تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة



المنتدى العام المنتدى العام خاص بالمواضيع التى ليست لها تصنيف

رسالة من أب عنيف وأم عصبية

الموضوع ده انا كنت حطيته في احد المواقع من أربع سنين، ونظراً لظروف خاصة عندي فضلت أدور عليه علشان أقراه وقولت احطه هنا لعل وعسي حد يلحق ياخد باله قبل

اعلانات

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية رويس
رويس
ارثوذكسي بارع
رويس غير متواجد حالياً
 
رقم العضوية : 4169
تاريخ التسجيل : Oct 2007
مكان الإقامة :
عدد المشاركات : 1,503
عدد النقاط : 50
قوة التقييم : رويس will become famous soon enough
افتراضي رسالة من أب عنيف وأم عصبية

كُتب : [ 02-25-2011 - 05:40 PM ]


الموضوع ده انا كنت حطيته في احد المواقع من أربع سنين، ونظراً لظروف خاصة عندي فضلت أدور عليه علشان أقراه وقولت احطه هنا لعل وعسي حد يلحق ياخد باله قبل ما يندم بعد كده ويتمني الساعة ترجع شوية لورا، الموضوع باللغة العامية ونصيحة شخصية حاول تقرا الموضوع كويس وانا مش عاوز ردود من الناس - فقط عاوز قراية بصدق.

