ادخل... محتاجة مساعدة

[MeRooBe@r]

نفسي أحكيلكو عن مشكلة
عن طبق فول وطعمية متشكلة
جابلي حموضة وحارقلي معدتي
أعمل إيه ما ده الي مسليني في وحدتي
إهدو إهدو العيد قرب بس مش ده هو موضوعي
أنا بس بافتح نفسكو ع أطباق اليوم قبل موضوعي

مشكلتي يا إخواتي إني محتارة ...في دنيا خربانة
دي حقيقة مش تشبيه ولا استعارة ... أنا بجد تعبانة
محتارة بين إختيارين ... ودخل بينهم الثالث
مش لاقية حل لنارين ... حلول لا ظهرت ولا بانت

1- أدخل جامعة اسكندرية مع حبيبي
2- أدخل جامعة القاهرة مع أحبابي
أما المشكلة الثالثة في سكن للطالبات
"مش أمان" ده كلام بابا عشان هَبات

اتعودت ع الدلع في بيتي مليان دفا وأمان
مش عارفة أتصرف انا خلاص قلبي تعبان
محتاجة حل قبل ما أبواب المستقبل يتفتحلي
انا محتاجة مساعدتكم حد يساعدني ويقترحلي

أعمل إيه؟لو رحت اسكندرية هاقعد في سكن طالبات
لو رحت القاهرة هاقعد مع جدتي منقوصة الطلبات
مانا برضو ليا كتير من الاحتياجات والمحتاجات
ف الأجازات بنقعد مع جدتي في بعض الأوقات

المشكلة اني مش متعودة عليها وحاسة اني مش هارتاح
والمشكلة الأكبر اني ماليش غيرها هي والحارس عبد الفتاح

[عماد حسنى]

موضوع حلو اوى يا ميروو
ورأيى
عند جدتك افضل
وطبعا فكرى تانى وتالت واطلبى مشوره ربنا
انه يدبرك الصالح
ربنا يكون معاكى ويدبرلك الصالح ليكى

[M@@@NOOOO]

مووووووووضوعك رائع وجميل جد ياميروو
وانا من رايي فعلا انك جدتك افضل
بس ده طبعا بعد ماتطلبى مشوره ربنا
وربنا يوفقك ويرشدك للطريق الصحيح

[MeRooBe@r]

شكرا لمروركم وشكرا لرأيكم والأكترية قالولي أقعد مع جدتي وأظن ان كلامك صح وهاطلب مشورة الرب وربنا يقف معانا جميعا

[@M@R!N]

ههههههههههههههههههههههههه هه مين عبد الفتاح ده يا بت
مش حكتيلي عنه يعني
هههههههههههههههههه

ميرووو حبيبيي ده مستقبلك انتي لوحدك وانتي اللى لازم تقرري في النهايه مش حد تاني
بس طبعاا احنا عشان خايفين عليكي ف اكييد مع جدتك هيكون افضل:):)
ميرسي يا عثل الشعر جميل

[MeRooBe@r]

انا باشكرك يا عثولة يا مرمورة على مرورك يعني هقعد مع تيتة :(
ربنا يستر وهانشوف بس كل الي ربنا يعملو كويس

[سمسم 24]

جميلة اوى يا ميرو بجد كلمات جميلة
ولذيذة ربنا يعوضك ويفرح قلبك

[جاسيكا]

انا من رأيى ان طول ما انتى متربية كويس واخلاقك كويسة ودا اللى باين بينا
لو اتحطيتى فى اى مكان هتبقى افضل بنت فية
المشكلة دى قابلتى لما جاللى جواب التنسيق وكانت كلية تجارة القاهرة
وقعدت افكر هعمل اية وبابا قاللى اللى انتى عايزاة وطبعاً مكنش ينفع انى احول لنفس الكلية الا بعد سنة
وقالولى انى اروح اقعد مع قرايبى لكن انا مكنتش هحس بالراحة الواحد فى بيتة احسن بيبقى واخد راحتة
فرميت المشكلة دى على ربنا وقولتلة اتصرف فيها يارب واختارلى الصالح وانا موافقة لقرارك
وصدقينى ربنا وقف جنبى وسحبت ورقى من الكلية فى القاهرة وقدمت فى كلية تكنولوجية هنا فى بلدى والحمد لله انا قاعدة وسط بابا وماما وكل اخواتى
وانا ليا زمايل قاعدين فى بيت طالبات عادى
لكن الافضل انك تقعدى مع جدتك علشان والدك ووالدتك يكونو متطمنين عليكى اكتر
واطلبى بردة مشورة ربنا هو اكيد هيختارلك الصالح ليكى
ربنا معاكى وسلميلى على عبد الفتاح
ههههههههههههههههههههه

[do7a_mzk]

اولا يا ميرو هو الموضوع هايل جدا وانتى فعلا اخترتى مفردات جديدة عبرتى بيها
عن موضوعك بجد برافو عليكى وبالنسبه لراى جدتك افضل طبعا بكتير
ربنا يبارك حياتك ويدبر كل احتياجاتك

[tony_algamid]

1- أدخل جامعة اسكندرية مع حبيبي
2- أدخل جامعة القاهرة مع أحبابي


إنتى عاوزة أنهى واحدة من الإتنين ؟

التعليم - ولاّ حبيبى وأحبائى ؟

حددى الأول موقفك وأكيد فى النهاية
هتعرفى النتيجة الصحيحة

















































إلـــــــــــغـــــــــــ ـاء

[MeRooBe@r]

بصو يا جمة انا لو هادخل جامعة في الكوي مش هادخل هنسة الي انا نفسي فيها عان لزم أجيب فوق98% وده في سابع المستحيلاتوكمان انا جدتي بتعلق على كل حاجة باعملها انا عارف انها بتحبني بس انا عندي اني اقعد في بيت طلبة في اسكندرية وأقعد مع طالبات عادي بس ماكونش خدامة لجدتي ومارتحش وكل شوية تنادي و ....
كلكو نصحتوني اني أقعد مع جدتي بس المشكلة انكو ماتعرفوش تيتة
انا باطلب من ربنا انو يقف جمبي وينورل طريقي عشان الحكاية قربت اوي وانا خايفة