تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة



حوار من الاعماق

منتدى مفتوح للحوار مع الزوار والاعضاء فى كل شيء دون تسجيل بالموقع حتى لا يكون به اى احراج لاى شخص ودون التعرف على شخصيته اتكلم من القلب وخرج كل ما بداخلك † من غير ما تقول انت مين هاكون معاك امين †


القُصر خيبة

اولا بشكر المنتدى انه عمل قسم زى ده ادانى فرصة انى اتكلم عن مشكلة مقدرش اتكلم فيها علانية بأختصار خارجيا انا عامل فيها سوى نفسيا وانى بساعد اللى حواليا انه

اعلانات

موضوع مغلق

 
أدوات الموضوع تقييم الموضوع انواع عرض الموضوع

رقم المشاركة : ( 1 )
غير مسجل
Guest
 
رقم العضوية :
تاريخ التسجيل :
مكان الإقامة :
عدد المشاركات : n/a
عدد النقاط :
قوة التقييم :
افتراضي القُصر خيبة

كُتب : [ 03-23-2012 - 10:22 PM ]


اولا بشكر المنتدى انه عمل قسم زى ده ادانى فرصة انى اتكلم عن مشكلة مقدرش اتكلم فيها علانية
بأختصار
خارجيا انا عامل فيها سوى نفسيا وانى بساعد اللى حواليا انه ينضجوا ويبقوا احسن لكن جوايا حاجة تاني
انا عندى شرخ وفجوة كبيرة جوايا (وربما نقص)
وقبل ما تهيأ نفسك انك تحلل نفسيتى او تتخيل انى نشأت فى اسرة فيها مشاكل او تتكلم عن الامان والثقة بالنفس احب اعرفك انى قارى وفاهم لدرجة التعقيد (جايز يكون عيب), ومدرك لحالتى واللى بيدور جوايا , يعنى اى كلام نظرى عن الثقة والامان والحب الغير مشروط او ماشابه مش هيحقق فايدة (مش عايز احبطك)
انا مش عارف انا بكتب ليه مع انى شايف ان مفيش حل , بس عايز اقول اللى جوايا , جايز حد يقرا ويكون عنده مشكلة مشابهه فيتعزى ويعرف انه مش وحيد , او يشكر ربنا انه معندوش المشكلة دى , ما علينا

هرجع للشرخ اللى جوايا
من الاخر
انا شاب قصير جدا,واى حد (بالذات رجل) قصير بيقرا هيبقى عارف كم التعليقات والتريقات على الموضوع ده
مع ان ثقتى بنفسى عالية الا لما افتكر الموضوع ده او حد يتريق عليه او يلمح بيه بحس بصغر نفس كبيرة وكل ثقتى بتتبدد فى الهوا (وطبعا مش ببين كدة وبضحك كأن عيبى موضوع هزار واحيانا بضايق واقلب ومحش يبقى اخد باله من السبب) بيدبحنى اللى بياخد عيبى محل هزار وفاكر انه خفيف الظل , وبردو مش ببين
ربنا ادانى مواهب كتير جدا ,زى ما يكون بيعوضنى , هتقولى طب ما تبصش لعيوبك وبص لمميزاتك , عملت كدة , ومازلت حاسس انى مجرد هارب , بهرب وبشغل نفسى عن عيبى لحد ما ارجعله تانى مش اكتر ,زى ما يكون العيب اقوى من التعويض , بينطلى فى كل حتة ويحسسنى اد ايه انا مرفوض ومهزوز الصورة , ما كلهم طوال يعنى جت عليا انا يا رب !! مع انى عارف ان ربنا ملوش دعوة لان ده عيب وراثى , زى ما اكون مش لاقى حد الومه فبلوم ابويا !
عارف انى محبوب من الله حب غير مشروط , ومازلت حاسس بالكسر ! زى ما يكون ادراكى للحب والامان نظرى مش عملى
خصوصا لما تيجى سيرة الارتباط , مع انى شايف فى نفسى مميزات كتير تخلينى جذاب الا ان العيب ده قاسم ضهرى , اكيد هتبقى باصالى بأستصغار او اصحابها هيعلقوا اى تعليق ليه علاقة بعيبى , اكيد هتكون متضايقة وهتقارنى بغيرى , والاكيد ان مش من مواصفات فارس احلامها انه يكون قصير ! ,مشاعر مؤلمة جدا انك تحس انك مش على مستوى توقعات او احلام حد !
المشكلة ان اى عيب ليه علاقة بالصفات ممكن يتغير بالخبرة والتعلم
لكن لما يكون عيب مش قادر اغيره اعمل ايه , هتقولى تقبله و "just accept ur self" , حاولت لكن كل مرة بكتشف انى بهرب منه مش بتقبله ,مش قادر احتوى شعور انى ناقص بالنسبة للى حواليا , احيانا بتناساه وبهمله لعله يختفى ,او اصبر نفسى بباقى المميزات والمواهب , لكن سرعان ما اعود لنفس الاسطمبة " بس لو كنت اطول" "بس لو ربنا اخد موهبة من دول مش عايزها ويخلينى مختلف" , مع انى عارف ان "لو" دى ملهاش لازمة ولا معنى بس بلاقى نفسى غرقان فى سلسلة غير متناهية من اشعور بالنقص والعجز والالم
اسف انى طولت عليكم
كان نفسى اكتب الكلام ده من زمان



hgrEwv odfm hgrwv


Sponsored Links
بياناتي
 رقم المشاركة : ( 2 )
aymonded
ارثوذكسي ذهبي
رقم العضوية : 527
تاريخ التسجيل : Jun 2007
مكان الإقامة :
عدد المشاركات : 20,871
عدد النقاط : 58

aymonded غير متواجد حالياً

افتراضي رد: القُصر خيبة

كُتب : [ 03-24-2012 - 09:03 AM ]


