بليز ساعدوني في حل الموضوع دة ؟؟؟

[فراشة جميلة]

هاى ياخواتي انا عايزة اخد رائيكم في موضوع مهم بليز ساعدوني فيه لاني محتارة ومش عايزة اظلم حد في الموضوع

لو انت بتحب شخص جدا وكل مرة تحصل بنكم مشكلة وهو يبعد ويعمل زعلان وانت الي ترجعلة وتكلمة كذا مرة يحصل كدة

وبعدين جة طلب منك انة يساعد واحدة كفيفية محتاجة مناهج دراسة وبما انها كفيفة طبعا هتكون صوتية جة وطلب منك حبيبك انك تساعدية في كدة وتسجلي بصوتك علي اي برنامج المناهج دى وتبعتهالو لحد متخلصو المناهج هتقوليلو اية؟؟؟ ممكن توافقي انك تقرى المناهج وتسجليها بصوتك؟



ولو رفضتي لانك مش بتحبي تسجلي صوتك وزعل منك وقلك انا اتصدمت فيكي وزعل ومستني انك ترجعيلو زاى كل مرة هترجعيلو ولا هتتصرفي ازاى؟؟؟؟؟؟



ياريت ياخواتي تردو علي الاسئلة دى وبذات البنات عايزة اعرف كل بنت هتتصرف ازاى وربنا يباركم

[Team Work®]

للحفاظ على نفسك
اولا لازم تشوفى البنت دى
او حتى هو يعرفك عليها
وبعد كدة ممكن تسجلى لو هى فعلا محتاجة لدة

وربنا يفرح قلبكم

[فراشة جميلة]

لا البنت انا معرفهاش ولا شوفتها ولا ينفع اشوفها لانة هو بيقول انة ميعرفهاش وانها صحبة اختو ولما رفضت اسجل زعل وبعد ومستني ارجعلو بس انا قلت اخد رائيكم وشوف كل بنت هتتصرف ازاى؟

[Narmar]

انا رأيى من رأيى هيما يا فراشة لازم تشوفيها الاول باى طريقة و سهل انه يعرفك عليها حتى لو كانت صحبة اختة وبعدين ما يخلى اى حد تانى مش شرط انتى او اختة اولى هتبقى ساعدت صحبتها بدل ما تكون واحده غريبة عنها .. ولا اية رايك ...

[فراشة جميلة]

مينفعش اشوفها لاني في مكان تاني خالص بعيد عنة مش هينفع اشوفها وكمان هو مشفهاش دة اختو الي قلتلة انة يسجل وكدة ولما قلتلو علي اختة قالي هي كمان هتساعد بس المناهج كتير وعايزين نخلصها

[فراشة جميلة]

وكمان هو خلاص قالي مش مشكلة متساعديش بس انا اتصدمت فيكي وهو حاليا زعلان ومبيكلمنيش ولا انا بكلمو ومستني انا ارجعلو زي كل مرة

[وردة حزينة]

لو انتى واثقة فية يبقى اية المشكلة سجلى ووربنا هايعوضك واكيد ربنا ميش هايسمح بالشر
بس فية حاجة مستغربالها هو لية يزعل اساسا هو عرض انك تقدميلة خدمة ورفضتى اية اللى يزعلة فى دة
المفروض كان قدر موقفك ومزعليش
ميش عارفة حاسة ان موقفة غريب
ربنا معاكى يافراشة

[Narmar]

هو عشان خايفة على نفسك ورفضتى طلب يبقى اتصدم فيكى .... ؟؟!!!!؟؟؟

[فراشة جميلة]

مرسي ياوردة الموضوع مش موضوع ثقة انا مش بحب اسجل صوتي اصلا لو كان طلب مساعدة بالمجهود او فلوس اوى اى حاجة كان اوكي لاكن اسجل صوتي دى انا مش هقدر اعملها لاني مش بحب اتكلم مايك اساسا اما انة زعل لية معرفش هو قالي انا اتصدمت فيكي كنت متخيل انك هتساعدنيني قلتلو انا مش بحب اسجل صوتي لو كان كتابة مثلا كنت وافقت علي طول لاكن صوت دى صعبة بنسباليس انا مش هقدر اقوم بيها راح سكت ومن ساعتها مكلمنيش ولا انا كلمتو ومستني ارجعلو زى متعود كل مرة

[ZEZOMERO]

ممكن انتى تقوليلو خلى اختك تسجلها المناهج علشان انا معرفهاش وعلى فكرة بلاش تخليكى انتى الى ترجعى علشان انتى مش غلطانة وانا راى كمان من راى هيما ونامر

[فراشة جميلة]

لا يانرمر هو بيقولي انا اتصدمت فيكي عشان كنت متخيل اول ماجي اقولك ساعديني في كدة هتوافقي مش هتقولي لا

[فراشة جميلة]

مانا لما قلت كدة يازيزو زعل وقالي انا اتصدمت فيكي كنت متخيل تساعدني وعلي العموم متشكر ليكي وبس من ساعتها مكلمنيش ولا انا كلمتو ومستني ارجعلو وقولو انا اسفة

