تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة



حوار من الاعماق

منتدى مفتوح للحوار مع الزوار والاعضاء فى كل شيء دون تسجيل بالموقع حتى لا يكون به اى احراج لاى شخص ودون التعرف على شخصيته اتكلم من القلب وخرج كل ما بداخلك † من غير ما تقول انت مين هاكون معاك امين †


ساعدونى ارجوكم

انا ارجو اللى يرد عليا فالموضوع ده يكون شخص متزوج وذو خبرة بالحياه المسيحيه وامور الدنيا انا متزوجة وعندى طفل وزوجى مسافر وكان بينا قصة حبه كبيرة جمعتنا استحملت من

اعلانات

موضوع مغلق

 
أدوات الموضوع تقييم الموضوع انواع عرض الموضوع

رقم المشاركة : ( 1 )
رونى شاندو
ارثوذكسي جديد
رونى شاندو غير متواجد حالياً
 
رقم العضوية : 23101
تاريخ التسجيل : Apr 2008
مكان الإقامة :
عدد المشاركات : 12
عدد النقاط : 10
قوة التقييم : رونى شاندو is on a distinguished road
IC16 ساعدونى ارجوكم

كُتب : [ 09-10-2011 - 01:26 AM ]


انا ارجو اللى يرد عليا فالموضوع ده يكون شخص متزوج وذو خبرة بالحياه المسيحيه وامور الدنيا انا متزوجة وعندى طفل وزوجى مسافر وكان بينا قصة حبه كبيرة جمعتنا استحملت من خلالها خلال فترة الجواز مشاكل وامور كتيرة جيت فيها على نفسى لكن الشىء اللى مديقنى انى جوزى متغرب عنى ومبنتجمعش غير فترة قصيرة فالسنه كانى الجواز محكوم عليه بالاعدام لانى مش مستمتعه باى حاجة وكمان الغربه غيرت تفكيرنا وزودت بينا المشاكل بالرغم من انى بحب ربنا قوى وجوزى شماس بس ساعات بنقعد مع نفسا ونسال ربنا ليه يارب جمعتنا وانت حاكم علينا انى كل واحد يكون فبلد والمشاكل بينا تزيد بسبب طبعا اختلاف العيشه والوضع القائم للبلد من عدات وتقاليد بمعنى اصح انا وضعى زى ماهو لكن جوزى افكاره بقت صعبه قوى من الغربه وقرفها ومحدش يقولى طب ليه جوزك مايرجعش يعيش معاكى طبعا لظروف البلد الصعبه مفيش مصدر رزق ليه غير برة وامكانياته متسمحش انه ياخدنا لكن انا بطبعتى بشر ببص للى حواليا وبيوت واسر متكونه واولادها بيتربو فوسطيهم وحتى لو فى خلافات طالما الناس مع بعضيها بتقدر تحلها لكن انا زعلانه من جوايا ساعات بعاتب ربنا ليه يارب خلتنى لوحدى اشيل مسئوليات كبيرة من بيت وتربيه اطفال وامور اخرى بتحط فيها انا لوحدى معيشتنيش ليه زى الناس المتجوزين فالمسيح حياه حلو ولحد امتى هفضل تعبانه كدة انا بجد كنت بقدر استحمل قبل كدة لكن دلوقتى تعبت نفسيا عالاخر وابتديت الغبط بعض الامور فحياتى بس انا مش هشكر فنفسى لكن انا فعلا قد المسئوليه لكن جوزى على قد مافعلا راجل صالح وبيخاف ربنا وكويس لكن فى عيوب كتيرة تدمر اى علاقه بيدى اوامر عالطول بخصوص اى شىء منعنى من امور كتيرة بحبها كان نفسى اعملها عشان اساعدو بها زى الشغل مثلا لانى احولا الماديه مش قد كدة بالرغم انى معايا كليه وهو نفس الشىء وعنده شغل متوفر ليا كتير فالبلد اللى بيشتغل بها لكن عيبه تملى