اتسرقت المنتدى سرقنى [الأرشيف]

الناى الحزين

05-12-2008, 01:21 AM

يا جماعه انا عندى شكوا والموضوع ده مش لاقي له حل بجد
المنتدى سرقنى من كل المنتديات التانيه
احكى لكم حكايتى
انا كنت مشترك فى منتدى دينى تانى جميل جدا وكنت منبهر بيه
ومره كنت بدور على ترنيمه هايدى منتصر على جوجل ولاقيته فى المنتدى ده وطبعا علشان احملها لازم اشترك بامأنه اشتركت علشان كدا وبس
وفجأه حصل عطل فى المنتدى اللى كنت مشترك فيه
وبعمل بحث على جوجل على منتدى دينى اتسلى فيه لغايه ما يصلحوا العطل اللى فى المنتدى الاولانى
برضوا جابلى المنتدى ده
ومكنتش عارف انا مشترك فيه ولا لا لان فى منتدايات كتير بصراحه مشترك فيها ومبدخلهاش خالص
ودخلت الاسم اللى بدخلوا فى اى منتدى وبنفس الباسورد اكتشفت انى مشترك فى المنتدى قولت كويس
يوم بعد يوم لاقيت نفسى مش قادر ادخل اى منتدى تانى
والمنتدى اللى كنت بحبه جدا رجع واشتغل من تانى بس منتدى اورثوذكس كان خلاص سرقنى من هناك
والمشكله الاكبر انى جعلت صفحه المنتدى صفحه رئسيه يعنى كل ما اجى ابحث عن حاجه او حتى افتح بس صفحه النت تلاقى المنتدى سرقنى وعلى طول ادخل وانسى انا كنت داخل النت ليه
والمشكله كمان ان دلوقتى النت فاصل عندى فى البيت لمده 15 يوم
ومش قادر ابعد عن المنتدى وبروح اى سايبر بس لازم يكونوا اصحابه من اولاد المسيح علشان بخاف على المنتدى مش قادر اقاطع المنتدى
وافتكر ان حبيبى كيرو رأفت بيواجه نفس المشكله وقالى ان الجهاز قدامه فى الشغل وعلى طول فى المنتدى والشغل على المكتب يمينه وشماله وهو ولا هنا لانه ببساطه اصبح مثلى مدمن منتدى اورثوذكس
وده مش حالى انا بس ده حال كل الاعضاء اللى بقوا مدمنين منتدى جميل اسمه منتدى اورثوذكس

من هنا ارفع صوتى اغيثونا ساعدونا اريد اى حل للمشكله
فهل من مجيب او هل حد يضم صوته لصوتى
منتظر الرد
الحقونى اخوكم
الناى الحزين
مدمن منتدى ارثوذكس حبيبى
فهل من مجيب

وردة حزينة

05-12-2008, 02:10 AM

انت عارف ياناى انا كمان بعانى من نفس المشكلة
انا مشتركة تقريبا من خمس شهور وكنت بدور على حاجة بردة وسجلت وخرجت وكنت بتفرج عليكم من بعيد لبعيد حسيت ان فية حاجة جامدة جدا بتشدنى للمنتدى يمكن اعضاءة اللى زى العسل يمكن روح المنتدى يمكن كمية الحب الخطيرة اللى جواة بين الناس وبعضها مع العلم انى مشرفة فى منتدى تانى ومشتركة فى كام منتدى كنت بموت فيهم لكن من اسبوعين تلاتة فوجيت بااعراض مرض خطيرة مااقدرتيش افسرة وهى انى بسيب الكل وبطلع اجرى على ارثوذكسى بصحى الصبح علية وانا بروق الشقة بردة علية وانا بطبخ حتى وانا بطبخ والطبيخ يتحرق منى وانا بردة علية لما بخرج برة البيت بقيت بحس انى سايبة روحى هنا فى المنتدى ادخل يادوب من الباب اجرى افتح الجهاز علية دة بقيت مشكلة فعلا لحد واعوذ باللة ماتحول للادمان ميش قادرة اتعالج منة ياناى احنا حالتنا بقيت خطر فعلا ارجوكم اغيثونا لزم نعمل حملة مكافحة ارثوذكسى
المصيبة انة خلاص دخل الدم وبقى ماشى جوايا اعمل اية ياناس
رسالة لذوى القلوب الرحيمة عالجونا من المرض اللى زى السكر دة
ناى لزم نتصرف بجد وانا معاك ياريس

