سؤال محيرنى ومش عارف اجابته

[maged]

سلام رب المجد يكون مع الجميع

فى سؤال خطر على بالى وكل ما افتكره باتحير
ياريت كل اللى يعرف الاجابة يرد عليا
السؤال بيقول

المفروض ان احنا واحد فى المسيح
نصلى بنفس واحده ونشارك بعض الحزن والفرح ......الخ
طاب ازاى بعض القديسين والناس بيستنوا
لما ميبقاش حد موجود ويصلوا او يعملوا عمل صالح
عشان محدش يشوف ايمانهم ويتمجدوا من الناس
ازاى بناخد خلوة مع ربنا عشان نبعد عن الناس وميبقاش قدامنا غير ربنا
او ازاى الرهبان بتترهبن عشان تبعد عن الناس والعالم
والمفروض ان احنا واحد فى المسيح

يا ريت تكونوا فهمتوا قصدى وانا مستنى الاجابة من اللى يعرف الاجابة
ربنا يبارككم

[aymonded]

حبيب قلبي الغالي المحبوب في ربنا يسوع المسيح
أولاً كون أننا واحد في المسيح دي حقيقة ولنا صلوات مشتركة بالمحبة وصدق التقوى في الكنيسة هذه حقيقة وواقع نحياه دائماً

ويظهر هناك خلط عند الناس بين الصلاة الجماعية والشخصية
وأيضاً عمل الصلاح في الخفاء والعلن
وأيضاً اختلاف المنهج والطرق المتعددة في الحياة مع الله

أولاً يا غالي كل واحد فينا له طريق يختاره في الحياة مع الله بدون انفصال عن الكنيسة وأعضاء المسيح لأننا جميعاً مكملين الجسد الواحد ، فلو نظرنا لجسم الإنسان نفسه سنجد أعضاء مختلفة كثيرة في شكلها وأيضاً تركيبها وعملها ، ولكن لا يمنع اختلافها على أنها من نفس ذات الجسد الواحد وتعمل جميعاً على اكتماله ...

هكذا في الطريق الروحي وحياتنا جميعاً ، يوجد علمانيين مختلفين في طرقهم ، ويوجد خدام ومكرسين في الخدمة داخل العالم ويوجد كهنة متزوجين ويوجد شمامسة ويوجد مصلين ومحبين للصلاة الدائمة بلا انقطاع ويوجد دارسين بعمق ويوجد محب الأطفال الذي يخدمهم بكل طاقاته ، ويوجد رهبان متوحدين ، ويوجد رهبان يحيوا في جو الشركة ويوجد أساقفة ومطارنة ، وهكذا المجتمع الكنسي والطرق مختلفة ولكنها في النهاية تصب في الواحد الوحيد ربنا يسوع المسيح رأس الكنيسة كلها

أما بالنسبة لعمل الصلاح فينبغي أن يكون في الخفاء من أجل مصلحة الإنسان نفسه وأن يعرف أن كل شيء من الله ولله كي لا يتكبر فيخسر نفسه وكما هو مكتوب :
لا تجعل يسارك تعرف ما تصنعه يمينك ، بمعنى أن يكون الإنسان غير ممدوح من نفسه أو يسعى لمدح الناس ، وان مدحوه أو ذموه فلا يهتم لأن الله هو حياته ولا يحتاج مجد الناس أو حتى يتأثر بذمهم ...

وسنظل واحد في المسيح مهما كنا قريبين أو منعزلين عن الناس إنما كل شخص يحافظ على طريقة ومنهجه الذي يسير به نحو الله وهذا لا يمنع وحدتنا الحقيقية في نفس ذات الجسد الواحد

وفي المخدع أمام الله عادة نكون صادقين ، أما أمام الناس أحياناً كثيرة جداً عن قصد أو دون قصد نظهر بمظهر مخادع كي ما ننال مديح الناس ..

