أرجو مساعدتى فى مشكلة تتطلب وقفة

[menagamal1987]

أنا شاب أبلغ من العمر20 سنة أدرس بكلية التربية والدى متوفى لى 3 أخوات بنات أثنان متزوجين والثالثة مخطوبة أحوالى المادية ميسورة لحد ما. لى علاقة بفتاة مسيحية من نفس عمرى أحبها لدرجة أنى اضحى من أجلها بأى شىء. و كذلك نصلى من اجل بعص ومتفاهمين لحد كبير نرضى الرب بخدمتة بأخلاص ودائماً نصلى القدسات ونطلب من الرب أن يكلل علاقتنا بزواج مبارك وأسرة سعيدة هذا كل ما نطلبة.ولكن المشكلة عندما عرفت والدتى هذة هذة العلاقة وانى انوى بالأرتباط بهذة الفتاة مستقبلاً ابدت ردود أفعال غريبة للغاية حيث أهانت حبيبتى فى التيليفون وهى ليس لها ذنب بكل ذلك. حاولت إقناعها بهذة الفتاة ولكن كانت تقول لى أنها ليس من مستواك وجمالها الشكلى ليس من جمالك وانى المفروض أن تزوجنى بدكتورة وليس لهذة الفتاة البسيطة وقفت ليالى اصلى لربى أن يحنن قلب والدتى عليها دون جدوى فماااااااااااااااااااااا العمل؟؟؟؟؟؟؟؟؟؟؟؟؟؟؟؟

[aymonded]

أنا طبعا هاجاوبك يا احلى غالي
ومش عايزك تقلق لأن كل شيء بالصبر والتأني يناله الإنسان

طبعا ماما معلشي غلطانة انها ترد على حد بالطريقة دية مش كان ينفع ، بس معلشي اعذرها لأن كل أم تعتقد أنها بتحافظ على مستقبل ابنها وحياته أكتر منه لأنها تعرف مصلحته أكتر منه ، وبالطبع دوة فكر مغلوط لأن عمل الأم أو الأب عمل إرشادي توجيهي مش جبري أو فرض راي باي حال

ويظهر أنهم دائماً يروا أن الابن أو البنت غير مسئولين وكأنهم دائماً صغار ، لأن الأنسلاخ عن طور الطفولة يصعب جداً على كل أم وكل اب بل وقد يكون مستحيل في نظر الأم على الأخص ، ودائماً يحبوا ان يكون كل شاب او شابة متبوعين ليهم دائماً ومرتبطين بيهم في كل اختيار وفكر وهذا من أخطر ما يكون لأن الأم إلى الآن لم تستطع أن تنسلخ عن دورها كأم لطفل وليست على استعداد ان تكون أم لرجل مسئول عن اختيارته الحرة وطريقة سلوكة الخاص دون أن يكون مرتبطاً بها منفذاً لرايها طائعاً لكل كلمة لها كما كان صغير ومن هنا ينشأ الصراع بين الشاب او الشابة والأهل الذين يعتقدون أن تمرده على شخصهما ويبدأون في الشكوى أنه ابن اصبح عاق لا يطيع والديه !!!

عموما يا احلى غالي هاقولك على شوية توجيهات يمكن تستفيد بيها في وقت لاحق
النعمة معك كل حين آمين

[ماريان]

ربنا معاك يا مينا
على العموم صلى وربنا لو شايف انكم هتكونوا مستريحين مع بعض هيحنن
قلب مامتك ولوا غير كدة من الاحسن انه يبعدكم من دلوقت
يمكن متستريحوش بعد كدة
على العموم الحل الوحيد انك تصلى وتطلب ارادة ربنا
حتى لو كانت ضد ارادتك
وربنا معاك ويفرح قلبك

[larasmy]