مدحت نص

05-12-2008, 02:23 AM

انا لسه ما اتسرقتش علشان لسه مسجل النهارده بس اللى هايحط ايده فى جيبى هو حررررررررر
وكمان المفروض اللى اتسرقوا يروحوا يعملوا محضر فى أى قسم وهتلاقوا حواليكم أقسام كثير قسم القصه قسم الكتاب المقدس أى قسم يروح يعمل فيه محضر ههههه
تحياتى ليكم
مدحت نص

kamel

05-12-2008, 02:25 AM

يا عزيزى يا قريبى أسمع كلامى
منتدانا ارثوذكسى قطر محبة
بدون عجل بدون قضبان
كل ركابة أحبة.. أحبة وخلان
أصل بداية ركابة من أسوان
أشكرك قوى قوى قوى على حبك الكبير للمنتدى
الرب يباركك

aymonded

05-12-2008, 08:55 AM

أسمحوا لي أن أعزف أنشودة شكر لمخلصنا وراعينا الصالح القدوس
الذي فاض حبه فينا وجعلنا نلتصق به فنصير محبين بعضنا لبعض
بسرّ المحبة المنسكب من روح الحب الواحد الباراكليت
الروح القدس الرب المحيي

فيا أحباء يسوع الغاليين جداً محبوبين ربنا يسوع والقديسين والكنيسة كلها
اشكر الله جداً على أنغام الحب المنسابة على المنتدى
والذي جعله شهادة حسنة مقبولة عنده وتجذب الجميع
ويُمجد أسم الله أمام كل من يراه ويدخل إليه
فينجذب وينشد إليه كل من يدخله ليلتحم بالسر العجيب الذي فيه
سر الحب الإلهي الذي حصر الكثيرين وجذب الجميع لينبوع الحياة
ومصدره ربنا يسوع المسيح

أقبلوا مني جميعاً كل محبة وتقدير
بكل احترام وفخر أنكم معنا هنا إخوة أحباء في الرب
غنى النعمة ووافر السلام وشركة وعطية الروح القدس تكون معكم كل حين
كونوا معافين باسم الثالوث القدوس الإله واحد آمين

MICKEY

05-12-2008, 10:02 AM

حكايتي مع ارثوذكس

انا علي منتدي ارثوزكس من البداية خالص
من ساعة مكان اسمه my bestes وده الأسم الأول للموقع
وفضلت عليه واتغير واصبح ارثوزكس ومازلت عليه
حبيت اغير واقول اشوف منتديات تانيه
اشتركت في اربع منتديات لدرجة اصبحت مشرف عام في اثنان منها ومشرف في احدهما وعضو فعال في الأخر

ولكن شئ ما كان يشدني نحوهذا المنتدي بالذات
مش عشان منتدي ارثوذكس هو منتدي كنيستي لا لا
لقيت فيه روح المحبة والأخوة
وبعدت عن باقي المنتديات الأخري
لأن صاحب منتديان كداب وصاحب تلاته منافق مبالك بقي صاحب اربعه
نياهاهاهاهاهها
انا بأمانه صدقوني لما بدخل المنتدي بحس اني دخلت عمارة كبيرة
وبدطلع اخبط علي شقة شقة واسلم علي اخواتي اللي فيها
المنتدي هو العمارة
والشقق هي الأقسام
لدرج جيت في يوم اشتركت بخدمة الانترنت علي الموبايل وخليت صفحة ارثوزكس الصفحة الرئيسية
وبقيت وانا في المواصلات بشوف المواضيع
بامانه ياريت اللي يشوف للناي حل
يشوفلي انا كمان حل
انا بيتخصم من رصيدي كتير اوي اهئ اهئ

aymonded

05-12-2008, 10:06 AM

هههههههههههههههه
اريحكم
مش حد يدور على علاج لأن لايوجد علاج يقدر أن يشفي المحبة
بل ستزداد ، وأحذركم لأن عاصفة قوية آتية على المنتدى
قد تصيب الجميع بعدوة الحب المزمن المتزايد كل يوم

