قصه قلبى المكسور

[ميرووو]

قصه قلبى المكســــــــــور
قلبى اللى كان يتحدى كل الجسور
خلاص ضعف ومعتش يقدر
معتش يقدر يحب ولا يكره
الحكايه ابتدت بقصه حب
واخرها كان جرح قلب
كانت قصه حب مفيش زيها فى الكون
وانا كنت بحبه اوى حب جنون
كان بيقولى احلى كلام
ويسمعنى فى اشعار وانغام
هه ياسلام على الحب ياسلام
كان يقولى حبك فى قلبى كبير
وحبك عليا ده كتير
كل الحب اللى ممكن اى حد يتصوره
انا كنت بحبهوله دا انا كنت بعشقه
ازاى قدر يخطف قلبى فى ثوانى
وطلع فى الاخر كداب انانى
لا برافو قدر يخدعنى
ويخلينى احبه ويسيبنى
ازاى حبك يطلع كدب
يارب اللى انا فيه ده يكون حلم
ححاسه ان قلبى بيتقطع وبيموت
وعينى اشتكت من كتر الدموع
انا فعلا كنت عايشه فى وهم
انا لازم اصحى من ده الحلم
كابوس كلهدموع واهات
والحب والغرام غرام خلاص فات
خلاص قلبى على اللى فات ندم
وعينى بتنزل بدل الدموع دم
وبكيت انا للقمر
وافتكرت ليل السهر
مش لاقيه حد اشكيله وافضى الدموع
مش لاقيه حد غير يسوع
بقيت بحكى اسرارى للبحور
ودى كانت قصه قلبى المكسور

تاليف ميروووووووووو يارب يعجبكوا

[Team Work®]

شكرا ليك يا جميل

[وردة حزينة]

ميرووو رائع بجد
بس احساس صعب جدا وكلمات اصعب
ربنا يفرح قلبك ياميرو

[M@@@NOOOO]

الله على الكلمات الجميله والمعانى الرائعه
ربنا يبعد عنك اى حزن او وجع قلب
ربنا يباركك ويفرح قلبك على الدوام

[ميرووو]

مرسىىىىىىىىىىىى بجد ليكوا على ردكم ومروركم الجميل ده وكلامكوا الاجمل

[kamel]

مشاعر واحساس رااااااااائع
من قلب رقيق
الرب يبارك موهبتك

[كرستيانو]

كلام فية مشاعر جميلة
ربنا ينمى موهبتك

[عماد حسنى]

شكرا يا ميرووو
على الموضوع والكلمات المؤثره اوى دى
واحلى ما فى الموضوع (يسوع)
الرب يسوع يفرح قلبك ويشيل منك كل حزن ووجع قلب

[miso]

ايه دااااااااااااا ايه العسل ده
بس اقولك ده مش حب ده طلع من النوع اللى بيتكلم كتير
(كلمنجى) واللى زيه خسارة الدمع فيه.

[ميرووو]

مرسى ليك بجد يا استاذ كمااااااااال على مرورك وتشجيعك ليا ربنا يخليك لينا ومرسى اوى كرستيانووووو بجد مرسى اوى ليك ومرسيى لعمدددددددده على مرورك ياجميل ومرسى لميسوووووووووو فعلا ده يبقى مش حب مهو كسر قلبها مش قلبى ها واخده بالك ههههههههههههههههههههه عشان انا لسه بدرى انا المهم مرسى اوى اوى اوى ليكوااااااااااااااااااااا اا بحبكوا

[nermos1982]

كان يقولى حبك فى قلبى كبير
وحبك عليا ده كتير
كل الحب اللى ممكن اى حد يتصوره
انا كنت بحبهوله دا انا كنت بعشقه
ازاى قدر يخطف قلبى فى ثوانى
وطلع فى الاخر كداب انانى

كلمات اكثر من رائعة ميرو تحفة بجد مع ان احساسها صعب اوى
ربنا يباركك يا قمر ويفرح قلبك

[كيرو رافت]

فعلا كلماااااااااااااااااااااا اااات قاسيه على نفس عاشت يملاؤها الحب
ما اصعب هذه المشاعر يا ميروووو
انتى بتجيبى الكلام الكبير قوى دا منين بجد ياميرو البنت دى صعبت على جداااااااااااااااااا
وعايز انتقم من اللى عمل فيها كداا وحطم قلبها منه .....................
ميرسى ليكى يا ميرو كلماتك بجد معبرة جداااااا وصادقه بتهز المشاعر

[ميرووو]

مرسى خااااااااااالث يا نيرموووووس على ردك ومرورك ياجميل وكيروووووووو هههههههههههههههههه معلش باه انا عارفه ان الكلام صعب شويه بس اصل الجرح كتر اوى الايام دى وفى قصص حب كتير بتفشل معدش فى حب صادق كده من القلب من غير خداع فانا عاملاه عادى جبته من قلبى ومش كبير اوى يعنى على قدىىىىىى مرسى اوى بجد ليك ومريى ليكوا كلكوا بحبكوا....