ايام زمان

[اسامة ثروت]

كانت ملامحي مسمسمة .. كانت عينيا ولا السما ..

كانت شفايفي منمنمة .. وكنت جنان ..
وكل دة كان ..ايام زمان ..
أيام زمان ..
كنت حاسس بالدفء .. فى حضن ام ..بشوق يضم ..
أشوفها اضحك .. تشوفني تضحك..
وكنت مليان بالأمان ..
وكل دة كان .. ايام زمان ..
أيام زمان ..
كنت أترمى فى الحضن وابكى .. منغير ما اكون حقيقي بابكى ..
كل اللى عايزة تضمنى .. كل اللى عايزة ابتسام..
كنت اترمى وفجأة .. انام
تروح تغطينى بحنان ..

وكل دة كان .. ايام زمان ..
أيام زمان ..


كنت بالعب مع ملاك..
قاللى ربى اللى حماك .. بعتنى ليك ..أأكلك ..وأشربك ..والعب معاك..
قوللى نفسك فى اية كمان..
كنت بافرح..واقولة كفاية..انك معاية..
وفى وقت نومى ..كانوا يقولوا انى باحلم..
مايعرفوش انى بالعب .. مع ملاك..
وانا سعيد..دالسة بيقوللى ..نفسك فى اية كمان..

وكل دة كان .. ايام زمان ..
أيام زمان ..


كانت براءة .. كانت صفا..
كانت اقصى شرورى انى ابتسم..
ولما يشيلونى .. كنت اتدللواترسم..
كانوا يقولوا انى ابن لربنا..
ويارب يكون احسن من اكلنا..
ويكون صورة حلوة .. لصاحب الحنان..

وكل دة كان .. ايام زمان ..
أيام زمان ..


عرفت ازحف.. تاتا تاتا..
بقيت أصلى جنب امى..
وأقول يارب يخلى اهلى..
ويسعد الأنسان..
وبقيت ارسم صور جميلة..
لبابا .... يسوع
وألون بالألوان..
عرفت ياما حاجات جميلة..
هاتفض لطول الزمان..

وكل دة كان .. ايام زمان ..
أيام زمان ..


عرفت البكى..ولما القلب يبكى ..
عرفت الغيرة..عرفت السلب..
عرفت الكرة ..عرفت الذنب..
عرفت القسوة من الحنان..
وعرفت مشاعر من الشيطان..
ولربىهجرت..
لماكبرت..
راحالحضنوالدفا..
راح الامنوالوفا..
راحت منى البراءة ..وتاهت وسط الزحام..
غشيت الكلام..
نسيت حتى معنى السلام..
وأد اية قلوب ياما جرحت..
لما كبرت..
بصيت فى المراية..
فية عين بقسوة تبصلى..وعين بغدر تبصلى..
عيون مين فى المرايا..
التفت. .بصيت ورايا..
انا هو انا.. لكن ..مش انا..
عيون مين فى المرايا..
صرخت .. صرخت..

لما كبرت..
كبر الشيطان جوايا ..والخير انهزم..
لقيت ملايكة منقلبى بتنسحب..
مكسورة القلب..
بتقولى لية هزمتنا .. بتقولى لية بعتنا..
وربكخنت..
لماكبرت..
بصيتفىقلبى..
لاقيت صحارى..وذئاببتعوى..
بعد ماشفت بعينى ملايكة بجنحات ..كانوا يأكلونى .. لو معاد
الأكل فات..
جريت.. وخفت..
لما كبرت..
ماعدت اشوف نفس الملايكة.. بقيت اخطى فى ارض شايكة..
تجرح فى نفسى ..تجرح فى قلبى..
واصرخ الم ..وابكى ندم..
وشيطانى يقوللى خلاص .. مافيش خلاص ..
كلة مكتوب ..وانحسم..
الخير جواك..انقسم..
كتير تعبت..
لما كبرت..
خدت قرار .. ولو فى نار.. هانفذة ..
رغم الأنين .. وتعب السنين..
رغم شيطان اليأس..والقلب الحزين..
سنين غربة..شموس غاربة..
لكن بييجى اكيد .. صباح جميل جديد..
زى الطفل الوليد. .مليانبالصفا..
ولو الشباب مات .. ولو العمر فات ..
معاة هايحلى الرجوع..
من وادى الدموع..
راح ارجع من تانى ابتسم..
الحضن قدامى..
والحب قدامى ..
فى قلب يسوع..
مع انة من الاول فى قلبى..
لكن بعدت..
ومن ايدية بعيد هربت ..
لكنى هامسك فى ايدية..
واسلم قلبى تانى لية ..
هو الأحن من الفام..
هو اللى يقدر بشوق يضم ..
سامعة لما قال ..
مش ممكن انساك ..
وفى الدروب .. انا معاك ..
فى اى ضيق هو الصديق..
سامحنى ربى .. لما فى يوم ..
انا بيك غدرت..
لما كبرت..
كنت هاضيع .. لكنى قلت اكتبلكم .. قصة رضيع ..
شاف الملايكة من تانى ..
ولما كبر ..
رجع رضيع..

[MICKEY]

حرااااااااااااااااااام عليك بجد يااسامه

منزل الشعر من غير مسافات خالص
الكلام كله لازق في بعضه
قعدت افك رموز ساعه الا ربع

اهئ اهئ

لكن كلام جميل جدا جدا وحلو
وانا حطيتلك المسافات خلاص
ابسط ياعم

[لحن الحياة]

مرسى على الكلمات الحلوة

[اسامة ثروت]

ميرسى يا ميكى لتعبك معايا وميرسى اجدا حياة الروح مروريك

[MICKEY]

لكن دي لحن الحياة .. مش حياة الروح
ركز ياشاعر

[اسامة ثروت]

معلش ميكى واسف انسة لحن الحياة وشكرا لمروريك

[M!SS N@NO]

خدت قرار .. ولو فى نار.. هانفذة ..
رغم الأنين .. وتعب السنين..
رغم شيطان اليأس..والقلب الحزين..
سنين غربة..شموس غاربة..
لكن بييجى اكيد .. صباح جميل جديد..
زى الطفل الوليد. .مليانبالصفا..
ولو الشباب مات .. ولو العمر فات ..
معاة هايحلى الرجوع..
من وادى الدموع..
راح ارجع من تانى ابتسم..
الحضن قدامى..
والحب قدامى ..
فى قلب يسوع..

جميل أوى يا أسامه بجد
بس بصراحه ومن غير زعل فيه كلام متكرر بدون لازمه او فايده
وده بيضيع المعنى
ارجو انك مش تزعل منى
ربنا معاك وينمى موهبتك وتمتعنا دايما

[اسامة ثروت]

ميرسى جدا رايك دة انسة حنان وبالعكس دة اسعدنى جدا لانة راى ناقد عشان اققدر اقدم الافضل ميرسى جدا للمرور

[kamel]

كنت هاضيع .. لكنى قلت اكتبلكم .. قصة رضيع ..
شاف الملايكة من تانى ..
ولما كبر ..
رجع رضيع..
ايوى كدة يا أستاذ أسامة
عاوزين نشوف الموضوعات المفرحة
الرب يفرح قلبك
ســـــــــــلام الرب معك

[اسامة ثروت]

ميرسى جدا مستر كامل مرورك الى اسعدنى جدا