[وردة حزينة]

لا ماترجعيش انتى ماغلطيتيش ماتعودهويش انة يغلط فيكى وترجعى تانى
لزم يحترم كرامتك ويقدر انك انسانة لو انتى اللى غلطتى لزم طبعا تروحى وتتاسفى وتحاولى ترجعية
لكن لو هو اللى غلطان وانتى جيتى على نفسك هايعمل اللى عايزة فيكى وبيكون واثق انك انتى اللى هاترجعى
صدقينى يافراشة عن تجربة شخصية وانا للاسف اللى كنت بعمل فى انسان كدة كنت اغلط فية ويرجعلى يتاسف فمسكت النقطة دة علية وكنت اعملة وحش واكلمة ميش كويس ويرجع هو اللى يتكلم
الحب كرامة والاتنين لزم يحافظوا على كرامة بعض
اسفة على الاطالة

[Narmar]

ماشي يا فراشة بس مهما كان دة شئ مش يزعل

[فراشة جميلة]

مرسي ياوردة بجد ليكي وهو فعلا اخد علي كدة لاني كل مرة غلطانة او مش غلطانة انا الي ارجع وهي يفضل ساكت ساكت وميكلمنيش الا لما انا الي اكلمو مرسي ليكي بجد وعلى رائيك

[فراشة جميلة]

مش عارفة يانارمر ممكن يكون اخد علي كدة انة يعمل زعلان عشان انا الي ارجع واكلمة بس بصراحة مليت لاني حسيت اني معنديش كرامة مرسي ليك بجد بس انت رائيك اكلمو انا ولا لا؟

[Narmar]

لا ماترجعيش انتى ماغلطيتيش ماتعودهويش انة يغلط فيكى وترجعى تانى

لزم يحترم كرامتك ويقدر انك انسانة لو انتى اللى غلطتى لزم طبعا تروحى وتتاسفى وتحاولى ترجعية
لكن لو هو اللى غلطان وانتى جيتى على نفسك هايعمل اللى عايزة فيكى وبيكون واثق انك انتى اللى هاترجعى
صدقينى يافراشة عن تجربة شخصية وانا للاسف اللى كنت بعمل فى انسان كدة كنت اغلط فية ويرجعلى يتاسف فمسكت النقطة دة علية وكنت اعملة وحش واكلمة ميش كويس ويرجع هو اللى يتكلم
الحب كرامة والاتنين لزم يحافظوا على كرامة بعض

اسفة على الاطالة

برافو عليكى و على كلامك يا وردة بجد كلامها صح يا فراشة فى شئ اسمة الاحترام فى الحب

[فراشة جميلة]

مرسي يانارمر ليك بجد ربنا يباركم ويفرحكم

[Narmar]

مش عارفة يانارمر ممكن يكون اخد علي كدة انة يعمل زعلان عشان انا الي ارجع واكلمة بس بصراحة مليت لاني حسيت اني معنديش كرامة مرسي ليك بجد بس انت رائيك اكلمو انا ولا لا؟

انا رأيىى لو بيحبك بجد مش هيقدر تكونى زعلانة لحظة
وخصوصا لو انتى مش غلطانة

[فراشة جميلة]

مريس يانرمر ليك ولرائيك بجد انا استفدت منك كتير ربنا يباركك

[جاسيكا]

بصى انا مش عارفة اقول اية لكن انا هحاول يمكن اقدر اوصلك حاجة
وياريت تفكرى بعقلك شوية ومش بقلبك
وبعدين انتى بتقولى انك لما بيبقى مزعلك انتى اللى بتروحى تصالحية وانا مش عارفة دا لية يمكن طيبة منك لكن مش فى كل حاجة تفكرى كدة
وهو كدة استغل طيبتك فى انو لما يحب انك تعملى حاجة او عايز منك حاجة يعمل زعلان علشان تنفذيها غصب عنك ودا غلط وبعدين انتى بتقولى انو بيقول ان البنت اللى محتاجة مساعدة دى صديقة اختة طيب ما اختة تسجل بصوتها وهى عرفاها وعارفة صديقتها دى واكيد هتفهم اكتر منك المنهج ولا المذكرات اللى عايزك تسجليها
انا مش عارفة اقولك اية بس الللى اقدر اقولهولك انك متعمليش حاجة غصب عنك وخلى عندك كرامة وعزة نفس ومش فى كل المواضيع تكونى طيبة لازم تكونى حريصة والغى قلبك وشغلى عقلك
وربنا معاكى ويوفقك وصدقينى لو ربنا كاتبليكم انكم تكملو حبكم هيكمل لكن لو بدأتى كدة صدقينى مش هينفع
ربنا معاكى ويوفقك فى حياتك ويارب تكونى مبسوطة وسعيدة
ربنا معاكى ويبارك حياتك بالافراح والسعادة مع الرب يسوع
وياريت كلامى ميكونش زعلك

[فراشة جميلة]

