كفايه لعب بقلوب الناس حرااام

[مرموره]

القصه سمعتها امبارح

هسبكوا تحكموا


واحد 20 سنه راح كلم بنت من على النت عندها لسه مكمله 12 سنه

طبعا ماعروف واحدكبير و عنده خبره و شاف و جرب هيعرف ياكل عقلها بكلمتان و هى لسه تعتبر فى السن الطفوله


أهلاها عرفوا بالصدفه لانها كانت مخبيه عليهم و كانت بتشوفوا من وراهم

وحصلت مشكله


المهم اكيد مطوقع نهايت الحكايه

بس الى انا عايزه افهموا

ليه معظم و تلت تربع الشباب بيتحكوا على بنات لسه صغيرين جداااااااااااااااا مكملتش ال12 سنه حته

عايزين ايه من بنات صغيرين معندهمش اى خبره فى لحياه

وانتوا عارفين ان فى السن ده من السهل جدااااااااااااااااااااااا

ليه تلعبوا بقلوب بريئه

معلومه مفيش ولد برء

فى مره ظلمت واحده ده اكييييييييييييييد ده طبع الولاد حجه طبيعيه

حتى لو نتفاكر اك كده للمصلحتها


كل الى ايزه اقولوا بلاش تتدمروا قلوب لسه بتنموا

و مستنيا رائيكوا

[aymonded]

المشكلة يا احلى مرمورة تتلخص في عامل نفسي والسيطرة على الاخر المستضعف الذي ليس له قدرة على اتخاذ القرار
ودائماً ابدا اللعب على وتر حساس وهو المشاعر وبخاصة عند الصغار لأنهم أكثر ناس مشاعرهم في التفتح وسهل انقيادهم ـ وعادة الشاب او الفتى اللي بيحب يأثر على الأصغر دائماً وبخاصة عديمي النضوج هو في عوز نفسي أن يمارس سلطتة الشخصية ليكون متبوع كما انه عادة بيهرب من مشاكلة الإجتماعبة والنفسية وشعورة بالقهر وبيعوضة في الأصغر
ولكن كيف يدرك الأصغر انه مضحوك علية ويحيا وراء وهم سيحطمة في النهاية
هنا يأتي دور الأب والأم في التوعية النفسية والتربوية لا بالقهر والأمر بل بالحب والصداقة وتسليم الخبرة ومعنى الحب السليم منذ الطفولة لأن عندنا في مجتمعنا الشرقي عيب نتكلم عن الحب أو الجنس بالنسبة للأطفال بل وقد يصل للحرمان من أي تلميح ولو من بعيد وقد يصل لحد الضرب والأهانة القصوى
ولا نتحرك أو ندرك خطأنا إلا بعد مشكلة كبرى وهزة عنيفة تجعلنا نستفيق على كارثة

وانا اقصد تحطيم المشاعر والمثل الأعلى وفقدان معنى الحب بالتمام
وقد شاهدت هذا المواقف مرات ومرات بعيني فعلاً وعلى أرض الواقع ...

وأطلب من الله أن لا يريها لأحد لأنها بتحطم البنت تحطيم تام والعلاج لا يأخذ فترة قصيرة وينتهي بل سنوات وسنوات تضيع فيها أحلى أيام عمرها وشبابها الغض ربنا يرحم الجميع ويجعل كل اب وأم ينتبهوا لكل بنت أو ولد

أشكرك على هذا الموضوع الهام جدا جدا جدا واتمنى أن الكل يشارك فيه لا من جهة كلام فقط بل من جهة الخبرة وكيف نتفادى هذا الموضوع ،،، النعمة معك ومع الجميع آمين

[Peter elias]

حقيقى موضوع مؤثر
شكراً ليك استاز ايمن يا احلى غالى على المعلومات الرقيقة والمفيدة دى 0
بس انا عندى تعليق المفروض ان البنت مكنتش خبت على اهلها
بس فى كل الاحوال الولد خاطئ 1000000000000000%100

شكراً ليكى يا مرمورة على الموضوع الجميل جداً دا000 الرب يبارك حياتك

[nana222]

شكرا ليكى مرموره على الموضوع الشيق ده
فعلا معظم الاولاد بيحاولوا يضحكوا على عقول البنات طبعا مش كلهم لكن الغالبيه العظمى وطبعا ياعينى علشان البنات معندهمش خبره فى الحياه ممكن يقعوا من اول محاوله
فى النهايه ياريت نحاول نوعى البنات اكتر من كده