رسالة من أب عنيف وأم عصبية

احنا عارفين انك زعلان مننا ومش مبسوط في حياتك معانا وحاسين انت قد ايه متضايق من تصرفاتنا اللي مش فاهمها وبترفض تسمع كلامنا
ممكن تسمح لنا نعتذرلك عن اللي مزعلك مننا ونرجوك تسمع حكايتنا يمكن تعذرنا وتفهمنا من حوالي خمستاشر سنه ربنا بعتك لينا وفرحنا وهللنا لما عرفنا ان امك حامل فيك، الدنيا ماكانتش سايعانا وعلي الرغم من ان امك كانت قربت تموت وهي بتولدك الا ان قلبها زغرد اول ما شافتك وتحاملت علي نفسها وعملنا لك حفله سبوع ما حصلتش بين قرايبنا وفرحنا كلنا فيها.
ولما جا الليل انت ابتديت تصرخ علشان عندك مغص طول الليل سهرانين جنبك نطبطب عليك ونحاول نسكتك وروحنا بيك المستشفي وكانت ليله صعبه لغايه الصبح وفرحنا انك خفيت، طبعا لما الصبح صبح ومن غير ما انام خالص اضطريت اروح الشغل وانا تعبان ويومها المدير طلب مني شغل كتير مقدرتش اعمله كله صح واخدت جزا وكان بدايه مشاكل معايا في الشغل.
عدي كام شهر وانت بابتدت تطلع لك اسنان وكانت ايام متعبه جدا ليك كل شويه عند الدكتور وكل شويه تعب واحنا نسهر معاك طول الليل ونروح الشغل تاني يوم مرهقين وتعبانين ماما ترجع بسرعه من شغلها ملهوفه ومشتاقه تحضنك لكن كمان وراها شغل البيت
طبيخ وكنس وتنظيف علشان انت تلاقي مكان نظيف تلعب فيه براحتك.
طبعا المصاريف زادت عليا بسبب غلاء الاسعار لقيت شغل تاني اضافي علشان ازود الدخل واقدر الاحق ع الطلبات وعلي الرغم ان الدخل بقي يادوب مكفي الا اني كمان اتحرمت من اللعب معاك ومن اني اخدك في حضني وافرح بيك، لكن ماما كانت بتقولي اخبارك كل ليله وانا راجع مهدود ويوم ما قالت لي انك ابتديت تمشي لوحدك انا هيصت ع الاخر ولما مره سمعتك بتناديني ب ا با بكيت من الفرح.
مرت كام سنه وربنا بعت لنا اختك وفرحنا بيها زي ما فرحنا بيك لكن كمان زاد الحمل علي ماما وبقيت بتصحي بدري اكتر قبلنا كلنا علشان تجهز لنا الفطار وسندوتشات المدرسه ولما ترجع وراها تنظيف وطبيخ ومسح وكنس وغسيل وكوي كمان انت واختك ربنا يخليكم ويفرحنا بيكم،بس سامحني يعني ما كنتوش متعاونين خالص ترموا اللعب في كل حته وهي تلم من وراكم كل شويه وده يتعبها اكتر وتقول لكم رتبوا لعبكم وما تسمعوش الكلام فغصب عنها هتزعق لكم امال يعني هتسيبكم تقلبوا البيت كراكيب وتسكت ؟! واحيانا لما تصروا علي الفوضي تضطر تضرب.
في مره شافتك وانت بتزق اختك وكنت هتوقعها ماما اتفزعت وضربتك وهي متضايقه انها بتضربك، ومش ممكن انسي يوم ما كنت خمس سنين وكنت عايز تعمل عصفور وتطير من الشباك يومها امك كانت هتموت من الرعب عليك وجريت تنقذك واديتك علقه بعدها علشان تتعلم تخلي بالك، احنا اسفين ماكنش نفسنا اننا نضربك خالص ولا حتي نزعق لك لكن غصب عننا انت بشقاوتك خليت ده اسلوبنا معاك.
افكرك بحكايه
يوم ما رحت المدرسه اول مره احنا كنا طايرين من الفرح بيك وفي المدرسه ما كناش عاوزين نسيبك وانت ابتديت تبكي عاوز تمشي معانا الا انه غصب عننا كان لازم نسيبك علشان تتعلم لو كنا استجبنا لعياطك وروحناك كان زمانك فرجه بين الشباب ومصدر نكتهم لانك هتكون الجاهل الغبي، طبعا دخلنا في المذاكره والدروس علشان تبقي واحد من احسن الناس في البلد وانت فاكر اننا غاويين ننكد عليك ونزعق لك علي الرغم انك بعدين هتفهم ان ده لمصلحتك وتشكرنا عليه، كمان خناقاتك انت واختك كترت علي كل حاجه وبقيت ماما تتنرفز عليكم كتير وكأنها هي اللي غاويه نرفزه مش انتوا اللي بتتعبوها.
طبعا كل ده والمصاريف بتكتر وانا لازم اشتغل اكتر واكتر علشان الدخل يكفي وتبقوا مبسوطين والنتيجه اني بعدت عن البيت اكتر وسيبت الحمل لمامتك وانا تعبت من كتر الشغل ومشاكله وبقيت اعصابي مشدوده علي طول ومش مستحمل كلمه وماما من كتر عدم سماعكم الكلام بقت بتزعق كتير، انا عارف انك مش مسئول قوي عن الوضع ده وهتقولي امال خلفتونا ليه ؟ ها اقولك خلفناك علشان نضم عضو جديد لجسد المسيح.
لكن الحياه يابني صعبه شويتين

طيب والحل ؟

ابننا الحبيب ونور عيوننا
يا تري ممكن تعذرنا شويه وتسامحنا ؟
وملعش هانطلب منك طلب
لما تلاقينا بنزعق كتير ابقي حاول تشوف يمكن تكون انت زودتها شويه وضغطت علينا زياده واكيد لو لاقينا منك شويه قبول لظروفنا وتعاون معانا اكيد هنفرح بيك ونفرحك معانا.
ممكن كمان لما تلاقي الامور صعبه شويه تصلي من اجلنا كلنا تصلي ان ربنا يبارك في الشغل والدخل علشان انا اهدي والاقي وقت اصاحبك فيه، تصلي ان ربنا يدي ماما صحه كويسه وتقدر علي طلبات البيت وتستحمل تعبنا، تصلي ان ربنا يدينا سلام في البيت علشان نقبل كلنا ضعفات بعض ونرجع نحب بعض اكتر من الاول، تصلي كمان ان ربنا يهديك وينور بصيرتك وتبقي راجل في تصرفاتك وما نضطرش نزعق لك.