عموما أنا جاوبت حسب ما فهمت من كلماتك ويارب أكون فهمت كلامك صح ، أما أن رأيت أني بعدت عن كلماتك أو قصدك فنبهني يا أحلى غالي
النعمة معك كل حين آمين

[Team Work®]

ارد بعد كدة اقول اية مش عارف اقول اية

[aymonded]

ارد بعد كدة اقول اية مش عارف اقول اية

هيما كالعادة بيحرجنا بزوقة وكلماتة الرقيقة

[maged]

سلام رب المجد يكون مع الجميع
شكرا يا استاذ ايمن على الرد
ومفيش مشكلة بالنسبة للعمل الصالح

اما بالنسبة للصلاة فمش المفروض ان احنا نجتمع للصلاة بنفس واحدة
مش نستنى لما الناس تمشى عشان نصلى
ويمكن يكون ده سبب قوة للاثنين لان ربنا قال
متى اجتمع اثنين او ثلاثة باسمى هناك اكون فى وسطهم
طاب ليه الاقديسين كانوا بيستنوا لما الناس تمشى او لما يبقوا لوحدهم

معلش انا اسئلتى غريبة شوية
ربنا يباركك

[aymonded]

سلام رب المجد يكون مع الجميع
شكرا يا استاذ ايمن على الرد
ومفيش مشكلة بالنسبة للعمل الصالح

اما بالنسبة للصلاة فمش المفروض ان احنا نجتمع للصلاة بنفس واحدة
مش نستنى لما الناس تمشى عشان نصلى
ويمكن يكون ده سبب قوة للاثنين لان ربنا قال
متى اجتمع اثنين او ثلاثة باسمى هناك اكون فى وسطهم
طاب ليه الاقديسين كانوا بيستنوا لما الناس تمشى او لما يبقوا لوحدهم

معلش انا اسئلتى غريبة شوية
ربنا يباركك

لا غريبة ولا حاجة يا صديقي الحلو
وأنا مش عارف تقصد مين بالقديسين يا غالي
عموماً لو تقصد رهبان ، طبعا المنهج الرهباني يختلف تماماً عن المنهج في داخل الكنيسة بالنسبة لنا واللي عايشين في العالم وليسوا رهباناً ، الرهبان المفروض يصلوا سوا مع بعض بنفس واحده في الصلاة الجماعية ، غير الصلاة الشخصية طبعاً

أما بالنسبة اللي في العالم ينبغي أن نصلي بنفس واحده في اجتماعاتنا أو عند لقاء لينا أو مع القديسين اللي في وسطنا هنا ، طبعاً غير الصلاة الشخصية

ولأن الرهبان عموماً تركوا كل ما في العالم لابد من أن يكونوا في حالة السكون والهدوء حسب الطريق الذين أختاروة أما مزج الرهبان بالعالم والخلط بين الأثنين هذا بعيد تماماً عن الطريق الرهباني الأصيل

والراهب مش معفي من أن يصلي من أجل العالم وكل من فيه

عموماً هذا شرح على السريع جداً وبختثار ده لو انت تقصد المنهج الرهباني يا غالي أما ان كان لك قصد تاني ياريت يا صديقي الحلو توضح أكثر
النعمة معك كل حين آمين

[maged]

سلام رب المجد يكون مع الجميع
لأ أنا ما اقصدش المنهج الرهبانى انا بكلم عموما
على الناس كلها وعلى اى حد بيحب يستنى لما يكون لوحدة
طب مش المفروض انه يصلى مع بقية الناس زى ما ربنا قال
متى اجتمع اثنين او ثلاثة باسمى هناك اكون فى وسطهم
يعنى اقصد اقول ان هو صح ان اى حد يستنى لما يبقى لوحدة
ولا المفروض انه يشجع الناس على الصلاة معاه
ويا رب تكون فهمت قصدى
ربنا يباركك

[aymonded]

سلام رب المجد يكون مع الجميع
لأ أنا ما اقصدش المنهج الرهبانى انا بكلم عموما
على الناس كلها وعلى اى حد بيحب يستنى لما يكون لوحدة
طب مش المفروض انه يصلى مع بقية الناس زى ما ربنا قال
متى اجتمع اثنين او ثلاثة باسمى هناك اكون فى وسطهم
يعنى اقصد اقول ان هو صح ان اى حد يستنى لما يبقى لوحدة
ولا المفروض انه يشجع الناس على الصلاة معاه
ويا رب تكون فهمت قصدى
ربنا يباركك

