شخصيتك فى المنتدى هى هى شخصيتك فى الواقع ؟؟ أذا كنت صريح أدخل رد

[مرموره]

(موضوع هام تم نقل الفكر للامانه )
بكل صراحه
هل الشخصيات التى نظهر بها في المنتدى تطابق شخصياتنا الحقيقية ؟؟؟

سؤال يحتاج الى جرعة من الشجاعة والجرأة للإجابة عليه
وبكل صراحه
هل حقاً نحن كما يرانا الأخرين من خلال ما نقدم ونطرح !!!

وبكل صراحه
هل حقاً شخصياتنا خالية من العيوب والأخطاء كما هو
واضح عند مناقشة أي موضوع يقدم نقد لأي سلوك أو تصرف
غير سليم ترانا نتبرأ من هذه السلوكيات وكأننا لم نسلكها
أو نعرفها مع اننا ممن يقوم بهذا السلوك ......



وهناك المواضيع الاخرى التى تطرح ونقدم فيها الشخصية المثالية التى
تمثلنا في المنتدى وهنا يتجلى لنا التناقض
الكبير بين ما نقدم وبين ما نسلك في الحقيقة !!!!!!!!!!!!!!!!


اليكم بعض التساؤلات :- بكل صراحـــــــــه

السؤال الاول

بنسبة كم في المائة تمثل الشخصية الحقيقية من شخصيتك بالمنتدى ؟؟؟

السؤال الثاني

ماذا قدمت لك الشخصية المثالية ( شخصية المنتدى ) ؟؟؟


السؤال الثالث

وهل أثرت على سلوكك العام ؟؟؟؟


السؤال الرابع

والى أي مدى تشعر بانتمائك لها ؟؟؟؟


السؤال الخامس

ما هي اسباب اختلاف شخصيتك الحقيقية عنها في المنتدى؟؟؟


السؤال السادس

هل فكرك الذي تطرحه وتجادل لنصرته هو ماتؤمن
به حقا أم أن هناك أمر آخر يدفعك اليه ؟؟؟


من لديه الجرأة.. ليجاوب على هذه الاسئلة..
ومن هو ليس واثق من مدى اختلاف شخصيته في المنتدى وفي الحقيقة

فليعلق على هذا الموضوع ، فمهما يكن لانستغني عن آرائكم ......

كما اود ان ارى تفاعلكم ..ولكم الحرية في مناقشة اي عضو رد على هذا الموضوع

[Team Work®]

انا هارد بحاجة واحدة بس وهى ان اللى شافنى هايقول ويجاوب انما انا لا انطق ولا اقول

[aymonded]

عموماً هاجوبك وأمري لله


وبكل صراحة
هل حقاً شخصياتنا خالية من العيوب والأخطاء كما هو واضح عند مناقشة أي موضوع يقدم نقد لأي سلوك أو تصرف غير سليم ترانا نتبرأ من هذه السلوكيات وكأننا لم نسلكها أو نعرفها مع إننا ممن يقوم بهذا السلوك ......


أولاً مستحيل يكون في شخصية مهما بلغت من كمال على الأرض تخلى من العيوب ، حتى وأن لم تدركها ولكن هناك عيوب خفية لا تظهر إلا بفحص القلب في نور الله بدقة


إليكم بعض التساؤلات :- بكل صراحة

السؤال الأول

بنسبة كم في المائة تمثل الشخصية الحقيقية من شخصيتك بالمنتدى ؟؟؟
أقدر أقول بنسبة 90%
لأنه مستحيل حد يعرفني من خلال كلماتي فقط فمهما تكلمت فلن تظهر شخصيتي بالتمام ...

