ام مينا [الأرشيف] - †† ارثوذكس ††

مشاهدة النسخة كاملة : ام مينا

MICKEY

05-25-2008, 03:28 PM

بقلم : مايكل سامي

http://store2.up-00.com/Mar11/DqB13606.jpg

انا كنت بعيد عن الحب وبقول مش عاوز اشوف اراضيه

قليل اللي كملوا قصتهم وللأسف محدش شكر فيه

هحكيلكم حاجه حصلت ومش مجرد كلام

حبيت وانا في الجامعه حب صادق ولا في الاحلام

لقيت نفسي بحبها جامد جدا وهي حبتني كمان

ابويا قالي ياواد انت لسه بتاخد مني المصروف

متبقاش عامل زي العبيط وتقف قدام اهلها وقفت كسوف

وهما بيقلولك بتشتغل ايه وانت محصلتش حتي خروف

قالي قدامك كليه وجيش وشغل عشان تبقي انسان

وساعتها تتقدم لأهلها ويبقي ليك كيان

ساعتها يوافقوا عليك وانت داخلهم بقلب مليان

قولتوا بحبها يابا حب كبير كبير

دي هي ملكت قلبي وملكت كل التفكير

قالي لو ليك اخت ترضالها بالعزاب

تخرج مع شاب منعرفوش من غير مايدق باب

يعشمها بحب وجواز وفي الاخر يرميها زي الكلاب

تقعد تندب بختها وتشيل الهم والنيله والهباب

الجلالة خدتني وقولتله لا يابا الكلام ده طبعا ميرضنيش

وقمت من قدام ابويا والدنيا سوده كأنها مدهونه ورنيش

قابلتها تاني يوم وصارحتها بكل اللي جوايا

قعدنا نبكي شوية وبدأت تفكر ويايا

قالتلي السكك مقفوله كلها لكن انت دوايا

واتفقنا نأجل قصتنا لحد مالعمليه تتحسن معايا

ودعنا بعض لحد ماتتحسن الظروف

قعدنا نبكي ومن كتر البكي ماعرفناش نشوف

اي امل تاني قدامنا وقلوبنا اتملت بالخوف

خلصت جامعه وجيش وجريت اكلمها من تاني

جوايا فرحه فظيعه هزتلي كل كياني

مش عارف اوصفلكم ساعتها فرحتي ولا شوقي ووجداني

لكن الغريبة سمعت صوت غريب بوداني

طفل صغير بيقولي انت مين ياعمو رد عليا

قلتله انت مين ياللي صوتك مش غريب عليا

ولمس قلبي بمجرد مارديت عليا

قالي انا مينا ابن ماما فلانه انت بقي مين ؟؟؟

ارتعش جسمي ارتعاشة واحد هيموت

وانفجرت دموعي ولساني اصابه السكوت

قولتله انا اللي كنت ممكن اكون اغلي واحد في حياتك

لكن الظروف بعدتنا وفرقتنا بس برضه هحس بأهاتك

قالي تاخد ماما تكملها هي موجوده هنا معايا

قولتوا ماهي زمان كانت موجوده ويايا

وقفلت السكه بسرعه والدمعه بتحفر جوايا

مجري رهيب سار فيه جرحي وشقايا

الي كل من عرف مأساتي يصليلي كتير

وصلوا اني اشوف مينا دكتور كبير

وامه تتهني ومتحسش يوم بألمي المرير

سلام يا أم مينا .. ياذكري ايامي الجميلة

+++++++++++++

القطة كيتي

05-25-2008, 03:36 PM

يالهوي ياميكي اية دة يابني انت طيب بجد دمعت بجد صعبة اوى علي ما الي يخدها في الاول ضحك بس بجد صعبة اوى اوى اوى ربنا معاك ويباركك ويفرحك

بس دى جامدة اوى اوى اوى اوى

قالي لو ليك اخت ترضالها بالعزاب

تخرج مع شاب منعرفوش من غير مايدق باب

يعشمها بحب وجواز وفي الاخر يرميها زي الكلاب

تقعد تندب بختها وتشيل الهم والنيله والهباب

elphilasouf

05-25-2008, 03:57 PM

وااااااااااو روعــــــــــــــــــــــ ــــــــــــــــــه يا ميكى
و حته نقد ادبى بقى من استاذ العربى