آه أخيراً أنا فهمت قصدك يا غالي
بكل تأكيد كلامك صح يا احلى غالي
لأ طبعا مش المفروض يستنى لما يبقى لوحده إلا إذا كان مش في اجتماع
يعني لو حد اجتمع مع الناس وكان هناك وقت للصلاة لازم يصلي معاهم ويشجعهم على الصلاة
لأت الصلاة الجماعية مهمة جداً ومن القواعد الأساسية في الصلاة
لأنه متى اجتمعنا اثنين او ثلاثة لابد من أن نصلي سوا في محضر الله ولا نعفى من هذا لأي سبب مهما ان كان
أما إن كان يرى شخص ان فضائلة هاتظهر امام الناس ولابد من أن لا يصلي معهم ، هذا خداع زائف للهروب من الصلاة الجماعية ، لأن القداسة هي تخصيص النفس لله والعمل على تشجيع كل آخر مهما ان كان على الصلاة

والخلط بين الصلاة الجماعية والمخدع يقع فيه الكثيرين
مع أن الأثنين يقووا بعض بشدة ، فالمخدع المصدر الرئيسي للصلاة الجماعية ، والصلاة الجماعية التي تقوي كل شخص حتى يصلي صلاته الخاصة في المخدع
وأي هروب من الأثنين هو هروب من محضر الله شخصياً

أرجو أن اكون أفدتك ولو بالقليل
النعمة معك كل حين يا احلى غالي في ربنا يسوع

[maged]

سلام رب المجد يكون مع الجميع
شكرا جدا جدا ليك على كلامك وعلى ردك
وانت اكيد مش فدتنى دا انت فهمتنى كتير
ودايما بتفهمنى حاجات جديدة على طول
وبشكرك على اهتمامك واحتمالك لعقلى الصغير
ربنا يقويك ويجعلك سبب بركة لكثيرين امين

[aymonded]

سلام رب المجد يكون مع الجميع
شكرا جدا جدا ليك على كلامك وعلى ردك
وانت اكيد مش فدتنى دا انت فهمتنى كتير
ودايما بتفهمنى حاجات جديدة على طول
وبشكرك على اهتمامك واحتمالك لعقلى الصغير
ربنا يقويك ويجعلك سبب بركة لكثيرين امين

حبيب قلبي الغالي والرائع في جمله الخاص
,أولاً عقلك مش صغير ولا حاجة والموضوع مش موضوع عقل على قدر انه منهج روحي خطه الرب يسوع في قواعد بالروح القدس نتذوق عمقه بالممارسة الفعلية من قلب صادق

واحنا حينما نتناقش أو نبحث فمبحثنا من جهة الخبرة ووصية ربنا يسوع
وهذا لا علاقة له بالعقل ومعقوليته بل بعمل الله وحده

أشكرك يا غالي على تفتيحك مثل هذه الموضوعات والأسئلة لأنها فائدة لينا جميعاً عن صدق وأخلاص
كن على الدوام معافاً باسم الثالوث القدوس

[برباره]

ممكن كلمه 0 بكل بساطه السيد المسيح عاش حياته على الارض مع تلاميذه يجول يصنع خير بما فيها من عظات ومعجزات ووخدمه الكبير والصغير وعلم تلاميذه الصلاه الربانيه وكان يوجد درس أخر علمه لتلاميذه ولنا عندما اختلى بنفسه وصلى بمفرده عند التجربه وسهر طول اليل يصلى ليكمل مشيئه الاب وعندما انتهى من صلاته قال لهم الم تستطيعوا ان تسهروا معى اسهرو وصلوا0000 وبهذا كان يعلمهم وجوب السهر مع الله بصلاه ويقصد بهذا السهر الروحى اى الصلاه الجماعيه لا تغنى عن الصلاه المنفرده الله طلب منا هذه وتلك 0وشكرا

[fifo_10]

أعزائي مكتوب صلوا كل حين ، إذن يجب ان نصلي في كل وقت الصلاة الجماعية و الصلاة الفردية نصلي في الكنيسة والبيت و المكتب والسيارة ، نصلي قبل الاكل و نصلي قبل النوم و عند الصباح فليس الهدف من الصلاة اظهار مجدنا و تقوانا و إنما التواصل المستمر مع الله لكي يرحمنا من خطايانا لان الجميع زاغوا و اعوزهم مجد الله ، سلام المسيح يكون معكم صلوا من اجلي .

[بنت الانبا بولا]

اولا : الرب يسوع بيقول متى صليت ادخل مخدعك واغلق بابك
ثانيا: انت بتقول كلنا واحد فى المسيح كلامك صح بس دة ميمنعش انه بيكون فى صلوات فردية بينك وبين ربنا بس