وسامه الرجل شئ مهم؟

[الناى الحزين]

هل جمال الرجل مطلوب ام شئ غير مهم؟




كلنا يعلم مدى تأثير المظهر الخارجي في الإنسان..

وعلى الرغم من أهمية الأخلاق والجوهر، والأفكار والمبادئ..

إلا أن جمال الشكل يبقى عنصراً ضرورياً بصفة عامة..

وبصفة خاصة. في إطار هذه الموضوع..

نجد أن غالبية الفتيات تشترط في الرجل الوسيمصفات معنوية أخرى.. فإذا افتقر إلى هذه الصفات،فإنهن يفضلن تجنبه، والبحث عن شخص آخر..

متواضع من ناحية الشكل لكنه غني بالصفات الإنسانية..
..
وهناك.. من يضعن وسامة الشاب فوق كل شيء..

إن الشكل الجميل، وإن كان مرغوباً لا يكفيلان نبني عليه بناء ضخماً مثل مؤسسة الزواج..


والوضع المثالي هو أن يقترن الشكل الجميل بالمضمون الجميل.

عزيزاتي .. اعزائي ..

أعلم أن القاعدة هي ( الجمال هو جمال الروح لا الشكل)..

لكن لابد أن يكون لكل منا آراء وشروط تختلفعن الاخرين و الأخريات??

فما هو رايك بصراحة في هذا الموضوع؟؟ ..


وهل جمال او وسامة الرجل شئ لابد منه اوفى غنه عنه في وجهت نظرك؟؟وشكراااااا في انتظار ارائكموياريت الشباب يشاركونا برأيهم

[love is the key]

هو بص مش هنسميها وسامه انما المظهر الجميل كويس
لان انت اول ما تراه في الانسان مظهره
ومن المظهر تتحرك كل احسيسك الداخلية
فان رايت انسانا مهندم المظهر تبداء بعبارت الاحترام
اما اذا كان عكس ذلك فا تبداء وانت متحير فيما سوف تتكلم معه

ربنا معاك

[الناى الحزين]

كلامك فعلا جميل ياlove is the key (http://www.orsozox.com/forums/members/296.html)

شكرا على مرورك يا اجمل صديق

[M!SS N@NO]

بص هو الوسامة مطلوبة بس مش تبقى هى اساسنا فى الاختيار
فى أعتبارات تانية أهم
زى الاخلاق والطباع
ومهم أوى الطباع دة
انا عن نفسى فى حياتى قابلت وبقابل كل يوم شباب كتير أذا كان فى الكنيسة أو فى الجامعة أو فى الحياه عموما
بس صدقنى بيورد عليا أوسم شباب ممكن تشوفهم فى حياتك بس سبحان الله متطيئش تقعد معاهم خمس دقايق على بعض
والعكس بقابل ناس على قدر محدود من الوسامه بس بترتاح معاهم فى الكلام وباعجب بتفكيرهم وأخلاقهم وطباعهم
وبالنسبة لمسأله الجواز والارتباط انا عن نفسى الشخص اللى هرتاحله ويشدنى طبعه الحلو طبعا وأخلاقه الممتازه حتى لو كان على قدر محدود من الوسامه هقبل بيه
وميرسى ع الموضوع الجميل يا ناى

[MICKEY]

حلاوة الروح احلي من حلاوة الشكل

الشكل بيتغير لكن الروح مش بتتغير
وشكرا ناي لموضوعك

[الناى الحزين]

كلامك فعلا كله صح وجميل وده المتوقع من نونا الجميله
شكرا على المرور الطيب يا صاحبه القلب الطيب

[dolagy_jesus]

هو ممكن تلاقى شخص وسيم جدا لكن شخصيتة مش حلوة
وبالتالى مش تحب تتعامل معاة
لكن العكس لو لقيت شخص مش وسيم بس شخصية مرحة
ولذيذة وفيها صفات جميلة تلقائى هتحب تتعامل معاة
وبعدين الشخصية الجميلة بتعطيك انطباع
ان الشخص كلة جميل يعنى فى عينيك هيبقى جميل
وشكرا لموضوعك الجميل تقبل مرورى