مصعبلى الامور فالوقت نفسى اللى فى ناس تانى اعرفها وقريبين مننا مشجعانى بس انا بجد محتاجة رايكم كناس كبيرة وفاهمة وعاقله وانا لسه صغيرة وبداء حياه زوجيه انكم تفهمونى الصح من الغلط وليه انا دايما بقدم كل حاجة احس جوزى بيحبها حتى لو عرفتها عن طريق الصدفه وهو عكسى تمام منفذ الوصيه باسرع الى مايسر قلبها انا مبقللش منه بالعكس هو انسان كويس بس الدنيا متدهوش حقه وعيوبه الاساسيه انه متحفظ زيادة عن اللزوم على حساب نفسه وعلى حساب بيته ويعمل للناس الف حساب كمان بحسه انانى فعدم اتاحتى لاى فرصة من حقى انى انا اللى اخد قرار فيها يعنى هو عشان راجل وانا لازم اطيعه يبقى يتحكم فكل امورى دة ربنا ادنا حقوق عيبه كمان فاهم شخصيه الراجل عالست غلط المفروض فى مشاركه بينا وبالرغم من كدة انا بطيعه بس فى امور خلاص انا تعبت منها وزعلانه انى مشقادرة اتحملها هو بيحبنى وبيخاف عليا بس بطريقه غلط ولو حبيت انى اغير وافهمه انى مش كل الشخصيات تتقبل شخصيتك الناس لازم يبقى فى بينها اختلافات وبيوصلو لاقرب الحلول مع بعض دة لا يسمع ويقتنع بشكل وقتى لكن اللى فدماغه ميتغيرش
ارجوكم انا مش عاوزة اهدم بيتى بس بردو مش عاوزة االغى كيانى وشخصيتى وفى حدود المعقول اللى ربنا سمحلى به ابتديت احس انى جوزتى من الاول غلط لكن قبل ماارتبط صليت انا وجوزى كتير عن مشوار الارتباط دة طب بسال نفسى ليه يارب لاانا ولا هو عايشين سعدا حتى فترة الاجازة اللى بيجيها بيبقى فيها نكد بسبب انى السنه كلها هو عايش بنظام وانا بنظام تانى ومبنفرحش مع بعض بسبب الاختلافات فعيشه كل مننا والمشوار بينا عالوضع دة شكله مطول عالبال مايفكر يستقر معانا اعمل ايه اللوم نفسى على الاختيار ولا الوم ربنا مع انى صلتله واخدت رايه بجد نفسيتى تعبانى وجوزى على قد مابيحبنى وانا بحبه بس ابتديت اشك فالحب دة لانه مجرد كلام مفيش فعل الفعل كان منى فالاول لكن كان كل مالغربه تغيرة فتصرفاته وخوفه الزايد اللى يخنق كل ماللى جوايا يقل واتعب نفسيا واردتى على التحمل تضعف بس انا بحكى مشكلتى مش عشان اقول مين فينا اللى غلطان لانى انا واثقه انى اكيد زى ماهو دايقنى كتير اكيد انا كمان دايقته لكن انا عايزة اعيش بطريقه فيها تفاهم وحب حقيقى ساعدونى بردودكم كناس فاهم وليها خبرة بالحياة وانا مقدمه تنازلات كتيرة لكن ارجوكم ردكم يكون مريح نفسى ليا لانى فوضع مش قابله فى انتقاد من حد مستنيه ردكم بنعمه المسيح تحل على لسانكم ليا واعزرونى على التطويل انا جوايا كتير تاعب نفسيتى لكن مش هدوشكم به اكيد انتم هتفهمو انا عاوزة اوصل لايه وشكرا لكل اللى هيواسينى ويساعدنى



shu],kn hv[,;l


Sponsored Links
بياناتي
 رقم المشاركة : ( 2 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,871
عدد النقاط : 58

aymonded غير متواجد حالياً

افتراضي رد: ساعدونى ارجوكم

كُتب : [ 09-10-2011 - 02:52 AM ]