[aymonded]

حقيقى موضوع مؤثر
شكراً ليك استاز ايمن يا احلى غالى على المعلومات الرقيقة والمفيدة دى 0
بس انا عندى تعليق المفروض ان البنت مكنتش خبت على اهلها
بس فى كل الاحوال الولد خاطئ 1000000000000000%100

شكراً ليكى يا مرمورة على الموضوع الجميل جداً دا000 الرب يبارك حياتك

شكراً ليك انت يا احلى من كل غالي
ويمكن البنت مش بتقول لأهلها خجلاً أو لشعورها الدفين أنهم لن يفهمونها وذلك بسبب الفجوة الذي يشعرها الأبناء بينهم وبين الأهل لأنه لم تتعود أن تكون صديقة ليهم وليس لها قدرة أن تتكلم إليهم لأنها متأكده من النتيجة التي قد تكون تهزيق أو أهانة وقد تصل للضرب والحرمان من المصروف أو من الحب ( الوهمي طبعاً )
لذلك مطلوب من كل أم واب أن يصيروا أصدقاء لأولادهم وليس الصداقة هنا بمعنى التسيب بل الحوار بين الأهل والأبناء القائم على الثقة المتبادلة والإقناع الداخلي والفهم المتبادل والشعور الواقعي وأدراك أحاسيس البنت أو الأبن

شكراً يا غالي على تعليقك وكلماتك الحلوة
النعمة معك كل حين آمين

[nrmo]

شكرا على الموضوع الحلو ده وفعلا لازم توعيه لكل البنات الصغار وممكن يكون التقصير من البيت نفسه علشان كده لازم يكون فى توعيه اكبر من اهلها فى البيت وبلاقى ان بعض الكنائس بتكون مأصره فى حاجه زى كده . شكرا على الموضوع

[aymonded]

شكرا على الموضوع الحلو ده وفعلا لازم توعيه لكل البنات الصغار وممكن يكون التقصير من البيت نفسه علشان كده لازم يكون فى توعيه اكبر من اهلها فى البيت وبلاقى ان بعض الكنائس بتكون مأصره فى حاجه زى كده . شكرا على الموضوع

صدقت حقيقي يا احلى غالي
وننتظر من كل الآباء والأمهات أن ينتبهوا ويوثقوا علاقتهم بالبناء

وأيضاً ننادي كل بنت وكل ولد أن ينتبهوا لحياتهم لأنهم مسئولين عنها ولابد من الأستنارة وفهم الأمور والسهر على المشاعر ومراعاة قلوبنا وننتبه إلى من يستحق حبنا ولا نفرط في مشاعرنا بسهولة لأي شخص وننتبه دائماً لخطواتنا
النعمة معك يا احلى غالي وننتظر تعليقات مرموره

[اللة يرعانى]

الموضوع دة مهم اوى وانا من رائى انى البنات من طبعها البساطة وبتحب الرومانسية علشان كدة بتفرح بكلمة الحلوى بس اظاهر انى الايام دى لازم كل بنت تخلى بلها جدا من اى ولد او اى كلمة

[aymonded]

الموضوع دة مهم اوى وانا من رائى انى البنات من طبعها البساطة وبتحب الرومانسية علشان كدة بتفرح بكلمة الحلوى بس اظاهر انى الايام دى لازم كل بنت تخلى بلها جدا من اى ولد او اى كلمة

حقيقي المشكلة بتبقى كمان في البنت الصغيرة واللي عموما لسة مش عندها خبرة أو دراية فلازم تنتبه حقيقي ومش أي حد يقول كلمة او يظهر بمظهر بريء يبقى تثق فيه
شكراًً على المشاركة الحلوة
ونريد مشاركة الجميع لأن الموضوع هام جدااااااااااااااا

[Team Work®]

كلمة واحدة بس اقولها ارحمنا يا رب ارحمنا يا رب

[مرموره]

أمين يا هيما :)