سلام لنفسك يا محبوب الله الحلو
حينما ينظر الإنسان لنفسه ويركز على نقائصة تتوه منه ذاته ويرى نفسه بعيون الناس الذين حُرموا من الحرية الداخلية ولم يروا أنفسهم في مجد الله الظاهر في الصليب، لأن ليس يوجد أحد يستحق الحياة بسبب سلطان الموت الذي تسلط علينا بالخطية فدخلنا في خبرة الموت التي جعلتنا نُصاب بحول في عيوننا الداخلية فلا نرى مجد الله المخبوء فينا ومجد خلاص الرب الذي صنعه لنا، لأنه أتى من أجل الإنسان المائت الضعيف، واختار المزدرى وغير الموجود، وأحب العشارين والخطاة لا لكي يشجعهم نفسياً ولا لكي يُغير نظرة الناس لهم، ولكن لكي يعطي حياة جديدة بروح القوة والنصح والإرشاد، لأن كل من يقرب من حمل الله رافع خطية العالم ويمتلئ بالروح القدس تتحول حياته كلها من السلبية للإيجابية، لا بقدرة تفكيرة وقناعته بنفسه بالعافية، أنه إنسان كويس وسوي، كما يفعل الناس ويقولون اقنع نفسك أنك إنسان مميز واقبل نفسك عندك، وهذا كلام نظري يزول بزوال المؤثر، فهو حل مؤقت لا يعين النفس سوى ان تضع نفسها في قالب شكلي سيسقط فجأة أمام اي مواجهة مع الناس، قد تطور أو تقصُر...

فالمشكلة في تغيير القلب من الداخل وقوة الإيمان بالمسيح الرب أنه رأسنا الحي الذي منه تنساب النعمة وتفيض في داخلنا وتصير كساءنا الخاص، فزكا العشار كان قصير القامة، وبسبب هذا صعد على شجرة ليرى الرب، ولم يعلم أن الرب أتى إليه على الأخص ورأى اشتياق قلبه قبل صعودة على الشجرة ليراه من وسط الزحام، وصار قديس عظيم مخصص للرب وسكناه فيه، ولم يعد القصر عنده مشكلة ولم نسمع بعد منه أو من غيره كلمة قصير، لأنه وان كان قصير القامة في الجسد صار عظيم القامة جداً في الروح بقوة الله التي سكنته، وهكذا ينتهي أي تعيير من الناس عند الإنسان الذي عنده مشكلة ما من اي نوع، لا لأنه بطل أو لأنه يرى نفسه مميز ويقبلها وانتهى الأمر، بل لأنه رأى نفسه في المسيح، صار حبيبه الخاص فسقط كل ضعف وكل فكر لا يتفق مع حياة الشركة مع الله في المسيح ...

فما أروع أن نُلقي أنفسنا على المسيح الرب بكل ما فينا من عيوب على أي مستوى أو شكل، سواء وراثية أو نفسيه او خَلقية أو أي شيء حتى لو كانت خطايانا، وفي تلك الساعة وبثقة الإيمان الحي تتغير قلوبنا من الداخل وننظر المسيح الرب برؤية إيمان حي فنرتفع بالروح فوق كل ضعف من أي نوع أو شكل، فنفرح لأننا في شركة الثالوث القدوس وهذا هو سرّ غلبتنا ونُصرتنا على كل شيء وفي كل شيء.... فثقتنا لابد من ان تكون في المسيح لا في أنفسنا، وأن نقبل عمل الله فينا بالروح القدس، أي نقبل أنفسنا في المسيح الرب فقط وليس في سواه ... النعمة معك يا أروع أخ حلو محبوب يسوع والقديسين، كن معافي في روح وداعة يسوع آمين

بياناتي
 رقم المشاركة : ( 3 )
elphilasouf
ارثوذكسي ذهبي
رقم العضوية : 15515
تاريخ التسجيل : Feb 2008
مكان الإقامة : ismailia , egypt
عدد المشاركات : 12,320
عدد النقاط : 81

elphilasouf غير متواجد حالياً

افتراضي رد: القُصر خيبة

كُتب : [ 03-24-2012 - 07:31 PM ]


أنا عندي إيمان راسخ جوايا وأعتقد أكيد إن الناس كلها 24 قيراط
وربنا بينوع بقي عند ده 3 طول و 2 ذكاء و 7 غني و عندي الاخر نسب تختلف و هكذا تختلف من إنسان لأنسان
و انت بتقول إن عندك مواهب كتير و عندك زي أي حد عيوب
فالناس كلها عندها مميزات و مواهب وعندها عيوب ، و انت مقتنع بكده

إنك تتقبل نفسك بقي وتتقبل مميزات و مواهبك و عيوبك ، فأنا أشكر أستاذ إيمن إنه علمنا إننا في المسيح نحل المشكله دي
المسيح قادر أن يغير قلوبنا ...