بنت الراعي

05-12-2008, 12:10 PM

انا بقي مشكلتي اصعب منكم كلكم
لاني فعلا مدمنه للمنتدي لدرجة اني كل مااذاكر شويه احس ان المنتدي وحشني اووووووووووووي
واجري بسرعه ادخل اطل عليه وارجع تاني اذاكر
يعني بجد مش عارفه اركز لو لقيت حل يا ناي او ميكي ابقو قولولي
بس زي ماقال استاذ ايمن مالوش حل

Team Work®

05-12-2008, 01:50 PM

بصراحة انا مش عارف ارد على كلامك دة

اشكرك جدا

نبيل نصيف جرجس

05-12-2008, 01:54 PM

انا مش هتكلم ولا هعرف اقول حاجة ربنا يبارك فى المنتدى ويخلية سبب بركة لكتير من الناس

كيرو رافت

05-12-2008, 03:02 PM

مشكلتى مع المنتى انى حبيته ولما بحب موش ممكن اتخلى عن اللى بحبه
مشكلتى فى المنتدى انى لاقيت نفسى لاقيت احلى اعضاء فى الدنيا
مشكلتى انى سايب شغلى وسايب الدنيا كلها علشان المنتدى
انا عندى اقتراح حل للمشكله دى
ان احنا نعمل صندوق وكل اللى ها يترفدوا من شغلهم زيي يلاقى المنتدى يصرف عليه من الصندوق
وكل طالب ها يفشل فى دراسته يلاقى ماؤى يتاوى فيه
المنتدى ده هايتسبب فى رفدى بجد موش بهزر وانا عندى استعداد اسيب الدنيا كلها بس ما اسيبش منتدايا الحبيب
بحبه جداااااااااااااااااا
بحب كل اعضائه جدااااااااا
بموت فيهم جااااااااااا
بحبه حتى وهو سارقنى
بحبه حتى ولو قتلنى لانه بجد بيجرى فى دمه
ميرسى قوى يا اغلى ناااااااىفى حياتى
بحبكككككككككككككككككككككك كككككك جدااااا
يا اجمل واغلى ناى فى الدنيا

aymonded

05-12-2008, 07:15 PM

مشكلتى مع المنتى انى حبيته ولما بحب موش ممكن اتخلى عن اللى بحبه
مشكلتى فى المنتدى انى لاقيت نفسى لاقيت احلى اعضاء فى الدنيا
مشكلتى انى سايب شغلى وسايب الدنيا كلها علشان المنتدى
انا عندى اقتراح حل للمشكله دى
ان احنا نعمل صندوق وكل اللى ها يترفدوا من شغلهم زيي يلاقى المنتدى يصرف عليه من الصندوق
وكل طالب ها يفشل فى دراسته يلاقى ماؤى يتاوى فيه
المنتدى ده هايتسبب فى رفدى بجد موش بهزر وانا عندى استعداد اسيب الدنيا كلها بس ما اسيبش منتدايا الحبيب
بحبه جداااااااااااااااااا
بحب كل اعضائه جدااااااااا
بموت فيهم جااااااااااا
بحبه حتى وهو سارقنى
بحبه حتى ولو قتلنى لانه بجد بيجرى فى دمه
ميرسى قوى يا اغلى ناااااااىفى حياتى
بحبكككككككككككككككككككككك كككككك جدااااا
يا اجمل واغلى ناى فى الدنيا

يالهوي أحنا بالشكل ده هانتسبب في البطالة في مصر كلها
لأ كل واحد يخلي باله من مذاكرته وشغله يا أحلى إخوة أحباء في ربنا يسوع
أقبل مني مع الجميع كل محبة في ربنا يسوع يا أحلى من كل غالي
النعمة معك ومع كل من في المنتدى آمين