" الكلمات نابعه من عاطفه صادقه مشتعله
نري استخام الصور المناسبه و القوه فى تصوير المشاهد والذي استطاع ان يجسد الصوره
ويمتع قراء الموضوع"

tony_algamid

05-25-2008, 05:10 PM

لنا بعض التساؤلات التى نريد الإجابة عليها

أولاً :-

هل كان الشاعر فى غيبوبة طوال
الفترة التى تزوجت فيها أم مينا
وأنجبت ولدها مينا ؟؟؟

ثانياً :-

هل وقع الشاعر فى الفحشاء مع
(أم مينا) فكانت الثمرة
هيا (مينا) ؟؟؟

ثالثاً :-

لا هذا ولا ذاك لكن أم مينا
أنجبت (مينا) بالبركة أى حدثت
معها معجزة ؟؟؟

رابعاً :-

فإذا كان السؤال الثالث صحيح
ما الذى يمنعك مستر ساد أن
تعود إلى أم مينا ؟؟؟

فى النهاية منتظرين رد أم مينا
حتى تكشف لنا حقيقة الأمر

عزيزى ساد

يتربى فى عزووووو

إلـــــــــغـــــــــاء

مرموره

05-25-2008, 05:20 PM

قصة روووووووووووووووووووووووو وووووووووووعه بجد
للدرجادى ممكن ناس تتضحى عشان خاطر ناس بيحبوهم
معنى كلامه انه قطع الاتال بيها نهائيا لدمة سنين طويلة
و هى اتجوزت شخص اخر
بس هل مكنش عرف من اصحابها انها اتخطبت
هل للدرجة دية الشهامة و حبة و فكره انه ممكن يخذلها خلاه يقطعها سنين !
بس بجد هى قصه روووووووووووووووووووعه و ياريت الولاد كلهم يتعلموا من الكلام ده :

قالي لو ليك اخت ترضالها بالعزاب
تخرج مع شاب منعرفوش من غير مايدق باب
يعشمها بحب وجواز وفي الاخر يرميها زي الكلاب
تقعد تندب بختها وتشيل الهم والنيله والهباب

@M@R!N

05-25-2008, 09:53 PM

الله يا ميكي
قصه حلووه وكلامك جميل اووي
اممم مش عارفه اقولك ايه بصراحه
صلواات القديسين تكون معااك في حياتك
وربنا يفرحك بمينا ويكون دكتور زي مابتتمنى
ربنا يخليك لينا يا ميكي:):)

كيرو رافت

05-25-2008, 10:03 PM

ميكى الرائع لقد تخطيت كل الحدود
انا بجد موش عارف ايه ممكن اقوله انت خليتنى كرهت ام مينا المستعبطه اللى خلتك تشقى وتتعب وفى الاخر جابتلك هديه مكافاه ليك ميناااااااااااااااااااااا
انا موش عارف اقول ايه اسلوبك القصصى رائع وجميل بجد بيماثل اقوى الادباء والشعراء فى اسلوبهم انت عيشتنى مع صلاح جاهين بقلبه الكبير ومريت عليا باالراوى الكبير شاعر الربابه والعود الابنودى العظيم
موش عارف اذا كانت دى قصتك ولا قصتى اكيد المتك زى ما المتنى
لكن انا بجد مبسوط ان فيه لسه راجل مظبوط ضحى بوقته وسعادته علشان يرجع لحبه بس للاسف رجع مصدوم
انا كرهت مينااااااااااااااااا وام ميناااااااااااااااااااااا ااااااا والتليفون اللى عند مينا هو ايه اللى خلاه يرد بس ويدايقك

عماد حسنى

05-25-2008, 10:06 PM

ميكى

انا مش عارف اقولك ايه بجد
اقولك ربنا معاك ويعوضك
اقولك انك كتبت اجمل وارقى المعانى الانسانيه فى مأساه شاب
اقولك بجد بجد انت راجل وشاعر ومخلص
وكل ده له تمن كبير اوى اوى
ربنا معاك
وبجد فوق فوق فوق الرائعه