بياناتي
 رقم المشاركة : ( 4 )
folla
ارثوذكسي مكافح
رقم العضوية : 129445
تاريخ التسجيل : Apr 2011
مكان الإقامة :
عدد المشاركات : 126
عدد النقاط : 37

folla غير متواجد حالياً

افتراضي رد: القُصر خيبة

كُتب : [ 03-24-2012 - 08:42 PM ]


عزيزي .. إسمح لي أن أقوللك أن مشكلتك الأساسية مش إنك قصير القامة.

أبداً مشكلتك الأساسية إنك عارف إنك محبوب ومقبول وهذه حقيقة أكيده لكن هذه المعرفة قاصرة فقط على مستوى الذهن لكن قلبك لم يدركها حتى هذه اللحظة .

إن ما تحتاجه هو أن تعيش هذه الحقيقة وهذا لن يتم إلا في أحضان الآب السماوي .

نعم أنت محتاج إن تتكلم إليه وتفضفض معاه حتى لو وصل بيك الأمر إن تصرخ في وجهه من جراء آلامك زي ما قررت تتكلم من أعماقك في هذا القسم من المنتدى .

واضح إن جواك صرخه كبيرة ونفسك حد يسمعك وكأنك مصدقت لقيت طريق أو منفذ تتكلم من خلاله .

لكن أحب أقوللك إننا سمعناك ولسه كمان ناس هتسمعك وهتقرأ مشكلتك ممكن كلنا نحاول نرصد المشكلة معاك من جوانب مختلفة وممكن كمان نحاول نحل معاك المشكلة .

لكن صدقني محدش مننا هيقدر يشفيك من الجرح ده ولا يخلصك من تأثيره عليك إلا اللي مكتوب عنه في أشعياء 61 (روح السيد الرب علي لأن الرب مسحني لأعصب منكسري القلب لأنادي للمسبيين بالعتق وللمأسورين بالإطلاق )

عارف ليه محدش مننا هيقدر يخلصك لأننا كلنا زيك كل واحد فينا عنده نقط الضعف الخاصة به مهما كانت وراثيه أو مكتسبه ومهما كان من وجهة نظرك إنه في بعض العيوب ممكن تغييرها لأني مش متفقة معاك أبداً في تصنيفك ده .

لأن مهما كان ضعفي الظاهر أمامك أنه بسيط ممكن تغييره لكن هو ممكن بالنسبة لي أنا يكون جبل حتى لو كان في نظرك بسيط والضعف ده مهما كبر أو صغر هيفضل ضعف في حياتي طالما عشت به وحاولت أهرب منه .

لكن ممكن أوي الضعف ده يتحول لنقطة القوة والإنطلاق في حياتي لو جريت به على اللي وعد وقال (ليقل الضيف بطل أنا ) وقال كمان (عوضا عن خزيكم يكون ضعفان وعوضاً عن الخجل يبتهجون بنصيبهم..... كل الذين يرونهم يعرفونهم إنهم نسل باركه الرب) (أشعياء 61: 7,8)

هو ده اللي بينتظرك وبينتظرني وبينتظر كل مجروح ومكسور وكل شخص شاعر بالخزي والخجل

يسوع جاء عشان اللي زينا مجاش يخلص الأصحاء بل جاء للمرضى اللي زيي وزيك وهو اللي قال كده عن نفسه ..

الكلام اللي قرأته ليك من الكتاب المقدس يعني كلمة الله التي نطقها بفمه إذن هو مسئول عن تنفيذها لكن المهم إننا نتمسك بها ونقف قدامه ونقوله طالما إنت نطقت الكلام ده وأرسلت الوعود دي لينا إذن إحنا بنقبلها منك وبنصدقها وهنرمي نفسنا بين إيديك عشان تشفينا لأنك يارب مش مضطر تقول كلام مش بتنفذه لأنه مكتوب عن كلامك إن حرف من كلامك لا يزول

قوم يا بطل وإرمي نفسك وصراخك بين أحضانه لأنه هو الوحيد اللي وعد بالراحة لكل المتعبين والثقيلي الأحمال اللي زيي وزيك

)

قديم 03-24-2012, 09:31 PM
folla
هذه الرسالة حذفت بواسطة aymonded. سبب آخر: التكرار
قديم 03-24-2012, 09:35 PM
folla
هذه الرسالة حذفت بواسطة aymonded. سبب آخر: التكرار

موضوع مغلق

مواقع النشر (المفضلة)

الكلمات الدلالية (Tags)
القصر, خيبة

اعلانات

أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تغيير الدين خيبة ام مجد asmicheal كلام فى الممنوع 6 06-15-2011 01:59 AM


الساعة الآن 08:58 AM.