كيرو رافت

05-12-2008, 07:26 PM

استاذ ايمن انت هاتتحمل الجذء الاكبر فى اسباب انهيار وبطاله الشباب خلى بالك انت بقيت بطل قومى ومطلب شعبى وجماهيرى لانك علمتنا يعنى ايه نحب

aymonded

05-12-2008, 07:38 PM

استاذ ايمن انت هاتتحمل الجذء الاكبر فى اسباب انهيار وبطاله الشباب خلى بالك انت بقيت بطل قومى ومطلب شعبى وجماهيرى لانك علمتنا يعنى ايه نحب

لأ يا أحلى أخ غالي مش للدرجة انا بريء يا جميل
قلوبكم هي الحلوة العمارنة بالحب الصادق
من عند أبي الأنوار ربنا يسوع الذي ملئنا نعمة
وجمعنا في نور حضوره المحيي

وقلبك الكبير اللي خلاك تقول عني كده يا جميل
وانا اشكر الله على محبتك ومحبة الجميع الذي صارت لي
دين لا اقدر أن أوفية عن صدق يا اغلى غالي

أقبل مني مع الجميع كل حب وتقدير واحترام
لأنكم عن صدق صرتم آبائي وأخوتي واصدقائي وعائلتي
النعمة معك ومع الجميع كل حين آمين

بنت الراعي

05-12-2008, 08:31 PM

هههههههههههههه
فكره حلوه اووووي فكرة الصندوق دي
ومن الواضح كده اني انا واستاذ رافت اكتر اتنين هانستفاد منها
هههههههههههههههههه ربنا يخلي لنا المنتدي
بجد عجبتني جدا وانبسطت جدا من المحبه الشديده اللي بيتكلم بيها
استاذ ايمن واستاذ رافت بجد انتوا الاتنين رمز للمحبه الحقيقه
ربنا يخليكو لين وللمنتدي ميرسي اووووووي

aymonded

05-12-2008, 08:47 PM

هههههههههههههه
فكره حلوه اووووي فكرة الصندوق دي
ومن الواضح كده اني انا واستاذ رافت اكتر اتنين هانستفاد منها
هههههههههههههههههه ربنا يخلي لنا المنتدي
بجد عجبتني جدا وانبسطت جدا من المحبه الشديده اللي بيتكلم بيها
استاذ ايمن واستاذ رافت بجد انتوا الاتنين رمز للمحبه الحقيقه
ربنا يخليكو لين وللمنتدي ميرسي اووووووي

حتى أنتِ يا بنت أعظم راعي ، راعي نفوسنا ورأس الكنيسة واسقفها العظيم ، راعي الرعاة وحافظ العهد والرحمة لكل أولاده الذين قدسهم في الحق ، كلمته الحية التي صارت فينا سيف نار متقلب خارق لمداخل النفس ومخارجها ، ينقي ويقطع كل جذور الشر ، حارقاً كل شوائب الشرور بنار الحب الإلهي المنسكب سكيباً بروح الحب ، الروح القدس الذي يطبع فينا صورة المحبوب فنتغير إليه ...

أنا حقيقي مش مثال ولا حاجة ، لأنكم أنتم أعظم إخوة أحباء تعرفوا أن تحبوا حسب أمر مخلصنا الصالح القدوس الحي الذي به نحيا ونتحرك ونوجد ...

فاقبلي مني تحية خاصة بكل تقدير مع الناي الحزين صاحب أجمل موضوع ، وكيرو وهيما وكل الإخوة الأعضاء أحباء يسوع الذين نحن معهم روح واحد بالحب الصادق الذي من الله انسكب سكيباً في قلوبنا ...

غنى النعمة ووافر السلام الدائم لشخصك الحلو في ربنا يسوع

ابانوب وجدى

05-12-2008, 08:51 PM

ياريت يكون العلاج علاج جماعى يا استاذ ايمن

بقت مشكلة كبيرة اوى عندى

علطول على المنتدى ولو بعدت شوية كده ارجع اجرى على المنتدى

ويا جماعة اعملو حسابى فى الصندوق
ههههههههههههههههههههههه

فكرة روعة يا كيرو هههههههههههه

aymonded

05-12-2008, 08:58 PM

ههههههههههههههههههههه
يظهر ها اعلن إفلاسي من الآن
طيب انا هاطلع على أي جريدة حالاً أشهر إفلاسي
على يد أعضاء المنتدى
قابلوني بقى في الغورية بشارع الأزهر علشان ناوي اشحت