مرسي جاسيكا كتير بجد مش طيبة بس انا بجد لما بحب حد اوى اوى ديما يغدر بيا وبيستعمل محبتة لية بطريقة دى حتى اعز صحابي خسرتهم بنفس الطريقة وانا بجد هسمع كلامكم وهحاول اشغل نفسي باى حاجة عشان ديما لما بحس بفراغ برجعلو لكن لا بجد المرة دى انا هبقا قوية وهشغل عقلي مش قلبي وبجد انا بشكركم جدا جدا جدا وربنا يباركم وانا موافقة علي ربنا يعملو مرسي كتير

[جاسيكا]

اوكى ربنا معاكى وياريت كلامى ميكونش زعلك لكن صدقينى انا معرفش اقول حاجة غير كدة لان هو دا الكلام اللى المفروض يتقال واكيد بردة زى ما انتى بتقولى انك لما بتحبى حد قوى بتكونى مخلصة فى حبك لية ومبتحاوليش انك تزعلية علشان كدة لازم كمان الانسان اللى بيحبك يبادلك نفس الحب وننفس الخوف ويكون واثق فيكى زى ما انتى كمان واثقة فية ويحاول ميزعلكيش ويخاف على احترام كرامتك
وصدقينى انا مش عايزة اقول انو مش بيحبك
بصى انا مجربتش الحب قبل كدة
لكن مش عارفة بردة انا اللى اعرفة ان اللى بيحب انسان بيخاف على زعلة
وبيحاول يرضية لكن مش بالطريقة دى
حاولى تبعدى وصدقينى انتى مش ضعيفة
انتى قوية وهتقدرى انك تبعدى ولو بيحبك هيرجعلك
ولو مرجعش ميستاهلش حبك وبمعنى اصح ميستاهلكيش
وربنا يوفقك

[فراشة جميلة]

جاسيكا بجد انتي كلامك رائع وخلتيني احس انى قوية بجد انا متشكرة جدا جدا جدا ليكي ياقمر وليكم كلكم بجد انتم اخوات زاى العسل ربنا يباركم

[جاسيكا]

اكيد طبعاً احنا اخوات علشان كدة
متزعليش من كلامنا لو ضايقك لكن دا من خوفنا عليكى
لامك اختنا ومش ممكن تكون اختنا حتاجلنا ومنقفش جنبها
وعارفة احسن حاجة انك لجئتى للأخواتك هنا لحل مشكلتك
ومتنسيش بردة انك قوية ومش ممكن تكونى ضعيفة ابداً
لان ربنا معاكة ومش ممكن يسيبك

[فراشة جميلة]

انا عمرى مزعل منك ابدا دانتم اخواتي بجد ربنا يباركك ياعسل ويوفقك في حياتك يارب

[الناى الحزين]

شوفى يا فراشه بس الاول اقبلى كلام من اخ اكبر منك ويمكن يمكن يكون عارف شويه فى الحياه عنك
اللى اعرفه ان مش اى حاجه تحصل زى كدا المقابل فيها يكون الزعل وانه ينصدم فكى وبعدين هو ليه مصر كدا انا اعرف ان اللى عاوز يعمل خير يعمله لوحده من غير ما يقول عليه لحد حتى لو كان المنهج طويل كل ما يتعب اكتر يكون ليه اجر اكتر ولا ايه
وبعدين ايه حكايه انه يزعل وانتى اللى تصالحيه دى
معلش من غير زعل انتى كدا بترخصى نفسك فى نظره قوى ولازم تعملى لكرامتك شأن
صدقينى لو اتنازلتى عن انك تعملى لفسك كرامه هتنزله من عينه هو شخصيا
اختى الاموره الصغيره الحب بيخبى المشاكل فى القلب علشان الحب يستمر
فى مثل عندنا فى الصعيد بيقول
عدوك يتمنالك الغلط وحبيبك يبلعلك الظلط
اسف على التعبير لكن ده رائيى
اختى اوعى ترخصى نفسك واعملى لنفسك كرامه
اقبلى مرورى
اخوكى الصغير الناى الحزين

[جاسيكا]

يا سلام مش قولتلك اخواتك هيحلولك المشكلة بسرعة
انا عارفة ان لفظ هترخصى نفسك دا صعب ومكنتش عايزة اقولهولك
لكن طالما اتقال متزعليش منة لان دا التعبير الوحيد اللى يطلق على الموقف دا
وبعد كلام اخواتك دا اكيد بقيتى اقوى من الاول
ومتحاوليش اى حاجة تهزمك
وحبى الحياة وعيشيها عادى ومتخليش موقف زى دا يهزمك وكونى قوية
وصدقينى لو ببيحبك ويستاهل حبك هو اللى هيرجعلك
وشغلى عقلك

[reda200]

هاااى ممكن يااختى العزيزه لو كان الانسان ده بيحبك زى ما انتى بتقولى ما كنش على ابسط مشكله يزعل منك الانسان ده ممكن يكون انا سف
الكلمه بيتسله بيكى وتسجيل الصوت اكبر غلط
بنسبه ليكى كابنت وانا اسف ما تزعليش من كلمى
ده