ليه

[man new]

ليه
ليه يابنى بتنظر للخطيه
ليه تملى بتجرى وراها
ليه دايما شارد بفكرك
ليه بترفض طريقي
ليه مش قادر تحتمل الضيقة
أنا طريقي صعب وضيق
لكن في أخره نور جميل
لانك في أخره تلاقيني
ليه اخترت طريق الراحة
ليه مشيت في الطريق الواسع
غرك بجماله وانواره
غرك بوسعه واظهاره
لكن لو تأملت نهايته
تلاقى عين الغدر وقفه
والشيطان بيغدر بك
عايز ينسيك فديك
ولو لحظه نظرت خلفك
تلاقى آثار دمائك
سايله على الشوك
اللي كنت فكره حرير
كان تملى يألمك طول الطريق
وشهوة قلبك حسستك انه جميل
وفضلت ماشى وعشت خايف
ويأست لما تاه الطريق من بين ايديك
وطلبت نجده لقيت صوت بيصرخ فيك
أنت عبدي وأنا مسيطر عليك
وفضلت تصرخ بدموع عينيك
ليه يابنى ده أنت رغم ضيق طريقى
كنت في عيني أمير جميل
ليه اخترت تكون ذليل
ورغم غدرك واختيارك غيري
أنت ابني وهاعطيك خيرى
بس كلمه واحده قولها
انك هاتثبت فيا وأنا فيك
وأنا هنصرك على من يعاديك

[Team Work®]

كلمات حلوة قوى بجد اشكرك جدا عليها

[وردة حزينة]

ليه مش قادر تحتمل الضيقة
اللة جميلة اوى اوى الكلمات الجميلة دة
ميرسى اوى

[عماد حسنى]

جميل جدا جدا يا
man
موضوع وكلمات حلوه اوى اوى اوى
ربنا يخليك ودايما نشوف موضوعاتك الرائعه دى

[انسطاسيا]

ميرسي كتير علي الكلمات الحزينه دي لكن ما اجملها
جميله قوي ربنا يباركك عليها ومنتظرين المزيد
اذكرني في صلواتك

[kamel]

شكرا على الكلمات الروحية الجميلة
الرب يبارك حياتك
ويفرح قلبك

[مدحت حيران]

ورغم غدرك واختيارك غيري
أنت ابني وهاعطيك خيرى موضوع جميل جد اشكرك عليه ربنا يعوض تعب محبتك

[ssweetgirlhana]

كلماتك جميله جدا ربنا يحافظ عليك