بنت الراعي

05-12-2008, 09:14 PM

ههههههههههههه
اسم الصليب عليك يا مستر
ماهو الصندوق مش قاصر علي حضرتك بس هيما برده وكل الاداره ههههههههههههه
لا بجد حلوه اوي منك دي خلاص معادنا هناك هههههههههههههه

M!SS N@NO

05-12-2008, 09:28 PM

ههههههههههههههههههه
طب اعملوا حسابى بقا فى الصندوق ده
اصلى ناويه اعمل عمليه فى ظهرى اللى اتلوح من قعدتى ع المنتدى 48 ساعه فى الـــ 24 ساعه
بجد انا بقيت انام واصحى ع المنتدى
وبجد حبيته خالص وحبيت كل أعضائه
وحاسه انهم اخواتى اللى لازم اصبح وامسى عليهم
ونلعب سوا ونتناقش سوا ونتخانق مع بعض ههههههه اخوات بقى وهنعلى صوت المشرفين
انا اكلى كله بقا سندوتشااااااااااااات نسيت شكل الصفره بتاعتنا
بجد انا خلاص بقيت مقدرش اعيش من غيركوا ولا استغنى عنكوا
دا انا ممكن يجرالى حاجه ولا اروح فيها
يا لهوى دا انا ممكن أمووووووووووووووووووووت
الله يرحمنى بقا انا مت خلاص ف المنتدى ده
واللهى كنت بت طيبة ههههههههه
بس العنوان خضنى اوى يا ناى
هو احنا فى ارثوذكس ولا فى محطة مصـــر؟؟؟؟؟؟؟؟؟؟؟؟؟؟

ظريف

05-12-2008, 10:15 PM

eh2 eh2 eh2 eh2 eh2
ANA MODMIN 7ATYR
ZORAR EL CAY BORD ( SHIFT
BAZ WE 7TGANEN MOSH 3AREF ASAGEL D7OL FY EL MONTDA
D7ALT EL MONTDA ZA2ER WE A7AZT ESMY COBY WE D7ALT
HHHHHHHHHHHHHHHHHHHHHH
HHHHHHHHHHHHH
HHHHHHHHHH
EL 3ADWA ENTASHARTT

tito_t

05-13-2008, 02:29 AM

مفيش مشكله ان الواحد يحب المنتدى ومفيش مشكله انو يبا اكتر حاجه الواحد يعملها لما يعد على الكمبيوتر لكن المشكله ال لازم نتحكم فيها انو ميخدش واقت اكتر من الواقت المخصص للكمبيوتر ولا انتو رايكم ايه

الناى الحزين

05-13-2008, 10:22 PM

ايه ده جيبتك يا عبد المعين تعنى يعنى ولا ايه؟
لالالالالالالالالالالالال الالا
انا كتبت الموضوع ده علشان حد يشوف لى حل مش الاقى الكل زيى كدا
وياعم كيرو ايه حكايه الصندوق دى هو انت داخل على طمع من اولها ولا ايه
ياريت يا جماعه الصندوق يبقى معايا
اولا علشان انا صاحب الموضوع
هههههههههه
وثانيا محدش هيوزع اللى فى الصندوق بالعدل زيى انا طبعا علشان انا حقانى
وبجد اشكر كل اللى اشتركوا فى الموضوع واللى معرفوش يرجعولى اللى اتسرق منى ولا جابولى حل
يا جماعه اغيثونا بجد كدا حرام

جاسيكا

05-13-2008, 10:52 PM

الدكتورة جاسيكا جت
ههههههههههههههههه

انا عندى العلاج لحالة الادممان الجماعى اللى مسيطر على المنطقة
ههههههههههههههههههههههههه ههه