السؤال الثاني

ماذا قدمت لك الشخصية المثالية ( شخصية المنتدى ) ؟؟؟
تقصدي المنتدى قدم لي إيه من جهة المثال الأعلى فيه
(( هو المنتدى أخرج من داخلي طاقة الحب الحلوة ليكم كلكم وفي نفس الوقت أدى إلى تعارفي على الجميع لأن بطبعي أحب يكون لي إخوة أحباء فعلاً ، ده طبعاً غير المناقشة المفيدة مع الأعضاء وجميع من يتفاعل معنا هنا فدائماً يلفتوا نظري لأشياء كثيرة وبعضها جديد لي من جهة الخبرة ، وبدون مبالغة أثر في كلام الأعضاء كثيراً جداً في بعض الموضوعات والردود ... ))


السؤال الثالث

وهل أثرت على سلوكك العام ؟؟؟؟
في بعض الموضوعات والمناقشات أثرت حقيقي ونبهتني لأشياء مش كنت واخد بالي منها ، وغيرت طريقة تفكيري في بعض الأشياء ...


السؤال الرابع

والى أي مدى تشعر بانتمائك لها ؟؟؟؟
مش فاهم السؤال تقصدي إيه بالانتماء هنا !!!!
هل للمنتدى كمثل أعلى يعني والا الموضوعات والا شخصية معينة مش فاهم معلشي !!!

السؤال الخامس

ما هي أسباب اختلاف شخصيتك الحقيقية عنها في المنتدى؟؟؟
لأ هو مش في خلاف على ما أظن – إلا لو كان في حاجة أنا مش واخد بالي منها – واعتقد أسلوبي وحياتي لا تختلف عن وجودي فيه وكلماتي فيه


السؤال السادس

هل فكرك الذي تطرحه وتجادل لنصرته هو ما تؤمن به حقا أم أن هناك أمر آخر يدفعك إليه ؟؟؟

هو بصراحة تامة أنا حقيقي مش با عرف اكتب أو اقرأ حتى أو أتكلم أو حتى أرسم أو أصمم شيء إلا لو كان له أثر خاص عندي وقوي
حتى إن الموضوعات اللي مش بتأثر في مش اعرف أرد عليها ، وان رديت من أجل التشجيع مش يتعلق منها حاجة في ذهني

أما بالنسبة أني أجادل لنصرته :
مش اعتقد أني أحب المجادلة من أجل نصرة ما أؤمن به ، لأني دائماً في الأساس أؤمن بالحرية والاختيار الحرّ ومش اعتقد أن لي كلمة مع حد على صفحات المنتدى أو معرفة من فيه ، كانت مجادلة أو إصرار مني على رأيي أو أن حد يؤمن بما أنا أؤمن به من أفكار أو تصرفات ...

الله يسامحك يا مرموره أرهقتيني جداً دوة أصعب من كرسي الأعتراف اللي دبستيني فيه

[مرموره]

ههههههههههههههههههههههههه هههههههههههههههه

بس بجد شكرا ليك يا هيما على ردك

و شكرا جدا جدا على صراحة حضرتك يا استاذ ايمن
يارب باقى الاعضاء يشركوا معانا


شكرا بجد لمشركتكوا فى الموضوع :)

[aymonded]

السلام لنفسك يا محبوبة ربنا يسوع
انا بصراحة مش كنت عايز ارد واترددت كتيييييييييييييييير
ولكن - رغم من أني أرهقت جداً ولكن اللي خلاني أجاوب علشان الناس تشارك معانا هنا ونكون صرحا مع بعضنا البعض على أساس أننا إخوة أحباء وممكن او حد محرج يجاوب يجاوب في إطار عام حتى أو على احدى الأسئلة

شكراً على موضوعاتك المرهقة جداً
النعمة معك كل حين آمين

[kiko]

انا لية رائى اخر ممكن اقولة طب ميرسى ههههه

بس ياستى اولاااا ااناااا بشوووف ناس كتيرجداااااااااااا
نظاااااام بتتقمس شخصية الوداعة والتواضع والبركة الكبيبرة والخ بس ممكن تكووون فى الحقيقة مش هى دى شخصيتة
بس عرفين ممكن من كتررر ماالشخص دة تقمس هذة الشخصية يوصل لدرجة انوة يتعلم من هذة الشخصية المزيفة التى يتعااامل بهاا فى النت ويتعلم الكثيرررررررررررر منهم ضعفى
ممكن ابقى على النت حااااجة وفى الحقيقة حااااجة تانى خالص بس
الصراااااحة تعلمت الكثيرررررررررررررررررررر رررر مما كنت اذن
بس كدة

