موقف الطوائف الاخري

[dr_poula]

دار في ذهني سؤال محير و هو ما موقف الرب من الطوائف الاخري من الكاثوليك و البروتستانت هل مش هيكون لهم نصيب في الملكوت ام ماذا؟
و ماذا عن الاشخاص الذين يفعلوان الاعمال الحسنه من غير المسيحين

نفسي اسمع رأيكم في الموضوع.....................

[elphilasouf]

انا مقدرش اقول رايي الشخصى بس انا
حولت اجمع معلومات عن الموضوع ده بس
للاسف مأدرتش اوصل لحاجه معينه
بس الى اقدر اقوله انه مش صراع او حرب بين
كنايس المسيح وطوائفها وعشان كده ممكن
نغير السؤال بسؤال تانى

ايه هى شروط ان اي فرد يدخول الملكوت.....؟؟

[dr_poula]

مرسي أوووووووووووي علي الاهتمام و هلي الرد الجميل

و للاجابه علي السؤال بتاعك ان شروط دخول الملكوت هو الايما ن و المعموديه و الحياه الصالحه الحقيقه مع الرب يسوع و ليس الظاهريه لان الرب فاحص القلوب و الكلي

بس انا سألت السؤال ده علشان مره سألت الاب الكاهن هذا السؤال قال ان اللي متعمدش مش هيخش ملكوت السموات و ده ينطبق علي الغير أورثوذوكس لان المعموديه في الطوائف التانيه غير حقيقه كما تسلمنها من الرب يسوع

بس اللي ان بسأل عليه تب الاعمال الصالحه و الايمان بالرب بس مش الايمان الاورثوذوكسي ربنا هينساه ولا يكون لهم ايضا نصيب في الملكوت

مرسي مره تانيه علي المرور و الرد

ممكن أسمع أراء باقي الاعضاء في الوضوع ده

صلوا من اجل ضعفي

[aymonded]

صديقي الحلو محبوب ربنا يسوع والقديسين
ليس لنا أن نحكم على أحد ، لنا أن نحكم فقط حسب ما أعطانا الله ونعرف ونميز الأمور المتخالفة ليكون لنا علاقة صحيحة مع الله ، ولا ينبغي أن نرتئي فوق ما ينبغي بل إلى التعقل بمعنى أنه ليس لنا أن نحكم على من يدخل ملكوت الله أو من لا يدخل فالله لم يجعلنا قوامين على ملكوته ، ولكننا نحكم في أنفسنا وحياتنا ؛ إذ قد نلنا وأخذنا عمق اتساع النعمة وعمل الله المتسع في الأسرار وداخل الكنيسة المقدسة فالسؤال السليم والصحيح : هل نحن نحيا كما يحق لما نلناه من عمق إيمان ومعرفة بالله أم لا ، وكما هو مكتوب :
"جربوا أنفسكم هل انتم في الإيمان امتحنوا أنفسكم أم لستم تعرفون أنفسكم أن يسوع المسيح هو فيكم إن لم تكونوا مرفوضين" (2كو 13 : 5)

ماذا لو أراد الله أن يدخل كثوليكي أو بروتوستانتي الملكوت ، هل هذا خطأ أم نحن من سنحدد من يقبله الله أو يرفضه ، ولا ننسى قول الرب يسوع للتلاميذ :
فاجاب يوحنا و قال يا معلم راينا واحدا يخرج الشياطين باسمك فمنعناه لانه ليس يتبع معنا (لو 9 : 49)
فقال له يسوع لا تمنعوه لان من ليس علينا فهو معنا (لو 9 : 50)

وأقول ما قاله القديس مقاريوس الكبير :
[ أعرف أيها الإنسان سموك وكرامتك وشرفك عند الله ، لكونك أخاً للمسيح ، وصديقاً للملك ، وعروساً للعريس السماوي ، لأن كل من استطاع أن يعرف كرامة نفسه ، فإنه يستطيع أن يعرف قوة وأسرار اللاهوت . وبذلك يمكنه أن ينسحق ويتضع أكثر ، ففي ضوء قوة الله يرى الإنسان خطورة حالته الساقطة . وكما أنه ( المسيح ) عبر الآلام والصليب قبل أن يتمجد ويجلس عن يمين الآب ، هكذا ينبغي لك أن تتألم معه . وتُصلب معه ، وبذلك تصعد معه وتتحد بجسد المسيح ، وتملك معه إلى الأبد في ذلك العالم ، " إن كنا نتألم معه لكي نتمجد أيضاً معه " (رو8: 17) ]
( عظة 27: 1 للقديس مقاريوس الكبير عن حالة النعمة وحرية الاختيار )



أقبلوا مني كل تقدير بمحبة
النعمة معكم كل حين آمين

[elphilasouf]

ميرسي جدا جدا جدا
ليك يا استاذ ايمن على ردك الحلو ده وأهتمامك بأسألتنا
احنا فعلا المفروض منهتمش غير بنفسنا لاننا لانملك حق أدخال
أحد الملكوت أو لا
ربما لا يكون من حقنا ان نسأل ولكن الانسان بطبيعته يحب
المعرفه وحب الاطلاع
عن اي شيئ

[dr_poula]

مرسي يا أستاذ أيمن علي المرور و الرد الاجمل

بالفعل ليس لنا ان ننصب انفسنا حكام علي ملكوت الله بس ده كان عن تسألأ رود زهني فلم اجد اجابه له فأردت المشاركه و سماع أراء اعضاء المنتدي

مرسي يا أستاذ أيمن علي المشاركه و الرد

يلي عوز أسمع باقي الاراء

صلوا من اجل ضعفي

[aymonded]

السلام لنفسك يا محبوب ربنا يسوع
انا عارف يا غالي أنك لا تقصد شيئاً غير أنك تظهر تساؤلات تدور في اذهان الكثيرين
واشكرك على ردك الرقيق مع الفيلسوف ؛ اقبل مني كل تقدير بمحبة
النعمة معك ومع الجميع آمين

[نبيل نصيف جرجس]

موضوع رائع بس فعلا نخلينا فى انفسنا وازاى نقدر نوصل للملكوت مش معمودية ولا طايفة الطريق اصعب من كدة دا طريق كلة الم وضيق واللى هيستحمل هيوصل

[dr_poula]

فعلاااااااااااااااا يا نيل بس الطريق مش صعب الطريق سهل لان ربنا و عد انه هيكون معنا و يقونا و لو أعتقدنا ان الطريق صعب ده ممكن يوصلنا لليأس و الخوف منه بس لازم يكون هنا جديه في علاقنا بربنا مش مظاهر بس

مرسي مره تانيه علي المرور و المشاركه

[كرستين]

بجد موضوع حلو قوى ميرسى ليك استاذ ايمن على الحاجات الجميله دى
ربنا يبارك حياتك

[dr_poula]

مرسي يا كرستين علي المرور و المشاركه و أتمني أسمع رأيك في الموضوع