سلام لك يا أختي
أولاً مشكلتك مثل مشكلة الكثيرين فيها جوانب كثيرة متشابكة مع بعضها البعض ومن الصعوبة الشديدة فصلها عن بعضها البعض، ودائماً ما يظن الإنسان أن كل شيء مسئول عنه الله بالرغم من أنه أخذ حرية من الله يختار كيف ما شاء حسب حريته وطبيعة شخصيته، وكثيرين اتفقوا في البداية على أنهم يصلون لكي تنضبط حياتهم وتتوافق في خوف الله أي التقوى وسكنى الله وسطهم، ويهملون أن يعرفوا بعضهم البعض بانفتاح قلب على بعضهم البعض ومعرفة عيوب كل واحد فيهم قبل ميزاته ويقبلوها ويتعلمون كيف يتعاملوا معها بالقبول والحب والغفران بين الطرفين وليس من طرف واحد فقط، وأكبر مشكلة رايتها في كلماتك هي مشكلة تقديم المحبة وأرضاء الطرف الآخر من جانب واحد فقط دون السعي منذ البداية أن يتم تقديم الحب المتبادل بين الطرفين، وهذه هي المشكلة الحقيقية التي يعاني منها الجميع ...

فأنه مفهوم الحب مغلوط عند الناس، لأن الحب قائم على طرفين وليس طرف واحد يعطي والآخر يستقبل العطاء بدون أي رد فعل، لأن العلاقة السوية هي التي فيها الأثنين يعطون والأثنين يأخذون ومن هنا تبدأ العلاقة وتزداد في القوة والمحبة، أما لو كانت من طرف واحد فقط يعود الآخر على أنه يعطي حب ويبذل بدون أن يتفاعل معه الآخر من هنا تبدأ الخلافات وعدم شعور الطرف الآخر بما يقدمه الطرف الأول، بل ويعتاد على أنه المتلقي فقط بدون أن يعطي، وأن طالبه ألاخر بالعطاء فأنه يندهش ويتسائل ماذا حدث لكي يطلب هذا هل فقد محبتة، غير عالم أنهم لم يحبوا بعض حب سليم منذ البداية ولابد من التصحيح الفوري لما أخطأوا فيه نحو بعضهم البعض، لأن الأثنين مُخطأين منذ البداية، إذ واحد تخيل انه عليه أن يعطي ويبذل ولا ينتظر رد فعل الآخر لأنه هو المحب العظيم والمعطاء الدائم، والآخر تعلم كيف يستقبل ويأخذ ولا يعطي لأنه المفروض ان يستمتع بحب الآخر لأن هذا من حقه كما تعود عليه، وانا بالطبع لا أتكلم على مادة ولا ما تحتاجة المعيشة لأجل الحياة بل أتكلم عن الحب السوي الصحيح الذي فيه تبادل بين طرفين...

عموماً مش من السهل أن الإنسان يحافظ على بيته إلا ببذل ذاته وتحملة كل مشقة، وأنا أسأل اين الله في حياتكم الذين تعهدتم أمامه أنكم جسد واحد وترعون بعضكم البعض !!!
ففي كلامك كله لم اسمع أن هناك قراءة للإنجيل ولا صلاة لأي طرف فيكم على الإطلاق، ولا تجتموعون للصلاة لكي يعينكم الله ويقوي شركتكم معه كإله حي وحضور مُحيي، لا من اجحل علاقتكم ولا سؤاله لماذا فعل بكم هكذا، مع أنه بريء من هذا كله، ولكن من أجل شركتكم معه ومن أجل أن يبارك بيتكم بسر حضوره فيه، وانما طبعاً لا أتكلم عن الصلاة بحضور الكنيسة فقط، بل المذبح الأسري أمام الله !!!
فأن لم يتواجد الله في البيت فلن تنفع شموسية ولن تنفع أي طريقة لضبط الحياة، لأن الرب وحده هو من يحفظ وحدتكما في سر المحبة، لأنها النار الذي تشعل قلوبكم فأن انطفأت فاي رجاء يُرتجى وأي حل ينفع لتتم المواصلة والمسيرة، ولماذا العتاب على الله وأنتم لا تسعون نحو ما هو أفضل لحياتكم وكل طرف يتنازل عن كرامته أمام الآخر لأن لا توجد حاجة اسمها كرامتي وكرامته أمام بعضكم البعض، ولا يوجد تسلط قسري واحد على آخر ومن هو القائد ومن هو التابع ومن هو الآمر ومن هو المنفذ والخانع، هذه علاقة تُبنى على عبد وسيد، ولكنكما تحتاجون أن تحققا معاً الجسد الواحد في الحرية الحقيقية التي من الله لكما معاً في سر التقوى، في داخل المسيح وليس خارجه، فاطلبوا الرب ليتقوى حبكما واسعوا لحل مشاكلكما قبل أن تتفاقم وتزيد ولا تضيعوا وقت في ملامة الله وسؤاله بل نموا علاقتكم وصححوها في التقوى ومحبة الله واقتربوا بعضكم نحو البعض حتى لو بدأتي بهدوء مع صلاة لكي يتدخل الله بقوته، خليكم واقعيون ولا تحيوا في خيال أنه سيأتيكم حل سحري، لأن كل حل يحتاج مثابرة وجهاد طويل وبذل عظيم، وهذه هي الزيجة، فأنها ليست للراحة ولا حلول سحرية بل تعب ومشقة وخروج كل واحد عن ذاته ليلتقي في الآخر في حاجة اسمها الجسد الواحد في سر المحبة والوحدة مع الله، ليكونوا أسرة حقيقية ...

