذكسي شغال
رقم العضوية : 83383
تاريخ التسجيل : Nov 2009
مكان الإقامة :
عدد المشاركات : 86
عدد النقاط : 10

سيف الاسلام غير متواجد حالياً

افتراضي رد: انا مسلم .. وانت مسيحي .. بس احنا الاتنين اخوات

كُتب : [ 01-01-2011 - 10:10 PM ]


اقتباس
المشاركة الأصلية كتبت بواسطة emmmy مشاهدة المشاركة
احنا مش بنكرهكم يا سيف ومش هنكركهم
لان دة مش طبعنا وانتوا عارفين دة كويس
الهنا الة حب ومحبة
اللة محبة

وزى ما قتلك هنعرف كل حاجة وهنعرف الحقيقة كلها
وبالعدل الالهى

[quote]
وانا مقولتش انكم بتكرهونا يا ايمي
وصعب اصلا نكره بعض
لان مفيش اخوة بيكرهوا بعض ... ولا ايه ؟

والاسلام .. هو دين السلام والمحبة

عتابي الوحيد ليكي ...
انك لسة شاكة في ان يكون حد مصري مسلم متورط في الاحداث دي بغرض الاضطهاد
لازم يا ايمي تكوني متأكدة من ان ده مخطط لـ ضرب الوحده في بلدنا

تسلمي يا ايمي

بياناتي
 رقم المشاركة : ( 6 )
agab
ثواني وراجع
رقم العضوية : 122266
تاريخ التسجيل : Dec 2010
مكان الإقامة : MINIA
عدد المشاركات : 67
عدد النقاط : 10

agab غير متواجد حالياً

افتراضي رد: انا مسلم .. وانت مسيحي .. بس احنا الاتنين اخوات

كُتب : [ 01-01-2011 - 11:40 PM ]


اخويا الحبيب انا فعلا بشكرك انك في لحظات عصيبه ذي دي وعندك كللام يبين وجهه نظر الطرف التاني بجد الله يبارك حياتك
انا عندي راي هو ان اكيد ان اللي نفذ كان مصري بس متوظف لصالح جهه غريبه عن مصر
كمان انا احب اقولك ان من خبرتي الشخصيه اني لما بصاحب حد مسلم وبحس انه صاحب بجد فعلا بحبه اكتر من اخويا لدرجه ان احنا بناكل مع بعض وكل حاجه بقولهاله وبيبقي صاحبي اكتر من المسيحي
ارجوك تعذر اي حد يقولك اي كلام خارج لان الصدمه كبيره جدا علينا
شكرا كتير ليك


بياناتي
 رقم المشاركة : ( 7 )
elphilasouf
ارثوذكسي ذهبي
رقم العضوية : 15515
تاريخ التسجيل : Feb 2008
مكان الإقامة : ismailia , egypt
عدد المشاركات : 12,320
عدد النقاط : 81

elphilasouf غير متواجد حالياً

افتراضي رد: انا مسلم .. وانت مسيحي .. بس احنا الاتنين اخوات

كُتب : [ 01-02-2011 - 12:37 AM ]


أحنا أه عيشين مع بعض ، وفعلا حبايب وعلقتنا ببعض قويه جدا .
لكن محدش يقدر ينكر جهل بعض الناس اي كانت نسبتهم واي كان عددهم .
ومحدش يقدر ينكر وجود أفكار متطرفه من مسيحيين ومسلمين في مصر و خارجها .

نفسي يكون عندنا فكر تقبل الأخر واحترام المختلف .
أعتقد المشكله أصبحت مشكله تفكير أكبر ماهي مشكله عقيده ودين

أنا بعتزرلك يا أخ سيف علي أي إسائه ليك أو لعقيدتك ، أرجوك أعزر لحظات الحماسه .. رغم أنها مش مبرر أبدا ،
وأعتزر كمان لكل مسلم ومسيحي علي الأعتداء علي المسجد المجاور للكنيسه ... دول أهانوا للكتاب المقدس و فيه أعتداء صريح علي وصايا الإنجيل.