عايزين تعرفو
انا هقولكم النتيجة

انزلو شوية علشان تعرفو

كمااااااااااااااااااااااا ااان

شوية كمان

معلش حبة كمان

معلش اصلو تركيبة

كمان معلش

ربنا يديكم طولة العمر

انزلو كماااااااااااااان

ربنا يسعدكم

كمان

انا هشحت بعد كدة

ممعناش فكة انزل كمان

كمااااااااااااااااااااااا اان

هقولكم على العلاج

العلاج هو

انتو صدقتو انى عندى علاج صحيح انا كمان محتاجة اتعالج انا من كتر حبى فى المكنتدى مبيندونيش فى البيت غير ب يا منتدى تعالى هناااااا ويامنتدى روحى هناااك هاتيلى اشرب يامنتدى اعملى شاى يامنتدى
هههههههههههه فضيحة فضيحة يعنى

انا مكن كتر القعدة على الكمبيوتر عملولى باسورد

بس انا زعلالالالالالالالالالالال الالالانة موت من الحكاية دى

علشان جت فترة مبقتش بعرف ادخل بيها على المنتدى

ياريت با جماعة تشوفولى حل معاكم

الناى الحزين

05-14-2008, 12:40 AM

ماشى يا منتدى روحى اعملى الشاى وتعالى يا منتدى
وبعدين يا جماعه محش لاقى حل ولا ايه
فين كلامك الجميل اللى بتجبه لينا من خبرتك فى الحياه استاذ كامل
استاذ ايمن فين اقوال الاباء والتقليد
يا جماعه حالتى بتسوء يوم بعد يوم ارجوكم شوفولى حل
الناى الحزين

جاسيكا

05-14-2008, 12:46 AM

وانا كمان انا عايزة ازاكر ومش عارفة
وعندى امتحانات يمكن بقعد على المنتدى اكتر من الكتاب

جاسيكا

05-14-2008, 12:47 AM

نسيت اقولكم

ياريت اللى عندة حل كمان يقولى اعرف الباسورد ازاى
ههههههههههههههههههههههههه ههه

الناى الحزين

05-14-2008, 01:14 AM

ياجماعه
بقيت مدمن الجرعه مش كفايه وبطلب كل مره جرعه زياده
ارحمونى بجد انا دلوقتى فى السايبر والعداد بيعد
والساعه بتجرى وعاوز ادخل كل المواضيع واشارك فيها
وعندى مواضيع عاوز احطها وفى مواضيع عاوز ارد عليها
كدا هكون اول واحد يستحق الصندوق
فين الحل
مدمن المنتدى

aymonded

05-14-2008, 06:53 AM

ما أروع أن نتفق في روح المحبة ونلتف حول ربنا يسوع ونحب بعضنا بعضاً بقلب طاهر بشدة ...

ولكن لكل واحد عمل منوط به ينبغي أن يتممه ؛ وبخاصة أحباء قلوبنا الطلبة : رجاء المذاكرة بجهد كبير لأن العمل الجاد ببذل المحبة يدل على وجود شخص ربنا يسوع فينا ، والشهادة في وقتها ما أحسنها ، وبذل كل طاقة في التحصيل الجاد هو استعلان شخص الكلمة في القلب وتمجيد اسمه العظيم أمام الجميع ، لأننا صرنا شهادة حلوة لعمله المقدس فينـــــــأ نحن أحباؤه المقدسين في الحق أي كلمته التي صارت لنا قوة شفاء لنفوسنا ...

ولنعلم أن كل شيء تحت السماء له وقت :
+ لكل شيء زمان و لكل أمر تحت السماوات وقت (جا 3 : 1)
+ للولادة وقت و للموت وقت للغرس وقت و لقلع المغروس وقت (جا 3 : 2)
+ للبكاء وقت و للضحك وقت للنوح وقت و للرقص وقت (جا 3 : 4)
+ لتفريق الحجارة وقت و لجمع الحجارة وقت للمعانقة وقت و للانفصال عن المعانقة وقت (جا 3 : 5)
+ للكسب وقت و للخسارة وقت للصيانة وقت و للطرح وقت (جا 3 : 6)
+ للتمزيق وقت و للتخييط وقت للسكوت وقت و للتكلم وقت (جا 3 : 7)
+ للحب وقت و للبغضة وقت للحرب وقت و للصلح وقت (جا 3 : 8)

أقبلوا مني كل تحية محبة حلوة في مخلصنا القدوس الصالح راعي نفوسنا وأسقفها ورأس الكنيسة الوحيد وساقيها من ينبوع ماءه الحي ...

