المحبة... التضحية

[eng_mse3]

سوال ( هل الانسان اللى بيحب حد ممكن يضحى بأى حاجة علشانه) ؟ تجربتى .اتخطبت لانسان عن طريق الصدفة . لكن كل العلامات كانت بتأكد ان ربنا باعت الانسان دة علشانى . الانسان دة بجد علمنى الحب اللى عمرى ما عرفته قبل كدة. كان الاتفاق اننا هايكون عندنا شقة لوحدينا . وبعدين الكلام اتغير وطلب منى اقعد مع مامته فى شقتهامع العلم انها شقةعايلة وهو ليه اخ واخت متجوزين واخت مخطوبة . وهنا كان الاختيار الصعب اضحى من اجل الشخص اللى ارتبط بيه مع احساسى الشديد ان ربنا باعت الشخص دة علشانى انا. ولا ارفض لأن الحياة المشتركة مع ام الزوج اسبتت الفشل فى تجارب الاخرين.؟؟؟؟؟؟؟؟
على فكرة انا فكيت الخطوبة وللاسف كتير بشعر بالندم وتأنيب الضميرلانى ما ضحيتش علشان الانسان دة لكن خوفى من الفشل غلبنى
ارجوكم احب اسمع رايكم وصلوا من اجلى

[minabobos]

انا معارفش اية اللى حصل بس اكيد ربنا عارف الصالح ليكى اية
واكيد هيرشدك ليا كتير
وياريت مش كنت خدى بتجارب الاخرين ماكان احتمال ان مامته تكون طيبه وتحبك زى بنتها
بس اكيد ف حاجه غلط لان انتو لو كنتو بتحبه بعض اكيد
كنت هتقدروا تعيشوا ف اية مكان وتحت اية ظرف
ده وجهه نظرة
ومنتظرين نعرف باقى الناس رايها اية

[MICKEY]

نصيحة من اخوكي ميكي بجد
وعشان خاطري طمنينا عليكي اول بأول

ارجعيله لو بتحبيه
ومش تقولي الحياة المشتركة مع ام الزوج اسبتت الفشل فى تجارب الاخرين

صوابع الايد مش زي بعضيها
في حموات ملايكه
وزي مانتي بتقولي انه علمك حاجات كتير
( الانسان دة بجد علمنى الحب اللى عمرى ما عرفته قبل كدة )

يبقي اكيد خارج من بيت صالح ومتعلم كده من امه
وزي ماعلمته اكيد هتعلمك

مريم بجد ارجعيله لو انتي فعلا بتحبيه

وشيلي الافكار دي من دماغك
لأن دي من الشيطان اللي مش بيحب ينجح حاجه

وربنا يختارلك الصالح

ارجوكي طمنينا

[مينا 332211]

انتة كدة حبيب ياا ستاذ ميكى هههههههههههههههة مينا

[eng_mse3]

شكرا لمشاركتك جد ا. يترك الرجل اباه وامه ويلتصق بامراته ويصير الاثنان جسدا واحدا
ودة ماكنش هايتحقق وهنا جه الخوف من الفشل
صلى لاجلى

[eng_mse3]

ميرسى ياميكى على مشاركتك جدا وبجد كلامك اثر فى وصدقنى وقتها استنيت اى صوت يقولى كدا لكن للاسف ماكنش فى .
صلى من اجلى

[b o b b a]

انا من راي من راي ميكي

[M!SS N@NO]

أنا رائى انك لوفعلا بتحبيه بجد
حب حقيقى يعنى
ومتأكده من مشاعرك تجاهه
وافقى انك تعيشى مع أهله
ولو المسأله مسأله ماديات وامكانيات
يبقى جه هنا دورك انتى بقى
لازم تقفى جنبه وتشجعيه لحد ما الظروف تتحسن
وساعتها بقى لو طال يجيبلك حته من السما مش هيتأخر
وانتى دلوقتى كل اللى تعمليه انك تصلى
عشان ربنا يتدخل ويختارلك الصالح
وربنا معاكو ويرعاكو ويبارك حياتكو

[كيرو رافت]

مرمر هو القرار فى ايدك انتى فقط ولا عائلتك ليها دخل فى الموضوع لو الموضوع فى ايدك انتى يبقى احنا موش هانقدر نشعر بما تشعرين او ما تريدين يا ترى انتى عايزاه ولا لا اصل لو انتى عايزاه يبقى مفيش مكان للتردد واذا اترددتى يبقى الحب اللى بينكم مكانش حب قوى لان الحب لو موجود قادر على تخطى كل الحدود وفعلا زى انتى ما بتقولى ساعات كتير جدا الحياه وسط الاسرة بيبقى ليها اضرارها وانتى كنتى بتقولى ان كان فيه اتفاق بينكم على انكم تستقلوا فى شقة بعيدة لكن ايه اللى حصل موش عارف وبعيد عن كل ده انتى لو عايزاه ماتتردديش واكيد انتى عارفة طبع والدته كويس ولا موش هاتقدرى تستحمليه صلى كتيييييييييييييييييييير موضوعك عب ومحتاج صلاه كتيييييير وربنا يعمل ما يراه مناسبا لكى

[eng_mse3]

ميرسى جدا ياكيرو على مشاركتك بس صدقنى انا كمان معرفش ليه كلامه اتغير وحاولت معاه اعرف السبب ويمكن دة اللى تاعبنى ورغم انى متاكدة انه انسان كويس بس خوفى من الفشل وان مشاكلنا تغلبنا وان اولادى يتربوا فى جو كلة مشاكل خوووووووووووفت من الفشل
صلى كم اجلى واحب اسمع رايك بما انك شاب لو انا اللى كلمته تانى عشان نرجع هايكون ايه موقفة

[eng_mse3]

ميرسى ياحنان على مشاركتك جدا
صلى من اجل حيرتى

[كيرو رافت]

بصى يا مريام ولا مريم انا من رأيى ان كل شئ لازم يكون مبنى على الصراحة وما دام الصراحة معدومة وهو رافض انه يقول لك على الاسباب والمفروض ان انتى هاتكونى شريكة حياته وانكم هاتكونوا جسد واحد انا شايف انك تصبرى شويه لحد ما الايام تكشف ليكى الاسباب ايه وانا متاكد انه لو متمسك بيكى اكيد ها يعمل المستحيل او على الاقل يصارحك بالاسباب ولو انتى اقتنعتى بيها ما تتردديش فى الرجوع اليه ، ويا ريت تطمنينا عليكى دايما يا مرمر
( المر الذى يختاره لنا الله خير من الشهد الذى نختاره نحن لانفسنا )