طبعاً الحل في داخل كل ما كتبت وهذا عن خبرة وليس مجرد كلام، بل خبرة فيها بعض ما هو شخصي وبعض ما هو من خبرات الآخرين، أقبلي مني كل احترام وتقدير؛ النعمة معك

بياناتي
 رقم المشاركة : ( 3 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: ساعدونى ارجوكم

كُتب : [ 09-10-2011 - 11:03 AM ]


البيت اللى مفهوش المسيح لازم يبقى فية مشاكل
دة طبيعى !!!
وبالنسبة لطبعة الشرقى وتحكماتة فيكى ومحاولتة اثبات احساسة بالرجولة حتى لو كان بطريقة غلط صدقينى دة فى الغالب طبيعى وعادى فى مصر هو دة الرجل الشرقى بصفة عامة فى الغالب ومعتقدتش ابدا ابدا انك مأخدتيش بالك من طبعة دة اثناء فترة الخطوبة - لو قلتليلى انا اتفاجأت باسلوبة وطريقتة بعد الجواز هقولك لأ مش ممكن انتى اللى عمضتى عينيكى عن كل حاجة وعواطفك كانت هى اللى بتقود عقلك
وعموما مينفعش ندم دلوقتى وانتى بتقولى انة كويس وفية مميزات حلوة تانية خلاص بقى دة جوزك ونصك التانى وحدتكم الكنيسة ومفيش حاجة ابدا ممكن تفركم
حاولى تقبلية زى ما هو بعيوبة ومميزاتة - وبالنسبة لظروف الغربة
ياريت تراجعوا تفكيركم تانى الافضل انة يفضل فى مصر جنبك وجنب اولادة واى شغل بسيط مهما كان هيكون احسن مليون مرة من ان كل واحد فيكم يبقى فى وادى واولادكم اللى هيدفعوا الثمن
يا عزيزتى ظروف البلد الصعبة كلنا عايشين فيها وكبنا بنعانى منها وانتى اهو برغم ان جوزك سافر ولقى فرصة عمل بعيد عن ظروف البلد الصعبة الا انك بردوا بتعانى وتعبانة وحاسة انك لوحدك يعنى السفر لوحدة والغربة مش حل ابدا يا اما تسافرى معاة يا اما هو يرجع ويستقر هنا ويارب حتى يبدأ من الصفر والصغير بيكبر مع الجهد والكفاح والصبر
ربنا معاكى


بياناتي
 رقم المشاركة : ( 4 )
sadjohn
ربنا يعينه
رقم العضوية : 46559
تاريخ التسجيل : Jan 2009
مكان الإقامة :
عدد المشاركات : 123
عدد النقاط : 10

sadjohn غير متواجد حالياً

Heartcross اسف رغم ان مش من حقي اتكلم

كُتب : [ 09-10-2011 - 11:22 AM ]


