ليه ربنا خلقنى كدا

[حياه صليب]

ممكن افهم حاجه
ليه ربنا بيخلق انسان شكله حلو وجميل ولكنه قصير القامه
وليه ربنا بيخلق واحده طويله وشكلها مش حلو
وليه ربنا بيخلق واحده طويله وشعرها اصفر وعيونها خضراء وطويله ولبقه فى الكلام ومؤدبه
ومن عيله
يعنى تعتبر افضل من الاتنين اللى انا ذكرتهم قبلها

ايه الهدف من كده

او (سامحنى يارب ) ايه العدل من ان ربنا يخلق دى جميله وطويله وعايشه حياته العمليه والروحيه بكل طاقتها ومستمتعه من ان عندها كل هذه المزايا

وان هذه البنت اللى طويله وشكلها مش حلو

(تعبـــــــانه نفسيـــــــــــا) وده بيبقى غصب عنها لان ممكن تعنس او ما تكلمش اولاد لانهم مش هيحبوا يكلموا اللى شكلها وحش
حتى لو روحها حلوه فانه قليل من ينظر للروح الجميله فاول ما يبهر الاولاد هو جمال الشكل

فاذ كانت البنت اللى شكلها جميل روحها حلوه
فهل الولد يترك او بلاش يفضل البنت اللى شكلها وحش مع ان روحها حلوه عن البنت الجميله اللى برضه روحها حلوه بالطبع لا فما بال هذه الفتاه عندما تجد ان جميع الاولاد يسطلتفون صحبتها ذات الشكل الجميل وروحها الحلوه
بالطبع هتكون زعلانه لانها مش مستمتعه بحياته كزميلاتها والحياه بتتعاش مره واحده

وايضا ماذا تكون نفسيه الولد قصير القامه اللى ما يقدر يحس باى حب من ناحية البنات ويعاملونه بشفقه او هو يحس بذلك لان ببساطه مش معقول ان بنت طويله جميله هتحب واحد قصير القامه مهما كان يمتلك من جمال فانها تريد رجلا يحميها ومش معقول انه ينتظر الصدفه لما تعرفه على بنت قصيره
فكيف يستمتع بحياته وهو حاسس طول الوقت بالعجز ده انه قصير
(سامحنى يارب ) ما العدل او الحكمه فى ذلك
مع ان هؤلاء الزملاء الذين عرفتهم من 10سنوات يشكرون الله ومنهم يقول ما باليد حيله
ولكن اتسأل
لماذا لم يخلقنا الله طوال القامه وشكلنا جميل
وبرده هيبقى فى اختلاف فى الجمال والطول
وليه ربنا بيختار هؤلاء لكى يخلقهم قصار او شكلهم مش حلو


اريد جواب ورد بسرعه
هذه الاشياء من واقع الحياه والحمد لله انى طويل وشكلى حلو ...

ودا أسئله ممكن تدور فى فكرنا
وفى الاخر هقول
بحبك يارب ياقوتى

[جناح المسيح]

حلو قووى الموضوع ده بس الموضوع ده بتاعى انا جناح المسيح
وكاتبه فى صداقة القديسين
بس على العموم مش مشكله المهم انك بتعرض السؤال بتاعى فى المنتدى ده برضه
بس ارجوك ابقى اكتب على اى شئ تنقله
(كلمة منـــــــــــــــــــــــ قول))))))))....جناح المسيح ..انطونيوس جرجس...

[حياه صليب]

هذا الموضوع منقول

[عماد حسنى]

والحمد لله انى طويل وشكلى حلو ...
بكلمتك دى انت عقدت المشكله ماكنش ليها اى لزمه تتقال بعد كل الكلام الكويس ده
وعموما الموضوع فعلا جميل لكن ما ابعد احكامك عن الفحص
ربنا حكمته واسعه جدا جدا
وممكن يكون كلامك كله صح جدا
بس من يصبر الى المنتهى فهذا يخلص
ممكن اوى يكون قصر القامه او تواضع الشكل ممكن جدا يكون صليب من ربنا لصاحبه ويشوف هيتذمر ولا هيكون موافق على ارداده ربنا
لان فى الاول وفى الاخر الشكل والقامه وكل اللى انت طرحته هو من صنعه يد الله
ولو شوفنا بعين الله هنشوف كل شىء جميل
شكرا جدا جدا على الموضوع وشكرا جدا جدا لصاحب الموضوع الاصلى

[الناى الحزين]

