ظاهرة الكسوف

[اللة يرعانى]

انا عندى سوال وعيزة الاجابة من كل عضو سواء بنت او ولد :36_3_1: ياترى كسوف البنت عيب ولا ميزة وامتى يبقى عيب وامتى يبقى ميزة مستنية رائيكوم وازاى تكون جريئة يعنى مش بتكسف:36_3_16:

[Team Work®]

اممممممممممممممممممم

الموضوع دة حلو بس البنات ترد الاول وبعدين انا اقول رائي

شكرا ليكم

[marmarina]

انا عن نفسى مش بحب البنت الى بتتكسف
بحب البنت الجريئه بس طبعا جرائه بأدب
وعلفكرة ما بقاش فى بنات بتتكسف دلوقت
الكسوف مش عيب ولا ميزة
مش ميزة حلوة علشان اتميز بيها
هو ده رائى
مرسى على الموضوع الجاااااااااااااااااااااا امد ده يا
مريم

[Team Work®]

وجلنا دلوقتى اول رد يا ترى اية هى بقى باقى الردود

ربنا موجود ونسمع

[maro karim]

انا من راى هو مش عيب ولا ميزة بس فى مواقف لازم البنت تكون جرىء وفى مواقف بيكون لكسوف البنت جمال خاص بيها ومش لازم البنت تصطنع الكسوف ولا الجرئة لازم تكون على طبيعتها ده هايكون اجمل

[aymonded]

الكسوف ميزه يضفي جمال خاص على النفس التي يأتي على مدحها أحد فتنكسف وتتوارى في حياء المحبة والهدوء الذي تمتاز فيه لأنها تشعر ان كل ميزة قد تميزت بها هي من عند أبي الأنوار لأن كل المجد يعود لصاحب المجد أما هي ليس لها فضل بل بما أعطت تحركت وتكلمت وفعلت ...

الكسوف عار على كل نفس تتوارى من مواجهة المواقف الجادة بشجاعة وتفوق بهدوء المحبة والثقة التي نالتها من فوق بالنعمة لأنها لها جمال خاص من عند الله إذ هي الصورة الحلوة لشخص الكلمة لأننا خلقنا في الأصل على نفس ذات الصورة والمثال

الكسوف للولد والبنت على حدٍ سواء له ميزاته وعيوبه
وعلى كل إنسان يطلب الحكمة لينال نعمة من عند الله وإفرازاً لكي يكون تصرفه طبيعي نابع من حبه وجماله الداخلي الخاص فيتحرك بالكسوف في الوقت الذي ينبغي فيه الكسوف والخجل أيضاً
وايضاً يتحرك بالمواجهة والشجاعة بلا كسوف أو تشويش أو خجل في موقف ينبغي أن يشهد فيه أو يتكلم ويتحرك بالحق الصادق بكل هدوء المحبة وخجل النفس بثقة عميقة لا تهتز ...

النعمة معكم جميعاً
وشكراً جدا على هذا السؤال الرائع والذي يستلزم وقفة صدق مع أنفسنا لنفحصها ونعرف ما يدور في داخلنا
أقبلوا مني كل صدق المحبة وكل سلام

[nana222]

انا من رايى ان الكسوف حاجه حلوه فى البنات بتدى البنت رونق حلو كده
بس طبعا فى مواقف بتطلب انها تكون جريئه و الكسوف فى الحاله دى مش حلو
يعنى تكون ساعات كده وساعات كده

[m_marmora]

طبعا بعد كلامكم مفيش كلام بس هو فعلا لسه في بنت بتتكسف او نقولل لسه في بعض البنات عندها حياء مش لازم الكسوف السلبس لكن في كسوف ايجابي بمعني ان البنت يكون عندها حياء في لبسها في كلامها في معملتها مع الاخرين وطبعا في خجل من المديح من الناس طبيعي لما حد بيمدحك بتحس انك خجلان الي حد ما واكيد زي مقولتو لازم يكون طبيعي مش مصطنع وبيبان الفرق بين الاتنين
اما الاولاد بقي مفيس كسووووف طبعا ولو اني اعرف بعض الاولاد او الرجال كمان عندهم لسه حياء هما كمان وربنا يكتر من امثالهم يارب ههههههههههههههههههههههوهو ان الولد يقعد الست او الراجل الكبير في المواصلات يعدي طفل الشارع طبعا دي حاجات زهدت خلاص بس اكيد لسه في ناس كدة
اتمني مكنش خرجت برة الموضوووووووع باي باي