يا مينا حاول تناقش الاسباب مع مامتك و ما تستسلمش انا قريت قبل كده ان ممكن ىكون السبب في ده موت الاب فالام بتحط كل امالها في ولادها خصوصا ابنها. هي ممكن تكون حاسه ان البنت دي ها تخدك منها نصيحتي ما تستسلمش لان العيب مش في البنت .لان الام في الحاله دي ها تطلع القطط الفاطسه في اي بنت وممكن يكون مزود ده سنك يعني اللي انا فاهماه يا مينا انك لسه بتدرس . صلي للموضوع و قول لمامتك ان البنت دي كويسه و حاول تعرفها علي مامتك في اي مناسبه وو صي البنت انها تستحمل و تحاول تعامل مامتك بمحبه عشان تحس انها بنتها. و خليها مثلا تيجبلها هديه في عيد ميلادها لغايه ما مامتك تتقبل الموقف. بس انت ركز في دراستك و بين لمامتك ان البنت دي مش ماثره عليك سلبيا و اثبتلها انك قد المسئوايه.و حاول تهتم بمامتك و ما تحاسسهاش ان ابنت دي ها تتسبب في عداوه بينك وبينها. و صلي و ربنا يوفقك.

[@ حبيب مار جرجس @]

سلام الرب يسوع المسيح له المجد يكون مع الكل .
انا مش عارف اقولك ايه بس ممكن اقولك شيئ
اولا ممكن تناقش الموضوع ده مع اب اعترافك ويجلس
مع ولددت بعد مايكون جلس معك انت وحبيبتك ويحاول
يتكلم معاها في موضوع الجواز بتاعكم ويناقشها وده
مع الصلاه بردوه والرب شايف الصالح ليكم انتم الأثنين
وصلاة البابا كيرلس السادس وأمير المعجزات مار جرجس
تكون معكم ويكون معاكم ويكون عليكم .

[nrmo]

ممكن انت تكلم والدتك وتحاول معاها وتتكلم معاها بهدوء وربنا اكيد هيتصرف وممكن تدخل اب اعترافك فى الموضوع وهو يكلم والدتك.

[اللة يرعانى]

ربنا معك حاول تفهم ولدتك وتتكلم معاها ودخل اى حد من العيلة ربنا يسهلك حياتك ولدتك توافق

[Team Work®]

ربنا موجود واللى لية نصيب فى حاجة بيخدها

[Peter elias]

كل شئ بيد ربنا يسوع المسيح وهو يعمل الصالح لينا.

[nermein]

طبعا اللي كلنا متاكدين منه يامينا ان ربنا دايما بيدبرلنا الصالح
والحل في ايدك انت عشان البنت ملهاش اي زنب واللي لازم تعمله انك تقنع
والدتك بشتى الطرق وفهمها انك اخترت البنت دي بارادتك وقولها حاولي تتكلمي معاها
ولو على الحالة المادية احنا مش بناخد حاجة معانا في اخرتنا وحاول تتكلم معاها بكل احترام
واعرف ان اللي عايزه ربنا هيكون واتمنالك السعادة والتوفيق مع اللي قلبك اختارها

[aymonded]

السلام لنفسك
بص يا حبيب قلبي الغالي في ربنا يسوع
أولاً في خطوات واضحة وصريحة أقول لك :
* أختار الوقت المناسب في الجلوس مع والدتك وحدهم ، وحاول بهدوء ولا تتعصب أبداً أن تستمع إليها للنهاية ومش تقاطعها في كلامها

* ثانياً : ابدأ الكلام بكلمة حلوة مع والدتك وابتسامة صافية بصدق القلب ، وحاول تقنعها برأيك بهدوء وتروي وحاول تكسبها وأوعى تخسرها أبداً

* أولاً اظهر اهتمامك بها وتحملك مسئولية البيت ومشاركتها فيها وبهدوء عرفها انك مسئول عن قراراتك ومش تابع للبنت أو لغيرها ولن تكون تابع لأي أحد ، وتقول ليها أن رأيها أنت تأخذه بعين الاعتبار وتفكر فيه بعمق ولكن قرارك أنت المسئول عنه ، فأظهر انك رجل تتحمل المسئولية ومواجهة المشاكل ولن تدع لأحد أن يمسك زمام أمورك ، ولكن هي والدتك وليها الحق عليك بأنك ترعاها بالحب وصدق الحق ...