بس انا هقول رايي
رغم اني مقريتش الحكاية كلها
و مقريتش الرد كله
لكن من اللي قريته
انا هتكلم
الاول لازم تحمدي ربنا انك اتجوزتي شخص بتحبيه
شوفي اكيد في ناس في سنك متجوزتش
و كمان في ناس اتجوزت غصب يعني من غير حب

ثانيا لازم تشكري ربنا انه اداكي انك تنجبي
في ناس زيك بيتمنوا النعمة دي

ثالثا لازم تشكري ربنا تاني
عشان زوجك بيعمل لاجلك ولاجل ابنكما

رابعا لازم تشكري ربنا
عشان ان زوجك لازال قادرا علي العمل

خامسا اشكري ربنا انه عرف يلاقي شغل
في كتيير ناس مش بتعرف

و ان كنت انت بتتالمي لغربته و انت فبلدك
يعني ممكن تزوري اهلك او اصدقائك
و تتفرغي لتربية ابنك

فهو يتالم اكثر
انه متغرب في بلد ليست بلده
و بعيد عن زوجتة و عن اهله
و عن طفلة

صدقيني انت فنعمة
انا عارف ان كلامي صعب
و انا مش حاسس باحساسك
بس صدقيني
الحقي روحي الكنيسة
لان في ناس هتحسدك انا مش بامن بالحسد بس يعني بقلك
انتي فنعمة

بياناتي
 رقم المشاركة : ( 5 )
sadjohn
ربنا يعينه
رقم العضوية : 46559
تاريخ التسجيل : Jan 2009
مكان الإقامة :
عدد المشاركات : 123
عدد النقاط : 10

sadjohn غير متواجد حالياً

Thumbdown رد: ساعدونى ارجوكم

كُتب : [ 09-10-2011 - 11:51 AM ]


هو الرد راح فين

بياناتي
 رقم المشاركة : ( 6 )
رونى شاندو
ارثوذكسي جديد
رقم العضوية : 23101
تاريخ التسجيل : Apr 2008
مكان الإقامة :
عدد المشاركات : 12
عدد النقاط : 10

رونى شاندو غير متواجد حالياً

افتراضي رد: ساعدونى ارجوكم

كُتب : [ 09-10-2011 - 03:29 PM ]