[نبيل نصيف جرجس]

الجسد هوة خلقة الله بينما الله كل ما يصنعة فهو جميل جدا .................مظنش ان فية انسان مش وسيم كل الناس جميلة بروحها وقلبها الطيب وكمان الشكل لاننا كلنا على صورة يسوع ومثالة شكرا يا اخويا الحبيب على الموضوع الجميل دا

[عماد حسنى]

الوسامه يا نااى
انا بعتقدها او بشبها بشىء مادى
والشىء المادى قيمته وقتيه طبعاً
لكن الروح الطباع الاخلاق هو ده الشىء الجوهرى
الروحى الثابت اللى مش بيتغيير
وأكيد ده اهم بكتير جدا جدا من الشكل
وبعدين فى كتير جدا جدا حلوين زى ماقالت حنان كده بالظبط
ومتستحملش تقعد معاهم
وميكى اكد الروح اهم من الشكل
-----
شكرا يا جميل على موضوعك فعلا موضوع هام
والاراء فيه كتير
ربنا معاك

[tony_algamid]

الوسامة تكتمل إذا قال الشخص
كلمة (إلــغــاء)

حتى ولو كان هذا الشخص
أحول العينين





































الــمــهــم
إلــــــــغـــــــــاء

[love is the key]

ماشي يا احول

الغاء يا احول

[جاسيكا]

المظهر الخارجى اكيد بيبقى الكل حريص انو يكون كويس سؤاء راجل او امرأء
لكن مش ممكن ننظر لكل الناس من ناحية المظهر لان المظهر دا مش هيدوم ووومكن يدوم لكن ممكن كون صاحب المظهر الجميل اللى يشد انتباة اى حد دا شخصية مش كويسة
او ممكن يكون فية صفات وحشة ومظهرة هو اللى محلية
او مظهرة هو اللى بيجذب الناس فية بالرغم من انة شخص فية صفات مش حلوة

من الاخر المظهر مش كل حاجة
وياما فى ناس كتير مظهرها كويس جداً جداً لكن للاسف بيكونو مش زى المظهر اللى بيبانو بية قدام الناس

ميرسى كتير لحضرتك بجد على الموضوع الجميل دا والمناقشة الجميلة دى

[جاسيكا]

المظهر الخارجى اكيد بيبقى الكل حريص انو يكون كويس سؤاء راجل او امرأء
لكن مش ممكن ننظر لكل الناس من ناحية المظهر لان المظهر دا مش هيدوم ووومكن يدوم لكن ممكن كون صاحب المظهر الجميل اللى يشد انتباة اى حد دا شخصية مش كويسة
او ممكن يكون فية صفات وحشة ومظهرة هو اللى محلية
او مظهرة هو اللى بيجذب الناس فية بالرغم من انة شخص فية صفات مش حلوة

من الاخر المظهر مش كل حاجة
وياما فى ناس كتير مظهرها كويس جداً جداً لكن للاسف بيكونو مش زى المظهر اللى بيبانو بية قدام الناس

ميرسى كتير لحضرتك بجد على الموضوع الجميل دا والمناقشة الجميلة دى

[الناى الحزين]

شكرا لمروركم الطيب والجميل بجد انتوا اعضاء فى غايه البراعه شكرا يا
ميكى الملك
دولاجى
نبيل حبيبى
استاذ عماد
تونى الجامد
اشكرك يا وسيم يا جامد
هههههههههههه

[الناى الحزين]

جاسيكا شكرا لمرورك ومشاركتك الجميله والطيبه
وفعلا كلامك صح

[lawyer]

شكرا يا اسامة على الموضوع الجميل دة و انا مع الاعضاء
في انة مش مهم الشكل بقدر اهمية الصفات و الاخلاق و الطباع الحسنة


ربنا يبارك حياتك و يعوض تعب محبتك

[الناى الحزين]

ايه يا عم lawyer (http://www.orsozox.com/forums/members/25557.html) ده الناى صاحب الموضوع مش اسامه
هههههههههههه
على العموم شكرا على مرورك وكلامك