* أحذر تماماً من أنك تتعصب أو تتنرفز أو تقوم برد لا يليق هذا كله كفيل بأن يزعزع صورتك أمام والدتك وتجعلها تظن أن البنت مسيطرة عليك وها تأثر في علاقتك معها ، وبذلك تبني صور عالي بينها وبين والدتك وإذا نجحت وتزوجتها ستجد مشاكل لا تنقطع ، وستكون عداوة قوية كالصخر بينها وبين والدتك ....

* وان وجدت والدتك متعصبة وفي حالة عدم إصغاء قول ليها بكل احترام وتقدير : سأتركك الآن لأنك لا تريدي أن تصغي لكلماتي وسوف أجلس معك حينما تكون هناك فرصة أفضل ...
وأتركها بحب وابتسامة وأبقى ارجع للمناقشة معها مرة أخرى ولا تتوقف ولو كانت المناقشة ها تأخذ أيام وشهور مش مشكلة المدة المهم والدتك تقتنع بحاجة مهمة جداً :

أولاً أنك راجل قد كل مسئولية

ثانياً لك القدرة أن تواجه مشاكلك بكل حزم وجدية دون الخروج عن أعصابك

ثالثاً أن قراراتك أنت المسئول عنها وصانعها

رابعاً مستقبلك في أيدك أنت وحدك فقط

أرجو أن أكون وضعت نقاط هامة جدً ليس لك وحدك فقط بل لكل شاب وفي كل الظروف أو المواقف المصيرية الذي يريدها هو وليس أي آخر وعلى الأخص الأهل ...

لأن مش من حق حد مهما كان أن يتخذ خطوة المستقبل لشخص آخر ، ممكن أن يكون ناصح فقط بأنه يشاور على الطرق السليمة وأن يقول وجهة نظرة بوضوح وشفافية دون الانحياز لرغباته الخاصة الذي يريد أن يحققها في غيره أو أبناءه على الأخص ...
هذا ظلم وتعدي على حرية الآخر ولم يعلمنا المسيح هكذا لأن هذا حب أناني جداً ، فلا يرى الآخر بل يرى نفسه فيه محققاً كل ما يتمناه ...

ربنا معاك يا أحلى غالي ويعمل فيك دائماً لمجد اسمه العظيم
غنى النعمة ووافر السلام معك كل حين

[عماد حسنى]

بص يا مينا أول حاجه لازم تعملها أنك تدخل ربنا فى الموضوع تدخله بجد أبعد اختيارك انت خالص وقوله اختار انت يارب .قوله ممكن أكون انا غلطان فى اختيارى وماما عندها حق .قوله يا أبويا السماوى انا حيران تعبان مجروح وعايزك انت اللى تحل وانت قادر انك تحل ..قوله لأنها لا أردتى بل أردتك..سلم الموضوع للى احن منك عليك بس من قلبك ..وثق انه عند الحل بس ثق بدون قلق ..وربنا معاك ويدبرلك كل أمورك

[Narmar]

كل شيء بالصبر والتأني يناله الإنسان

مش الردود اللى اتردت دى كلها يا مينا لو اتبعتها اعتقد انك هتحل المشكله وزى ما هيما قال ربنا موجود :)

[menagamal1987]

انا بأشكركم على ردودكم الرائعة دية وعلى أنكم شاركتونى المشكلة دية وفعلاً انتم افدتونى خالص ومستنى أى ردود منكم

[مارتي]

المر الذي يختارة لنا الرب خير من الشهد الذي نختارة نحن لانفسنا.ثق في يد الرب القوية التي تختار الخيرلكل نفس نشرية

[jozef]

سلام ونعمه
لا تياس من الصلاه بل على العكس يجب ان تتمسك بالصلاه وتدعوا من قلبك ان يحنن الرب قلب والدتك على حبيبتك فلو ياست من اولها لا تستطيع ان تستمر فى الحياه الصعبه
ويجب ان تحاول اقناع والدتك بكل الاشكال وكل الطرق وكل الاساليب
وللمره الخيره فلا تياس
يكون معاك ما يكون عليك
ربنا يبارك حياتك

[melanora]

لو ربنا هيوفق بينكم محدش هيقدر يقف في طريقكم
وربنا يباركك ويقويك