المساعد الشخصي الرقمي

مشاهدة النسخة كاملة : مش انت اللى مصرى؟؟؟ جتك القرف

مدحت نص
05-13-2008, 02:16 AM
مش انت اللى مصرى؟؟؟ جتك القرف

أحمد فؤاد نجم (( مكدر الأمن العام ))




عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى

عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك

ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله

بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق

هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت

عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك القرف

ههههه
تحياتى
مدحت نص
مدحت نص
05-13-2008, 02:45 PM
هو محدش شافها ولا ايه ؟؟؟!!!
miso
05-13-2008, 03:17 PM
ههههههههههههههههههه يا نهار ابيض ده بهدلة
بعدلت المصرى
بس صاحب الوظيفى الجكومية اوووووووووى
مصلحة مفيهاش كمبيوتر وشغالة على الطريقة البدائية او غاليا شغال فى الارشيف
بس جميلة على فكرة.
elphilasouf
05-13-2008, 03:22 PM
الله الله الله بجد كلام رائع
والوزن 100 100
بجد الله عليك
totoshiry
05-13-2008, 04:44 PM
ررووووووووووووعه جميلة
ربنا يباركك يا فنان
totoshiry
05-13-2008, 04:56 PM
ممكن انقلة بليز
وهقول انك اللى عملة
اوكش؟؟؟
مدحت نص
05-13-2008, 05:03 PM
انقله طبعا وعلى فكره مش انا اللى كاتبه يا جماعه ده الشاعر احمد فؤاد نجم هو اللى كاتب القصيدة دى وانا بحب الشاعر ده جداااااااااا ا انقله بشرط انك تكتب من فوق احمد فؤاد نجم
وشكرا لمرورك
مدحت نص
مدحت نص
05-13-2008, 05:04 PM
شكرا ليك يا فليسوف وشكرا ليك يا ميسو مروركم ده تشجيع للأستمرار معاكم شكرا ليكم جدا خالص
مدحت نص
عماد حسنى
05-14-2008, 06:04 PM
جميله جدا طبعا
تعيش وتجيب لنا الاشعار الرائعه دى
وردة حزينة
05-14-2008, 06:10 PM
الراجل دة انا بعشقة بجد يامدحت اسلوبة جامد موت ياريت يامدحت تجيبلنا كتير من اشعار الشاعر احمد فواد نجم
وميرسى اوى لااختيارك القصيدة العسل دة
M@@@NOOOO
05-15-2008, 06:23 PM
جميله اووووووووووى اوووووى
وربنا يستر عليك
ومنتظرين منك المزيد من الكلام الجميل اووووووووى ده
ربنا يبارك حياتك
bright
05-15-2008, 08:50 PM
احلي كـــــــــــــــــــــــل ام
في انتظار المزيد
اشكرك يا أ/مدحت
+++
مدحت نص
05-18-2008, 03:29 AM
ِكرا ليك يا شاعر المنتدى يا عمده شكرا لمرورك العسل وهحاول اجيب اشعار تانى ليه
وشكرا ليكى يا ورده بس اتمنى تكونى ورده سعيده لأن فى اسباب كثير جدا تخليكى تكونى سعيده بس ركزى فيها هتلاقيها انا كمان بحب نجم جدااا وقابلته مره واحده فى مؤتمر راجل تحفة
وشكرا ليك يا مانوا على مرورك الجميل وربنا يستر عليا وعليك هههههه
شكرا ليك يا برايت شرفت موضوعى بكلامك
اشكركم كلكم
مدحت نص