وردة حزينة

05-25-2008, 10:20 PM

ميكى بجد انت ضحكتنى وعيطنى فى نفس الوقت
بس عاجبنى اوى اوى انك دعيت لمينا من قلبك زى ماكنت هاتتدعيلة وهو ابنك
مشاعر صعبة اوى لكن الاجمل انك ارتقيت بالمشاعر الصعبة دة
ميكى جوايا كلام كتير نفسى اقولهولك لكن بجد لسانى عاجز من روعة ماقريت
ربنا معاك يافنان

جيوفاني

05-25-2008, 10:35 PM

الله عليك يا باشا كلام زي السكر وقافية موزونة علي ميزان حساس الله عليك

kamel

05-26-2008, 12:38 AM

الي كل من عرف مأساتي يصليلي كتير
ربنا يفرحك
يا أبو قلب كبير
ولا تيأس فأمامك العمر طويل
الرب يباركك

MICKEY

05-26-2008, 01:11 AM

يالهوي ياميكي اية دة يابني انت
طيب بجد دمعت
بجد صعبة اوى علي ما الي يخدها في الاول ضحك بس بجد صعبة اوى اوى اوى ربنا معاك ويباركك ويفرح
بس دى جامدة اوى اوى اوى اوى

ربنا يخليكي ياكيتي
انا كل لما اقراها بدمع
صدقيني
شكرا لمرورك

MICKEY

05-26-2008, 01:13 AM

وااااااااااو روعــــــــــــــــــــــ ــــــــــــــــــه يا ميكى
و حته نقد ادبى بقى من استاذ العربى

ميرسي يافيلسوف كتير
ردك ومرورك ابهجني كتير بجد

M@@@NOOOO

05-26-2008, 01:15 AM

بجد بجد بجد ياميكى
كلامك رووووووووعه
وقصه تحفه
وكلامك موزوون اوى
ميرسى ليك كتير
وربنا يبارك حياتك ويبعد عنك اى حزن او الم

MICKEY

05-26-2008, 01:16 AM

هل كان الشاعر فى غيبوبة طوال
الفترة التى تزوجت فيها أم مينا
وأنجبت ولدها مينا ؟؟؟
هل وقع الشاعر فى الفحشاء مع
(أم مينا) فكانت الثمرة
هيا (مينا) ؟؟

لا هذا ولا ذاك لكن أم مينا
أنجبت (مينا) بالبركة أى حدثت
معها معجزة ؟؟؟

فإذا كان السؤال الثالث صحيح
ما الذى يمنعك مستر ساد أن
تعود إلى أم مينا ؟؟؟

الغاء ياتوني الغاءلحد كده والغاء

MICKEY

05-26-2008, 01:24 AM

للدرجادى ممكن ناس تتضحى عشان خاطر ناس بيحبوهم
و هى اتجوزت شخص اخر
بس هل مكنش عرف من اصحابها انها اتخطبت

في كتير بيضحي ومش كل الناس وحشين
واكيد اتجوزة .. والدليل مينا
بطلها كان بيخلص كل عوائقه

ميرسي يامرمورة علي كلامك الجميل ومرورك الاجمل
ربنا معاكي

MICKEY

05-26-2008, 01:30 AM

الله يا ميكي

قصه حلووه وكلامك جميل اووي
اممم مش عارفه اقولك ايه بصراحه
ربنا يخليك لينا يا ميكي:):)

ميرسي يامارينا لتواجدك الدائم في مواضيعي
وشكرا لكلامك
وربنا معاكي وشكرا لمرورك

MICKEY

05-26-2008, 01:35 AM

ميكى الرائع لقد تخطيت كل الحدود
انا بجد موش عارف ايه ممكن اقوله انت خليتنى كرهت ام مينا المستعبطه اللى خلتك تشقى وتتعب وفى الاخر جابتلك هديه مكافاه ليك ميناااااااااااااااااااااا
انا كرهت مينااااااااااااااااا وام ميناااااااااااااااااااااا ااااااا والتليفون اللى عند مينا هو ايه اللى خلاه يرد بس ويدايقك

كيرو بجد انا بشكرك كتير جدا
لردك الجميل
وبجد انا متأكد انك اتأثرت بالكلام
وصلي لبطل القصة