انا مقدرش أرد و لا أعلق بعد كلام حضرتك يا أستاذ أيمن بجد

أنا مش عارفه أشكر حضرتك أزاى بجد


و بجد شكرا لكل الاعضاء الى ردوا و مروركوا على الموضوع بجد نورتوه


بس كل الى عايزه أقوله هو كده الغلط بقى على البنت بس

بس البنت ملهاش اى زنب

محدش بقى يقجر يثق فى اى ولد

لان كل الى فى دماغهم مجرد لعب و تسليه

كفايه اووى ان فى ولاد بيسمحوا لنفسهم يلعبوا بقلوب بنات صغيره جدااا مكملوش 12 سنه حتى

ربنا يستر على اى بنت

و مستنيه رد بقيت الاعضاء

وشكرا جدا لردودكوا

:)

[aymonded]

سلام لنفسك ايتها المحبوبة في ربنا يسوع
أنا عموماً مش اققصد ابداً اقول أن الغلط على البنت لأنها معذورة من جهة أن يادوب مشاعرها تبدأ في التفتح والكلمة الحلوة بتأثر فيها كتيييييييييييييييييير جداً أكثر من اي عمر تاني وبخاصة في سن 12 سنة لفاية 16 ، دية فترة فيها المشاعر يادوب تبأ في الأنفعال والحس ولما تجد كلمة حلوة بتتأثر بقوة وليها وقع خاص عندها ، وبخاصة أول مرة تشعر بشعور غريب ولذيذ لأنها بتبقى سعيدة بقرب شخص منها يشعرها بأهميتها عنده ...

ولو رمينا عليها حمل الخطأ دوة ظلم حقيقي ليها فمن أين لها بالمعرفة أو القدرة على التمييز
أنا أقدر أقول ان المشكلة اساسها في التربية ، بمعنى أن لو كانت الأم صديقة حقيقية متفتحه مع البنت دون تسيب أو أحساس الأرهاب في مثل هذه الحالات مش كانت هاتفتح قلبها لأمها وتتناقش وتتحاور معها والأم بالحب تقدر توجهها دون أن تحطم مشاعرها وتكشف أمامها كل المواقف اللي فيها لعب وعدم إدراك دون جرح

وطبعاً المشكلة أكيد في الولد اللي بدوره بيندفع وراء مشاعرة ويحب يلعب لأنه لم يتعلم الحب الأصيل من والدية وتفتحهم وإرشادة وتوجيهه من الصغر للحب الحقيقي والألتزام الرجولي

عموماً آسف للتطويل واشكرك حقيقي على موضوعاتك الحلوة والجريئة التي لها واقع خاص على كل من يقرأها
النعمة معك كل حين آمين

[مرموره]

بجد يا أستاذ ايمن اا مش عارفه أقول لحضرتك أيه
بجد غير شكر جدا
و كلام حضرتك اكيد صح 100%
و حضرتك تتطول برحتك يا أستاذ ايمن
لان بجد كل كلمه من كلام حضرتك بنستفاد منها
شكرا بجد يا أستاذ أيمن :)

[aymonded]

بجد يا أستاذ ايمن اا مش عارفه أقول لحضرتك أيه
بجد غير شكر جدا
و كلام حضرتك اكيد صح 100%
و حضرتك تتطول برحتك يا أستاذ ايمن
لان بجد كل كلمه من كلام حضرتك بنستفاد منها
شكرا بجد يا أستاذ أيمن :)

العفو يا أحلى مرموره
على إيه يعني ، أنا مش قلت إلا من واقع خبرة تحدث أمام عيني والمشاكل دية مرت علي كتير وبخاصة مع أهالي كتير وكان الخطأ الأساسي يبدأ من الأم والأسرة التي لا تفي احتياجات الابن أو الأبنة النفسية والعاطفية لأنه جانب مهمل جداً
ودائماً نظرة الأهل القاصرة أنهم مجرد أطفال ودوة كلام فاضي مش مدركين أن دوة بالنسبة ليهم هم كأهل كلام فاضي ومروا به واجتازوا هذه المرحة وربما كان الزمن يختلف والظروف تختلف ، أما بالنسبة للبنت على الأخص حياتها وأملها وكنزها الخاص ومركز انشغالها وشغلها الشاغل والموضوع جد خطييييير
لأنه يا أما يبنيها ويجعلها تستوعب سر الحب الأصيل وتمضي في حياتها وتتقدم بأمان وثقة الحب لتنمو وتنضح في حالة سوية ، يا إما يتم تحطيم لكل غالي وثمين في عينيها وتحيا مصدومة محطمة صريعة تحت أقدام تجربة قاسية جداً لا ترحم شبابها الغض ورهف مشاعرها الحلوة التي تصطدم بواقع مرير ولا معين ، فلا تجد من يعينها في حطام نفسها وفقدان الثقة ، لا أم ولا أب ولا أخت أو صديق يعين
فتكره نفسها والدنيا كلها وقد تصاب بحالة نفسية ولا تحترم أي من حولها وتفقد ثقتها في الحب ويصير مصدر قلق وكره عندها ...