كلام عماد طبعا صح وجميل
وانا احب اضيف عليه حاجه صغيره
ان ربنا بيدى كل انسان شئ جميل واخر لا لكن الاتنين متساوين بمعنى
ان ممكن انسان يكون عنده مال وجمال وعنده كل حاجه تخليه فى نظر الاخرين محل اعجاب
لكن ينقصه مثلا العشره مع الله او يكون انسان ليس من اولاد الله لكن من الولاد العالم
ويكون هناك شخص فيه عيوب من وجه نظر البشر انها عيوب مثل قصر القامه او غير وسيم مثلا
لكن قريب من الله وعايش معاه

ايهما سيكون افضل


اعزرنى يا صديقى
الله لا يفرق بين انسان واخر ولا يميز بين هذا وذاك ارجوا ان اكون قد اوصلت اليك المعلومه وربنا يباركك

[elphilasouf]

وانا مع كلام عمده والناي
فعلا عندهم حق

اصل ربنا مخلقناش كملين هو ادانا حجات معينه
بس مش كل حاجه
ومع ذلك الناس كلها الحجات الى اخدها دي اد
بعض بالزبط

يعنى كل واحد 24 قيراط يخدهم بقى صحه طول
محبه حلاوه مش فارقه دي الى بيحددها ربنا

وكده ربنا عادل وهم مش ممكن يكون ظالم خالص

[b o b b a]

انا مع كلامكم برده
شكرا علي الموضوع

[نبيل نصيف جرجس]

كلام ناى مظبوط ربنا خلقنا فى احسن صورة
وصدقنى هقولك على حاجة اعرف واحد جارى هوة بيزاكر كويس اوى ربنا يعينة
ويبارك فى ثمرة تعبة بس هوة طبعة انة منعزل مش بيعرف يكلم حد وان حد كلمة وشة يحمر ومش يعرف يرد
صدقنى ربنا بيكمل الناس ببعضها وكل انسان ربنا اعطاة موهبة ووزنة لازم يستخدمها من اجل اسمة القدوس ربى يسوع يبارك حياتك

[maro2]

اولا انا بشكرك ع موضوعك وسؤالك

بس عاوزه اقولك ان ربنا عااااااااادل جدااااااا ومش يفرق بين واحد والتانى بس لو ربنا خلق البنت الطويله الجميله اكيد هيخلق حاجه مش كويسه فيها يعنى مش فيه انسان ف الدنيا كامل بس ممكن تكون البنت الطويله اللى روحها حلوه ومن عيله ومرتاحه نفسيا جايز تكون دى حاجه مأقته يعنى لما يكبر بيها السن مش تبقا كده خالص والبنت القصيره اللى روحها حلوه بردو ممكن جدا تبقا جميله لما يكبر بيها السن مش شرط ان القصيرين مش حلوين. وانا معاك ف ان البنت الجميله كل الولاد بتجرى عليها بس المهم روحها من جوه لو كانت مش كويسه يبقا مش فيه حد هيصاحبها يعنى لو هى جميله اكيد الولد هيتجنن عليها وهيكلمها بس لما ياجى يقربلها ويعرف طبيعة تفكيرها وتصرفاتها مع الناس مش كويسه اكيد هيحاول يبعد ومش هيفكر انه يرتبط بيها خااالص يعنى الحلاوه حلاوة الروح زى مابيقولو بس كل اللى عاوزه اوصلهولك ان دى ارادة ربنا وان ربنا خلق كل حاجه ف الدنيا دى بحكمه وهو عارف كويس بيعمل ايه مش هناجى احنا نقولو ليه ياربى خلقتنى كده مش زى فلان او فلانه بس ربنا بيميز كل واحد بحاجه معينه بس ممكن الميزه مش تظهر ف الوقت نفسه.يعنى من الاخر دى ارادة يسوع وهو عارف خلقنا ليه بشكلنا ده دى حكمه من عند الله ف احنا مش نرفضها ونشكره عليها


وكفايه بقا كده علشان عرفاك ادايقت منى ههههه

مرسى اوى للموضوع

[بنت الراعي]

طبعا كل الكلام اللي تقال جميل جدا وصح اوي
بس احب اضيف حاجه صغيره
كل حاجه ربنا بيديهالنا دي وزنه
وراجع مثل الوزنات هاتلاقي ادي واحد 5 وواحد اتنين وواحد واحده
لكن اما جه يحاسب حاسب ابو اتنين زي ابو خمسه فرح بيهم اد بعض
ولو كان حد فيهم عمل زي ماعمل صاحب الوزنه الواحده كانهايتحاسبوا برده
يعني ربنا عادل جدا جدااااااااااااااا
لكن احنا مش شايفين عدله ده لاننا غالبا مش بنشوف غير اللي ناقصنا
لكن اللي ناقص الاخرين مش بنعرفه
يارب تكون الفكره وصلت
وميرسي ليك ولصاحب الموضوع
وربنا يعوضكم ويبارككم