MICKEY

05-26-2008, 01:46 AM

انا مش عارف اقولك ايه بجد
اقولك انك كتبت اجمل وارقى المعانى الانسانيه فى مأساه شاب
اقولك بجد بجد انت راجل وشاعر ومخلص

وبجد فوق فوق فوق الرائعه

اشكرك من اعماق قلبي يارفيقي
انت عارف اد ايه اني مش ليا في الشعر
وانت اللي بتشجعني علي اني اصدعكم
من ساعت مكالمتك ليا اني اكتب الشعر
بتاع اسامحها ولا لا
انت الجاني علي روحك بقيصلي للبطل ياعمده

الناى الحزين

05-26-2008, 01:48 AM

ياااااااااااااااااااااااا
يا ميكى بجد موضوع جميل جدا واثر فيا
معلش تعيش وتاخد غيرها
هو الحب كدا يابنى معلش
انما قولى هو مينا كان شبهك كدا فى التليفون؟

MICKEY

05-26-2008, 01:49 AM

ميكى بجد انت ضحكتنى وعيطنى فى نفس الوقت

مشاعر صعبة اوى
ميكى جوايا كلام كتير نفسى اقولهولك لكن بجد لسانى عاجز من روعة ماقريت

كفاية عليا مرمرك اللي اداني دفعه للأمام
اسف علي بكائك
اعزوريني
لكن انا بكتب باللي بحسه
اضحكم في المنتدي كله
بس ابكيكم في الادبيميرسي لمرورك يافوقه

MICKEY

05-26-2008, 01:50 AM

الله عليك يا باشا كلام زي السكر وقافية موزونة علي ميزان حساس الله عليك

ياه ياجيوفاني
انت عارف انا اد ايه بحبك
ميرسي لتواجدك وكلامك الجميل ليا
ربنا يباركك

MICKEY

05-26-2008, 01:53 AM

ربنا يفرحك
يا أبو قلب كبير
ولا تيأس فأمامك العمر طويل

الرب يباركك

ربنا يخليك ياابويا وياخويا ويااجمل ماليا
انت اللي قلبك كبير
وبنتعلم منك
من مدرسة الحنان
وشكرا ياعم كامل لمرورك
وربنا يحافظ عليك

MICKEY

05-26-2008, 01:56 AM

ياااااااااااااااااااااااا

يا ميكى بجد موضوع جميل جدا واثر فيا
معلش تعيش وتاخد غيرها
هو الحب كدا يابنى معلش

انما قولى هو مينا كان شبهك كدا فى التليفون؟

شكرا ياناي ياجميل
انا محتاجلك تعزفلي شوية
البطل مش شاف مينا لسه
ومش عاوز يشوفه
اصل البطل ده ندل اوي اوي

هههههههههههههه

MICKEY

05-26-2008, 01:57 AM

بجد بجد بجد ياميكى

كلامك رووووووووعه
وقصه تحفه
وكلامك موزوون اوى

شكرا يامانو كتير
دايما بلقيك في مواضيعي
بترفع معنواتي بجد
ربنا يباركك
وشكرا لمرورك الذي اسعدني

sawsaw

05-26-2008, 03:29 AM

ياااااااااااااااااااااااا ااااااااااه
كتر خيرك
يا ميكى كل حاجه بتحصل للخير
وكل حاجه تحت السما وقت
وده صليبك وتشيلوا
وربنا عمروا ما يرضالك بحاجه وحشه
الحاجه دى وحشه بالنسبالك دلوقتى بعدين هتبقى حلوه
لما تقابل الانسانه لى انت ربنا رايدهالك
وتعوضك
وترجع تقول لو انا اتجوزت ام مينا مكنتش هشوف
الانسانه الجمبله دى
والى خلق ام مينا خلق زيها واحسن منها
بجد انا بكيت لما قريتها
وربنا معاك ويفرح قلبك ويباركك

MICKEY

05-26-2008, 11:03 AM

شكرا ليكي كتر ياسوسنه لمشاركة الشاعر الامه واحزانه

وشكرا اكتر علي مشاعرك الطيبة

ربنا يباركك ويحافظ عليكي

olivya

05-26-2008, 11:57 AM

هناك آلام تحرمنا من أشياء عزيزة علينا , لكننا بفضل هذه الآلآم نتمتع بأمور أعظم !!!ا

