لمن يريد الانسحاب

[عماد حسنى]

الكلام طبعا لكل اللى كاتب موضوع بالانسحاب من المنتدى
لأه لكل اللى عايز يمشى من المنتدى
--------------
انا عايز بس أسأل سؤال واحد بس للى عايز يمشى
انت عايز تمشى من المنتدى ليه ؟؟؟؟؟
رد منك على الاستفاده منه
رد منك على الوقت الحلو اللى استمتعت فيه
رد منك على كل عضو او مشرف رد فى موضوعك وشاركك احزانك وافراحك
رد منك لكل عضو جديد محتاج مساعدتك او خبرتك
ياريت نفهمهو المنتدى بيزعل فى ايه علشان لو فى حاجه مزعلاكم الاداره والمشرفين يراجعوا انفسهم ويشوفوا فى ايه
بس انا متاكد ان مش ده السبب
ايه السبب ياريت نعرف
بس عايز اقول حاجه اخيره معلش
لكل عضو او زائر جه المنتدى
المنتدى كان سعيد جدا جدا بحضورك
وايضاً هيكون حزين جدا جدا لغيابك
ولكن منتدى ارثوذكس
منتدى كبير جدا جدا جدا
صرح بين المنتديات
اللى عايز يكون موجود اهلا به
واللى عايز يمشى ربنا يكون معاه
================
كلمه اخيره لمن يريد مغادره ارثوذكس
كلمه واجبه كلمه عرفاناً بحبه
ياريت يقولها افضل مايقول انا ماشى من غير سبب
وبعدها يعمل اللى يريحه طبعا
منتدى ارثوذكس
انا بحبك جدا
اتعلمت منك كتير اوى
استفدت منك اكتر
استمتعت باحلى اوقات
اتعرفت على اجمل واحلى اعضاء
شكرا جدا جدا انك قبلتنى عضوء
بين شجره محبتك الكبيره
سلام-----
معلش طولت عليكوا جدا جدا لكن غصب عنى
لان بجد موضوعات الانسحاب وترك المنتدى دى
شىء يزعل جدا جدا
ربنا معاكو وسمحونى لو كلامى كان تقيل او صعب شويه

[MICKEY]

عظمه علي العظمه يا عمده بجد

كلامك مظبووط
واللي عاوز يمشي ومش باقي علينا
باب المنتدي مفتوح علي مصراعيه
وانا هقف علي البوابه
وكل واحد خارج هكسر وراه قله
لا لا لا
زير

ايه ياولاد المسيح

مالكم
في ايه

لو حد زعلان ذنب المنتدي ايه
طيب ماهو ممكن يكلمه علي الفون او الميل
هل هيقدم اعتزار لشركه موبينيل ولا فودافون ولا اتصالات انه هيتنازل عن الخط
او هيقدم اعتزار للياهو او الهوت ميل او الاسكاي بي او الفيس بوك انه مش هيدخل تاني

عيب كده
وحرام عليكوا

فوقوا ياولاد المسيح قبل مالوقت يضيع

انا بدور علي حاجه اعملها في حياتي كويسه تشفعلي عند رب المجد
وهي اني احاول اكتب موضوع او مشاركه ممكن تفيد

تقوموا انتوا تبعدوا

وانا مش بتكلم بالاغاز ياشباب

انا كلامي بقي واضح وصريح ومبتهددش
والكل عارفني وعارف ميلي وعارف رقم فوني

انا كلامي للمتخلف ميكي اللي كان هيسيبه قبل كده ورجعنا في كلامه
احم احم ميكي اللي هو انا بس الجلاله خدتني

والاستاذ المحترم مايكل عبد الشهيد
والانسه جوسي المشرفه الجميلة
والاستاذه حياة الروح
وياعالم مين تاني

اللي عاوز يمشي
يتفضل


بس ابقي دور علي منتدي حضنه دافي زي ارثوزكس

سلام ياولاد المسيح

[MICKEY]

وعلي فكرة انا مش هسكت
انا من هنا ورايح همسكلكم العصايا عشان انتوا مش بتيجوا بقي غير بالضرب

وبقولها ورزقي علي الله
ولو هيما عاوز يشيلني من الاشراف العام او من المنتدي كله
مش مهعم
بس يبقي عملت اللي اقدر اعمله
وخلاص


اللي هيخرج من المنتدي ملوش كلام معايا تاني لا ميل ولا فون
وبقولها من غير زعل

باي باي ياشباب
وسلمولي علي شوشو اللي بيوسوس في دماغكم

[Michael_Sabry]

ايه يا جماعه
هو كل واحد هيزعل من حاجه هيقول انا منسحب
على العموم براحتكم بس لازم تعرفو ان انتو كدا بتزعلو منكم اعضاء المنتدى منكم
بس يريت ماتتسرعوش فى قراتكم تانى
سلام