بياناتي
 رقم المشاركة : ( 8 )
miro_rook
ارثوذكسي فضى
رقم العضوية : 55542
تاريخ التسجيل : Mar 2009
مكان الإقامة : جيزه ارثوذكس
عدد المشاركات : 4,665
عدد النقاط : 13

miro_rook غير متواجد حالياً

افتراضي رد: انا مسلم .. وانت مسيحي .. بس احنا الاتنين اخوات

كُتب : [ 01-02-2011 - 12:59 AM ]


ربنا يرحمنا
وبجد انا اشكر مشاعرك الجميل
يا سيف وبجد صدقني انا ليه اصدقاء كتير من اخواتي المسلمين كلهم كانوا بيعزوني دلوقتي اللي عن طريق النت او عن طريق التليفون
بس اللي يصعب علينا الامر يا سيف ان المنفذ بنسبه كبيره مصري انا مش بقول ان اخواتي المسلمين هم اللي كدا انا بقول بختصار ان في حد بيلعب بدماغ الناس اللي زي كدا
طيب دور الازهر الشريف وكمان دور الكنيسه انها تربي الناس علي محبه الانسان لاخوه الانسان
ما منسمحش لاي يد غريبه تلعب في ادماغت اي حد ويكون النتيجه 21 قتيل او اقول شهداء مسلمين ومسيحين
بس اقولك علي حاجه دماء الناس ديه
الله سبحانه وتعالي مش هيسكوت عليها
زي ما ربنا كان بيقول لقاين قال اخوه هابيل صوت دماء اخيك هابيل صارخ اليه
وربنا يرحمنا وتعيش مصر كلها في امان

بياناتي
 رقم المشاركة : ( 9 )
MOSHAOK
ارثوذكسي متألق
رقم العضوية : 974
تاريخ التسجيل : Jul 2007
مكان الإقامة :
عدد المشاركات : 741
عدد النقاط : 14

MOSHAOK غير متواجد حالياً

افتراضي رد: انا مسلم .. وانت مسيحي .. بس احنا الاتنين اخوات

كُتب : [ 01-02-2011 - 08:02 PM ]


أشكر شعورك الطيب والنبيل يا سيف وده مش غريب عليك
واتفق معك ان حياتنا في العمل والصداقة والود واحدة ومش انا بس ده كل الناس هتتفق معك في كده
بس هختلف معاك في نقطتين
الاولى : ان الحادثة دي مش عشان الفتنة ده إرهاب واضح من قلة غير عاقلة تكره المسيحين فقط لأنهم لا يتفقون معهم في العقيدة ... وانا أعلم انه يوجد مسلمين كثيرين جدا أفاضل وكان شعورهم بالحادث قوي جدا ويحاولوا يدافعون عنا كثيراً ولكن انا بقول قلة قليلة
النقطة الثانية : تقول هذا حدث والنتيجة تكون ضعف كلمة مصر على الدول العربية
يا حبيب قلبي مصر للأسف الشديد ليس لها أي كلمة على الاطلاق على اصغر دولة عربية ولو مش مصدقني تذكر قتل المصريين في الخارج والاهانة التي تحدث لهم كل يوم داخل دول عربية و رد الفعل المصري دايما بكون ضعيف جدا وإسأل أي شخص مصري قادم من اي دولة عربية

واشكرك جدا جدا لمشاعرك يا سيف ربنا يقويك


بياناتي
 رقم المشاركة : ( 10 )
TITO_BEST
back
رقم العضوية : 37443
تاريخ التسجيل : Sep 2008
مكان الإقامة :
عدد المشاركات : 10,949
عدد النقاط : 25

TITO_BEST غير متواجد حالياً

افتراضي رد: انا مسلم .. وانت مسيحي .. بس احنا الاتنين اخوات

كُتب : [ 01-02-2011 - 09:07 PM ]


انا مع رايك يا سامح وربنا يعزى اقاربهم بجد


قديم 01-05-2011, 05:05 PM
ramysefen
هذه الرسالة حذفت بواسطة Team Work®. سبب آخر: توضيح بعض الكلامت
قديم 01-05-2011, 07:42 PM
نيرو12
هذه الرسالة حذفت بواسطة aymonded. سبب آخر: مشاركات غير واعية ولا تليق

موضوع مغلق

مواقع النشر (المفضلة)

الكلمات الدلالية (Tags)
بس, احنا, اخوات, الاتنين, انا, مسلم, مسيحي, وانت

اعلانات

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حكايتنـــــا احنا الاتنين rose الموضوعات الشبابية 28 08-04-2008 12:57 AM


الساعة الآن 08:17 AM.