هناك آلام يغلق بها الرب أمامنا أبوباً معينة , حتي نتجه إلي باب آخر , هو يعرف أنه أصلح لنا ..وأنه سيكون فيه شبعنا

ففي كثير من الأحيان تكون الآلآم هي الوسيلة الوحيدة التي تكشف عن معان عميقة في الحياة

ربنا معاك يا ميكى ويقويك ويرتبلك اللى فيه الصالح ليك

MICKEY

05-26-2008, 12:42 PM

ربنا معاك يا ميكى ويقويك ويرتبلك اللى فيه الصالح ليك

شكرا اوفا كتير علي كلامك المعزي الجميل
ربنا يباركك
وميرسي لمرورك
ربنا يحافظ عليكي

nermos1982

05-26-2008, 02:25 PM

مش عارفة اقولك ايه بجد ميكى .احساس صعب اوى لما تلاقى حب عمرك اللى اديته قلبك بقى مع حد تانى .قلبه بقى ملك ليه.مبقاش حتى من حقك انك تسمع صوته او تعرف اخباره
ربنا معاك ميكى ويقرح قلبك

MICKEY

05-26-2008, 05:33 PM

مبقاش حتى من حقك انك تسمع صوته او تعرف اخباره

فعلا اللي كنتي علي طول معاه
الوقتي مش قادرة تكلميه ولا تشوفيه
ربنا كبير
وميرسي لمرورك يانيرموس

MeRooBe@r

05-27-2008, 09:12 PM

ميكي دموعي نلت من عيوني من جمال كلامك وترتيبه الفظيع وإحساسك الجارح والمؤلم
ربنا يصبرك على كل حاجة وحشة قابلتك وافتكرتها وأتمنالك كل خير يا عسل ويا رب دايما دايما تلاقي كل حاجة نفسك فيها عشان انت تستحق
شعرك روووووعة بجد يا ميكي واستمر

MICKEY

05-27-2008, 09:20 PM

مارو ياعثل
انا خلاص اتعودت اشوف ردك في كل اشعاري
كلامك هو اللي بيشجعني استمر
وبعد كده بتقولوا بتعيطوا
يبقي محدش يلومني
نياهاهاهاهاهاها

ميرسي يامارو بجد علي كلامك
وصلي من اجل الكاتب

soly_777

05-28-2008, 03:21 PM

الموضوع مش محتاج رد لانة فعلا قصة شعرية مؤثرة واكتر من رائعة ولو دى تجربه شخصية اسمحلى اشكر ام مينا اللى خليتك تطلع المشاعر الحلوة فى الشعر الرائع دة وربنا يبارك فى مينا ونفسى تعذرها لان باين من شعرك انك قطعت علاقتك بيها نهائيا يعنى مكنتش بتطمن عليها مثلا من وقت للتانى وعلى مخلصت كليتك وجيشك ممكن تقلى اخدت كام سنة ؟ كنت متوقع منها ايه ؟ الوعود مش دايما بتبقى كافية لان البعد بيخلى القلب يقسى مهما كنت الوعود .......... وتأكد ان هى كمان اتألمت كتير فى الفترة اللى بعتوا فيها واكيد مر عليها وقت كانت محتجاك فية بس للاسف الموضوع كان محسوم وكان لازم تأخد القرار نتيجة ضعف بقى او ضغط تحت اى ظرف كانت لازم تقرر تستنى حبيب اصبح فى القلب فقط ولا تحاول تعيش واهى عيشة والسلام ربنا يوفقك فى حياتك ويوفق ام مينا ويوفق مينا .................... تقبل مرورى

per

05-29-2008, 01:52 AM

دى مشكلة كبيرة جدا
بس ليه مشكتش ان ام مينا اتبنت مينا من الملجا يمكن كده تكون مشكلة مينا اتحلت بالنسبة ليك ؟؟؟؟ومش تضايق منه

MICKEY

06-01-2008, 01:44 PM

MICKEY

06-01-2008, 01:45 PM

دى مشكلة كبيرة جدا
بس ليه مشكتش ان ام مينا اتبنت مينا من الملجا يمكن كده تكون مشكلة مينا اتحلت بالنسبة ليك ؟؟؟؟ومش تضايق منه