وميرسى مرمورة بجد انتى موضوعاااااااااتك الجميلة دى ومنقشاااتك الكثيرة جميلة جداااااااااااااااا
وبزااات بقى لماااا يدخل الموضوع شخص جميل زى
استاااذ ايمن هههههههههههههههش

[مرموره]

شكرا جدا يا استاذ ايمن بجد انا مش عارفه أقول لحضرتك ايه
بس يارب حد يتشجع و يرد :)

[مرموره]

شكرا لردك يا كيكو بجد
وطبعا استاذ ايمن نور الموضوع
و انت نورته كمان يكيكو و ميرسى لصرحتك بجد :)

[menagamal1987]

شكراً يا مرمورة على الموضوع دة لأنة موضوع أكثر من رأئع وغير تقليدى وبيخلى الواحد يقف وقفة مع نفسة حول شخصيتة مابين الواقع والمثالية وبجد أنا باسميكى وحش المنتدى علشان موضعاتك دية انا مش عارف بتجيبى الأفكار دية منين الواحد قرب يتعقد ههههههههههههههههههههههههه ههههه.
بالنسبة رأئى فى الموضوع دة أنا متفق مع ردود زمالائى أن مفيش شخصية متكاملة وأن كل شخصية جواها نقطة ضعف بتحاول تبعد عنها أو تكملها.فأحياناً يكون الشخص بيعانى من مشكلة معينة ولما تتطرح على النت يبدى ردود أيجابية هوفى الحقيقة مش قادر يحققها,وعلى العكس ممكن تلاقى شخصية واضحة وصريحة ماشية فى طريق واحد ورأيها ثابت وشخصيتها ثابتة , فأختلاف الشخصيات شىء طبيعى فنحن لم نخلق على صفات واحدة. وعلى العموم مهما كان الأنسان بيحاول يغير فى شخصيتة بس بتوجد هزات فى شخيتة بتعبر عن شخصيتة الحقيقية وعلى رأى المثل الكدب مالهوش رجلين.
وبعد كدة الأعتراف بالأخطاء عمرة ماكان ضعف بل بالعكس المفروض الأنسان المفرض يعرف رأى الناس فى مشاكلة لان الأنسان بطبيعتة كائن أجتماعى ميقدرش يعيش وحدة ولا يحل مشاكلة وحدة.

[مرموره]

شكرا لردك على الموضوع يا مينا
ونورته و ميرسى لردك :)

[melanora]

بنسبة كم في المائة تمثل الشخصية الحقيقية من شخصيتك بالمنتدى
بنسبة 90% لانة فية حاجات احب احتفظ بيها وبعدين لايمكن حد يعرفني بجد الا اذا تعامل معايا شخصيا ومش مدة قليلة
ماذا قدمت لك الشخصية المثالية ( شخصية المنتدى ) ؟؟؟
ماذا قدمت لك الشخصية المثالية ( شخصية المنتدى ) ؟؟؟
بصراحة خلاني اتكلم واتكلم كتير واقول راي بصراحة واستفدت من باقي الاراء واعرف الاخطاء اللي في ارائي
وهل أثرت على سلوكك العام
بصراحة اه لانها عرفتني معلومات كتير ونبهتني لحاجات كتير وخلتني تعرف مش علي معموعة افكار بل الاف الاراء
والى أي مدى تشعر بانتمائك لها ؟؟؟؟
للمنتدي يعني لدرجة كبيرة
ما هي أسباب اختلاف شخصيتك الحقيقية عنها في المنتدى؟؟؟
لا مش مختلفة لانة محدش يقدر يمثل ولو قدر مش علي طول لانة اكيد كلامة هيبين شخصيتة مهما كان ومهما حاول يكون مثالي في ارائة
هل فكرك الذي تطرحه وتجادل لنصرته هو ما تؤمن به حقا أم أن هناك أمر آخر يدفعك إليه ؟؟؟

لا انا وبامانة كل اللي بقولة بؤمن بية
وميرسي بجد لمواضيعك الرائعة دي

[brbatora]