غنى النعمة ووافر السلام لكم جميعاً يا أحباء يسوع والكنيسة

جاسيكا

05-14-2008, 07:26 PM

صدقنى يا استاذ ايمن بقى صعب انى ابعد عن المنتدى واللى بقى بيمنعنى انى اقعد علية طول النهار ان الجهاز بتاعى معملول بباسورد يعنى بفتحة بعد عناء طويل مع بابا وماما
ههههههههههههههه
وفى الاخر بييجو يقفلوة بنفسهم علشان اقوم
بس صلولى اقدر اتغلب على المشكلة دى
علشان امتحاناتى قربت ومش عارفة اعمل اية
انا بجد بقعد على المنتدى اكتر مبقعد ازاكر
حاجة صعبة فعلاً
تحياتى ليكم اختكم المنتدى
ههههههههههههه

الناى الحزين

05-15-2008, 11:34 PM

يا جماعه امبارح النت كان فاصل فى البلد كلها
وكمان كان فى مصنفات يعنى اى سايبر نت اوكوفى نت بيبقى قافل فى الوقت ده
بصراحه كنت هتجنن
وربنا عدى الكام ساعه دول بالعافيه اعمل ايه
انا عندى رائى
انا هرفع قضيه على اللى كان السبب انى ابقى كدا
وهقول فى الدعوه اللى مرفوعه ان الاسماء اللى مقدمه لسيادتكم هم السب للوصول الى هذه الدرجه من الادمان والاسماء هم
1: استاذ ايمن
2: هيما
3:كيرو رافت
4: ميكى
5: استاذ كامل
6: وكل عضو له مساهمه ومواضيع هنا
ويا جماعه اللى شايف اى عضو مشترك معاهم فى الجريمه يقولى على اسمه وهرفع عليهم قضيه
بس ياريت اى عضو يدخل يعملى توكيل ويقولى انا هعملك توكيل يا ناى وسيبوا الباقى عليا
وانا بقى هعرف اجبلكم واجيب لنفسى حقى الضايع

aymonded

05-15-2008, 11:39 PM

ههههههههههههههههههههههههه هههههه
طيب أنا باين عليا هاستقيل
انا دخلت غلط على فكرة
ومش لي ذنب في الموضوع دوة أنتوا اللي حبيتوا المنتدى لله في لله
وبعين انا مش أستاااااااااااااااذ انا ايمن فقط يا جميل
قولها عشر مرات وهاتيجي معاك حاول وجرب يا جميل

هههههههههههه بس أنا دخلت الموضوع غلط ؛ أنا ايه اللي جابني هنا
مين زقني دلوقتي بقى !!!!!!!!!!!!!!

الناى الحزين

05-15-2008, 11:49 PM

ههههههههههههههههه
يا جماعه الاستاذ ايمن اتصل بيا
وكان بيقولى بلاش كلمه استاذ ايمن دى خليها ايمن بس
طبعا بيرشينى
ههههههه
لكن على مين ده انا افهمها وهى طايره
وبرضوا يا احلى استاذ ايمن هرفع عليك الدعوه ومش هتنازل عنها ابدا ولا ايه رائيكم يا جماعه

aymonded

05-15-2008, 11:56 PM

طيب وياريت ترفعلي دعوى معاك على اللي اسمه أستاذ ايمن ده
علشان يظهر في لبس بين ايمن وأستاذ ايمن
انا ايمن بس مش الأستاذ ايمن

وانا هادفع تمن الدعوى معاكم

الناى الحزين

05-16-2008, 12:16 AM

برضوا مش هسيبك
يا استاذ ايمن
مش هزار

aymonded

05-16-2008, 12:29 AM

طيب دور على اللي اسمه استاذ ايمن ده
انا أيمن فقط مش استاذ
قول أيمن عشرين مرة وهاتيجي معاك صدقني
السلام لنفسك يا اغلى من كل غالي
محبوب يسوع والقديسين
النعمة معك