تصدق يابير فكرة برضه
ليه لا
هههههههههههههههههه
هبقي اسألها ابنها ولا اتبنته
ههههههههه
شكرا ياباشا لردك الجميل

M!SS N@NO

06-09-2008, 02:34 PM

حقيقى يا ميكى مش عارفه أقولك ايه
بس كل اللى عايزه أعمله قبل أى حاجة
هى أنى أطلب منك أنك تسامحنى ومتكنش زعلان منى
بسبب أنى ضحكت وسخرت منك وأنت بتحكيلى القصة نفسها
بس بجد شعرك ده أبكانى وفوقنى لأنه كله أحاسيس ومشاعر صادقة
كلامك صعب أوى يا ميكى خلى دموعى نزلت
بجد بجد أنت انسان جميل يا ميكى وقلبك كبير
وأكيد أكيد بكره ربنا هيبعتلك البنوتة اللى تسكن فيه
وتكون جميلة كدة زيك وتجيبولنا حاجات حلوة كده أحلى من مينا بس تسموهم كلهم حنااااااااااااان
ربنا معاك يا أجمل أنسان وأطيب قلب

MICKEY

06-09-2008, 04:28 PM

مش تقولي كده ياحنوووووووون
انا واخد علي طولت لسانك
نياهاهاهاها

حصل خير ياجميل
وبخصوص الدموع الليس نزلت من عيونك
اعتقد انها دموع التماسيح
ههههههههههههههه

بهزر ياقمر
ميرسي كتير علي كلامك وعلي احساسك الجميل
ومش تغيبي علينا تاني
ربنا يباركك

Malak sokar

06-12-2008, 12:40 PM

ميكي بجد شعرك جميل واسلوبك الساخر بيعبر عن معاناه حقيقية

لكن انا مع سولو انت طول الفترة دي بعدت عنها وماكنش بينكو كلام
والوعود بجد مش كفاية لان البنت عاوزة اكتر من وعد عاوزة فعل صدقني
هي دي ظروف البنات
وانا مش بلومك انك بعدت انا باحييك عي رجولتك وعقلك لانك عرفت ان الوضع مش
صح واكيد ربنا هيعوضك باحسن منها وماتصدقش الي يقلك ان احب الاول هو اصدق حب
ربنا رسملك شي تاني مناسب لك اكتر لو قربتو كنتو هتتعبوا وكمان تغلطو ا
ربنا معك يااجمل احساس

MICKEY

06-26-2008, 12:43 PM

ميرسي كتير ياملاك علي رأئيك الجميل
ربنا يخليكي
وانا فعلا مقتنع بكلامك
ومش بلوم عليها
لا
انا بلوم علي القدر وحكم السنين
لكن لتكن ارادة الله
ميرسي ياجمنيل
ونورتي الموضوع

ظريف

06-26-2008, 12:59 PM

وهما بيقلولك بتشتغل ايه وانت محصلتش حتي خروف

ماء ماء قصدى ههههههههههههههههه
واضح يا ميكى إنها قصه حقيقيه وبتحدث
كثرا جدا جدا لأن البنت بتخاف لأحسن تكبر
فى العمر وبترحب بالشاب الجاهز والمستعد
بعكس الشاب ممكن يقضى باقى حياته بتول
فدائا لحبه المفقود . وزى ماشفنا الطفل مينا
أنهى القصه من زاويتين الأولى سعاده لأمه والثانيه صدمه وحرمان للحبيب الأولى
وأكيد أما يتجوز الحبيب الأول ويخلف طفل
حينال السعاده من جديد وينسا أم مينا

miso

06-26-2008, 01:55 PM

MICKEY

06-26-2008, 02:11 PM

ماء ماء قصدى ههههههههههههههههه
واضح يا ميكى إنها قصه حقيقيه وبتحدث
كثرا جدا جدا لأن البنت بتخاف لأحسن تكبر
فى العمر وبترحب بالشاب الجاهز والمستعد

شكرا كتير ليك ياعم ظريف
علي ردك الجميل
وفعلا انا معاك في الرأي
ربنا يسعدها في حياتها الجديدة

