الباذنجان بطريقة جديدة

[aymonded]

الباذنجان بطريقة جديدة

عدد أثنين باذنجان رومي كبير – 2 حبة طماطم كبيرة مقشرة ومقطعة مكعبات – فصين ثوم مفرومين أو مدقوقين ناعم جداً – حبيتين فلفل رومي أحمر أو أصفر مقطعين قطع متوسطة – عدد 1 قرن فلفل حار مفروم وممكن الأستغناء عنه – بصلة كبيرة مقطعة قطع صغيرة أو مبشورة خشناً – جزرة كبيرة مقشرة ومقطعة مكعبات صغيرة – نصف راس فجل صيني مقطع مكعبات صغيرة – ربع علبة ماشروم – معلقتين كبار طحينة – عدد 3 خيار مقشر ومقطع صغيراً – عدد 1 ليمونة – معلقتين زيت زيتون كبار أو معلقة زيت ذرة كبيرة – نصف معلقة سكر صغيرة – معلقة خل صغيرة – حزمة مقدونس مفرومة

الطريقة :
نشوي الباذنجان في الفرن أو على الفحم ثم نقشره ونزيل منه البذر بقدر الإمكان ونصفي الماء اللذي يخرج منه حتى لا يمرر طعمه ...

نضع الزيت في طاسة أو حلة ، ونضع أولاً الجزر ونشوحة على النار ثم نضيف إلية الفجل الصيني ونتركة 2 دقيقة ، ثم نضيف الفلفل حتى يذبل ثم الثوم ونقلبة لمدة دقيقة واحدة ثم نضع البصل ثم الباذنجان ثم الطماطم والفلفل الحار المفروم ثم نضع قليل من الملح والكمون ونضع الليمون والسكر ومعلقة الخل الصغيرة ، ثم نضيف الماشروم ونتركهم على النار إلى أن تستوي الطماطم ...

ونتركه يبرد ثم نضع الطحينة والخيار والمقدونس
وبالهناء والشفاء

[Team Work®]

الاكل الصيامي اللى بيعمل ليونة دة جامد بجد

ربنا يخليك لينا يا رب وتقولولى شريف شريف مين بقى

دة احنا معانا استاذ ايمن والاجر على ربنا

[aymonded]

الله يخليك يا احلى هيما
بس عموماً مش للدرجة يعني انا بألف على قدي حبتين

[اللة يرعانى]

بايت عليك طباخ شاطر اوىىىىىىىىىىى مستنين المزيد

[aymonded]

شكراً مريم على كلماتك المشجعة واتمنى اكون شاطر فعلاً
بس لما تجربي مش تنسي ادوية التسمم ههههههههههه
ربنا يحفظك من وصفاتي

[فله]

انا قلبى حرقنى من الزيت دا كله بس عموما باين عليك طباخ شاطر

[aymonded]

الله يخليكي يا احلى فله
النعمة معك

[مصري مكبر دماغة]

وحشني اكل البتنجان ..عايز اخلي حياتي جنان
اية احلاوة دي يا ايمن
خلينتي احب البتنجان
في الفطار وفي الصيام بتنجان
راااااااااااائع جداااااااااااااا
ميرسي قوي علي البتنجااااااان

[aymonded]

ههههههههههههه
الله يخليك يا حبي
وكلنا هاننشد نشيد البتنجان الحلو
ونبقى نعمل عزومة وندعو المنتدى كله
أقبل مني كل تقدير واحترام لشخصك الحلو

[مصري مكبر دماغة]

بجد انتا شيف رائع حبيب قلبي
تقبل مني كل تحية

[aymonded]

انت بتحرجني بزوقك العالي يا احلى أخ رائع
وصدقني حقيقي أنت الأروع يا صديقنا الحلو
النعمة معك

[مصري مكبر دماغة]

انت بتحرجني بزوقك العالي يا احلى أخ رائع

وصدقني حقيقي أنت الأروع يا صديقنا الحلو

النعمة معك

ميرسي قوي علي الكومبيليمو يا ايمن...:36_1_11:
:36_1_11:ايمن:36_1_11:

[aymonded]

ههههههههه
الله يخليك يا احلى غالي
النعمة معك يا أجمل صديق حلو

[فله]

يعنى اعملها وعلى ضمنتك

[aymonded]

ههههههههههههه
اعمليها ومش تقلقي في قسم اسعاف في المنتدى

ربنا معاكي يا احلى فله