اولا اشكر كل واحد قالى كلمه تنفعنى بس احب اوضح امور كتيرة ليكم اولا ناس قالت مفيش ربنا فحياتنا لا صدقونى بالرغم من انى جوزى فالغربه وانا فمصر لكن بنصلى مع بعض عالنت لانى النت مسهل امور كتيرة قوى لكن مش كافى انى من خلاله نعيش واحنا مخلصين قراءة الكتاب المقدس يمكن 3 مرات من العهد القديم للجديد سوى مع بعض وكتير بنتناقش فامور الدين ولانى جوزى مثقف وعارف معلومات كتير كنت بساله وبيجوبنى وبينا حياه حلوة لكن اللى تاعب نفسيتى انى ياجماعه جوازنا على الورق لا فى مناسبات ولا اعياد ولا اى معنى لحياه الناس المتجوزين الحياه الطبيعيه يعنى حاسنها مع بعض ولا بنتجمع فيها بسبب الغربه وزى ماقولتلكم صعب جدا انه ينزل ويستقر هنا كمان انا فعلا بشكر ربنا على حاجات كتيرة عملها معايا وفعلا انه ادانى جوزى دة اللى مستحملنى لانى بطبعى عصبيه بس الغربه يجماعه بتغير الاطباع بتتغير بسبب الضغوط النفسيه والضيقه الماليه انا فاهمه امور كتيرة بتحصل مع جوزى تعبته وعشان كدة ده كان رد فعله علينا بس انا كمان تعبت وبحس انى دورى ملغى ماهو انا بردو متحمله مسئوليه بيت وتربيه طفل واى ظرف طارىء او تخليص اى مواضيع انا واحدى بقوم بها حتى امور مينفعش فيها كست اتحط فيها محتاجة راجل انا بقوم بها يعنى دورى راجل وست فنفس الوقت لما قربت كمان انسى انى امراءة اتمنى انكم تفهونى انا كنت عاوزة منكم بس كناس كبيرة وفاهمه تقولى اصبر واتحمل ازاى وانا حاسه انى مظلومه فانى كل حاجة نفسى احققها وبحبها هو حرمنى منها ومش عشان هو وحش مشكلته انه بيتعامل معايا تحت مسمى انا خايف عليكم وانا بعزره انه فالغربه لكن قدامه امثال كتيرة من عنده هناك ومن عندى هنا وعايشين
كمان الناس اللى بتقول انى تملى نرمى المسئوليه على ربنا باختيارنا طيب مانا صليت فالاول ومش لوحدى وجوزى كمان معايا واختارنا بعض بالعقل والقلب يعنى مش زى ماناس قالتلى العاطفه سيطرت عليكى وخلتك متشوفيش الحقيقه ولا طبعه
عشان اوضح اكتر طبعه فالخطوبه مكنش كدة اتغير بعد مسافر وبسبب الغربه والضغوط وحرمانه مننا والله يكون فعونه انا عارفه انه ضحى كتير بس فايدينا امور ممكن تساعدنا شويه انى تجمعنا زى مثلا اشتغل واساعده وهو رافض اسافر واقعد معا وهو رافض وبيعقد الامور لانه عوال الهم زيادة عن اللزوم وفنفس الوقت هو بيتمنى يكون جنبا كمان اللى قالى انى بطبعه راجل شرقى لازم يتحكم ويامر يجماعه احنا مسيحين ربنا جوانا منتصرفش زى اولاد العالم احنا مختلفين يعنى فين بقى الوصيه يكون حنون عليها يسرع الى مايسر قلبها هو احنا نطيع وبس الوصيه بتقول نطيع فالرب لكن الامور اللى بتزعله منى ومش عجبا جوزى فيا انى بتناقش معاه فموضوع انى اساعده اشتغل اخد كورسات تنفعنى وتنفع اطفالى اشغل وقتى باى حاجة بدال مالسنه كلها وانا مش عايشه كانى ميته
ياجماعه احنا بينا قصة حب بقالها 8 سنين تخلينى اتحمل فوق اضعاف اى حد مايتحمل لكن يصعب عليك لما انت تبقى عاوز تعمل لنصك التانى كل حاجة تسمع بس او تحس انها بتفرحه والطرف التانى يرفض اى حاجة بتحبها تحت مسمى خايف عليكم انا فالغربه مش معاكم البلد عندكم مفهاش امان طيب فين ربنا ماهو حامى اولادة وهو انا بس اللى هكون بشتغل او باخد كورسات او .........الخ
حاجة تانى مديقانى فى ومش فيا لو اتكلمت مع حد يعمل 100 مشكله والحد دة داخل العيله لو روحت فرح واتصورت جنب العريس اشمعنه متصورتيش جنب العروسه لو جاتلى رقم غريب عالموبايل وردت حتى وهو فالغربه لا مترديش طالما رقم مش مسجلاطيب ماهو بيطلع ناس عرفانى وانا ممعيش رقمهم لو حد خبط عالباب متفتحيش سبي يعنى عاوزنى اعمل حرص شديد على كل مايتعلق بيا عشان دة طبعا عوامل والنتيجة الاساسيه اللى وصلته ليها فغربته بقيت تنقلب علينا فخوف شديد يخنق
احنا كنا متعودين على مبداء الصراحة حتى لو وصلت انها ممكن تزعل بس صدقونى سنه ورا سنه فالغربه انا من ناحيتى مبقتش صريحة صراحة تامه فبعض الامور بدال مكنت الاول بحكيها لا دوقتى مش بالتفصيل واحكى امور سطحيا تفادينا للمشاكل منه وغصبن عنى صدقونى لانى انا ممكن اقول كلمه يعملهالى مقال ويعيد ويزيد فيها
انظرو لمشكلتى تانى ولو انا فيا عيب من خلال كلامى اللى طبعا انا مشقادرة اوضح الصورة كلها قولولى وكمان فاهمونى اعدى مشكلى دى بحكمه ازاى انا عارفه انها تافه ومتهدمش بيوت لكن ياجماعه ازاى نحب بعض كل السنين دى ومن بعد السفر والغربه كاننا منعرفش بعض ومش مستحملين بعض انا نفسى بجد يكون عندى صبر ساعدونى تانى بافكار تخلينى اكسبه واجى على نفسى واستحمل عشان اقدر اشجعه هو كمان فغربته ومنكدتش عليا ونختار حل لينا اننا نكون مع بعض ودة طبعا كله بارادة ربنا
سامحونى لتانى مرة على التطويل انا بقعد السنه كلها لوحدى مبتكلمش مع حد فاى موضوع يخصنى ولا مشاكلى والمرادى اتكلمت معاكم وبفضفض من تعب نفسيتى واللى شيلا جوايا فارجو منكم انكم تعزرونى
وربنا معاكم جميعا ويبعد عن اى واحد من اولادة المشاكل وتعاسه القلب والحزن ربنا يبارككم