MICKEY

06-26-2008, 02:12 PM

ياااااااااااااااه اخيرا هرد انا عايزة اقولك انى قريت الموضوع ده على 10 مرات كل لما افتح الصفحة تقفل وافتح اقرا جزء وتقفل لغاية لما كملت اخيرا
بس بجد بجد تحفــــــــــــــــــــــ ـــــــــــــــــــــــــ ـــــــــــة

انا متشكر جدا جدا ليك ياميسو علي اصرارك انك تقري الشعر
ربنا يباركك
واتمني انه يكون عجبك بعد كل الصراع اللي كان بينك وبين الصفحة انها تفتح
هههههههههه

قلب المحيط

06-26-2008, 02:17 PM

http://img508.imageshack.us/img508/8802/10aaxb2.gif

MICKEY

06-26-2008, 02:20 PM

اهلا ياقلب المحيط بيكي وسط اخواتك
وميرسي علي الصورة الللي فيها رد جميل منك
ربنا يباركك

مدحت حيران

06-27-2008, 12:08 PM

قالي تاخد ماما تكملها هي موجوده هنا معايا

قولتوا ماهي زمان كانت موجوده ويايا
الله علي موضوع جميل جدا
انت رئع جدا وجميل جدا
ربنا يعوض تعب محبتك

kamer14

07-11-2008, 12:43 PM

اووووووووه روعه ياميكى بجد

MICKEY

07-11-2008, 01:09 PM

ميرسي يامدحت علي ردك الجميل
وانا مبسوط اني اتعرفت عليك عن قرب وشوفتك مرتين معانا في الخروجات
ربنا يديم المحبة

MICKEY

07-11-2008, 01:16 PM

اووووووووه روعه ياميكى بجد

اووووووووووووووو
ميرسي يافيكي

ssweetgirlhana

07-20-2008, 10:07 PM

جميل جدا جدا جدا يا ميكى رائعه ربنا يبارك حياتك

دموع الورد

07-21-2008, 01:20 PM

الله رائع بجد يا ميكى

كلام واحساس وطريقة سرد الموضوع
تحفه بجد

ربنا معاك

ميلاد صدقى

07-22-2008, 04:35 AM

جميل جدا جدا يا ميكى
موضوع حلو اوى
المسيح معاك

MICKEY

07-22-2008, 03:01 PM

شكرا ليكي كتير ياسويتي جيرل
انتي ودموع الوردو وميلاد صدقي
علي ردكم الجميل
واشكر ربنا ان الشعر عجبكم

MICKEY

09-10-2008, 01:14 AM

ام مينا حامل

انتظروني قريبا
في ام ماريو
نياهااهاهاهاهاهاها

انسطاسيا

11-16-2008, 05:37 PM

ياااااااااااااااااااااااه يا ميكي احساس رهيب
ربنا يحافظ عليك ربنا موجود يا ميكي
وكل شىء تحت السماء وليه وقت
اكيد ربنا مدبرلك حاجه احسن حكمه ربنا كبيررررره قوي تفوق اي عقل بشري
عند كثره همومي في داخلي تعزياتك تلذذ نفسي

قهوة ساده

11-18-2008, 08:23 PM

مش ممكن
انت اكيد بتهزر
القصة دي حقيقية فعلا ؟؟؟

brokenheart

11-29-2008, 11:23 PM

روووووووووووووووووووووووو ووووووووووووووووووووووووو ووووعه بس صعبه اوووووووووووووووووووووووو وى

MICKEY

12-20-2008, 10:58 AM

ميرسي انسطاسيا انتي وقهوة وبروكين هيرت بجد حقيقي ميرسي
ردودكم جميله واعطت اشراق للموضوع

MICKEY

02-21-2009, 11:58 AM

مش ممكن
انت اكيد بتهزر
القصة دي حقيقية فعلا ؟؟؟

اه حقيقيه امال هزار
اهئ اهئ
متفكرنيش بقي

يسوع ربى

02-25-2009, 04:03 PM

حلوه اوى القصه وربنا معاك ويبعتلك ام مينا تانيه غير ديه

MICKEY

05-02-2009, 03:20 PM

اشكرك كتير بجد
ومرورك اسعدني جدا جدا