متى يستفيق الأهل ويعوا ويدركوا الخطورة التي تحيط بأبنائهم إن لم يستيقظوا ويقيموا علاقة سوية معهم أساسها الحب والثقة المتبادلة والقدرة على الإصغاء ...

وأنا اللي أشكرك حقيقي على كلماتك وموضوعاتك الحلوة وأسئلتك اللي نحتاج إليها جداً في هذه الأيام الصعبة
النعمة معك كل حين آمين

[مرموره]

العفو يا استاذ ايمن
ده كفايه ردود حضرتك على الاسئله الى بتفدنا كتير اوووووووووووووووووى
و لو على الاسئلة فى كتتتتتتتتتتيييييييييييييي ييييييييييييييييييييييييي ييييييييييييير

[كراكيب]

انا اولا بحب احيكي ع الموضوع الهام ثانيا انا باخد عليكي انتي ونانا كلامكم المتحامل علي الاولاد وان كنت بعذركم لتاثركم بالقصة ثالثا بختلف مع الاستاذ ايمن في ان اللي بيعمله الشخص بيبقي نتاج عامل نفسي وبيحب يسيطر وكده ممكن ده يحصل في بعض وليس كل الحالات بالنسبة لمين الغلطان فانا شايف ان اول الغلطانين واكثرهم بشاعة هو الولد اللي فعلا قتل جوة مشاعرها حاجات كتيرة وانا بواقع تعاملاتي مع اصدقائي ولان بيتحكيلي قصص كتير حقيقية ومن اصحابها فانا عارف قد ايه الانسان اللي بيتجرح سواء ولد او بنت بيتعب قوي لكن البنت في الغالب بتبقي اكتر لان في الغالب برده بيبقي حبها اصدق لكن برده مش دايما
تاني الغلطانين هنا الاب والام مينفعش ان الاب سيب البنت في السن ده تخش ع الشات او تمسك موبايل وده لان السن ده ومع اي تربية بطبيعته بيميل للجنس الاخر لان دي اخطر سن (سن المراهقة) او يخلوا جهاز الكمبيوتر والدش في مكان مكشوف مع المتابعة والمتابعة لاتعني الشك ولكن الحب والخوف الشات والدش مليانين بلاوي
وعلي فكرة اخر كلامي احب اقول ان البراءة موجودة بامانة عند الولاد انتظروا حكاية حقيقية من كراكيب هوضح ده

[اسامه]

شكرا ليكى يا مرموره على الموضوع الهايل ده ورايىء ان اللى يعمل كده شخص مريض نفسيا وليس عنده ضمير ان يستغل براءة طفله ليلعب بمشاعرها او ان يفتح عيناها على مواضيع سابقه لسنها يبقى ليس انسانا اصلا واكيد تربيته المنحرفه هى اللى اخرجته للحياه بهذا السلوك السيىء ربنا يسترها على بناتنا ويهدى الشباب اللى انحرفت دماغه واخلاقه عن الطريق الصحيح شكرا لموضوعك الجميل وربنا يبارك حياتك

[كراكيب]

مرمورة لماذ لاتردي نريد التعرف علي وجهة نظرك من الموضوع والتعليق علي ردودنا

[rikooo]

الناس فيهم الوحش وفيهم الحلو مش شرط ان الولاد وحشه ولا ان البنات وحشه , لو الواحد حاطط ربنا قدامه مستحيل يعمل كده

[عماد حسنى]

فعلا موضوع غايه فى الاهميه
وللأسف البنت بتكون الضحيه
ياريت اولا البيت والكنيسه وكل من يهمه الامر
انه يهتم شويه بموضوع توعيه البنات
اما بالنسبه للولاد اللى بيعملوا كده فطبعا ده اكيد بتكون عقده او نقص
وبيحاول تعويضه
ربنا يهديهم ويحافظ على بناتنا وكل اولاده
شكرا مرموره على موضوعك فعلا هام جدا جدا

[melanora]

ربنا يحمينا