بياناتي
 رقم المشاركة : ( 7 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,871
عدد النقاط : 58

aymonded غير متواجد حالياً

افتراضي رد: ساعدونى ارجوكم

كُتب : [ 09-10-2011 - 04:39 PM ]


سلام لنفسك يا أختي الحلوة
صدقيني انا لما اتكلمت عن عدم وجود الله كشخص حي وحضور مُحيي، لا أتكلم عن معلومات ومعرفة عن الله عن طريق الفكر، لأن المعلومات عن الله ليست هي الله كشخص حاضر وسطكم بشخصه، ولما قلت عن موضوع دقة الاختيار مش قصدي أنكم اخترتم بعضكم خطأ، بل بدئتم حياتكم ليست بين طرفين في تبادل بذل وعطاء ومعرفة احتياج كل
واحد للآخر وتلبيته، لأن كل واحد فيكم ليس ملك ذاته بل ملك لله أولاً والآخر ثانياً...

ولكي تصبري يا أختي العزيزة لابد من ان تصلي كل يوم مع أولادك معاً ومع الله لوحدك لكي تنالي منه القوة والمعونة والسند، مع حوار مع زوجك في كل فرصة يكون فيها متاح وتخرجوا معاً مشاعركم من ضيق او فرح او حزن حتى تستطيعون المواصلة في هذا الجهاد الطويل في رحلة الزيجة التي تعهدتم أن تقوموا بها، وبدون أدنى شك كل زوجة وكل زوج له متطلبات لابد ان توفى، ولكن ساعات الظروف تمنع وتصبح ثقيلة لذلك انت وهو معزورين فيه جداً ...

وأحب انصحك نصيحة أن لا تأخذي على كلام الناس بقدر الإمكان، لأنهم لن يعجبوا بحالك على الإطلاق لا من بعيد ولا من قريب، لأن كل الناس بتحب تصير الآخرين حسب رؤيتها وكفها الخاص، فأن أخذتي عليهم لن تعيشي في سلام إطلاقاً، فلا تهتمي بأحد سوى الله وزوجك وأولادك، فلن ينفعك أحد منهم لأنهم يحكمون من الخاج ولن يدرك أحد الضيقة التي انتِ فيها ويشجعك ويقويكي، بل دائماًَ الناس تحب أن تثبط عزيمة اي إنسان آخر لكي تظهر أنها الأفضل وهذا معروف في علم النفس في الشخصيات الغير سوية وعلى الأخص في المجتمع الشرقي على العموم ...

عموماً يا أختي العمل مهم في هذه الحالة لكي لا تشعري بفراغ، وأن كان زوجك لا يوافق على عمل فممكن تشوفي ملجأ تابع للكنيسة أو أي عمل تابع للكنيسة كخدمة تقدمينها لكي لا تقضي وقت فراغ، لأن وقت الفراغ مميت للإنسان ومتعب جداً وللغاية، بل وكفيل أن يهده من الداخل والخارج ...

المسيح إلهنا يقويكي ويحفظ حياتك في سر التقوى...

