سوال وياريت تدخل ترد

[شمعة]

بصوا هو الموضوع سوال او سوالين بلاش نكدب المهم



لو دخلت منتدى ولقيت موضوع ليك محطوط باسم اخر وعمال يبارك ويشكر وهو مش بتاعة
رد فعلك اية هترد على الموضوع ولا هتسكت ولا اية ؟



ولو انت حطيت الموضوع بتاعك الى اخدة اخ ليك وحد رد عليك وقالك شكرا بس الموضوع دة منقول هتقول اية ؟




لو لقيت قصيدة تحفة وفجاة وانت بتقراء فى كتاب لشاعر تلاقى القصيدة دة موجودة فية ؟

هيكون رد فعلك اية وبصراحة


وشكرا
ياريت اشوف اجابتكم التحفة اكيد

[aymonded]

بصوا هو الموضوع سوال او سوالين بلاش نكدب المهم



لو دخلت منتدى ولقيت موضوع ليك محطوط باسم اخر وعمال يبارك ويشكر وهو مش بتاعة
رد فعلك اية هترد على الموضوع ولا هتسكت ولا اية ؟


بصراحة هي فعلاً حصلت وبتحصل كتيييييييييير معايا ، ودخلت رديت على الموضوع وشكرت الكاتب ... وطالما في إطار الإفادة يبقى هذا هو المهم ومش مهم الشكر لمين لأنه في النهاية لله لأنه وحده من يعطينا الموهبة ...

بس هو تعليقي لو جاب نفس الموضوع في نفس المنتدى ، لأنها حصلت أن شخص ما جاب نفس الموضوع بنفس الأسم والمضمون تحت نفس الموضوع اللي أنا كاتبة وفي نفس القسم ... فاضطررت أن أنبهه ، وبصراحة طلع شخص جميل جداً وقام بوابل من الاعتذارات التي أخجلتني جداً من نفسي وكنت اتمنى أني لم أنبهه والغي موضوعي أفضل بكل مشاركاته ...


ولو انت حطيت الموضوع بتاعك الى اخدة اخ ليك وحد رد عليك وقالك شكرا بس الموضوع دة منقول هتقول اية ؟


مش هاقول حاجة غير أني أشكرة وبس ، والأهم هو الإفادة ، وحصلت حقيقي معايا فعلاً في إحدى المنتديات وقبل أني ناقل الموضوع ، مع أني لسة كنت كاتبه ، وضحكت في نفسي ولكن شكرته على تنبيه الحلو ، وأعتقد أن ممكن يكون حصل لبس في الموضوع لأنه من الجايز يكون شاف نفس المعنى أو كلمة مشابهه ...

أما من جهة موضوع كتبته وشخص نقله ، وأعدت كتابته مرة أخرى وقيل لي انه منقول لم تحدث معي بصراحة !!! ومش عارف هايبقى رد فعلي ايه لأن رد فعلي غالباً ما بيبقى تلقائي ، بس أعتقد اني هاشكره برضو على التنبية ...


لو لقيت قصيدة تحفة وفجاة وانت بتقراء فى كتاب لشاعر تلاقى القصيدة دة موجودة فية ؟

هيكون رد فعلك اية وبصراحة


عادي انا مش شايف مشكلة ، يعني لو واحد أدعى أنه شاعر وعجبني ما كتب وفُجأت أنها منقولة من كتاب أو موقع تاني ، فمستحيل أعلق غير بالشكر وهو حرّ ، الأهم أنها عجبتني ...


وشكرا
ياريت اشوف اجابتكم التحفة اكيد



شكراً على تعبك الحلو وأسالتك الجميلة
أقبلي مني كل تقدير بمحبة يا محبوبة ربنا يسوع والقديسين

[مرموره]

موضوع روعة يا شمعة
الصراحة هى حصلت قبل كدة فعلا
بس كل الى انا عملتة انى قلت ( شكرا بس انا قراتة قبل كده )
والى عدا الموقف ان الشخص الى بيرد عليا بيعترف فعلا انه نقل الموضوع بعد كده و الموضوع بيخلص
صدقنى مش مشكلة مين كتب الموضوع ولا مين نقلة
المشكلة الموضوع بيفيد مين ...
.ميرسى لموضوعك لانة سؤال مهم جدا سعات بيعمل مشاكل زيادة عن اللزوم
__________________________________________________ _________________

[شمعة]

ربنا يخليك يا استاذ ايمن
ردك الرائع
وربنا يعطيك نعمة التسامح والستر على اخطاء لاخرين
وربنا يعوض تعب محبتك

[شمعة]

مرسى يا مرمورة ياقمر
لردك ربنا يزيدك نعمة
وخارج الموضوع دة لية
لا على العموم انا بنت مش ولد يا سكر
ربنا يعوض تعب محبتك

[aymonded]

الله يخليكي بس صدقيني مش قصدي اسامح والا لأ ده جه بتلقائية غير مقصودة
لأن كل ما لي هو من الله الحي ومجاناً اخذت والعلم والمعرفة من الله الحي
أقبلي مني كل تقدير ومحبة يا أحلى أخت حلوة لنا
النعمة معك كل حين آمين

[مرموره]

مرسى يا مرمورة ياقمر
لردك ربنا يزيدك نعمة
وخارج الموضوع دة لية
لا على العموم انا بنت مش ولد يا سكر
ربنا يعوض تعب محبتك

نورتى المنتدى بمواضيعك فعلا
و ميرسى يا قمر
واسفة للغلطة
وانتى شمعة المنتدى نورتينا
و مستنين مواضيعك البقيا

[شمعة]

امين
ربنا يعطينى من فتات محبتكم
ومازل شكرى لمحبتك وستر اخطاء لاخرين
ربنا يعوضك كل خير ومحبة

[شمعة]

ربنا يخليكى
مفيش اكيد بعد نوركم ومحبتكم
ومفيش اسف يا قمر
وبعدين المنتدى طول مافية القمر مش هيحتاج شمع
ههههههههه
مرسى يا ثكر