هل يوجد حب علي النت ؟؟

[الناقد]

هل تأمن بوجود حب علي الانترنت
هل ياابني او يابنتي الحب ده بيستمر

وربنا يفتح بصيرة الجميع
ربنا معاكم ياحبايبي
والنعمه تشملكم

[الناقد]

محدش عنده اجابه
ولا مش موضوع مهم

[M@@@NOOOO]

لآ طبعااا موضوع مهم جدا جدا
اناا الحقيقه ياناقد
مجربتش الحب من على النت ده
بس فى اللى بيستمر ( وده قليل جدا )
وفى اللى بيفشل ( وده فى اغلب الحالات )
ميرسى ليك كتير على موضوعك الجميل والمهم جدا جدا

[وردة حزينة]

لا طبعا الموضوع مهم جدا وميرسى لحضرتك انك طرحت السوال دة
ومن راى ان فية فعلا حالات بتنجح من خلال النت لكن بااسلوب جدى بمعنى اول ماواحد يحس بمشاعر ناحية اى حد المفروض والصح انهم ممكن يتقابلوا فى كنيسة ويتعرفوا على بعض ويدخل البيت من بابة ميش من شاشتة وكل دة تحت عين الاسرة وبموافقتها لكن غير كدة بيكون كلة كذب ولعب بالمشاعر
وفية طبعا ناس تانى انتهت قصصهم بماسى واعرف ناس كتير كدة
ربنا يبعد الشرير عننا

[مرموره]

ده الموضوع مهم جدا جدا جدا كمان
اغلب الحلات بتفشل بسبب الكذب
بس فى حلات نادرة شوية بتنجح بتعتمد ان الحكاية بتبدء بتعارف و اعجاب بشخصية لاكن لازم تتكمل فى ارض الواقع مش فى أرض النت و بدام قدام الناس و ربنا و الاهل رضين و الموضوع واقعى بينجح

بس لو فى احساس 1 % بكذب الشخص الى قدامك لازم نتأكد من كل كلمة بيقولها لان فى من ضمن القصص واحد كذب على واحدة لمدة 3 سنين لمجرد انها صدقته من أول مرة و مدخلتش عقلها معاها

ربنا معانا كلنا

[اللة يرعانى]

انا لااومن بحب النت لانى الحب مش مجرد علة بتكتب ازاى احب انسان مشفتوش معرفش عنو اى شى عير من نت

[بيتر109]

مفيش حب على النت
الى بيحب على النت بيتجرح

[roset]

لا الموضوع مههههههههههههههههم جدا لانة موضة اوى اليومين دول بين الشباب
بس انا رايى انة مفيش حب على النت لانة ازاى احب حد مش شايفاة ولا شايفنى من الاخر الحب احساس مش كلام يتكتب وخلاص
ميرررررررسى اوى على الموضوع يا ناقد

[نبيل نصيف جرجس]

اكيد فية
يعنى هما اللى بيقعدوا على النت مش عندهم قلب
اكيد فية بس قليل بنسبة بسيطة لما تلاقى قلب وفى
ليكن كل شىء بيننا فى محبة ارجو محبة يسوع ان تشملنا كلنا النعمة معك

[marooooo]

اكيد ممكن لان الحب مبيعرفش اي حاجه غير المشاعر بس لاننا مش هنفرق اننا نشوفه ولا لا ونعرفه ولا لا لان مدام القلب دق يبقي خلاص هو ممكن يطلع مش صح من ناحيه اي طرف من الاطرف لكن ده مش هيكون حب هيكون بيمثل لكن الطرف التاني هيكون حب وهو ملوش زنب

[keroo82]

انا من الرافضين لفكرة الحب عن طريق النت لان لية عواقب علشان الحب دة مش واقعى يعنى الشخص مش بيشوف الاخر على حقيقتو ممكن يكون انسان مش كويس ويلعب بمشاعر البنت والبنت تصدقو وتتعلق بية جدا
لكن فية نسبة بسيطة جدا بتنجع النسبة دى ناس صرحة مع بعض اولاد ربنا بجد وفعلا الموضوع مهم جدا وخطير
انا قلت رائىء بصراحة واسف للاطالة
ميرسى على الموضوع الجميل دة
ربنا يبارك حياتك

[روما ديفيد]

السؤال مهم جدا وانتشر الموضوع ده دلوقتى اوى لكن الموضوع ده بيفشل اوى مجرد انه ينزل الى ارض الواقع الخيال دائما جميل وللاسف احنا بنقع فى الخطأ ده كتير ربنا يحافظ علينا

[بنت الراعي]

ميرسي جداااااااا علي الموضوع
وبجد مهم اوووووووووي
انا من رايي مفيش حب في النت او قليل جدااااااااااا
لان تقريبا عامل الثقه نادر جدااااااااا مش هااقول معدوم
بس بجد قليل اوي
وكمان ممكن النت يبقي وسيله مساعده في التعارف
او الكلام انما مايبقاش اساسي يعني علاقة ارتباط تقوم علي النت
بس احيانا ونادرا جدااااااا بتنجح يعني
ده مجرد راي بس
ميرسي جدا استاذ ناقد
ربنا يعوض حضرتك ويبارك حياتك

[MICKEY]

يوجد اعجاب عن طريق الأنترنت
لكن حب معتقدتش
لكن الحب بيجي عن طريق النت
اذا كان الاتنين اللي اعجبوا ببعض
قابلوا بعض
وحسوا ببعض اكتر واكتر
لكن طول ماهم مش شايفين بعض
ممكن يكون اعجاب بالشخصية مش اكتر


ربنا يبارك الجميع

[elphilasouf]

انا مع الى بيقول فيه
اه فيه ايه المانع............
بس برده هقول قليل جدا بس لازم يتقبلوا يعنى النت وسيله بس للتعارف او التقريب
بس لازم يتقبلوا فى مكان مثال زي الكنيسه ويكون تحت ضوء اب الاعتراف
ميرسي يا ناقد ع الموصوع
ربنا يعوضك

[الناقد]

اشكر كل وجهات النظر ياابنائي
ربنا يبارك الجميع
المهم تخلوا بالكم ابليس حباله طويلة

[الناى الحزين]

شكرا استاذ الناقد على موضوعك المهم الجميل

ياريت بجد ناخد بكلام استاذنا الناقد بجد ابليس حباله طويله ومش بتدوب بسرعه

ربنا يحمينا ويرعانى

اما عن رائيى فى الموضوع

انا شخصيا اعرف حاله ناجحه جدا بجد بس لغايه دلوقتى

لكن مش بيعجبنى موضوع زى كدا

ممكن يكون فى اعجاب زى ما قال ميكى

لكن حب هو ده الغلط

بين الحب والاعجاب شعره صغيره

لو مقدرناش نفصل بين الاتنين صدقونى هنتعب كتير

ربنا يباركنا ويرحمنا

[الناقد]

شكرا حبيبي الناي علي ردك الرائع من شخص مثلك
انا كل الموضوع واجهت وبشوف مشاكل كتيرة بتيجي عن طريق النت
فلازم ننبه اولادنا عشان مش يتعرضوا ليها


شكرا ليكم