بياناتي
 رقم المشاركة : ( 8 )
بشارى
ارثوذكسي جديد
رقم العضوية : 103147
تاريخ التسجيل : Apr 2010
مكان الإقامة :
عدد المشاركات : 16
عدد النقاط : 10

بشارى غير متواجد حالياً

افتراضي رد: ساعدونى ارجوكم

كُتب : [ 09-11-2011 - 12:35 AM ]


انا عن نفسي احب اضع امامي قدوة من ناس استحملوا في زيجاتهم زي ام الغلابة و كيف كان زوجها بيعاملها معاملة صعبة و كذلك القديسة ريتا و قصتها مؤثرة جدا و دا الرابط بتاع القصة :
http://pictured-stories.blogspot.com...post_5395.html
و احنا كلنا هنصلي عشانك و كتير من الزوجات التعبانين و ربنا عنده مشكلة لكل حد و بايمان هنطلب من ربنا و اكيد ربنا هيتدخل قريبا جدا و اقرب مما نتخيله و ده عن خبرة، لما الواحد يصل للمرحلة الصعبة اللي انت فيها بيتدخل عشان هو احن حتى من انفسنا علينا و نشكره مسبقا لاننا عارفين انه هيحل مشكلتك.
و بشفاعة القديسة ريتا اللي عانت من نفس مشكلتك و اكتر يا ربي يسوع المسيح استجب امين.


بياناتي
 رقم المشاركة : ( 9 )
sadjohn
ربنا يعينه
رقم العضوية : 46559
تاريخ التسجيل : Jan 2009
مكان الإقامة :
عدد المشاركات : 123
عدد النقاط : 10

sadjohn غير متواجد حالياً

اسف رغم ان مش من حقي اتكلم

كُتب : [ 09-11-2011 - 10:50 AM ]


انا ممكن اعيد بعض الكلمات بس بصيغة تانية
اولا انت عندك حق في كل كلامك
بس لاحظي
انت عندك اهلك و كمان اهل جوزك
المواقف اللي بتقولي متنفعيش فيها كست ممكن اخوكي يروح او اخو جوزك
صدقيني لكل موضوع حل
فلا يوجد امر تحت السماء يقدر ان يكدرني
و كمان كن مطمئنا جدا جدا و لا تفكر فالامر كثيرا بل دع الامر لمن بيده الامر

فمتفكريش كتيير فالامور الارضية
حياتك مهما طالت او قصرت فمتساويش حاجة بالنسبة للابدية

و كمان افتكري
لان خفة ضيقتنا الوقتية تنشئ لنا اكثر فاكثر ثقل مجد ابديا (2كو 4 : 17)

يعني كل موقف بتتعرضيله فيه ضيق اعرفي ان له مقابل و هو المجد
خفة = ثقل
الضيق الارضي = المجد الابدي

ممكن يكون كلامي زي قلته
بس ربنا يبارك في فهمك
و احنا كلنا اخواتك
و ربنا يبارك حياتك
و يرجعلك جوزك بالسلامة


بياناتي
 رقم المشاركة : ( 10 )
رونى شاندو
ارثوذكسي جديد
رقم العضوية : 23101
تاريخ التسجيل : Apr 2008
مكان الإقامة :
عدد المشاركات : 12
عدد النقاط : 10

رونى شاندو غير متواجد حالياً

افتراضي رد: ساعدونى ارجوكم

كُتب : [ 09-11-2011 - 12:42 PM ]


انا بشكركم كلكم انكم واقفين جنبى وبتدونى المشوره وانا واثقه فربنا وفصلاتكم ليا واعزرونى انى تعبتكم معايا وربنا يبارك خدمتكم وارجوكم تبعونى بالنصيحة والارشاد لانى لسه صغيرة وخبرتى اكيد مش كتيرة ربنا معاكم



موضوع مغلق

مواقع النشر (المفضلة)

الكلمات الدلالية (Tags)
ارجوكم, ساعدونى

اعلانات

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ارجوكم ادخلوا وصلولى ارجوكم انا فى وقت حرج marean الصلوات وطلبات الصلاة 9 10-04-2010 12:46 AM
ارجوكم ارجوكم اريد مساعدتكم وتشجيعكم beshayj07 أعلانات وأحتياجات 0 04-25-2010 02:22 AM


الساعة الآن 04:52 AM.