الناى الحزين

05-16-2008, 12:44 AM

حبيبى ابو شادى لك كل احترام وتقدير لشخصك الغالى
ربنا يباركك ويفرح قلبك
اطلب منك باقوال الاباء الرسل والتقليد الكنسى او اعمال الرسل ان تجيب على سؤالى
اريد حل لما انا فيه
واذكرنى فى صلاتك
مدمن المنتدى الناى

aymonded

05-16-2008, 08:42 AM

مش كان على أيامهم منتديات يا احلى غالي
هههههههههههههههههه
هي الحالة بقت صعبة عند الجميع للدرجة دية

الناى الحزين

05-16-2008, 11:27 PM

هههههههههههههههههههه
ماشى استاذى الغالى لكن ايه الحل يا جماعه الحاله بتسوء يوم بعد يوم
شوفتوا بقى شكلى ايه فى التوقيع؟

rozy lover

05-16-2008, 11:46 PM

ههههههههههههههههههههه
بجد انتو زى العسل حلوين كتير
والمنتدى سرقنا كلناا ااااااااااااااااااا
بجد انا معنتش بذاكر خالص
ولا حتى بفتح كتاب واقفله تانى
هههههههههههههههههههههههه
شفلك حل بجد يا هيمااااا احنا كدة هنجيب كعك
لازم يا هيما تجبلنا حل بسرعه خلاص هنجيب كعك بدل الامتياز
ههههههههههههههههههههههههه هه

ميرسى يا ناى

الناى الحزين

05-16-2008, 11:53 PM

روز الغاليه
انا بقول الكلام ده علشان نشوف حل مش علشان تشكرنى يا غاليه
على العموم لو لاقيتى حل ابقى قوليلى الحقينى بيه

kamer14

04-26-2009, 02:38 AM

روز الغاليه
انا بقول الكلام ده علشان نشوف حل مش علشان تشكرنى يا غاليه
على العموم لو لاقيتى حل ابقى قوليلى الحقينى بيه

اسامه سمسم

04-26-2009, 02:43 AM

روز الغاليه
انا بقول الكلام ده علشان نشوف حل مش علشان تشكرنى يا غاليه
على العموم لو لاقيتى حل ابقى قوليلى الحقينى بيه

الناى الحزين

04-28-2009, 11:26 PM

ايه يا خفيفه انتى
ايه يا ظريف انت
احنا هنهرج
هو اللى هنعمله فى الناس هيتعمل فينا ولا ايه
طب اياك الاقى مشاركه للاى حد منكم فى موضوع ليا تانى

M!SS N@NO

04-28-2009, 11:35 PM

ايه يا خفيفه انتى
ايه يا ظريف انت
احنا هنهرج
هو اللى هنعمله فى الناس هيتعمل فينا ولا ايه
طب اياك الاقى مشاركه للاى حد منكم فى موضوع ليا تانى

kamer14

04-28-2009, 11:48 PM

ايه يا خفيفه انتى
ايه يا ظريف انت
احنا هنهرج
هو اللى هنعمله فى الناس هيتعمل فينا ولا ايه
طب اياك الاقى مشاركه للاى حد منكم فى موضوع ليا تانى

M!SS N@NO

04-28-2009, 11:51 PM

ايه يا خفيفه انتى
ايه يا ظريف انت
احنا هنهرج
هو اللى هنعمله فى الناس هيتعمل فينا ولا ايه
طب اياك الاقى مشاركه للاى حد منكم فى موضوع ليا تانى

kamer14

04-28-2009, 11:52 PM

ايه يا خفيفه انتى
ايه يا ظريف انت
احنا هنهرج
هو اللى هنعمله فى الناس هيتعمل فينا ولا ايه
طب اياك الاقى مشاركه للاى حد منكم فى موضوع ليا تانى

الناى الحزين

04-28-2009, 11:57 PM

يارب اللى يرد فى الموضوع ده تانى ويكون اسمه حنان صادق او فيرونيكا امير
بطنه توجعه ومينامش النهارده خالص

اقولكم حاجه احسن يارب تموتوا

M!SS N@NO

04-29-2009, 12:11 AM