بابا وماما اللي بيحبوك



vshgm lk Hf ukdt ,Hl uwfdm


رد مع إقتباس
Sponsored Links
بياناتي
 رقم المشاركة : ( 2 )
menovich
Iesus Naserenus
رقم العضوية : 50284
تاريخ التسجيل : Feb 2009
مكان الإقامة : ANY WHERE
عدد المشاركات : 6,206
عدد النقاط : 27

menovich غير متواجد حالياً

افتراضي رد: رسالة من أب عنيف وأم عصبية

كُتب : [ 02-26-2011 - 03:26 PM ]


لما تلاقينا بنزعق كتير ابقي حاول تشوف يمكن تكون انت زودتها شويه وضغطت علينا زياده واكيد لو لاقينا منك شويه قبول لظروفنا وتعاون معانا اكيد هنفرح بيك ونفرحك معانا.
ممكن كمان لما تلاقي الامور صعبه شويه تصلي من اجلنا كلنا تصلي ان ربنا يبارك في الشغل والدخل علشان انا اهدي والاقي وقت اصاحبك فيه، تصلي ان ربنا يدي ماما صحه كويسه وتقدر علي طلبات البيت وتستحمل تعبنا، تصلي ان ربنا يدينا سلام في البيت علشان نقبل كلنا ضعفات بعض ونرجع نحب بعض اكتر من الاول، تصلي كمان ان ربنا يهديك وينور بصيرتك وتبقي راجل في تصرفاتك وما نضطرش نزعق لك.


بجد تسلم ايدك يا رويس بجد موضوع هام جدآآآآ ونناشد به الكثير من الوالدين

فعلآ الحب والحنية والصدق اقرب الطرق الى الصفح والتسامح

الرب يبارك حياتك وان شاء الله رسالتك توصل لكل واحد

رد مع إقتباس
بياناتي
 رقم المشاركة : ( 3 )
selo_hero
بنت الملك
رقم العضوية : 63002
تاريخ التسجيل : May 2009
مكان الإقامة :
عدد المشاركات : 167
عدد النقاط : 10

selo_hero غير متواجد حالياً

افتراضي رد: رسالة من أب عنيف وأم عصبية

كُتب : [ 02-27-2011 - 01:04 AM ]


بابا وماما اللي بيحبوك
وانا بمووووووت فيكم
وميحرمنيش منهم يااااااارب

ميرسى رويس بجد
توبيك رائع دا انتى خلتنى ابكى

رد مع إقتباس
بياناتي
 رقم المشاركة : ( 4 )
kiro.kiro33
حبيبة مارجرجس
رقم العضوية : 99483
تاريخ التسجيل : Mar 2010
مكان الإقامة :
عدد المشاركات : 4,264
عدد النقاط : 27

kiro.kiro33 غير متواجد حالياً

افتراضي رد: رسالة من أب عنيف وأم عصبية

كُتب : [ 02-27-2011 - 12:21 PM ]


ممكن كمان لما تلاقي الامور صعبه شويه تصلي من اجلنا كلنا تصلي ان ربنا يبارك في الشغل والدخل علشان انا اهدي والاقي وقت اصاحبك فيه، تصلي ان ربنا يدي ماما صحه كويسه وتقدر علي طلبات البيت وتستحمل تعبنا، تصلي ان ربنا يدينا سلام في البيت علشان نقبل كلنا ضعفات بعض ونرجع نحب بعض اكتر من الاول، تصلي كمان ان ربنا يهديك وينور بصيرتك وتبقي راجل في تصرفاتك وما نضطرش نزعق لك.