[aymonded]

كلامتك حقيقي مرمورة جميلة جدا
وردك مركز وأوضح الفكرة بطريقة واقعية جداً
وشكرا لإيضاح الفكرة بوضوح أمام الجميع
النعمة معك كل حين آمين

[اللة يرعانى]

ها يا هيما جة الدور عليك ياريت تقول رائيك

[nrmo]

هو الكسوف عادة بيبقى فى البنت اكتر من الولد بس الكسوف مش وحش لكن مش معناه ان البنت متتكلمش خالص ونقول انها بتتكسف لازم يكون ليها شخصيتها وتتكلم وتعبر عن اللى جواها من غير ماتتكسف والكسوف فى الحاله دى يبقى ميزه مش عيب, لكن اذا كانت علطول بتتكسف ومبتتكلمش فى الحاله دى بيكون عيب ولازم تغير من نفسها, وشكرا على الموضوع

[اللة يرعانى]

شكرا ليكى ياnrmoوعلى رايك الجميل ويارب يكون موضوع عجبك

[nrmo]

فعلا الموضوع لذيذ جدا

[rafat2006]

الكسوف صفة موجودة فى الانسان منذ ابونا ادم حتى الان ودة حقيقة لا احد ينكرها

[اللة يرعانى]

شكرا ليك يا رافت على رائيك ربنا يبارك حياتك

[Narmar]

فعلا الكسوف موجود من زمان على راى رافت
ده حتنى الشمس بتتكسف ههههههههههههههه

[اللة يرعانى]

شكرا ليك يا نارمر على مرورك ربنا يعوض تعب محبتك

[mrmr02]

انا متهيالى الكسوف دة هو جمال البنت ومع ذلك فى مواقف تتتطلب الجراة [

[اللة يرعانى]

شكرا لمرورك

[ظريف]

هو كسوف البنت داخل المنزل أفضل
أما خارج المنزل غلط لازم تكون حازمه
شكرا مريم على الموضوع التربوى

[اللة يرعانى]

مرسى يا استاذ ظريف كلامك صحنورت موضعى

[melanora]

الكسوف كويس بس مش في كل حاجة بس انا مش بحب البنت اللي بتتكسف بس بردو مش الجراءة الزيادة

[SAMOOOOO]

بصى يا مريم من رايى الشخصى ان احلى حاجه فى البنت كسوفها
البنت لو مش بتتكسف متبقاش بنت
كمان الجراءه زياده عن اللزوم مش حلوه فى البنت بالذات
يعنى المفروض البنت كسوفها يغلب على جراءتها

ميرسى لموضوعك يا مريم رغم ان شفته متاخر

[اللة يرعانى]

مرسى يا سامو نورت موضوعى ربنا يبارك حياتك

[بنت الراعي]

انا رايي انه ميزهوبيضيف جمال رائع عند البنت
بس طبعا مش في كل الاحوال وكمان الاولاد بيحترموا البنت اللي بتتكسف بس يكون كسوف طبيعي مش مصطنع
ميريس يا مريم وربنا يباركك

[الجوهرة الثمينة]

انا عجبتني كل ردودك ومش عارفة اقول ايه بعد كلامكم الحلو دة
بس هو ربنا حط فينا غريزة اللي هي الكسوف او الحياء
فاكيد دي ميزة
بس في فرق بين السكوت او عدم الشجاعة والكسوف
الكسوف كمان بيديها جمال او رونق طبيعي وليس مصتنع
سؤال جميل ربنا يباركك