[Michael_Sabry]

ميكى حلوه شوشو دى هههههههههههه

[حياة الروح]

انا ممكن اكون واجهت مشكله خلتنى اقول كده
بس حقيقي انا عمرى مالقيت نفسي غير وانا معاكم
انا فعلا بحب منتدى ارثوذكس جدا بحس انه بيتى التانى
وعلى فكرة بقي
انا قاعدة على قلوبكم
ومش هسيبكم
وسورى انى بجد كنت هخسر اغلى حاجه في حياتى ( منتدى ارثوذكس)
واحلى اخوات فيه
سامحونى

[M!SS N@NO]

بجد بجد يا جماعة الموضوع ده زاد عن حده أوى
وبجد انا امبارح قريت عن اكتر من حد عايز يمشى
ومن ساعتها وانا مخنوقه
طب ليه ؟
زعلت حد او حد زعلك احنا ف الاخر اخوات والاخوات عمرهم مابيسيبوا بعض أو يبعدوا عن بعض
يا ستى ولا يا سيدى حقكم على راسى انا ولو انى ولا حاجه
بس المنتدى زنبه ايه؟
وبعدين المنتدى ده مش بيتنا بس لأ دا كنيستنا الصغيره اللى بنحاول نخدم فيها المسيح ونقدم حاجه مفيده لولاده وبناته بدل المواقع والمنتديات التانيه اللى زى الهباب
يعنى لو حد منكم زعل مع حد فى كنيسته هيقول انا مش رايح الكنيسه تانى
اعقلوا شويه بقى
وربنا يكون معاكم كلكم ويباركم ويرعاكم ويحافظ عليكم

[MICKEY]

ادي اول مجنونه رجعت من تاني
اعبال باقي المجانين


يامسهل

كان لازم العصايا يعني من الاول

ماشي ماشي

انا هستناك يامايكل عبد الشهيد انت وجوسي وشوفوا بقي هعمل فيكوا ايه

وادي قعده

[tito_t]

انا احب اولك شكراااااااااااااااااااااا اااااااااااااااا
على تعبك وعلى الموضوع ده
ويا ميكى كلامك تمام ال عايز يمشي بالسلامه لا مع الف مليون سلامه بسي عايز اقول شيء ان المنتدى مش هيوقف على حد المنتدى كبير وطول عمرو كبير
انا شوفت منتديات كتير بسي عايز اقولكم ان بجد بجد مفيش زى المنتدى بتاعنا


وبعدان ال عايز يمشي يمشي ليه لو متخانق مع حد مايول انا زعلان من كدا وكدا والخ ده الواحد البيخاف على اخوه بيروح ويعتبه مش بينفض كدا يبقى بايع
يارت اى حد من ال ناوى يمشي يدخل ويقول هو ناوى يمشي ليه ايه المش عجبه ولو فى حاجه مش عجبا المفروض يحاول يصلح مش يسبها ويمشي
انا اسف انى طولت اوىىىىىىىىىى

[minabobos]

منتدى ارثوذكس
انا بحبك جدا
اتعلمت منك كتير اوى
استفدت منك اكتر
استمتعت باحلى اوقات
اتعرفت على اجمل واحلى اعضاء
شكرا جدا جدا انك قبلتنى عضوء
بين شجره محبتك الكبيره

الله الله الله عليك يا عماد بجد كلام فوق الرائع
وياريت الكل يفكر الاول لان مش من السهل انك تتنزل
عن كل الحب ده من اخوات ومش تدخل تانى
واظن الكل عارف ومتاكد ان كلنا بحب بعض
وده بيظهر ف الخروجات بتكون ازاى بينا
يارب الكل يفكر شوى

[عماد حسنى]

شكرا جدا جدا يا ميكى
على اهتمامك وطبعا الموضوع محتاج اهتمامك واهتمام الكل
شكرا جدا جدا على مشاركتك يا مينا بوبوس
شكرا لكل اللى شارك واهتم
ويارب الموضوع ده يتحل

[فراشة جميلة]

ههههههههههههههههههههههههه ههههههههههههه

[كيرو رافت]

استاذ عماد
موش عارف ارد واقول ايه على كلامك الرائع وروح الغيرة على كنيستنا الصغيرة انا كل يوم بتعلم منك حاجة جديدة وكل يوم بيزيد حبى واحترامى ليك
معقوله فيه فى الدنيا حد يفكر يمشى ويسيب منتدى بيضم اعظم وافضل واطيب واغلى شخصيات بين اعضائه ومشرفيه
انا شخصيا مالقيتش نفسى غير وانا معاكم وموش ممكن اتخيل نفسى من غير منتدى ارثوزكس حتى لو كلكم كرهتونى وشتمتونى انا بجد موش ممكن اسيبكم لانى لقيت الحب والاحترام فى وسطيكم لقيت انى مابقتش لوحدى معقول بعد دا كله حد يفكر يسيبنا ويمشى دا يبقى .......................