بابا وماما اللي بيحبوك


تحفه بصراحه ملهوش حل واحنا كمان بنحبهم جداااااااااااااا

بس ياريت زى ما عملت رساله من الاب والام اعمل رساله مننا احنا ليهم نوضح فيها ليه اسلوبنا كدة


رد مع إقتباس
بياناتي
 رقم المشاركة : ( 5 )
Malak sokar
ملاك
رقم العضوية : 1433
تاريخ التسجيل : Aug 2007
مكان الإقامة :
عدد المشاركات : 5,325
عدد النقاط : 19

Malak sokar غير متواجد حالياً

افتراضي رد: رسالة من أب عنيف وأم عصبية

كُتب : [ 02-27-2011 - 12:28 PM ]


جمييييييييييييييل


رد مع إقتباس
بياناتي
 رقم المشاركة : ( 6 )
كراكيب
ارثوذكسي بارع
رقم العضوية : 14367
تاريخ التسجيل : Jan 2008
مكان الإقامة : في بيتنا
عدد المشاركات : 1,663
عدد النقاط : 12

كراكيب غير متواجد حالياً

افتراضي رد: رسالة من أب عنيف وأم عصبية

كُتب : [ 02-27-2011 - 12:41 PM ]


اقتباس
المشاركة الأصلية كتبت بواسطة رويس مشاهدة المشاركة

فغصب عنها هتزعق لكم امال يعني هتسيبكم تقلبوا البيت كراكيب وتسكت ؟! واحيانا لما تصروا علي الفوضي تضطر تضرب.
  • ومالها الكراكيب يعني ياعم رويس براحتهم هههههههه
  • موضوع بجد جميل قوي ومكتوب بطريقة حلوة جدا واحلي مافيه انه بطريقة عامية وهو رسالة جميلة وانا شايف انها رسالة للأبناء قبل الأباء اللي بجد تعبهم لايمكن وصفه
  • شكرا ليك كتير

رد مع إقتباس
بياناتي
 رقم المشاركة : ( 7 )
zaza2006
بنت تماف ايرينى
رقم العضوية : 24995
تاريخ التسجيل : Apr 2008
مكان الإقامة :
عدد المشاركات : 8,861
عدد النقاط : 38

zaza2006 غير متواجد حالياً

افتراضي رد: رسالة من أب عنيف وأم عصبية

كُتب : [ 02-27-2011 - 03:08 PM ]


موضوع جميل فعلا بجد
ربنا ما يحرمنا منهم ابدا

رد مع إقتباس
بياناتي
 رقم المشاركة : ( 8 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: رسالة من أب عنيف وأم عصبية

كُتب : [ 02-27-2011 - 05:20 PM ]


موضوع جميل
وجديد بصراحة انا مش متعودة منك على البساطة دى خالص
اومال فين لابس النظارة وبتقول فى الحقيقة وفى الواقع ههههههههههه هههههههههه
ولا اقولك خلاص خلاص انت حلو لحسن مش ادك
بس هو بصراحة التصرفات العصبية دى لما بتزيد عن حدها مع الاولاد بترسب فى نفسيتهم بلاوى مش اى حد بيسامح عليها لما بيكبر
لانها بتبقى توجيهات وبس وكدة خلصت المشكلة بالنسبة للاباء والامهات وهما متصورين ان مهمتهم انتهت لكن بينسوا يدوا معاها جرعة الحنان بعدها علشان الابن يفهم الكلام دة اللى انت قلتوا لما يكبر ويكون عندة القدرة على الافراز
طبعا دة مش دايما لكن بيحصل كتير للاسف
عموما مرسى يا رويس على الفضفضة الحلوة دى وعلى الرسالة الحلوة دى

رد مع إقتباس

اضافة رد

مواقع النشر (المفضلة)

الكلمات الدلالية (Tags)
رسالة, أب, عصبية, عنيف, من, وأم

اعلانات

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الإيمان بالثالوث هل هو ضروري للخلاص (3) التوحيد المُثلث رسالة الخلاص والحياة الأبدية aymonded القسم اللاهوتي 1 01-05-2011 05:27 AM
مهرجان الكرازة لمرحلة إعدادى 2010 رسالة فليمون nahooda قسم خدمة اعدادى 1 08-23-2010 06:25 PM
إجابة رسالة فليمون لمهرجان إعدادى2010 nahooda قسم خدمة اعدادى 0 08-02-2010 09:23 PM
رسالة من السماء marmarina القصص النصية 3 02-26-2009 03:18 PM


الساعة الآن 05:42 PM.