:em17::em17:انا مش هجوب بس
ودة لاني مش عرفة ارد ولكن لاني عرفة نفسي مش محتاجة اختبار علشان اعرف نفسي
وبعدين المنتديات مش بتوضح الشحصية اوي يعني مثلا مش هقول انا عيبي كذه انا عندي عيوب انا عرفة اية يعني

[abanoobwadie]

من الاخر
انا اعتقد ان معظم الشباب الذين لا يستطيعون مواجهة هذا العالم والتعامل معة
يقومون باستخدام الانترنت وسيلة للتعبير عن الذات والتنكر داخل شخصية يتمنون ان تكون شخصيتهم
وباقى الشباب يستخدمون الانترنت للتعرف على الفتيات
ومعظم شباب الانترنت يكون عاطل او مريض نفسى
وانا اعتقد ان الشباب الذين قامو بالرد على هذا الموضوع هدفهمالحقيقى هو التعرف بحضرتك وانا احدهم وشكراااا

[abanoobwadie]

ياريت محدش يزعل من الرد بتاعى لكن دى الحقيقة وانتم اللى طلبتو الصراحة
وعلى فكرة الموضوع هايل ودى اول مرة ارد على موضوع

[brbatora]

لي فكرة انت تحليلك دقيق اوي
فعلا انا بقول هنا كلام سعات الناس ممكن متقدروش زي مثلا لو قلت انا عيز ة اعمل علاقة مع ربنا الناس تقول اية دور القديسة دة ولكن المظاهر والمسكات كتير فعادي انا ممكن اقول اية الشخصية دية ويبقي االرد مش عجبني لكن اللة زي الفل حلو من الاخر مش بظهر انا تعبيري اية او الحقيقة

[elphilasouf]

عجبنى جدا ردك كيكو .. فعلا الانسان ممكن من كتر ماهو بيتقمص الشخصيه المثاليه يبصبح مثالى او ع الاقل هيتأثر بيها
بس يمكن السبب فى كده انه هو من جواه او طباعه مثاليه ومش عارفه تطلع فى العالم الخارجى.. يمكن !!

من الاخر
انا اعتقد ان معظم الشباب الذين لا يستطيعون مواجهة هذا العالم والتعامل معة
يقومون باستخدام الانترنت وسيلة للتعبير عن الذات والتنكر داخل شخصية يتمنون ان تكون شخصيتهم
تعليق ابانوب جميل كمان شدنى جدا .. انا يمكن اكون واحد من الناس دي
النت مفهوش مواجهه كبيره اوي زي العالم .. واعتقد برضه ان ده مش عيب ابدا ...:) ويمكن بالتدريج الشخصيه تتحول لحقيقه او تكتشف ان دي ذاتك وشخصيتك من الاول وانت مكنتش عارف عمتا هجاوب ع الاسئله
وميرسي جدا جدا ليكى يا مرموره ع موضوعك الرائع جدا جدا ده

بنسبة كم في المائة تمثل الشخصية الحقيقية من شخصيتك بالمنتدى ؟؟؟
دلوقتى 90 فى الميه



ماذا قدمت لك الشخصية المثالية ( شخصية المنتدى ) ؟؟؟
مممم أثرت فيا كتير ومتهيالى انها اظهرتلى " ذاتى المخفيه "

وهل أثرت على سلوكك العام ؟؟؟؟
أينعم

والى أي مدى تشعر بانتمائك لها ؟؟؟؟
هى انا وانا هى

ما هي اسباب اختلاف شخصيتك الحقيقية عنها في المنتدى؟؟؟
مفيش اختلاف كتير بس يمكن الحريه او عدم المواجهه زي ماقال ابانوب تكون سبب لو فى اختلاف

هل فكرك الذي تطرحه وتجادل لنصرته هو ماتؤمن
به حقا أم أن هناك أمر آخر يدفعك اليه ؟؟؟
اها طبعا ده فكري الخاص الحر

[monanana]

مبنقولش ان شخصيتنا خالية من العيوب لكن مش اى موضوع بردعليه فى المنتدى بامكانه انه يوضح عيوبى لكن كمان كلامنا فى المنتدى بيكون مليان بالمجمالات اللى كتير منها مش حقيقى زى انى اشكر فى شخص معينبرغم انى مش عارفاه شكرا على الموضوع