[M@@@NOOOO]

مووووضوعك رائع ياعمده
اما بقى عن الاعضاء اللى عاوزين يسيبوا المنتدى
احب اقولهم ان مفيش منتدى فيه كميه المحبه اللى بين الاعضاء دى
ولا هيشوفوا كميه المعزه اللى بيشلها كل عضو للاخر
على العموم احب اقولهم فكروا كتيررررررر
لآنه قرار مش سهل
ربنا معاكم ويبارك حياتكو

[جوسى]

لا لالالالا انا مش هسيبكوا
انا بحبكو جداااااااااااااا
و صدقونى الموضوع اللى نزلتله ده كان على عينى
و كنت وانا بنزله كنت منهاره من العياط

بجد انا مش هقدر اسيبكو
لانى بحبكوا اوووووووووووووووووووى
ياريت تسامحونى
و تجيبولى حاجه اكلها من الصبح مش اكلت

[كيرو رافت]

انا شخصيا زعلان منك يا جوسى وهاسيبك تنامى من غير عشاء

[جوسى]

يالهوووووووووووووووى

مقدرش على زعلك
فى حد يزعل اخوه الكبير

قولى زعلان ليه

[elphilasouf]

منتدى ارثوذكس


انا بحبك جدااااا
اتعلمت منك كتير اوى
استفدت منك اكتر
استمتعت باحلى اوقات
اتعرفت على اجمل واحلى اعضاء
شكرا جدا جدا انك قبلتنى عضو
بين شجره محبتك الكبيره




الله الله على كلامك الحلو يا شاعر بينا ديما على طول
انا كنت لسا بفكر انزل موضوع على الحكايه دي بس مكنتش لاقى فكره حلوه بس الحمد لله سبقتنى وعملته بفكره جميله اوي
......بس بجد كلامك كله حلو ...يا عمده
وانت كمانياميكى يا مرعب
ايوه كده لازم تمسك العصايا ....بس مش للاعضاء لكن لعدو
الخير الى بيهاجم المنتدي- كنيستنا على النت-
وكمان لازم كل عضو يمسك العصايا للشيطان الى عمال يتحجج
عشان يخليكوا تسيبوا المنتدي
الشيطان الى ريحيت شياطه الاعضاء كلها شمينها عشان زعلان
ان فى منتدي.... فيه كل الحب والمغزه بين اعضائه...
اعزرونى انى كلامى كتير
بس بجد مش قادر امسك
ايدي عن الكتابه لانى بجد زعلان جدا
من كل الاعضاء الى ريحيت شياط الشيطان
مدوخاه وخدعاه

[عماد حسنى]

شكرا جدا جدا على
مشاركت يا
كيرو رأفت
مانو
جوسى
الفيلسوف
محبتكم وغيرتكم على بيتنا زيى بالظبط
نورتو الموضوع ولازم كلنا نحارب عدو
الخير
اصل مش مكفيه الدنيا بره كمان جيلنا هنا فى كنيستنا وبيتنا
اللى مليان محبه
لازم كل واحد فينا على اد مايقدر ان يثبت لعدو الخير واى افكار شريره
ان البيت ده بيت محبه
وكل عضوه فيه متأسس بالمحبه دى
ومفيش اى شىء مهما كان ممكن يهز المحبه اللى جمعانا
ربنا معاكو ويبارك حياتكم ودايما المحبه
اساس بيتنا ارثوذكس

[الناى الحزين]

يااااااااااااااااااااااا

ياترى فاكرين الكلام ه

فينك يا عماد
ياريت تدخل وترد على كلامك

اخوك ناى

[عماد حسنى]

يااااااااااااااااااااااا


ياترى فاكرين الكلام ه

فينك يا عماد
ياريت تدخل وترد على كلامك


اخوك ناى



انا فاكر الكلام ده كويس جدا يا ناى وبأكد صدقنى عليه تانى وكويس انك رفعت الموضوع وجبته فى الاول علشان اللى مش شافه يشوفه تانى

بس صدقنى الغياب عن المنتدى اكيد اكيد بيكون غصب عن الواحد
ومفيش حد له اخوات زى اخواتنا فى المنتدى ويبعد بسهوله اللا اذا كان الظروف تمنع بجد
ربنا مايبعد اى حد عننا
ويقرب كل عضو وعضوه سابوا او بعدوا عن المنتدى
والكل يريجع فى بيته ارثوذكس
الف الف شكر لمحبتك يا ناى